Video
3-min walk from Exit L5, Tsim Sha Tsui / East Tsim Sha Tsui MTR Station
continue reading
Telephone
55124691
Opening Hours
Today
10:00 - 21:00
Mon - Fri
09:00 - 21:00
Sat - Sun
10:00 - 21:00
Above information is for reference only. Please check details with the restaurant.
尖沙咀隱藏版越南餐廳，越南主題cafe,今日我來到尖沙咀一間超有特色的越南主題Cafe——NON CAFE！“Non”在越南話是草帽的意思，充滿地道越南風情！餐廳其中有滴漏咖啡、蛋咖啡都係當地特色飲品。餐廳設計好簡約清新，純白牆同木質傢俬，仲有越南草帽點綴，感覺好似去咗越南街頭小店！環境好Chill，好舒適寫意，啱晒同朋友hea下或影靚相！越式安格斯牛肉湯河嫩滑的安格斯牛肉，肉質鮮嫩，富有嚼勁。湯底清透香甜，加入香草同香料，令風味更加層次分明。搭配新鮮的河粉，每一口都讓人感受到越南的熱情。越式札肉湯河札肉的風味獨特，湯底清甜，清爽而不油膩。河粉吸收了湯汁的精華，讓整道菜品更加美味。這道菜令你體會到越南的家常味道，令人倍感溫馨。鮮奶抹茶抹茶愛好者的夢想，濃郁的抹茶香氣與柔滑的鮮奶完美結合，口感順滑且不過於甜膩，上面點綴的抹茶粉更增添了一絲視覺美感。白雪青檸沙冰沙冰清新解暑，青檸的酸爽與糖漿的甜蜜形成絕妙平衡，口感冰涼，適合在炎熱的夏季享用。每一口都讓人感受到清新的活力，仿佛置身於越南的熱帶陽光之下。NON CAFE真是一個隱藏喺尖沙咀嘅越南小天地！想試正宗越南咖啡同美食，記得嚟。
continue reading
呢間尖沙咀內街嘅越南菜cafe真是一個驚喜！同平時去嘅越南餐廳唔同，呢度白色田園風，仙氣滿滿，超girly又好打卡，但又完全保留晒越南菜嘅原汁原味，成個dining experience真係好有驚喜！我同朋友最近嚟食咗個簡單下午茶，見到有越南蛋咖啡真係好心動，但驚飲完會失眠，就試咗蛋椰可可（Egg Foam with Coconut Milk Cacao），同蛋咖啡一樣咁甜咁滑，超正！Menu入面飲品選擇多啲，但小食同main course都好夠款，素食menu仲有素越式扎肉包（用綠豆同蘑菇整），夠晒味！用QR code落單仲可以話唔使荽茜，超方便。店員有俾辣醬我哋試，但包入面嘅餡料已經好夠味，根本唔使加！最正係米紙蝦卷，朋友話蝦餡最吸引，果然冇失望！米紙皮薄到透光，蝦又圓碌碌有光澤，咬落好彈牙，每啖都想慢慢食，唔捨得咁快食晒！平均每人消費大概HKD 100，坐得舒服又傾得開心，食物好味，location又易搵，性價比真係高！想試越南菜又想chill嘅朋友，呢間cafe絕對係靚選擇！
continue reading
