Neway Karaoke Box

佢嘅餐牌隔一段時間就會轉下，所以未必係每次去到都搵得返呢樣嘢食。🙈🙈覺得最底都係lunch k嘅時段去，上次去嘅時候唔使加錢嘅選項，裏面有呢一碗豬軟骨烏冬，用嘅都係嗰啲現成嘅豬骨湯底，味道正常。👍👍🍜烏冬嘅口感又幾好喎，冇太淋，都只係餐廳食到嘅質素，本身以為會係唔太好食，竟然冇中伏，肚餓嘅話都真係可以食得晒。免頭又擺咗啲海帶同埋粟米，都唔係Hea你。有d 驚喜😆平日時段去，有一個午餐+2杯嘢飲，都係百零蚊，可以喺嗰度唱三個鐘，抵玩。…Read More

兩個人在Neway邊打邊爐邊唱K，體驗非常不錯。叫左招牌惹味雞鍋，附送刺身拼盤，包括八爪魚、北寄貝、三文魚各三片，還有任食四碟前菜：魚皮、海蜇、雲耳、咖哩角。火鍋配料任叫任食，包括海鮮如海蝦、蟶子、水魷魚、蝦滑、墨魚滑、廣島蠔、脆脘片，肉類則有肥牛、封門柳、豬梅肉、花卷豚肉、羊卷肉。味道方面屬於一般，但以星期三優惠價$209黎講（要另外加一），性價比好高。食物供應至晚上9點，唱K就可以唱到凌晨5點，對得住尼個價錢，適合鐘意邊食邊唱的朋友，享受長時間娛樂。…Read More

好耐冇唱K，同朋友食完lunch，打上neway問價錢，記得個陣大概兩點幾，價錢係$159+1/位，包兩杯飲品可以唱到夜晚8點，我地覺得OK就上左去🤟🏻我地兩個人，所以俾左間細房我地，環境都算乾淨既，係廁所會有D味 (可能咁岩個日D客唔舒服啦🤪)。叫飲品個陣發現，原來我地每人其中一杯餐飲可以改order一份下午茶餐！😍 不過記得，下午茶餐要係5pm前落單👍🏻 我地叫左一個腸粉餐同埋日式炒烏冬。唔期望超級好似，但味道都唔錯。腸粉既豉油幾甜，不過咖哩魚蛋好辣🌶️ ；烏冬有D黏同淋，但份量幾大碗。最後因為食唔哂，叫左個外賣盒同膠袋，點知要收$5，係呢個位有D呆左🫨結論🫰有得食有得玩⚡️外賣盒加$5CP值：6.5/10🎡餐廳資料餐廳名稱：Neway Karaoke Box 餐廳地址：觀塘觀塘道414號1亞太中心12&15樓…Read More

早一日預約，成人價，平日星期一至五，可早十唱至下午四點，每人99蚊再加一，包主菜及飲品一杯。三人行，唱足六小時，都足夠呀主食選擇都多。焗豬扒飯-熱辣辣送上，火喉夠，汁同洋同飯都好夾，都好味，但豬扒就乾柴UN左少少。呢款有食開，以往其他分店整得好D。點心拼盤-份量好足，珍珠雞，馬拉糕，燒賣，牛肉球各兩粒，朋友說味道幾好。籠仔䒱咸旦飯，來時時都熱，肉餅同蛋皇味道都OK，但好快已放涼唔熱就無咁好味。肉乾又係乾柴左D。下次唔會再點呢款。房間都OK，如果再有間大D房就完美囉。朋友相聚談天説地，唱吓歌鬆一鬆，寫意人生…Read More

隨着防疫措施慢慢放寬，今日同幾個好耐冇唱過K嘅朋友一齊嚟到Neway，店員介紹而家有一個Plan係行最低消費，簡單嚟講價錢貴少少但係就可以將所有嘅錢用返黎叫嘢食，咁當然飲品都係要收費啦。我哋一行四人每人要叫280幾蚊食物，飲品$68一杯，另外呢度都有供應一啲120幾蚊嘅一人晚餐，不過就見到餐牌有好多適合分享嘅小炒同小食，特別嘅係佢仲有雞煲同埋部隊鍋呢啲好適合大班人分享嘅食物，咁當然定價會比較貴啦。一個雞煲已經$498🤣 當然係因為呢度係包含咗你嘅人頭消費喺度嘅，咁事實上呢個雞煲其實都算係幾好食，真係拍得住外面賣嘅雞煲，完全擺脫左我以前中學食K lunch既黑暗回憶，食到差唔多店員仲好細心咁樣拎啲暖水入嚟，俾我哋自己加落去就可以煮麵，公仔麵係加咗$10竟然有兩個！實在太大方了😂 飽肚㗎都另外我哋仲叫咗一個炒飯，小食方面叫咗豬頸肉同埋薯條，全部嘢都係熱辣辣上枱，炒飯幾乾身，炸嘢方面亦都有香口嘅感覺👍🏻呢度食物嘅收費閑日同埋假日會有唔同，淨係雞煲已經相差近$100，如果係平日黎唱K嘅話，應該可以食得更加豐富😻…Read More