餃掂手工餃子雲吞專門店

Open Now

Now Closed

排了一陣先食得呢間名店，總是有條龍在外。松露餃香口好食，韮菜餃一般般。黃金蛋有幾層口感與味道，流心蛋甜甜滑滑的。分量頗細，食完都唔飽，建議加麵。服務也勤快，整體不錯。

成日聽同事講「餃掂」嘅餃子🥟點好食，今晚假期前夕，就去左銅鑼灣果邊接阿女放工，順便行過去餃掂，睇下係咪真係咁好味呢🤔。7點幾已經要係門口等位，差唔多等左15分鐘，終於可安排入坐啦；餐廳乾淨衛生，食具同調味醬擺放整齊，真係令食客食得好放心。睇睇餐牌，有肉餃、素餃，煎餃、蒸餃。餃子🥟 餡料選擇非常多，仲有幾款湯麵🍜同小食供選擇。🌶四川粉皮 - 粉皮滑嘟嘟，呢個涼拌好岩咁熱天時食，個汁辣辣地，粉皮又凍凍地，仲有好多花生粒、青瓜絲同蔥花，另整個涼拌更香口同增加口感😋。🥒回味手拍青瓜、蔥味酸辣雲翠雲耳青瓜青脆，個醬汁帶微辣；雲耳爽口，醬汁酸酸辣辣，以上三個涼拌真係好醒胃架😋。 🥟韮菜豬肉煎餃、🥟元貝豬肉餃 - 皮薄、餡料十足，成隻餃子脹卜卜、煎過後外皮脆脆，但入邊餡料仍保持濕潤。🥟韮菜豬肉餃，韮菜同豬肉比例岩岩好，韮菜好鮮嫩唔會有渣，啖啖都食倒韮菜獨冇嘅香味。🥟元貝豬肉餃，可能有元貝關係，令豬肉更加鮮甜，而且仲勻入小許芹菜粒，增加餃子香味😋。蜂蜜檸檬意米水 - 冰凍解渴消暑之餘又有益，可以去水腫，健脾胃，好有益架😋。

我呢D懶人，鍾意食肉但又唔鍾意食骨，然後又大食最岩食咩？餃子真係可以話滿足晒我三個願望龍鳳松茸雙煎餃唔好以為食餃子都係cheap野，其實都可以食得矜貴又招積呢個龍鳳松茸雙煎餃就係用左黑同白既松茸做餡而整食每一件都有滿滿既松茸，每一啖都係滿滿既松茸香而且呢到既煎餃煎既水準好高真係做到外面香脆，同時又保留到入面既肉汁元貝餃子麵餃子麵既麵身較柔軟易入口，而且索晒酸酸味味好開胃既湯底餃子我加左8蚊轉左元貝餃，令餃子增添左唔少鮮味龍鳳蛋估唔到連食蛋都可以咁矜貴淡淡既蛋香同埋松茸唔會互搶味道流心蛋口感又CREAMY 極力推薦大家落呢個四川辣椒醬佢辣度唔會太辣，但佢辣中帶香，香中帶麻，好有層次不論係用黎點餃子定落麵食都一流最後忍唔住加多左一份龍鳳松茸雙煎餃咁樣先兩舊幾水抵食

佢既餃子大只紮實啖啖肉個人最推介芫茜餃 市面好小見 味道一流夠清新松茸都超正 真材實料 好香好惹味最後係佢個9鼎湯 冇味精 次次都飲左一大半不過環境唔算舒服 幾迫下 最好等非繁忙時間去

