269
97
46
Exit C3, Mong Kok MTR Station, Exit E1, Mong Kok MTR Station, Exit B, Mong Kok East MTR Station continue reading
All Branches (5)
Telephone
35832933
Introduction
This Korean fried-chicken brand, represented by famous Korean performer Yoo Jae Suk, has different flavors, such as original, cheese, sweet & spicy, etc. The cheese and sauce are directly transferred from Korea to Hong Kong. continue reading
Opening Hours
Today
12:00 - 23:00
Mon - Sun
12:00 - 23:00
Payment Methods
Visa Master AlipayHK Alipay Cash AE UnionPay
Other Info
Alcoholic Drinks
10% Service Charge
Spot payment
Review (467)
Level4 2019-06-18
4606 views
呢間由韓國引入既炸雞店都有好幾間分舖,聽聞味道都唔差,但自己就一直都未試過呢晚收工約左個超中意食炸雞既新朋友一齊黎試下先有二人同四人套餐可以嗌,但我地呢晚一心想黎食炸雞,所以套餐就唔太岩我地我地得兩個人,但又想試多d口味,所以就先要左一份“雙重滋味炸雞(無骨)”HKd$188+10%我地怕淨係食炸雞會好寡同唔夠飽,所以就要多份“韓式手抓飯(龍蝦沙律)”HKd$120+10%手抓飯先到,份量比想像中大得多,十分大碟!!!我地要左龍蝦沙律口味既個款,除左有龍蝦沙律之外,仲有青瓜味、蟹籽同海量既麻油紫菜絲佈滿混合左泡菜既飯上面將啲材料輕輕撈勻之後,我同朋友都二話不説咁戴上手套,將米飯搓成一個個小圓球咁放入口食有得玩有得食,自己整既又真係會特别開胃既我個飯都未食到一半,我地既雙拼炸雞都送到上黎嚕我地揀左“白群主”同“避風塘”呢兩款口味!呢兩款口味都係唔辣既,前者係類似帶有洋蔥香甜既沙律醬口味,而後者則較為香口惹味,我地揀左要無骨雞件,自然就食落啖啖肉啦食炸雞又點少得飲凍野呀,我要左杯桃味既乳酸飲品,香甜解渴又解膩 continue reading
(The above review is the personal opinion of a user which does not represent OpenRice's point of view.)
Level4 2019-06-02
381 views
開心星期三黎個ladies' talk星期三晚七點半既旺角,等左大慨十分鐘就可以入座!全場Full晒,韓國炸雞嘅熱潮一直喺香港從未減退。呢度有2人&4人既set dinner, 如果計價錢應該set dinner會比較抵,事關韓式炸雞店舖既特飲都起碼五十幾蚊杯,而2人餐$398包兩杯特飲,好吸引,不過雞就只有半份。我哋最後決定散叫,為左食多d炸雞有選擇困難症嘅我哋叫咗雙重滋味炸雞,原味炸雞配初雪炸雞(無骨),無骨係貴少少,但勝在方便女仔食得無咁狠狽。初雪炸雞喺呢度嘅招牌菜之一, 佢嘅芝士粉真係好多,鋪滿所有雞件,肉質好滑,juicy,值得一讚。至於原味炸雞配上蜜糖芥末醬,幾惹味,就好似麥當勞嘅蜜糖芥末醬一樣。另外我哋叫咗一客菜玉子燒,佢有mini size同埋mega size可以選擇,十分貼心, 以我哋兩個女仔就叫咗mini size既,雖然話mini,不過都有5件,份量幾多。玉子包住泡菜,食落就覺得普普通通,玉子無日本菜個d咁滑,試一次就夠。我地叫咗兩杯特飲,分別係水果茶同埋士多啤梨沙冰,水果茶有好多蘋果奇異果橙粒粒係底,不過就冇匙羹所以食唔到至於朋友嘅杯士多啤梨沙冰,上面嘅cream都幾多,怕肥嘅朋友可能需要叫佢少cream先得呢一晚嘅晚餐食得好開心,埋單$422,香港食韓式炸雞大約都係呢個價錢, 最緊要係食得開心! continue reading
(The above review is the personal opinion of a user which does not represent OpenRice's point of view.)
