Nara Thai Cuisine (港威商場)

Open Now

Now Closed

之前於Nara Thai試過下午茶，今日下午難得有空，一於再去打打卡，順道一試餐廳的泰式午餐。這裡的午市套餐包括沙律、湯，主菜及飲品，價錢大約由$138~$168，定價合理。🥗精選沙律～沙律放於一個泰式木盅內，很有泰國feel。除了沙律菜外，還有十分鮮甜的鮮菠蘿粒及雞粒混和於沙律內，非常清新。🥣泰式忌廉磨菇雞湯～冬蔭功試得多，今次一於試試其他泰式湯品。賣相和西式忌廉磨菇湯相似，尤其是有幾粒麵包糠浮在湯面上。呷一口卻有一股濃郁的泰式辣味湧出來，湯底creamy，味道甜甜辣辣，叫人一試愛上😋😋。🐔主菜：泰式海南雞飯套餐$148～雖然是套餐，但份量都很足。雞肉滑嫩，配上泰式辣醬，味道更吸引。另一令我欣賞的地方是白飯帶有泰式香料的特式味道，卻一點也不油膩。連伴碟的青瓜亦十分爽脆，感覺清新。🥬泰式炒通菜～跟餐只需加$38便可加一碟炒通菜，非常實惠。通菜用了豆醬來炒，額外惹味。🥘泰式雜菜炒金邊粉$128～這道金邊粉是從主餐牌裡單點出來的，雜菜份量十足，包括芥蘭、西蘭花、黃芽白、磨菇及芽菜等。金邊粉炒得尚算乾身，配上青檸汁及花生碎，更覺美味。

同老公去開海港城買嘢，見到這裡午餐餐牌有素食選擇啱食素的老公就入去☺️門口入去見到有個好靚嘅韆鞦打卡位，店員安排了我們坐在窗口位置可以望到海景。午市套餐包了 沙律、湯品、主菜、飲品。另外可以以優惠價加配小食/生蝦刺身/芒果糯米飯等。沙律菜新鮮開胃，我哋一個要冬陰功湯一個要忌廉蘑菇湯，冬陰功湯香辣惹味醒神，忌廉蘑菇湯香濃。🧡泰式雜菜炒河🧡河粉質地好軟滑，食落好有彈性又不會好油膩，加入多款雜菜、蘑菇等材料一齊炒好香。🧡黃咖喱雞配白飯🧡雞肉質地嫩滑，黃咖喱好香濃，好好送飯，老公話咖喱汁可以撈多碗飯都得😄💛芒果糯米飯💛芒果好香甜，糯米飯好軟熟煙靭。飲品：🔸青檸梳打🔸熱檸水這裡環境很舒服，食物很美味，對着海景吃飯很寫意，服務員態度很殷勤有禮，下次要帶屋企人再來食先得。

今日星期六晚上去咗食泰國菜 之前聽人講呢間過江龍幾好食今次叫咗一個泰式炒金邊粉 椰子沙冰 椰子雞湯點知椰子沙冰等咗接近40分鐘先送到金邊粉好黏好濕 又唔熱 完全唔係炒金邊粉乾爽嘅質感$158 一份金邊粉 唔會想像到係呢個質素😕有叫店員去換過一碟 但都一樣好濕同黏☹️椰子沙冰🍧 不過不失 夠冰凍 椰子雞湯 不錯 夠熱 足夠二人飲兩碗但總結不會再去 因為這價錢與食物質素不成正比店員服務尚可 有主動加水 環境不錯 但食物質素太差 所以不推薦

尖沙咀必食海景泰菜🇹🇭🍊平時約朋友食飯可以揀呢間咁有feel嘅餐廳！呢到有海景睇而且食物都好高質～！每枱都會準備左蝦片($15)，炸得好脆而且唔會油膩放左一陣再食都係勁脆口！泰式生蝦 $148生蝦質素不錯，蝦肉爽口而且越食越香點埋泰式酸辣醬增加清爽感食極都有，價錢對得起份量同質素香脆蝦餅（3件）$68我每次食都有叫蝦餅，外面炸到酥脆，而入面蝦肉餅好彈牙，一定要襯泰式辣醬～冬蔭煙肉忌廉意粉Tom yum味好突出，而煙肉炸得好脆，酸辣同咸香配搭特別但不突兀玫瑰泰奶茶玫瑰味比想像中香濃，泰式奶茶加上玫瑰都係一個新嘅配搭香蕉薄餅配榡子醬&煉奶必叫！熱辣辣食真係不得了，有椰子絲係面頭藍花皇家伯爵紅茶望住海景真係好chill🌊📍Nara Thai Cuisine🏠尖沙咀廣東道3-27號海港城港威商場3樓3303號舖