餃掂.呢排終於開返劇場， 壽臣劇院睇完劇，同朋友嚟呢度食餃子。黑松露一向都係我嘅最愛，所以呢度嘅招牌特色絕對啱晒我！.龍鳳松茸雙灼餃 $86/8隻+湯所謂龍鳳餃其實係豬肉餃分別配白松露同黑松露，黑松露味道好出，白松露就鮮味啲🥰視乎個人鍾意重口味定係鮮味，灼餃就可以好食得出松露嘅真正味道！.呢set灼餃仲配埋湯😍佢叫狀元九鼎湯，其實係粉葛排骨同唔同嘅魚一齊煲嘅足料湯，聲稱冇落味精🤭飲完又真係冇眼瞓冇口乾👍🏻中湯養顏保健最好飲！.韭菜豬肉餃 $47/7隻覺得要評論餃子係咪真係好食，真係要試吓最原始最正宗嘅韭菜豬肉餃，韭菜煎得好香，豬肉嘅味道亦都好鮮好夠，餃子皮煎得香脆， 咬落去係脆卜卜，而且韭菜豬肉富有肉汁，所以除咗餡，煎得靚唔靚都決定咗餃子嘅成敗！.香煎軟心芝士餃 $55/7隻最後呢個芝士餃，內裏有芝士粟米等餡料其實都幾豐富，鍾意傳統餃子嘅人未必會鍾意芝士餃，但係呢一個一定係小朋友嘅最愛！因為咬落去煙煙Un Un咁樣，行中帶少少芝士嘅香甜，幾過癮！.同一般餃子店唔一樣，呢度裝修比較光鮮乾淨，店員服務態度都唔錯，鍾意棋你嘅朋友可以嚟呢度食餃子😎

路經灣仔，想食清清地，本身都係餃控，見環境乾淨企埋，門口仲有蔡瀾合照，入去試下啦~環境舒適，但唔好坐咁近門口，因為係地舖，仲對住馬路，熱之餘仲坐得無咁舒服好多選擇，我地唔係好餓，要淨餃就夠湯餃跟狀元九鼎湯。個湯好似家常湯咁舒服，飲落好似去濕粉葛湯，清清地，飲晒成碗。到主角，元貝豬肉餃。味道可以，但無咩元貝味，亦只見少量元貝絲。豬肉好似不夠新鮮，餡料較易散開，餃內肉汁欠奉。外皮不錯，厚薄軟硬亦適中，勝在大隻抵食。到粟米豬肉餃同之前果款感覺差不多，餡料略鬆散，豬肉亦不夠滑身，有點乾。黄金皮蛋，隻皮蛋係完全無味既，食個質地，就好似象膠咁，完全靠個豉油，都係鐘意傳統皮蛋多d總括黎講，呢兩款餃只屬正常味道，有特式d就係個狀元九鼎湯，勝在係灣仔區黎講算抵食之選，好好味又講唔上。

成日lunchtime經過都見到依間餃子店大排長龍今日見有時間，就排隊等下啦等咗15-20分鐘就有位嚕餃子麵 (韮菜豬肉餃) $53 湯底似係酸辣湯無落芡，酸酸辣辣咁韮菜餃係唔錯嘅，但又未去到驚為天人無乜特別囉，普通餃子店嘅質素壽喜燒牛肉煎餃 $74 有咗啲錯誤嘅期望，搞到好失望一心諗住係華御結壽喜燒飯團嗰隻味點知.......錯晒係酒樓牛肉球嗰隻味無肉味，淨係一pat嘢，仲要有陣我唔鐘意嘅香草味另外仲嗌咗黃金原味皮蛋 $28 Errrrrrrrr.......唔係唔好食但都唔知係乜嘢味嚟搞唔掂嘅餃掂

之前冇留意依度原來開到十一點，今日加班後行過見有得食，緊係坐低食埋先返屋企。叫完食開嘅雲耳椰菜餃後，先發覺新加左牛肉餃，下次要試吓。今晚個粉葛湯底好味道，餃子好味。

