新星茶餐廳

Open Now

Now Closed

食物選擇少間餐廳得一個客都冇， 叫外賣唔俾入面等， 要出面等😡😡😡😡今日酷熱警告呀⋯⋯😭😭😭叫完外賣， 待應服務態度差到一個點，食物難食到一個點， 完全中伏😭😭沒有下次

一入門口已經想趕你走，餐牌要自己搵，叫嘢食要求人，餐牌有嘅食物，到叫嘅時候會冇，落單嘅唔想理你，廚房嘅想趕就嚟，啲嘢食仲要超級難食，我叫咗個叉雞飯，啲叉燒薄切過魚生，啲雞瘦過雞翼尖，見到嘅時候自己都呆咗，原來香港仲有啲咁嘅餐廳生存緊，完全唔明白點解，簡直係要起身就走，仲要價錢唔係特別平。埋單嘅時候都冇人理你，好在自己預好晒散子唔使找擺低就走。佢絕對可以列入我人生食過最差嘅餐廳之列，完完全全感受到食物差、服務差、環境差、感受差於一身。今時今日仲可以生存到簡直係奇蹟。唯一嘅好處係唔使等位差到忍唔住要寫返個留言，希望睇到嘅人唔好好似我咁，要貼錢買難受，後來睇其他留言先知，原來呢間舖頭係幫監獄入飯餸，所以根本唔稀罕做街客，希望大家唔好中伏。

行完山，落腳位係赤柱，咁多西餐廳唔食，山友偏偏揀左呢間平平無奇既茶餐廳！午餐有4-5個選擇，其中一款係湯飯，作為湯精既我地，被蟲草花燉雞湯飯吸引左～點都估唔到佢係成個燉盅咁上，仲好大碗下，就咁睇都見到好足料！飲落完全唔似平時茶餐廳飲到既味精湯，係真材實料既味道，可謂誠意十足！價錢又唔會特別貴，同普通午餐一樣只係$50。仲要個餐係有碗西洋菜豬骨湯，再包一杯飲品，係幾抵～唯一美中不足既係碗白飯，係濕左少少，但好彩本身我都撈湯食，影響就冇咁大。如果食其他餸飯，啲飯咁濕就真係差啲......

請大家留意（ 新星）快餐店。今日19号早上1115hrs. 一個年約70多歲, 滿頭白髮,渣住拐杖嘅老婆婆入去新星食飯，問多兩問午餐有乜食，老婆婆立即比人趕走，話吾做佢生意，雖然你每個月淨係做懲教署私家飯都幾十萬生意，唔憂做街客生意｡ 但係你地有冇人性架, 70幾歲老婆婆渣住拐杖入黎幫襯你地， 佢仲要俾你地趕走，話唔做佢生意｡人地入黎消費係真金白銀,人地唔喺過來乞食，新星祝你早日結業，新星呢間x店，請大家幫手推爆佢，幫婆婆囉返個公道

今日和朋友到赤柱懲教博物館參觀，然後到附近吃個午餐，見價錢很地道，也就簡簡單單吃一餐吧。我點了豆腐枝竹斑腩飯，質素也算是很平均吧。是日例湯為蓮藕豬骨湯，有點重味，較為咸，但味精感覺不強烈。$49有這個質素，也算是可以接受吧。下次再試其他餐廳呢。

今日去到赤柱行街，行完見有點想食野就去找茶餐廳，因不想食西餐，見到有中式食物就入去食，下午茶選擇都不少，我地就叫了二個下午茶，星洲炒米和雞翼薯格飲凍奶茶和熱檸檬茶共差不多一百一十元，炒米都要差不多六十元有點貴，而且來到看到材料真的好少得幾條肉同三隻蝦，米粉口感好食而味道都好味。雞翼細隻不多肉，幸好都有四隻，薯格好味又夠脆口，凍奶茶勁多奶，有輕微茶味，熱檸檬茶反而有驚喜好飲，但這價錢真的偏貴點，可能因為地區問題，但這店已不在大街。

入到去見得午餐餐牌，問有冇其他，佢話有常餐特餐個d,咁見啱就呀，過了一陣聽到個老闆話午餐最快，其他野冇時間整，等一個鐘啦。咁我落單時你又唔講，唔係要咩招呼，但你做唔切就出聲啦，身為一間茶餐廳，假期有乜人流應該心裡有數，預幾多人手幾多食物應該好清楚，又唔係第一日開舖。冇禮貌到好似入去乞咁，唔明d人賺錢賺得咁悔氣。於是我地都走算了。真係第一次受到如此對待，其實赤柱大把選擇，唔係趕住食個快都唔會行入去

今日公司調我黎赤柱幫手做事，唔知去邊度食飯，同事帶我去呢間茶餐廳食飯，去到門口見到佢左右兩邊都有懷舊嘅赤柱圖照，入到去都見到有兩張重靚，環境唔錯幾ok！我和同事坐底咗發覺原來我同事同呢度d伙記都幾熟打晒招呼，我同事介紹咗我食叉油雞飯，話呢度d燒味好正叫我試吓！佢就叫咗個沙爹牛肉麵餐，開飯喇d叉燒一格肥一格瘦正宗半肥瘦，食落又有口感，另外d油雞重正都唔知佢揾咩做，食落又滑又香有玫瑰露味真係正！價錢比起出面市區嚟講遊客區真係超值，服務都唔錯值得再嚟

