Video
3-min walk from Exit D4, Causeway Bay MTR Station
continue reading
Telephone
31041648
31041696
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
向來鍾意食餃子，但就唔太like雪藏預製餃，多數搵間餐廳即叫即食，呢間小店標榜全部餃子人手即包，街坊價錢但絕不馬虎。餃子皮煙韌得嚟唔厚粉，豬肉餡日日新鮮剁，仲玩埋新派fusion口味，難怪晏晝未到12點已經要等位！至尊松茸餃(中碗) $80/8隻一上枱就聞到陣菌香，隻隻脹卜卜透住啲松茸碎。湯餃版本配嘅黑松露醬絕非裝飾，真係撈到松露粒！建議先飲啖狀元九鼎湯吊味，湯頭清甜無味精，跟住試原味，咬落勁多肉汁，松茸香同豬肉鮮甜層次分明；再點少少黑松露醬即刻味道昇華。牛角鮮蝦豬肉煎餃(6隻) $60造型夠晒gimmick，兩邊蝦尾翹起真係似足牛角。煎功了得，金黃脆底咬落「咔嚓」聲，蝦肉爽彈仲keep到汁，豬肉餡調味偏濃但唔會搶鏡。黃金原味皮蛋 $30真係全隻金黃！蛋白似啫喱咁滑，流心蛋黃帶淡淡茶香，配埋秘製醬汁，開胃首選。四川涼麵 $31麵質夠韌性，麻醬同辣油分開上自己撈，建議落多少少花椒油，麻香即刻出晒嚟。山楂雪梨水 $28 / 蜂蜜檸檬薏米 $20雪梨水酸度明亮唔死甜，飲到底仲有雪梨渣；薏米水微甜爽口，好多粒粒薏米係杯底，夠清熱！
continue reading
山長水遠跨區港島接老公收工，諗住拍下拖，點知佢一句：你嚟就好啦一齊去食餃子呀！🙂去囉，見係餃子份上🤣呢間餃子店而家多咗好多分店，想食既港九新界都有，最掛住就係佢地個湯同松露餃子😆有新款！雖然芹菜餃都唔係第一次見，但對於我地兩個芹菜怪嚟講，有就一定要食！小食係一定要叫黃金皮蛋，勁大粒仲要溏心！自家製既山楂雪梨水同埋蜂蜜檸檬薏米水都必定要飲，咁大杯都係$20，抵過出去買杯廢水芹菜餃好香芹菜味，證明真係新鮮包！之前試過買其他舖既急凍芹菜餃，完全冇味🥹好足料食道好多芹菜，爽口！最期待一定係松茸豬肉餃！每次我地都叫煎餃，脆皮加埋松茸獨有既菇菌香味，真係勁好食！隻隻餃子入面都有大大粒松茸，加少少松露醬已經夠吊味，飲埋個湯簡直係享受老公見我食得咁開心覺得自己做到嘢，係啲餃子做到嘢咋🤣今餐又食到飽飽，看來要餓返幾日先得………
continue reading
對於鍾意食餃子嘅人嚟講，一直都好想是依間舖頭。因為見到佢都係唔同地區有不少嘅分店。咁啱約咗朋友喺銅鑼灣行街，而朋友又係同我一樣咁鍾意食餃子及小籠包依一類嘅食品。我哋有諗過好唔好去食片皮鴨、小籠包之類，不過，適逢月尾，剛才又購物，所以諗住都係搵啲平平啲嘅，又可以滿足到我哋兩個嘅餐廳。喺OpenRice度搵吓搵吓，就搵到呢度。一見到個餐牌，個心已經覺得好開心。我諗呢種感覺係鍾意食餃子嘅人先明白。可以試到唔同款式嘅餃子，係「餃子人」最鍾意嘅嘢。🤪第一個上枱嘅係龍鳳松茸餃，正！！！松茸味好出！雖然$9x只有8隻，對於啲唔食開餃子嘅人嚟講好貴下，但如果大家鍾意食餃子，又食過大埔某一間出名嘅餃子店，你就明白依個價錢其實相對平咗😆唔好睇小佢得幾隻，食完之後好飽㗎 ！ ！餡料好足！我哋再叫咗碗傳統嘅雲吞麵，跟湯，我哋都係比較鍾意食餃類嘅嘢，下次都係慳返啲quota唔好食麵啦……再加埋個芫荽豬肉湯餃，芫荽味好強，正！其實一路食緊個麵嘅時候，我已經望緊好唔好再叫多個芝士餃，不過，因為太飽，所以食唔落😭唯有等下次嘅時候再食過啦….
continue reading
在2025年8月11日銅鑼灣的一家餐廳用餐，這次的經歷讓我有些失望。其實我之前也去過其他分店，但從未遇過像今天這樣的情況。我大約在下午4點25分到達，入座後卻沒有人來理會我。雖然我試過舉手和叫人落單，最後要找人過來幫我落單。我點了7隻餃子，但當我完成訂單時不夠三秒，服務員還未將單據擺在我面前。此時我注意到下午茶的優惠似乎更划算，於是我希望能夠更改訂單。讓我驚訝的是，服務員竟然告訴我已經出單，無法更改，他連立即走入廚房更改我的訂單單也不能。我表示這樣的情況有些不合理，因為訂單才剛剛下，而她卻反駁我不看菜單。這讓我感到非常無奈，尤其是作為一個小店，應該更能給客人親切的感受。最終，當我開始用餐時，還發現座位上有冷氣滴水的問題。在和附近的朋友討論後，我發現大家都曾在這家店遭遇過不禮貌的對待。而且說真話餃子的質素也不怎樣。
continue reading
放工之後想簡簡單單食個快嘅晚餐可以考慮嚟呢間餃子店 🥟 佢啲餃子全部都係手工製作嘅，好新鮮，皮薄餡正😍 有湯餃翼都有煎餃，而特別之處係佢個湯底好健康，叫做狀元九鼎湯，可以提升免疫力，亦都可以養顏保健😌至尊松茸豬肉餃 🐷 原來松茸有好多營養，之前食過咁多餃子店都未試過呢款，所以特登叫黎試吓😋雲耳椰菜豬肉餃 🥬呢度好貼心，可以揀少份量或者大份都得，雙拼就可以試晒兩款口味啦🤭栗米豬肉餃 🌽 呢款都係好多人揀嘅湯餃😊香煎軟心芝士餃 🧀 煎餃嘅可以試吓軟身芝士餃，咬落好脆口，芝士入口即溶😛自家製山楂雪梨水 🍐 食完餃子之後當然想飲返呢度自家製嘅山楂雪梨水啦，清甜解渴😆蜂蜜檸檬薏米水 🍋 健康啲嘅選擇可以揀蜂蜜檸檬薏米水，甜甜酸酸都好好飲㗎👍
continue reading