芽莊越式料理

Open Now

Now Closed

呢日平日嚟到圍方，完全唔知食乜好，好多下午茶都係2:30先開始，午餐周圍都要$100，都係差唔多。最後我哋都係食午餐生牛肉湯河生牛肉都有三四片，個湯幾濃，好香豬扒蛋飯有碗滷肉飯啲料喺側邊豬扒偏硬，肉都幾鞋午餐有小食，魚餅以為係越式個啲好多香料嘅魚餅，以為一片點知勁大粒，係圓碌碌好似鯪魚球咁入面都好多魚肉，冇骨的另一個小食係炸腐皮春卷，本身以為得一條炸春卷，咁樣睇又好似都幾多有幾款特飲唔洗加錢，凍熱都得，都幾好飲

食物味道和其他連鎖芽莊差唔多冇乜特別今日俾個樓面鬧咗我幾次又故意唔俾枱面落單QR code我舉手舉咗10分鐘冇人理行出去問佢攞QR code，佢話佢執緊枱好忙等咗幾分鐘，我行咗出去收銀問佢攞QR code中間加水我都要自己行出去加 斟水睇返OpenRice都有好多負評關於呢間餐 去到收銀俾錢， 我發現幾個員工都係黑口黑面。 總之行入去食飯就好似加重佢哋工作量咁。下次唔好去

今日趕著睇戲之前食個午餐☀️商場都係連鎖店無咩選擇🥹 感覺呢間連鎖店就比較保險😅 但係質素比起之前每況愈下🙂‍↔️ 要自己落單走出去埋單之外 要特別叫侍應攞配菜又少人等好耐🥲 侍應態度唔主動無禮貌完全無服務又要收加一👎🏻 食物質素一般CP值偏低不推薦💔⭐️ 河內生牛肉粉 🥩牛肉偏肥入口尚算淋🐮但係欠缺牛味不新鮮份量同樣偏少🙂 配上香葉辣椒同青檸先加添層次🍋‍🟩但係唔叫唔會主動比⭐️ 香茅燒雞撈檬 🐔雞柳肉質合格有香茅味🍗 但係同樣份量少 🌝麵底太多為求塞飽你

今次我試咗「燒牛肉濱海」，牛肉烤得好香！牛肉滑嫩又有炭燒香，搭配自家製香草醬，味道超級對味。旁邊有新鮮蔬菜，色彩靚得嚟又健康，整體擺盤都好靚！夏天食呢道菜，真係清新又開胃，絕對值得推介，大家一定要試下！

之前食過d野食都ok幾好，就再來食下la，點知我地五成體格都唔細既成人，佢俾張四人檯，我地話坐唔落，佢哋就好快叫第二檯入座，然後就話"依家冇位la，唔得我地都冇辦法"態度惡劣，令人失望

食午餐Tea B+ C香茅燒雞翼撈檬，午餐雞翼得兩隻，檬粉都幾多 牛油果沙冰, 正Tea A+ C椒鹽脆腐皮魚卷，腐皮卷脆卜卜，有幾層，有啲蔥同埋椒鹽食落去好香口，只能當小食，同朋友傾吓偈 ，而家開始入秋一定唔夠食，所以另外一碟嗌咗粉，兩人分享。桃蜜熱柑桔，杯嘢熱辣辣潤喉啱晒而家冬天

青檸梳打，喺青檸加梳打，再加大量嘅水杯野飲完全冇氣無味叫個牛肉粉，問職員除咗河粉仲有咩選擇，佢答我話冇選擇食物價錢偏貴，但唔係特別好食，服務亦唔算特別好唔會再有下一次

之前係上環果間分店都幫襯過呢個品牌，覺得環境同食物質素都唔係太差，嚟到圍方見到呢間餐廳午市時段唔使點等位，諗都冇諗就入左去食，點知呢間分店服務質素差到不得了，由落單到上菜都全程黑口黑面對待客人(尤其係嗰位隻手有紋身嘅女侍應），而食物質素勉強都只可以講同茶餐廳差唔多，但收緊茶餐廳起碼雙倍有多嘅價錢，到埋單俾錢都仲係黑口黑面，莫講話會講一句多謝（反而有時連茶餐廳收錢嗰下都有基本嘅禮貌)。當從事服務業嘅員工都唔敬業(有時食客都唔係話要求有好嘅質素，做到基本禮貌已經值得嘉許)，用仇視目光看待入嚟食嘢嘅客人，特別係生意已經唔算多嘅時間都係咁，咁就好難怪今天本地人都不想再留港消費，其實都係商戶沒有把關服務質素的後果，乃屬咎由自取。

今日心血來潮去左圍方見到有芽莊入左去食（本人係將軍澳有食過覺得好食）。 服務態度非常差，出面酷熱天氣警報佢地只提供熱水，要求凍水就非常唔情願咁俾杯常溫水你。 叫左個炒米粉，完全無味，一D調味都唔，問服務員回答只有魚露露（請問各位師兄係唔係咁？）

全日淨係食左一餐正餐；位於圍方嘅呢間越南嘢，我地點咗一條用青檸敷緊mask 既魚$188+一碗蕃茄蟹肉湯檬$98（食食下發現左右兩張臺都係叫左呢碗野，大家應該比蟹肉呢兩隻字吸引咗！！）你見我喺上面list埋個價錢就可能估到我下一句想講咩 😂就係想講佢個價錢同質素係有少少唔成正比。😝 入到去坐低左，對面個位小姐（my friend)先開口同我講：「呀〜我阿媽話呢間野唔好食」（滴汗）丫，我食緊先同我講？！😂 個蕃茄蟹肉湯檬係不過不失，喺葵芳食嘢都冇邊間係平，呢間算係冇咁貴囉，不過試一次就夠了。