Level4 2019-05-20
3531 views
好耐未吃過炸雞啦,今次想試就搵間勁啲嘅試吓。今日來到嘅NeNe Chicken有將近20年歷史,佢除咗經營餐廳,仲有自己嘅食品生產工場以確保質量。據講目前有過干間分店,係韓國第一炸雞品牌。接近下午茶時間來到,諗住下午茶平啲人少啲,誰不知呢度係冇下午茶嘅,但都有啲lunch set 吃,一啲都唔貴。未嗌嘢已經有嘢吃啦,就係前菜嘅泡菜同埋醃製酸蘿蔔,泡菜正正常常好味,而酸蘿蔔令我回想童年嘅味道,估唔估到我喺邊度鄉下??話明吃炸雞,又想試多D味道,一定要嗌呢個炸雞達人,分别有初雪,甜辣,蒜香醬油,大蔥,白郡主,大韓厨師及芥辣7種味道。由於同朋友share嘅關係,我揀咗其中三樣,第一件就係大韓厨師,即刻辣到我飲咗半杯青提子蘇打,之後試咗初雪,灑滿芝士粉的雞件保持外層香脆,内裹嫩滑,好味。有個小小提議,可唔可以好似某間小籠包店咁,有張紙仔話明各種味道,咁最辣嗰件放到最尾吃就好好多。另一lunch set就係烤牛肉蛋包飯伴流心芝味吉列豬排,賣相唔錯,流心芝味豬扒勁流心,勁邪惡,帶著少少罪惡感吃埋佢 continue reading
(The above review is the personal opinion of a user which does not represent OpenRice's point of view.)
Level1 2019-05-13
2346 views
今日同朋友去咗朗豪坊嘅nene chicken食飯,入去睇下個餐牌先,見到佢做緊一個新出嘅二人浪漫邂逅套餐裏面。包括左半份炸雞,一份薄餅,兩杯特別嘅士多啤梨特飲,再加上其他小食沙律,價錢都非常之相宜!不過由於我同朋友主要想食炸雞為主,所以我哋就冇叫到呢一個咁抵食嘅套餐。反而我哋就叫咗雙重滋味炸雞,呢一個好處就係佢嘅口味可以任君選擇,唔會好似出面嘅炸雞店咁樣,half half chicken只係得原味同埋甜辣醬味,相反你可以任揀其他特別口味,確實唔錯!最後我哋就分別叫咗蒜香口味同埋芝士口味,先講下個蒜香口味先,個蒜味唔算太重,而且味道比較偏甜,應該係佢嘅蒜蓉醬有加上蜜糖醬,而且雞皮同雞肉中間嗰層脂肪都已經炸走左,所以食落去一啲都唔油膩。雞皮嘅香脆加上裏面鮮嫩雞肉簡直係一流呀!而且每食一啖肉汁都流晒出嚟,超正!另外嗰款芝士口味就相對比較「流亅,不過芝士味極重,鍾意芝士嘅一定唔可以放過!而因為我哋叫咗無骨炸雞,所以食落去都係啖啖肉,好方便。炸雞份量極多,兩個人食都唔會覺得少。小食方面,我哋仲叫咗一個雞蛋卷。見到旁邊枱枱都叫咗,睇嚟係必食嘅菜式!食完發現果然名不虛傳,雞蛋卷裏面嘅芝士超多,每切一下裏面嘅芝士都流晒出嚟,仲可以拉絲,加上泡菜嘅雞蛋捲口感一流,值得一試! continue reading
(The above review is the personal opinion of a user which does not represent OpenRice's point of view.)
Level3 2019-10-03
0 views
呢排返工返得咁辛苦,所以想食啲好嘢慰勞吓自己,趁今日星期五,我就決定咗去呢一間nene chicken可能因為我早左,人都唔係太多,都唔錯好好座咁我就選擇左食呢一個韓式海鮮喎,有少少辣辣地嘅感覺,我又好鍾意食湯飯,所以就叫多咗一個白飯,用啲湯送飯真係好正個海鮮鍋一啲都唔求其,當中包括左兩隻鮑魚,顯肉仲有青口添,真係喜出望外啊😽😽跟住朋友都叫咗一個芝士炒蛋泡菜炒飯,因為佢話好耐冇食,所以今次就好想食啦我都有試咗佢嘅泡菜芝士炒飯,都幾新鮮味道唔錯,但係如果可以更加多芝士咁就正啦,可惜今次比較飽如果唔係嘅話都會選擇帶一份雞去食下之後我哋都叫咗嘢飲,原本想要鯊魚雞尾酒,但係朋友話太普通同埋有啲飽,所以就要左支啤酒算啦 continue reading
(The above review is the personal opinion of a user which does not represent OpenRice's point of view.)