38
25
11
Exit B2, Prince Edward MTR Station/ Exit D2, Mong Kok MTR Station/ Exit B, Mong Kok East MTR Station continue reading
All Branches (14)
Telephone
2383 3381
Opening Hours
Today
10:00-05:45
Mon-Sun
10:00-05:45
Payment Method
Visa Master AE Cash UnionPay
Other Info
Wi-Fi
Open Till Late
Alcoholic Drinks
Phone Reservation
10% Service Charge
TV Broadcast
Review (83)
年三十K-buffet Featured Review
Level4 2017-01-28
1549 views
同好友過年三十,睇完戲就過旺角唱卡拉ok!順便食個K-buffet!價錢唔貴!$198入場(包兩款無酒精飲品),buffet加$48,房間唔大,設施幾好!6點準時開始,食物分開幾個區,款式都幾多!凍蝦:幾爽口青口:點汁好味啲凍螺肉:有咬口,不過無乜味! 三文魚刺身:厚切,肥美!幾新鮮炆豬手:炆得入味!皮彈牙!海南雞飯:賣相靚,雞無雪味,不過胸比較厚,所以偏嚡!芒果糯米飯:糯米飯彈牙,加甜椰汁好味!芒果好甜又大隻,好香甜!太史五蛇羹:湯底香濃,入面材料多!好味素翅:一般炒秀珍菇:厚肉彈牙,微辣香口炒四季豆:炒得香口!豉油王炒腸粉:彈牙,但豉油王唔夠入味!茄汁腸:腸衣唔彈牙,正常切餅:朱古力最好味!紅莓好味,芝士味好濃!凍檸茶:正常Lime soda:朋友飲食物水準比以前好,大部分都好味!店員就比較hea,炒意粉兩個後生一邊玩一邊炒,我哋6點出到去,好似海南雞檔口嗰個店員,佢仲慢慢戴帽戴手套!係啲客人企咗响度等,佢都唔會理你嗰隻,不過態度唔係唔好!佢都肯招呼我哋!好似芒果好靚,第二轉要求唔要飯只要芒果都得!雞要雞胸都得!呢個價錢都值得食!食物區地板好黏會員折咗$208一位! continue reading
(The above review is the personal opinion of an user which does not represent OpenRice's point of view.)
生日後祝之3人行 Featured Review
Level4 2016-05-27
3039 views
朋友同我即興,到NEWAY唱K順便幫我慶生。2女1男的組合,唱起歌來都易拼很多。店員先帶我們入房,間房個主題係醬油,都幾搞笑。應該係宣傳手法一種。留低一位點住歌唱...安頓好後,2人立即出去拿東西吃。類別都好多,差不多每個範圍都有一至兩個店員負責服務。首先經過呢個火腿雞絲翅!同朋友一人叫一個,味道都係碗仔翅咁,偏咸,只能當湯,沒有真翅的高尚!但用竹筒實在係幾特別!跟住去到大堂,見到最奪目的就是那隻片皮鴨!一路轉轉轉,一路睇表演,雙重感官的感覺!味道的確好好味!皮薄餡靚!咬入去啖啖肉加埋醬汁好滋味!但真係等左好耐~~佢慢慢去搓個皮好蒸熟佢需要好多時間!個店員又不多理會,一直都得我一個耐心咁等!諗住房深係包2杯飲品出面個BUFFET就冇飲品!竟然仲有2款COCKTAIL! 一款你MOCKTAIL一款你COCKTAIL!都係落左STRAWBERRY,BLUEBERRY,青檸,薄荷葉等等,味道一樣好飲一樣麻麻地,一樣香果味,一樣似清潔劑!但至少可以多D水份飲下...都5錯有幾款海鮮!有扇貝、有大蝦串、有鮑魚、響螺、青口..青口同響螺都係以冷盤做的,5腥,可入口,青口腍身,響螺切片會食得方便D,好大舊,好爽口!而扇貝和鮑魚則以清蒸方法,岩岩好,無過熟,熱盤係好味同鮮D!另外大蝦串係串燒個一邊,燒得5錯,連殼都好脆!肉質結實彈牙,連少少咸,又鮮!此外,熟食部仲有半條煎魚及羅漢齋可以拎!羅漢齋係不錯,蔬菜絲都好鮮甜!煎魚肉就乾身左少少,但個汁搭夠!最特別有個火鍋吧,可以打下邊爐,爐頭係大堂,5可以邊煮邊食,要先煮熟再帶入房!一人一小鍋: 材料款式不多,但基本都有,生菜、灸強、牛丸、腐竹、魚皮餃、炸魚皮、公仔麵...等等湯底仲有得自己揀,清湯定麻辣,其實真係估5到主打唱K的地方竟然有這樣多的選擇!別有心思! 弄好攞入房食!味道可以的,自己調較,會偏辣!材料不算上乘,但都OK!不會太差!5會係發霉個種,平價款式!浸哂入湯底,索哂D味,腐竹最正,豆香帶辣,爽!仲有甜品部,朋友叫了窩夫,水果版,不過水果都是罐頭,味道差了一點,不太新鮮..蛋糕分成比平時更薄,這樣更好,自助餐從來都是少吃多樣化!朱古力不錯,味道濃厚..蘋果味,差一點,酸過龍..朋友預先為我預備的蛋糕,好別緻!味道好甜,質感好滑!另外,我們人數不夠都送一支香檳!實在感動!好香的蜜桃味及有好重氣泡!簡簡單單慶祝一下當是聚會,唱K有私人空間算不錯! continue reading
(The above review is the personal opinion of an user which does not represent OpenRice's point of view.)