今日去灣仔見完客，諗住去食個lunch，見到呢間餃子專門店，人頭湧湧，好多人排隊等位，一於去試下先！餐廳主打餃子，加入創新材料，有煎焗和放湯傳統做法，門口放上食家蔡瀾照片，名人加持，水準應該唔錯！蜜餞雞翼 (小)雞翼滷得入味，肉質嫩滑入口即溶，伴上蜜糖，甜甜蜜蜜，醒胃滋味！龍鳳松茸雙煎餃招牌松茸餃，松茸香味濃郁，建議食煎餃 ，香味會更加突出。龍鳳餃另一款式 是黑松露，松露用作餡料，又幾配合!壽喜燒牛肉煎餃必食推介。有點似山竹牛肉的感覺，口感嫩滑，肉汁豐富，調味適中，蘸上陳醋來食，提升鮮味！上湯松茸時蔬菜心新鮮清脆爽口，松茸湯汁味香濃，加上杞子明目養顏，多吃有益健康！淨麵餐廳除咗餃子真材實料，麵條都十分有驚喜，爽滑彈牙軟熟煙韌，湯底帶有淡淡酸醋味道，令人胃口大開！蜂蜜檸檬薏米水、冷豆漿自家製檸檬薏米水，去濕清熱，加入蜜糖 酸酸甜甜，消滯減膩。 凍豆漿，豆味濃沃 冰冷清新，解渴怡人！

大食妹話說好鍾意食餃子，間唔中係屋企都會包下餃子食，但係要食到一碗好嘅餃子其實都唔容易出街食餃子好容易試到伏，一係就餃子皮太厚，再唔係就係豬肉餡太肥膩，一隻好嘅餃子，少咗其中一味，味道都差好遠之前聽朋友講灣仔有間好好食嘅餃子店，今日特登去到灣仔搵朋友食晏順便去試吓先<雲耳椰菜豬肉餃麵$53>最後叫咗個雲耳椰菜豬肉餃麵，雲耳椰菜清甜爽口，豬肉用咗半肥瘦豬肉絞成，唔會太肥膩都唔會太乾爭爭啱啱好陽春面配水餃食真係冇得頂，清湯無味精，食完成晚都唔會口乾

過親港島肥妹仔要諗食乜嘢其實都係一件好煩惱嘅事，因為港島區肥妹仔唔熟之餘，好多時候行行地食餐飯都幾貴。 所以如果肥妹仔果日無咩budget嘅話呢，阿妹仔都會嚟呢一間飯堂度食飯。龍鳳松茸煎雙餃  $86呢一款煎雙餃肥妹仔真係百食不厭呀!好香松茸味，而且佢嘅豬肉亦都好多好飽滿，外皮煎到脆卜卜，好正。野生松茸素餃  $60肥媽就鍾意食湯餃多啲，同埋佢鍾意食味道清淡，所以就叫咗呢一款素餃。入邊嘅餡料好飽滿，有好多菇粒 ，食落去一啲都唔寡，清清地，好好食。四川涼麵小辣  $30呢個四川涼麵費用花生醬，麻醬同埋花生碎粒撈個麵一齊食，少辣，好開胃。蜜餞雞翼 $30好聽蜜糖味嘅雞翼，甜甜地。龍鳳蛋  $18即係溫泉蛋上面加咗黑松露同白松露醬上去，冇得輸啦。自家製山楂雪梨水  $28五花茶 $15