是日赤柱有活動，特意遠道入來，順便周圍走走悠閒一下，一行十人下午3時多路過此餐廳門口，入去幫襯前還可以，點單後由送餐到埋單就越來越中伏，送餐的不耐煩，放低野飲又倒瀉少少行左去就算，食物一般，下午茶「手切」牛肉麵難食，講野態度又差，有個唔知係唔係老闆的人又一直「單打」個伙計，行過有個廚房員工又散慢又唔想做的感覺，不可一世，簡簡單單的茶餐廳都做到咁差，可能地段問題唔憂做，奉勸各位三思再幫襯（除非無得選擇）

今日乜都冇食就入左去赤柱做嘢😭，一做就做到2點幾真係餓死小弟。。。咁本身諗住去大街入面搵下有冇其他嘢食，點知冇其他嘢食。咁就唯有食新星啦入到去睇到個餐牌。咁叫左個香茅豬扒公仔麵。。加埋杯檸茶。 個豬扒公仔麵黎到。食左兩啖。塊豬扒好咸囉。😑。。個麵係大光麵。味道正正常常啦。 。。係覺得37蚊。。食得唔飽。。有啲唔坻

I came to this Cha Chang Teng as I was hungry for a quick breakfast and it was in a good location. The set menu is quite typical (set menu is not available in English but the a la cart is). The food came and it was just barely edible. The fried egg was way overcooked and other items were just typical. There were barely anyone in the restaurant but the staff there took forever to take my order and were in unhappy mood since the morning.

除夕當日懷著愉快心情去赤柱走一轉，中午趁未食lunch, 行下行下就走進噩夢😓由原來愉快心情跌進谷底😢 野食唔掂不在話下，侍應服務差到一個點！！落單者連自己餐廳有咩供應都唔知，之後嗌了兩碟炒粉麵+一杯熱飲，由於同伴帶病在身想要一杯水，那個侍應話冇（態度差的語氣）最奇怪係見到有其他枱有杯水問她⋯最奇怪既係她一輪語無倫次要為自己打圓場。我可以肯定下次再去赤柱幾餓都唔再幫襯呢間茶餐廳👎🏻比錢食野仲要受氣，惡劣😡😡

難得天朗氣清的星期六 適逢聖誕將至 我約左男朋友去聖誕市集逛下手作攤位同食下好野 差唔多工下午茶時間諗住搵間茶餐廳嘆個tea 點知就是惡夢的開始首先 我地叫左炸雞翼面同炸雞脾薯條 凍檸茶少甜 過左陣見到價錢唔岩我地先發現佢落錯單 sorry都冇句 仲要怪我地冇講清楚 ok fine黎左杯凍檸茶 得兩片薄得可憐的檸檬 完全冇茶味只有甜到喉嚨痕的糖水味個炸雞脾薯條餐 我地坐左20分鐘 見到仲未黎 就問左個女侍應一句 佢叫我地等多陣好快黎 等到40分鐘 我地見到隔離無論早過我地定遲過我地黎既客人野食都到齊/差唔多食完 我男友再問多個女侍應一次 佢竟然大聲夾惡咁回覆：「我地岩岩係隔離買d生雞脾番黎 生炸要時間嫁 邊有咁快 同埋岩岩漏左單比左隔離枱先 ！」我地火都黎 個女闆娘即刻過來叫我地唔好怪佢細路女亂講野 但一間開舖打開門做生意 我地作為客人咁樣被侮辱 正常人都會嬲 我地同佢嘈左幾句 最後個老闆娘突然爆seed 用粗口鬧番我地 ：「咁唔like 唔好_食啦！過主啦！(下刪數十字）」最後 我地比左一個餐既錢（$37，又貴又難食）在舖頭門口影左幾張相 一路影 個呀伯老闆同個老闆娘一直用粗口大聲責

我第一次寫食評，真是嬲到我唔寫唔得，我對呢間餐廳嘅印象真是差都核爆！睇番之前所有人寫嘅負評係完全正確，又難食，職員服務態度極差，！海南雞飯，啲雞好似柴皮咁，啲飯雖然係黃油飯，但是飯質非常之硬，肉醬意粉完全冇味，連最基本嘅味道都冇！最可幸嘅係嗰特餐沙爹牛麵，叫做可以入得口！其實難食都唔緊要，如果嗰價錢合理啲話，但是以上所講嘅餐全部都是55蚊以上，用咁嘅價錢我只是想食番啲俾人食嘅嘢啫，一定唔會有下次，簡直影響我對赤柱嘅型像！

服務非常差，侮辱客人，收費貴，對外國客人另加錢。今天赤柱龍舟熱身賽，比賽完同10多隊員去食早餐。剛買完咖啡想叫早餐，店主黑面粗魯地要我哋離場，話如果坐低要比＄20。男店主大聲地話帶咖啡入場等於帶第二個老婆入屋。大聲地講如果唔俾＄20就要出去！呢個服務態度對客人非常侮辱。嘗試同店主確認我哋會叫嘢食，但被粗魯地拒絕。感受非常之不良好。看到朋友叫餐蛋麵樣子麻麻，非常普通。外國朋友叫鹹檸樂飲被收30蚊。呢間咁嘅店，本來想食早餐，都已經無胃口，有錢都唔會再過嚟。