Level4 2017-02-08
761 views
今日同成班朋友唱k,好耐無食K Buffet, 攞左三文魚同油甘魚刺身,厚切有魚味,唔孤寒喎!有素魚翅,可以自己選配料,有:蟹肉,魚肚,花膠,仿鮑絲,滾好放竹筒,賣相唔錯,貴價碗仔翅,另外見到有蛇羮,有菊花同脆卜卜,不過蛇羮唔見有蛇肉,所以我無攞,中湯係年藕髮菜蠔豉豬骨湯 ,飲了一碗無味精,味道夠搵到章魚年藕材料,鰻魚手卷,師傅傻左俾好大件飯黎包,食唔晒,辣酒煮花螺,堅辣但好惹味,螺肉唔韌入味,蒜芯炒雞肉,夾了一些蒜芯好清甜,炸雞扒炸豬扒,普通無特別,海南雞飯,雞肉起骨,油飯好香好吸引,食得飽肚凍蝦比想像中新鮮,爽口有蝦味,仲大大隻,翡翠螺都爽口,青口無特別,點一試茄汁醬和辣椒仔,仲有中式蒸魚,不知道什麼魚,應該養魚,蒸得還算滑,就有酒店水準,有飲品椰汁冰,椰汁味好濃,唱K只包2杯飲品,椰汁冰添加了多次,很解渴!食物尚可,生日前後5日免人頭,現在neway有很多外籍客人及老人家添,相信因為晚餐抵食。今日星期日,可以無限唱! continue reading
(The above review is the personal opinion of an user which does not represent OpenRice's point of view.)
Level4 2016-12-01
1424 views
暑假時段唱K真係要打定電話去~如果唔係就真係冇位!暑期時段就會限時限刻去處理人流,所以都好趕架~邊唱方食,食完都夠晒鐘。。。旺中呢間都算好多野食揀而且質素我覺得好OK~唯一美中不足就係你入左房,但廚房未開始就冇得嗌野食,令到食既時間更少。。。夏天想入房後即刻飲杯涼浸浸既野都唔得,要等。。。今次叫左沙薑海南雞飯!有驚喜雞既份量好多,等如係外面食既兩倍,食雞都食飽呀~最緊要有好多薑蔥!仲有黃油飯同湯附送~埋單連加一連一杯無酒精飲品只係$89, 算係咁啦掛! continue reading
(The above review is the personal opinion of an user which does not represent OpenRice's point of view.)
Level3 2016-06-06
2752 views
今日即興同兩個朋友仔走左去食k-lunch本身諗住唱REDMR, 因為啲野食好食啲,可惜撞正星期六加埋六四,好多K房都冇位,最後終於係旺角中心既NEWAY搵到,諗住好既又一餐唔好既又一餐,都係唱K姐,野食都係其次啦。入到去點野食,餐單入面都係慣例有A-J咁多選擇,同行友人揀左個咖哩肥牛飯,但我作為一個專食伏野既食家,見到個叫雲吞雞煲加個飯既餐,嘩! 認真9唔搭8,所以決定就叫佢,正所謂,唔賭唔知時運高,唔食唔知好唔好食嘛,還掂NEWAY既野食都唔預會好食。好快咖哩肥牛飯就黎左,我試左一啖,嘩! 咁好食既,咖哩係日底咖哩,一上菜就聞到佢既香味,略辣但容易入口,咖哩甜味亦適中,肥牛大若有6塊,油脂分布平均,飯亦都係用左日本白米,白飯粉粉分明圓滿可口,總結就係呢個飯非常有日本餐廳水準!NEWAY轉死性呀,定係終於知道今昤今日咁既食物質素先至掂呀,搞到我開始對我既雞煲有啲期待。終於,雞煲終於上場,waiter好禮貌咁幫我打開個蓋。首先,我飲左啖雞湯,好肯定係史雲生雞湯,雞肉雖然係冰鮮,但仍然做到好滑嫩既口感,白菜亦唔係菜頭菜尾,份量足夠,絕對係有誠意既K房食物。總結黎講,NEWAY野食係好食左,大家可以唔洗再擔心佢既食物質素喇! continue reading
(The above review is the personal opinion of an user which does not represent OpenRice's point of view.)