大圍拜完山，最就腳地方 high tea就是大圍港鐵新商場 ❣️圍方❣️。 第一次黎呢個新商場。大就大，不過唔係太好行，指示有點唔太清楚。轉了幾轉才找到芽莊🤣。餐廳裝修簡潔清新，綠色為主，環境舒服。 我們4 人安排了座卡位。 食物賣相好，味道都好好。但沙律及米粉 價錢確實有點貴， 因為食材+用料跟價錢 唔成正比，唔底食，大蝦冇味🙄，仲梅梅哋🥵，米粉冇咩材料😔。 其他幾款都好味。❤️特別提 是燒五花撈檬❤️，腩肉燒得好香，肉質鬆化，撈檬汁又正😋。 不過應該下次拜山唔會再黎呢間🤣🤣

大圍 📌 芽莊越式料理 Nha Trang Vietnamese Cuisine放工嚟到圍方，好多食肆都等緊位，見到呢間芽莊越式料理唔使點等位就試一試。 餐廳座位也比較寬敞，個人覺得幾好坐。🔹 墨魚昆布沙律$118呢個沙律略為淡味，Menu 寫有墨魚 • 青木瓜 • 紅蘿蔔絲 • 花生，主要想講墨魚係烚，算大隻爽口但冇乜墨魚味；有塊蝦片托住青木瓜絲、 紅蘿蔔絲、花生等等都係正常嘢，另外加咗扎肉，味道好普通。🔹燒雞翼撈檬 $85依個燒雞翼肉質都算嫩滑，但唔算好惹味 ; 雖然紅蘿蔔絲、花生等等嘅配料都足夠，而檬粉食落亦 Okay，略嫌香葉唔夠多，好扣分。🔹 堤岸炒米粉 $98呢個嘅味道感覺有啲淡，味道方面就覺得平時$10 份家鄉炒米粉仲香口，呢個堤岸炒米粉只係 d 配菜多咗扎肉。🔅 總括嚟講，我同豬隊友不約而同都覺得order 呢三款食物係唔難食嘅，之不過味道係差唔多咁，皆因用嘅配料都係: 扎肉呀 ~ 芽菜呀~蘿蔔絲呀~花生~扎肉...etc Menu 內價單，食物完全唔值 e 個價，Sorry 我覺得幫襯一次就夠喇 🫥

夜晚收工同男朋友係圍方揾野食👫經過見到芽莊 平時見到有好多分店又未食過決定入去試下🤓店內環境幾有空間感 唔會覺得逼😙我地2個人叫左：• 香煎墨魚餅🐙• 燒雞翼撈檬🐥• 芥蘭苗🌱我本人超級推薦墨魚餅‼️‼️大大塊 咬落去好juicy同埋有啖啖煙靭嘅墨魚肉🐙好好食🤤雞翼撈檬d 雞翼唔會乾身 有肉汁撈檬個汁就同平時食開個隻差唔多 最後芥蘭苗偏甜 正常水準雖然剩係叫左3樣嘢 但分量好足夠 已經夠2個人食總括而言 我係會為左個墨魚餅而番轉頭再食👍

今午我約了兩位朋友到圍方芽莊午餐，我先到取位，侍應給我卡位。後來只得一位朋友到來，侍應知道後已面露不悅；後來踫到相識的朋友也在店內用餐，便邀請她過來一起坐；一位疑似高級員工走过嚟詢問我們是三位還是四位，態度並不友善；到結賑時，那位不友善的員工對我們說卡位不是給兩位的客人坐，就算店內有很多空卡位，店舖政策也不會給兩位的客人坐，卡位有最低消費$ 390；最可笑是店舖並沒有讓客人知道這些條款！他還說下次人數有變必須告知侍應，這種趕客服務態度，難道會有下次嗎？今時今日這種服務態度，還是在大型商場店鋪，真係很可怕！😱😱😱👎🏻👎🏻👎🏻難怪人們會選擇北上消費！

去過幾次旺角店嘅芽莊，印象非常好，食物上到枱熱辣辣，伴碟沙律菜新鮮。今日大圍做完facial，一個人，3點唔知食咩好，行去圍方，巡完一輪，見芽莊有下午茶，小食+主食+飲品 - $88。小食有蒜茸牛油雞翼，想食，咁就入去坐低；佢主食有個越式糯米飯🤔未試過，一般都係湯河、香茅豬扒/雞翼飯之類，咁就試吓越式糯米飯，睇吓點啦！蒜茸牛油嚟到，已覺得有啲伏，兩隻雞中翼，碟底有幾條菜絲，菜絲底有油光，用筷子撳吓隻雞翼，撳到有油出！🫨心諗都係炸完雞翼再用牛油炒香蒜茸雞翼回鑊啫⋯⋯入口，一口油，無牛油味，無蒜香味！就連雞翼本身都無底味！無醃過！肉質係雪到乾嚡！😓咁唔好浪費食物，落啲魚露辣椒醋啃埋啦，點知連哩個汁都係無味嘅！跟住嚟越式糯米飯，原來就只不過白糯米飯上面有兩塊鹵水豬腩肉，一堆切得好薄臘腸，肉鬆，又係一小堆嚡口嚡面嘅雞絲，有幾粒油炸過但淋哂嘅花生！唯一可取嘅係蒸得夠熱！