咁啱平日放假經過路經呢間越南CAFÉ，入面裝修好靚，真係有秒回峴港感覺！Non越南話解做草帽，呢樣野真係最Signature！今次同朋友除左叫左D早餐，仲叫左個PHO share食！🔶越式安格斯牛肉湯河粉 $108因為只叫一碗Share，額外再叫左牛𦟌、生牛肉，一次過食嘅幾款餸！餸菜好足料，牛𦟌炆得超級軟腍，入口即化咁制，生牛、安格斯牛肉都唔錯，肥瘦分佈OK！湯底偏向清新帶D牛肉香，飲落好舒服！🔶牛油果煙三文魚牛角包 、半份越式五花腩法包 $58平日會有幾款早餐提供，本身想叫個Yogurt Bowl，但咁啱當日供應唔到。即叫即整，牛角包、法包上枱都係熱辣辣。牛油果、煙三文魚呢個配搭真係冇得輸，食落輕盈冇負擔！法包個肝醬幾特別，同之前食過嘅味道有D唔同，但都係好食，個包好脆！🔶Coconut Affogato/Snow Lemon Smoothie +購 $34飲品本身大約6X/杯，但呢個早餐就可以加購價，所以一定要叫！一開始打算叫蛋咖啡，但見到椰子雪糕咖啡真係忍唔住！睇到好靚，冰凍咖啡＋熱濃咖啡，雪糕中溫左咖啡苦味，我會話呢個更似係一個甜品！呢外個杯檸檬Smoothie都好正，甜度剛好，有D HERBS清新，檸檬酸甜，超解渴又Refreshing，夏天飲真係透心涼！🌟總結：環境好靚，絕對可以打卡，過黎飲杯野食下甜品！
continue reading
☕️香港咖啡店就大把，但係主打「越南咖啡」嘅店就比較少，今日同大家飲「越南啡」，「NON」= 越南話🇻🇳草帽嘅意思，呢間店由越南夫婦打理，等我試吓味道先？🔥ᴍᴜꜱᴛ ᴛʀʏ🍳Ha Noi Eggs Coffee☕️ 河內蛋咖啡 $60羅布斯塔Robusta咖啡豆以蜜處理處理，沖出嚟係好香濃嘅炭燒咖啡，面層就充滿精心炮製嘅蛋醬汁，入口充滿蛋黃香氣，本身「蛋咖啡☕️」將蛋黃同糖、煉奶同羅布斯塔咖啡混合，但呢隻咖啡並唔會太甜，混合一齊口感更加絲滑，忌廉味嘅濃郁芳香一併擁有，建議混合一齊飲，值得一試！☕️Americano 美式咖啡 $38（cold）原來呢度咖啡豆都有兩隻，所以啡底略有不同，呢款就走精品咖啡路線，入口走果香風格，有少少橙色水果風格，問返咖啡師原來Ethiopia 加哥倫比亞🇨🇴，呢隻豆沖出嚟都唔錯！建議試吓佢哋嘅早餐 🍳，（只限平日供應）都幾抵食 ，點早餐叫咖啡仲有半價！🧡半份扎肉法包 🥖$52法包入面加咗甜甜地嘅免治肉，仲有香氣撲鼻嘅豬肉鬆、蔬菜🥬、扎肉，所以感覺整體都幾豐富，法包微脆，但唔會太硬身，所有材料一齊食都唔錯！🍎🥭生果乳酪 $68以我最鍾意嘅希臘乳酪做底，芒果🥭碎碎非常香甜，香蕉啱熟，🍎富士蘋果比較爽口，呢隻乳酪好食又有益！（建議加返平常見嘅藍莓或者士多啤梨，七彩繽紛可以令人增加食慾！）🐃生牛肉湯河 $88呢個湯河味道唔錯，值得一食！湯河份量都好多，女仔都食唔晒，湯底味道好清甜，唔會加太多味精，河粉亦都算滑溜，牛肉薄切質地偏肥，建議加少少辣感覺更好味！
continue reading
今日經過試一間越南🇻🇳主題嘅cafe，有不少越南的特色菜～生牛肉越式湯河(88hkd) 湯好夠滾燙，將薄切新鮮牛肉慢慢焗至半熟，粉嫩軟腍，幾有牛味，湯底清得來又夠味，河粉順滑，吸晒湯汁精華，加上新鮮羅勒、芽菜同辣椒，不錯😌Non Shrimp Roll（68hkd）米紙蝦卷真是一個清新又正嘅小食，新鮮大蝦爽口彈牙，包喺薄薄嘅米紙入面，仲有清脆嘅生菜同粉絲，食落去每一啖都好fresh，點少少魚露醬，食起嚟冇負擔又飽肚，酸甜口味夏天食尤其過癮！熱河內蛋咖啡(60hkd)香港搵到蛋咖啡嘅地方真心唔多，呢款咖啡層次分明，上層係Creamy嘅奶油，入口絲滑，甜度剛好，下層係濃郁嘅咖啡，先單獨試上層奶油，再試下層咖啡嘅濃烈，最後攪勻一齊飲，飲落去初時甜香，慢慢散發一陣陣回甘嘅甘苦，有餘韻～凍鮮奶抹茶(53hkd）甜度較低，飲落清爽冰涼，我每次去Cafe必點見到早餐餐牌仲有抵食越南法包、牛角包🥐同埋鬆餅，下次經過都想試試！
continue reading