有事要嚟尖沙咀辦，搞掂就順便喺附近食埋晏先走。心血來潮想食泰菜，醒起海港城入面嗰間泰國過江龍「Nara Thai Cuisine」。餐廳主打泰式船麵同新派泰菜，喺曼谷曾經連續 10 年榮獲泰國品味生活雜誌《Thailand Tatler》讀者票選為「最佳泰國食府」，相當巴閉。我哋揀咗個窗口位，餐廳環境好 chill，裝潢雅致，氣氛輕鬆，加上坐擁 180 度無敵維港海景，視野極佳，真係令人賞心悅目！餐廳午市有套餐供應，定價由 $138-$168 不等，包沙律、餐湯、主菜及飲品。沙律味道好清新，內有扎肉、菠蘿同車厘茄。冬蔭功湯辣味夠、味道濃；雜菌湯稠杰不稀，內有脆脆麵包粒。泰式海南雞飯 ($148)  海南雞皮薄肉滑，啖啖肉又冇骨，食落好有雞味。油飯亦係心機之作，入口香而不膩，配埋泰式醬汁，酸酸辣辣，好開胃。泰式雜菜炒河 ($138)  河粉好煙韌，雜菜份量十足，有娃娃菜、雜菌、紅蘿蔔、西蘭花同粟米仔，配埋旁邊嘅砂糖、辣椒粒同青檸汁一齊食，更添風味。跟餐飲品點咗即磨咖啡 同 荔枝玫瑰梳打 (+$28)，咖啡濃香順滑、梳打帶淡淡玫瑰花香，味道唔錯。

🍽️ Thai Tea Tiramisu ($108)A fusion tiramisu combining the Thai milk tea culture with the traditional Italian dessert, Tiramisu. The sweetness of the milk tea and the creaminess of the Tiramisu perfectly blend together. When poured, the cocoa powder on top flows down the cup, making it truly tempting 😋 but a little messy lol~🍽️ Rose Thai Milk Tea ($55)A fragrant rose-flavored Thai milk tea. It has a rich creamy taste with a mild tea flavor. A little too sweet for me. Would be so much nicer if they

海港城最愛的海景泰國餐🇹🇭，實屬nara Thai 無疑，呢度打造少女風格裝潢，更有田園風，部分位置更可以觀望到海景🌊，係一間不錯的泰式餐廳🍴。呢度既野食味道👅亦都有相當水準，週末食個高質的late lunch, 我會選擇同朋友來呢度聚聚，感覺相當舒適寫意。頭盤點個超級好飲既湯：1. 泰式椰子🥥雞湯🐔$128，係我最鍾意飲既湯，奶白的雞湯超好喝也好開胃。2. 主食：泰式肉碎煎蛋🍳飯$118 又係超級開胃的肉碎，美味極了。3. 香脆腩肉炒椰菜🥬$98 想點多個菜送飯，我會揀我最鍾意的口味，呢個菜式精華在香脆腩肉，真係好好味。4. 甜品： 最後當然要個芒果🥭糯米飯拌椰奶$98 來結束🔚呢餐咁精緻美味😋的飯聚，食埋甜品就係滿足滿意啦👍🏻

