農米莊

Open Now

Now Closed

下午茶時間行行下金魚街附近，想食野又唔知食乜好。見到佢門口排左3個人。心諗應該冇死錯人..等緊既同時，望住佢牆上面既menu...好多款....最終揀左椰子雞米線。碗米線好足料，好多件雞....雞件都係嫩滑👍個湯冇味精，清甜帶椰子香...又係可以一飲而盡。有驚喜，行過路過不妨一試❤️

農米莊📍.近日係太子附近覓食👅見到間標榜可以可以連湯都可以飲哂既米線🍜即刻入去試下味.🐥椰子雞湯米線（$58）養顏之選 比較清淡 但都食得出椰子既清香🥥同雞🐤既鮮味雞件都算嫩滑 連雞胸肉都唔鞋肉質比較有彈性🤘🏻米線性量都幾足 性價比算唔錯🎊.懷舊藥膳雞湯米線（$58）藥味幾濃 有紅棗 川弓 杞子 蟲草花等感覺好健康💪🏻養生之選.仲叫左黑金雞翼（$38五隻）即係黑蒜雞翼🐤賣相就麻麻 不過味道都唔錯 食落帶有淡淡黑蒜味🙈肉質唔會鞋👌🏻.總括黎講 米線既味道算唔錯而且好健康 食完麵可以飲哂碗湯一啲都唔會哂 好滿足😋.人均消費：$80美味指數：😋😋😋😋😋😋😋（7.5/10）抵食指數：💰💰💰💰💰💰💰 （7.5/10）打卡指數：📷📷📷📷📷📷📷（7/10）.店名：農米莊 (太子)地址：太子通菜街154號地舖

見到一間標榜着健康冇味精嘅米線見未食過又係本土餐廳就入咗去試，因為我本身個胃消化得唔係幾好所以就特別要求店員煮軟啲米線，佢哋都做得非常之好，碗米線到咗俾我試完之後仲關心我軟硬程度，估唔到一間快餐店都可以做到咁細心嘅服務。之後傾多兩句佢又介紹我食佢哋舖頭招牌黑金雞翼，佢講到好好食所以我叫咗三隻，見佢又話有益，果然冇介紹錯之後我仲叫咗五隻打包攞走😂😂我從來都唔寫食評不過我覺得佢哋值得 一間快餐店做到咁嘅質素非常好

今日放假，住係附近諗住試下新野，開左間藥膳雞湯米線，款式較多，入去試下都好，加上朋友推薦好味，緊係要試一試啦，點知藥膳湯尚算可以，中意藥材味既可以一試，但酸辣湯底，唔酸唔辣成個米線無味既，但係重點係。。。。係杯凍檸茶入面有舊生肉架！！朋友食飽飲杯野沖沖口，點知飲到有舊生肉，大佬，即時反胃啦，同店員反映，佢話唔好意思，杯凍檸茶唔收錢，加2蚊既凍檸茶，唔收就一定架啦，但係隔夜飯都嘔埋出嚟呢，本身好地地食個飯，點知連隔夜飯都嘔出嚟，同朋友走既時候佢立即去附近商場搵廁所嘔，真係接受不了！推薦大家想飲凍檸肉既可以一試，但本人絕對無下次

Lunch time去, 打單叫下午茶但價錢又唔係下午茶價錢, 都唔係問題, 問題係佢完全稱不上是藥膳湯底, 無味又淡又稀, 雞件OK滑都好食, 但得幾件, $46唔包野飲唔會再食。

叫左個吞拿魚芝士三文治$28+熱奶茶同屋企整無分別，配茶都無。朋友叫左黑蒜雞米線，同公仔面無分別。普通到唔普通，除左杯凍飲大杯d，無野值得欣賞。如果再選擇唔會入依間再食。

一向喜歡「農米莊」的無味精雞湯米線，原來它最近在太子開了分店，這天我在附近找午餐吃，無意中碰見它，正好去吃一碗喜歡的「椰子雞湯米線」做午餐。這兒的雞湯米線有很多款，健康之選有「黑蒜雞湯米線」、養生之選有「懷舊藥膳雞湯米線」、至尊養顏有「花膠雞湯米線」，其他款式還有「酸辣雞湯米線」、「麻辣雞湯米線」、「黃椒雞湯米線」與「龍蝦雞湯米線」等，各有特色，豐儉由人。我最愛的則是店中的養顏首選「椰子雞湯米線」（$46/午餐價）。這裡的米線大部分都是跟農米雞件的，農米雞既多，又肉嫩皮滑，確是不錯，除了農米雞件之外，這米線的配料還有冬菇、雲耳、枝竹、豆卜和時菜，都算豐富，不過這米線的靈魂就絕是對那喝得出沒有下味精，味道清甜可喜，讓人不禁一喝再喝的椰子雞湯，那些撒在雞件上的幼細椰絲，更有錦上添花的作用。在這兒吃米線是不包飲品的，熱飲要加兩元，凍飲要加四元，特飲的話，就要加八元，既然價錢相差不遠，就喝特飲好了。其實這兒的特飲都有幾多款，選擇不少，而我這天就點了「青檸樂」喝。這天天氣炎熱得很，一杯大大杯的「青檸樂」配以這店子超涼的冷氣，立刻讓我暑氣全消。可樂雖是百事，並非可口，但可樂罐上竟印有我喜歡的埃及球

今日嘅屋企附近新開左間新嘅米線店，主打冇味精嘅米線，今日試咗佢個招牌椰子雞湯米線幾好食，真係食得出冇味精同埋純雞湯，剛剛開業裝修都幾靚，上菜時間都算快，同埋佢個小食黑蒜雞翼幾吸引，因為平時我對黑蒜冇乜好感不過見朋友話想食所以就試咗，加上睇咗佢嘅簡介見到黑蒜係好有營養嘅嘢就覺得可以值得一試，點知真係有意外驚喜，我諗佢真係改變左我對黑蒜嘅睇法，下次有啲想試佢嘅藥膳雞湯米線，我見佢其他分店嘅留言都幾有好評，下次會再幫襯。

下午茶雞湯米線....米線半熟又硬.....湯底又淡根本食唔到，最後都係食左小小放棄唔食....跟餐叫左杯凍咖啡奶多到飲唔到有咖啡味....呢間野食一次夠決定以後唔幫襯.....