Video
Above information is for reference only. Please check details with the restaurant.
Signature Dishes
2009年9月22日（星二） 由於在公司做滿一年，請同事們吃一個下午茶答謝大家一年來的指導和包容。下午茶的供應時間由2:30pm開始。我在1:40pm便打電話叫下午茶外賣。2:35pm外賣人便現身公司了。果然相當有效率。我點了吉列豬扒拼沙律+奶茶，合共21個大洋。==============================吉列豬扒︰炸得香脆可口。金黃的外皮可見油的溫度和炸的時間都剛好，而且不像是萬年油出品。炸粉的厚度亦適中，不會讓人只有吃了一口炸粉的感覺。豬扒雖不算厚身，但有手掌般大，份量亦剛好。很不錯的吉列豬扒，讚哦~~~~沙律︰普通的罐頭雜果沙律，沒有期待也不需要失望的程度。奶茶︰滑滑的，卻欠了茶香，似乎是奶偏多。===============================注意1，外賣要+$1注意2，外賣人相當有禮貌ps~~~~~開展打工仔生活一周年，特此以第一篇食評紀念！
continue reading
第一次去新財記係早幾星期時去西岸商業中心上課 , 當時時間尚早 , 所以就到樓下既茶記食早餐醫肚 . 本人一向偏好有多士類型既早餐 , 所以點左早餐A , 有火腿通粉+炒蛋+多士+熱奶茶 . 食物好快就送上 , 試飲一啖奶茶 , 幾滑幾香 , 通粉;多士同炒蛋既賣相很好 , 食落味道都好正 , 特別係多士 , 是厚多士 , 很香很脆 , 通粉湯底唔錯 , 有雞湯香味 , 食完感覺好滿足 !試過第一次後 , 上星期係上下午堂 , 所以特登再去試一次 , 果位招呼既阿姐叫我試特餐 , 佢話係招牌野好好食 , 所以就試下 . 特餐原來係鮮牛肉什菜湯通粉+厚多士 . 阿姐果然無呃人 , 個湯底好正 , 酸酸地有DD辣 , 好開胃 , 厚多就唔洗再介紹 , 依然咁正 . 阿姐重叫我下次試下佢地既西多士同紅豆冰 , 都係正野wow . 我已經諗緊下個星期再去試 . 總結係呢個茶記既裝潢雖然係好簡單 , 但係論食品既質素;阿姐服務同衛生環境都算係幾好,值得幫襯 .
continue reading
2008年12月27號 - 上午10點幾左右今日約左小虹食早餐。 她說"去長沙灣食la"。 我們就去長沙灣食la。 經過新財記她說"試試呢間OK嗎?" 我們就入左新財記坐la。我們同時間叫左個A餐 (多士, 蛋, 火腿通&飲品)。 我愛左炒蛋同奶茶。 小虹愛左煎蛋, 凍檸茶少甜同轉左個米粉 (22 (凍飲+2))。我們的早餐好快來到la。 試試先。 Um。 個多士烘得好脆。 蛋炒/煎得好好。 個通粉/米粉煮得好好同埋D飲品好好味呀。 所以我們都覺得好滿意。環境方面好好。 雖然地方不算大, 但是夠光同舒服。 又有電視(兩個台)看添。 所以我在"經濟同地道米芝蓮"的環節比兩粒星給他們。 最大的考慮點是環境, 食物同服務態度。 呢三點他們都做得好好。
continue reading
相約朋友出來睇波，照舊在長沙灣等，到時再搵地方。長沙灣的茶記差不多俾我地食勻晒，唯呢間新開張的未試過，經對方同意下，推門進去。中式套餐，有一個餸、白飯、飲品。商議後，決定每人點一份套餐，share食。分別選了西芹炒雞柳及蘿蔔牛腩煲。西芹炒雞柳先到，色水對辦。西芹爽脆，雞肉嫩滑，惟味道偏咸，送飯還可以，但若就咁食，略嫌過咸。至於蘿蔔牛腩煲，端上來時是熱呼呼的，夠火喉。但，蘿蔔和牛腩均切得太大件，一開二都仲可以。蘿蔔無渣，且吸收了醬汁的精華，好有味道；牛腩則大韌，很考牙力，我吃了兩件後還是要放棄。凍檸茶沒有叫小甜，但送上來時卻是淡而無味。小勝一球，三分又到手。
continue reading