今日去咗一間有落地玻璃，可以睇到海景，又可以滿足我同朋友想食泰國菜嘅願望。入到去已經好有泰國風情好多位俾我哋打卡留念。職員好好服務安排我哋去窗邊坐好就送上兩杯水俾我哋飲。花膠海鮮冬陰功 $258我哋叫咗一個泰國菜必點嘅冬陰功裏面非常足料有蝦、有蘑菇、筍、青口、香草、蕃茄等材料。最特別係加入花膠，非常滋陰養顏。飲落酸酸甜甜，夠晒開胃，最緊要係夠熱。用金色的迷你金火鍋爐來熱住個湯，每次飲時都係熱辣辣，非常好味。香脆蝦餅（三件）$68蝦餅炸到金黃鬆脆，非常脆咬、非常香，每一啖都有蝦肉，蝦餅口感非常彈牙，再點埋泰式辣醬冇得頂。菠蘿肉鬆海鮮炒飯 $158原隻菠蘿上枱，菠蘿炒飯上面加了一隻煎過嘅大蝦。菠蘿入面放住加埋咖喱粉炒過熱辣辣嘅菠蘿肉鬆海鮮炒飯。每啖炒飯都充滿住海鮮、菠蘿粒同肉鬆食落酸酸甜甜非常開胃。

餐廳在海港的港威商場很易找。門面很開揚，面積也很寬敞有很多位置，也有卡位，桌與桌之間都有足夠距離，感覺舒適。很適合一大班朋友或家人來吃。有道粉紅色的打卡牆很有少女心！🩷小食 - 脆蝦餅 $15一坐下來就會附上，很開胃口🥥🐔 泰式椰子雞湯 $128椰子雞湯會隨爐上，有火烘托不會冷掉。好多雞肉在裏面😋 雞肉很滑嫩、大小適中、🥥椰奶味較重。湯可自選辣度，🌶️小辣可接受！🌱🥬 泰式炒通菜 $88通菜挺爽口、脆，不會太咸🍍🍚 菠蘿肉鬆海鮮炒飯 $158海鮮以蝦為主，好大隻🦐 菠蘿飯挺香，唯飯偏濕，乾身會比較好 🐥特色脆雞拼盤 $168 脆雞分別有三種醬汁在上面：Bbq醬、黑松露和蛋黃味。用來做分享一齊吃也不錯。個人比較喜歡蛋黃味。

再次黎Nara Thai水準保持得好好今次食得簡單啲 點左我很喜歡的椰子雞湯比起冬陰功我更喜歡椰子雞湯以新鮮椰奶、嫩滑雞肉同泰國香料味道濃郁而香甜 椰奶豐富口感同雞肉鮮嫩湯中搭配香茅、薑和檸檬葉等香料增加層次感同清新風味燒牛肉沙律 好滿足愛牛人仕超級多燒牛肉 牛肉燒得剛剛好啖啖肉 仲要好juice 沙律裡面仲加入咗新鮮嘅蔬菜，例如生菜、洋蔥同番茄，增加咗口感同層次感。最令我驚喜嘅係佢嘅醬汁，酸酸甜甜榛子煉奶香蕉煎餅煎得金黃酥脆裡面夾滿咗新鮮香蕉 榛子醬帶出濃郁嘅堅果香氣同香蕉嘅甜味好好食

尖沙咀有間西泰Fusion菜「Nara Thai Cuisine」🇹🇭仲可以睇到維港海景🌊.泰式豬肉炒河粉🥢河粉質感軟滑😋同時又帶有彈性，有大量豬肉同菜芯🐷🥬但略嫌豬肉偏韌同乾🥺.泰式肉碎煎蛋飯🍚肉碎加咗辣椒同香葉炒🐖🌿🌶️味道微辣，加上青瓜同太陽蛋🥒🍳特別開胃🤤.香脆蝦餅(3件)🍤外脆內爽彈😝淡淡蝦肉香，沾上酸梅醬更好味👍🏻.蝦片🦐十分香脆😆帶微辣胡椒味🧂.香蕉薄餅配榛子醬及煉奶🥞香蕉薄餅酥脆😗雖然配上香蕉🍌榛子醬同煉奶🍫🥛但食落都唔會好甜☺️.凍泰式奶茶🫖接近走甜味道🥺