平時食餃子既鋪頭好多都殘殘舊舊, 好似唔干淨咁~ 鐘意食餃子既我好多時會因為咁而卻步 終於搵到間又靚又光猛的餃子專門店啦~ 餃子文化其實好多年啦, 當中仲有一個傳說 話說東漢末年，醫聖張仲景告老還鄉後，在家鄉白河岸邊見百姓捱饑受寒，耳朵凍爛，他叫弟子在南陽東關附近搭棚派藥，用羊肉、驅寒草藥煮熬成「祛寒嬌耳湯」，加入用饀皮包成耳朵狀的「嬌耳」，據說吃後身體會發熱，兩耳很快就痊癒了。張仲景派藥持續到年三十。年初一時，人們開始仿嬌耳樣子做過年的食物，並在初一早上吃，稱之為「餃耳」、「餃子」。 隨住多年黎既發展，雖然餃子既餡變左好多，不過外型仲KEEP到似一隻耳仔啦~ 呢度既餃子有分湯同煎兩款 不過餡既選擇就非常多啦~著名的，有龍鳳松茸餃~~最近仲加入左2款新品 大滿貫素餃同壽喜燒牛肉餃 食餃子，辣醬都係加分的一部份 呢度既辣醬好有特色，有菜甫豆豉醬，四川辣椒醬，好有家鄉風味飲品呢，有自家制的山楂雪梨水 仲有新品的蜂蜜檸檬薏米水 兩款都好清甜健康，唔會太甜 我地叫熱飲，姐姐好細心咁幫我地兩溝，變左溫溫地，易入口青瓜係我的至愛，當然要點啦～ 回味手拍青瓜　 賣相有點兒怪

同囡囡向來喜歡食餃子，朋友介紹我地去餃掂手工餃子雲吞專門店。佢地有好多分店，今次就嚟到灣仔分店試下，果然冇介紹錯👍😍水準非常有驚喜，出乎意料的美味。話明是餃子專門店，呢度有好多款式嘅餃子，令人眼花繚亂，款款都想試。最後點咗有特色嘅龍鳳松茸餃，同囡囡喜愛嘅粟米餃，配湯餃嘅湯都好好飲，真材實料，無味精， 喝得一滴不漏。 另外再叫一些小食，蜜餞雞翼非常入味，有甜甜嘅蜜糖味，好惹味。龍鳳蛋即係加上黑松露白松露嘅烚蛋，有特色嘅小食。另外叫左上湯時蔬，菜心炆得夠淋，上湯甜甜地，有什菌同杞子，健康又美味。

之前喺太子食過呢間人氣餃子店，餃子有好多唔同嘅款式選擇，而且幾特別。原來而家灣仔都有分店，咁啱黎開呢頭，決定要帶朋人黎試下😋 太子間分店經常大排長龍，通常要等半個鐘以上先有得入座。灣仔呢間分店相對冇咁多人，就算係星期六嘅中午，唔使排隊就有得入😌葱味酸辣雲耳好開胃嘅前菜，雲耳爽口入味。龍鳳松茸餃配狀元九鼎湯呢個係餐廳嘅招牌菜式，每次黎必點。好新穎嘅配搭，松茸味好重，香味四溢，一試難忘。湯頭比較淡，飲得出佢冇落味精。芹菜豬肉餃皮薄餡靚，芹菜同豬肉嘅比例剛好，配埋個湯一齊品嚐，很不錯👍🏻香煎軟心芝士餃餃子煎到外脆內軟，而且好足料，滿滿嘅芝士，一咬開有拉絲嘅效果，好正😋😋最後嗌左杯新推出嘅蜂蜜檸檬薏米水，唔會太甜，好滋潤，可以一試。

平日中午喜歡食餃子，因為感覺比較輕盈 。今日經過灣仔一間餃子店, 在這個環境下，都算有好多人客，三個人點了差不多50隻餃子，12隻雲吞，好滿足呀!🐮 壽喜燒牛肉餃，牛肉有肉汁，加上 落了一些馬蹄，趙口非常好。🥟 龍鳳松茸雙灼餃子，真係幾有松茸香味，幾特別。🍥 元貝豬肉煎餃係最香的，一來煎餃比較脆口，另外元貝有啲鹹香味，相對野味。🥣 湯餃全部都會配上 狀元九鼎湯，用粉葛，鯪魚，鰂魚等等煲成，落好少鹽 ，感覺好下火，啱曬最近的天氣， 提高免疫力，滋潤腸道。🌶 我最欣賞就係 菜脯豆豉辣醬，不太辣啱我，同時好有口感，特別香味，特別滋味 😋