Video
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
每次經過銅鑼灣，都憧景有一天會到這間餐廳吃飯。早前機會終於來了，卻吃了飽飽的... 一肚氣。甫坐下來，待應拿來了一碟酸薑皮蛋，很好吃。看看餐牌，這等同正常三分一隻大小的皮蛋原來要$18。我們還說笑是否待應收起了消失了的三分二隻自用。問男待應有什麼好介紹，他說吃蟹吧，辣椒和白胡椒蟹都很出名。拿了一隻給我們看，頗大隻的，要$600-$700左右。我們覺得若好吃又吃得完的話也沒關係吧。待應說辣椒蟹的醬是偏甜的，於是我們便要白胡椒的那個，怕他們搞得不好便浪費了蟹。餐廳的椅子全是硬膠的，坐久了不太舒服。燈光也頗猛，且與其他食客的枱好像都很近，總覺得大家都聽到大家說話，不太自在。蟹很快便做好了。試試看，好像也不錯，但吃不到胡椒的味道。問女待應這是什麼蟹，她說是辣椒蟹。我們見已吃了少許，不好意思全碟更換，且醬汁也還可以接受，便繼續吃了。但還是有點不忿氣，即管問問女待應我們的單是怎樣寫的，為何我們點的白胡椒蟹會變了辣椒蟹。她查看後說是辣椒蟹，還向我們詳細解釋白胡椒蟹是乾的，沒有醬，好像我們應當察覺到這個分別似的。正常的餐廳在這時應該已為落錯單向客人致歉了，但這位女待應表現得很理所當然，或許見我們沒投訴且還吃得落也就不以為意了。那位落單的男待應也只躲在後邊，沒有再出現過了。大大的一隻蟹兩個人是吃不飽的，加了一碟菜和一碗飯才夠。連飲品埋單$940，這樣的服務，這樣的環境，不要再來了。
continue reading
自問蟹癡，最鍾意食海鮮食蟹.. 星洲過江龍, 當然要幫襯。環境簡潔，以綠襯白，而且位置唔算大!一心黎食蟹，今次就決定試勻餐廳招牌2隻大蟹...白胡椒蟹，胡椒香氣湧出黎，香香辣辣，愈食愈熱...... 蟹好大隻厚肉，蟹肉更加呈一梳梳(不過個蟹殼同樣堅硬，食蟹鉗時就好「拿手唔成世」... 不過見到隻蟹鉗仲大過自己隻手，真係好開心................!!!!!!!!! 不過，本身不太好胡椒的我，更加鍾意於辣椒蟹，蟹本身大隻肉甜唔再講，D辣汁更加惹味，帶D蛋花，好好食! 仲要連埋饅頭沾汁食，一流，食過番尋味!本來仲想叫咖啡骨架，不過食依2蟹都食左2個幾鐘.................. 仲開始滯滯地..不過其實都幾貴下... 耐唔耐食一次都可以的!
continue reading
同男朋友去完新加坡食過白胡椒蟹之後, 個心成日都想再食知道無招牌在Causeway Bay有分店,於是同男朋友再去食,裝修以白色簡潔為主,座得都舒適,可能我地成8點幾先去, 仲要平日, 所以唔係好多人. 我地當然order白胡椒蟹, 佢地d蟹係斯里蘭卡蟹, 所以好大隻好厚肉~我地仲叫左花甲同其他野食,不過除左隻蟹係好味之外, 其他食物都一般!花甲又overcook, 真係唔係好掂但我同男友都再有encore呢間無招牌,為的就只有這隻白胡椒斯里蘭卡蟹,今次我地2個人淨係order左一隻大蟹加碟菜~食蟹飽的感覺好滿足
continue reading
前年到星洲旅遊時吃過一次此店，胡椒蟹及麥皮蝦印象深刻。當時能操流利廣東話的女部長告之公司已計劃在香港設分店，終於等到佢開，一於約一眾食友「大擦一番」。雖看到此處站對此店劣評處處，但一向宗旨是「盡信食評不如無食評」，照去！不過見到有人說蟹會賣完，訂位時都連蟹一併訂好，免得真的售罄失望而回。訂位時職員解釋一般星期五六日蟹的貨量會比較多，所以不用太擔心沒有貨。但她仍為我們預留大蟹一只。七點鐘到場，地方光猛，但不算大，而且如友人說，裝修沒有用上布料，少了吸聲功能，加上我們被安排坐在房裡去，感覺有點吵。當初看遍了菜牌，都找不到麥片蝦，只有龍蝦，細問下才知原來這味菜沒有記在餐牌上，但是有供應的，幸好多口問句，否則就吃不到喜愛的麥片虎蝦了。由於我們一行八人，想必一只大蟹實唔夠喉，所以早一日再至電加碼留多一隻，點好菜後，職員把兩口大大的生蟹拿給我們查看，我們一隻做白胡椒螃蟹，另一只做辣椒螃蟹(少辣)。每只蟹約重50兩，「大大啖」的蟹肉吃得非常滿足。辣椒螃蟹的汁很好味，我們要了些饅頭蘸準來吃，yummy！剩下的汁也不浪費，友人帶回家明天再用來款待客人，呵呵。不過饅頭不夠「咬口」，但尚算軟熟，一般。主打的蝦蟹以外我們還點了咖啡排骨、奶沙雞、上湯莧菜、炒西蘭花。水準只屬ok，沒有特別令人難忘之處。 聞到的咖啡味比吃到的濃口感有d似風沙雞，但唔係果種味，d汁似泰式蝦餅果d辣醬，底有d菠蘿片。一般一般其實還有兩碟小食皮蛋酸薑沒有拍照，味道不錯啊。總結：主打重頭戲沒有叫我失望，就是其他菜式比較一般，有改進的空間啊。
continue reading
為食人數 : 6食左咩: 白胡椒炒蟹, 奶沙雞, 紅燒鮑翅, 揚州炒飯埋單幾錢: $2,000+===============上星期一行6人為老友Jimmy慶祝生日, 由於佢最鐘意食蟹, 於是就去試來自新加坡o既 “無招牌海鮮餐廳”, 一於試下白胡椒蟹係米咁好食~去到果然好爆場, 好彩預先book 左枱同埋蟹(book位時佢地話一般8點幾就賣哂蟹, 所以可以order定蟹~ 哈哈, 連蟹都有得book)坐定後即刻叫隻白胡椒炒蟹先~最熟蟹o既Jimmy話隻蟹係斯里蘭卡大蟹, 我地叫左隻2斤幾o既蟹公(個waiter話炒蟹要揀蟹公,辣椒蟹就要揀蟹女wor~) 上菜時間: 嘩~~~~~~~ 好香, 好大隻~!!!隻蟹夠哂大隻又多肉, 足夠我地6個人食~特別要一提o既係d蔥, d蔥好濃白胡椒同埋蟹味, 我地一於食埋唔好嘥!炒蟹個汁實在太好味, 所以叫多左個揚州炒飯泥撈飯~之後再叫左奶沙雞, 同埋幾碗紅燒鮑翅賀一賀壽星仔! D 沙甜甜地, 加埋底下酸酸辣辣o既雞醬, 一流呀~!有人生日當然要食豪D, 但大家食到飽飽地, 所以叫左3碗share食~ 味道唔錯~埋單$2,000多小小, 平均一位$300幾, 我地請埋壽星仔都唔洗$500! 壽星仔話下次要試辣椒蟹wor~ 我就覺得愛蟹之人必試呢間餐廳之餘, 推介大家都試下佢地其他野食~!! (我下次我想試佢個咖啡骨!! 因為我聞到隔離枱哥碟好香…. )
continue reading