如果係尖沙咀海港城入面要數數有幾多間泰國餐廳，其實都真係有好多間，但其中一間近港威商場既泰國餐廳，都好值得推廣出去！首先每枱上黎都會提供小食：炸蝦片 $15，香脆可口餐前小食真係會不斷食完再食！然後可以QR code自己落單，價格鮮明顯示埋加一價格同其他消費，佢既落單App都真係好唔錯！#黃咖喱軟殼蟹 $228不得不讚賞餐廳嘅黃咖哩非常之多香料，香蔥辣椒等等配料都非常充滿，而且咖喱比較澀身，保留口感口味！然後兩隻炸軟殼蟹都炸得香脆有層次，剛好放上黃咖喱簡直一流。#蟹肉炒飯 $118一座山的形狀，山頂放滿蟹籽、蟹肉，山底滿滿金黃色炒飯，內裡仲藏著幾隻蝦仁，滿滿海鮮感都比人一種飽滿感！#泰式炒通菜 $88總感覺嚟到泰國餐廳一定要食 餐廳嘅炒通菜，滿滿蒜粒同辣椒條一齊炒，再食得出每口通菜都有爽爽咬口，感覺真不錯！餐廳仲有機械人送上菜，以及千秋打卡位，如果幸運或者有訂位嘅話，仲有機會可以坐窗邊睇出海港城嘅海景，感覺都唔錯！

當你行入呢間餐廳時，會被佢環境同裝飾吸引，有別於一舨既泰國餐廳。每一張枱都會放左一籃蝦片，微辣幾香口。我地被安排左坐窗邊，同老公感受下望海既浪漫別緻氣氛。 老公指名要叫珍寶火山排骨，因為係餐廳招牌菜。火山排骨經過長時間慢燉，肉質鮮嫩，搭配特製醬汁（有好多香草、芹菜），讓人回味無窮。平時食排骨可能得骨果部分，但呢度係原條上，有埋軟骨果部分，老公超like！估唔到$238都有成六條咁多，抵食。 另外點了班蘭香葉包雞$168有三件，頭先既排骨係湯燉，同呢個脆口既包雞形成強烈對比，都要讚下自己ORDER得幾好，食到兩種唔同既口味同口感，不過今晚食肉都食飽。 最後一道菜是香脆腩肉炒椰菜$98。之前係曼谷食過超辣既椰菜，今次揀左唔辣。腩肉經過炸製，外酥內嫩，搭配爽口既椰菜，個醬油都好食。 這家NARA THAI係海港城，交通便利，價格合理，下次再黎食佢既泰式Ｘ西式食品。整體用餐環境舒適，氣氛浪漫，菜品美味，員工態度親切。

Nara Thai 係我成日都去嘅泰國餐廳，因為水準平均。今次咁啱嚟到尖沙咀分店Lunch，貪佢有個海景位可以慢慢食。午餐menu都係百零蚊，有沙律、餐湯、主食同飲品。沙律係豬頸肉粒沙律，湯係蘑菇忌廉湯或者冬蔭功。主食叫咗一個泰式豬肉炒河同馬莎文咖喱牛腱配白飯。炒河不嬲都係Nara Thai名菜，估唔到馬莎文咖喱一樣咁高質。牛腱炆到又淋又入味。餐飲叫咗杯玫瑰泰奶茶，估唔到有驚喜，除咗好鮮艶之餘，仲好香玫瑰味，好好飲 。呢度個Menu同其他分店有少少唔同，可能痴著Lady Nara，食物有部份偏向Cafe，令選擇多咗。西泰Fusion都幾好。

週末嘅時候同朋友一齊去海港城行街，行到咁上下嘅時候，當然去食個晚餐先，誤打誤撞竟然食到一間合理價錢，但又可以望到海景嘅泰國菜！一入到嚟環境都以木系裝潢，比人一種簡約舒適感，內裡仲有特設打卡位，俾人打卡影靚相！簡單品嚐咗三道菜，黃咖喱軟殼蟹、蟹肉炒飯、泰式炒通菜。 黃咖哩利用一個鐵碗盛載著，分離香脆軟殼蟹，軟殼蟹都有2隻切半，食落口感都唔錯；蟹肉炒飯將蟹籽同蟹肉滿滿鋪面，底都係炒飯，熱辣辣都唔錯；泰式炒通菜正正宗宗夠火喉，炒出黎剛剛好整體評分都唔錯，價格同出面嘅泰國餐廳都差唔多，係海港城裡都算係抵食之選。