Video
Opening Hours
Today
11:30 - 23:00
Mon - Sun
11:30 - 23:00
Above information is for reference only. Please check details with the restaurant.
About Reward Scheme
牛氣一直都係高人氣嘅水準火鍋放題餐廳，有唔同等級嘅放題套餐可以揀，豐儉由人，今次我地揀左LV4澳洲穀飼黑安格斯牛、SRF美國極黑牛同海鮮套餐($338/人)，120分鐘任飲任食，肉類海鮮齊備，簡直係夢幻級放題😍內裡空間超大，唔會坐到好逼，乾淨企理，食得幾舒服👍🏻自助區：多款火鍋配料、本地水耕菜、今期期間限定主題韓風祭小食等，勁多野可以拎😍關東煮醬料區甜品區：有糕點、大福、雪糕、棉花糖等飲品區：選擇都唔少，有茶類或汽水類飲品，我幾中意罐韓國橙汁😉食物陸續到齊，大合照🤩湯底：今次我地揀左味噌海老鹽湯，鹹香適中，帶有濃郁蝦味，入面仲有味噌提升湯底層次，無論涮肉定煮海鮮都好啱口味😁肉類：今次揀左LV4套餐，當然主打澳洲穀飼黑安格斯牛😎油花分佈靚，肉質嫩滑，食落牛味香濃，真係極品🤤SRF美國極黑牛一樣高質，極黑牛肉質細緻，入口即溶，令人食過翻尋味😍至於PRIME美國肩胛肉眼食落都幾香牛味，質素唔錯😄牛舌爽口彈牙，口感幾好海鮮：LV4或以上嘅套餐就包埋海鮮放題，選擇都唔少，有花膠、青口、大海蝦、墨魚滑、爽脆水魷、脆鯛魚片、竹笙蝦滑、小刺參、海鮮蝦滑😉全部都係新鮮彈牙。墨魚滑、蝦滑口感細滑，花膠超級補身，煮完吸晒湯底精華，鮮甜惹味😋火鍋配料：必食手打黃金蝦丸，蝦丸彈牙鮮味十足，咬開裡面就有鹹蛋黃，邪惡惹味，每一啖都係幸福😎牛骨髓放入鍋裡滾一陣，味道變得更濃厚，口感唔錯👍🏻小食：有三文魚刺身可以ORDER過下刺身癮，肥美鮮甜，入口滑溜😄山椒拌魚皮食落爽口又帶少少辛香，醒胃又開胃😋醬油熟蝦蝦肉彈牙，鹹香適中，充滿韓式風味甜品：除左自助甜品區外，我地點左鮮柚楊枝甘露，清新解膩，柚子味同楊枝甘露融合得好完美👍🏻十勝紅豆豆乳冰豆花，紅豆香甜，豆花滑溜，係完美收尾🤩牛氣真係一間高CP值火鍋放題，啲肉質鮮靚，海鮮夠高質，職員都好有效率，夠主動提供紙巾同幫手加湯，食得舒服盡興，值得一再ENCORE🥰題外話：喺FB/IG留言仲有御守送，都幾精美用心👍🏻補MENU
continue reading
♨️高質日式火鍋放題連鎖店🌟牛気🌟，新分店位於九龍灣🆕！適逢係牛気嘅十周年🎊，除咗有唔少佈置同埋免費贈品外🎁，仲推出咗期間限定湯底🦐，最正當然係🆓免費升級日本和牛任食🥩，爽到爆🤩，真係牛気沖天🥳！🎉Lv5澳洲極上和牛＋海鮮放題 $438/位🇯🇵日本京都府黑毛和牛牛肩胛肉眼十周年限定，惠顧Lv5或以上放題，可免費升級日本京都府黑毛和牛牛肩胛肉眼任食！油花極漂亮嘅日本和牛，油香同埋肉汁都好豐富，綿滑可口，勁正，必需瘋狂encore！♨️圍爐火鍋頭盤靚靚勁打卡！當中包括Lv5嘅菜品：🇦🇺澳洲極上和牛 - 軟柔富肉香，值得一再encore！🇯🇵日本赤雞雞爽肉 - 又爽又滑嘅雞頸肉，十分美味！🪸原隻鮑魚 - 水嫩中帶一點彈牙，相當新鮮！♨️味噌海老塩湯｜🦴黑蒜豬骨鍋期間限定嘅味噌海老塩湯，令食材添上一份鹹香，可免費升級！黑蒜豬骨鍋夠香郁，能突顯食材嘅鮮味！🐟三文魚刺身牛気嘅三文魚刺身，質素冇得輸，魚味濃，又夠肥美！🥬自助食品區強大嘅自助區，勁到連香港本地嘅水耕菜都有，一定要多多支持！🍭自助甜品區甜品區更加係一絕，連棉花糖同埋雞蛋仔口味嘅雪糕都有，真係無得輸！order嘅鮮柚楊枝甘露同埋淘大分店限定嘅十勝紅豆豆乳冰豆花，同樣高質！🍻Sapporo日本生啤Lv5或以上放題，日本生啤同埋清酒都係任飲，爽！
continue reading
我地最鐘意嘅日式火鍋任食店牛氣十周年啦😍！今次食好啲，食LV5 澳洲極上和牛＋海鮮放題 $438/位！肉類、海鮮、壽司、迷你丼飯、手工火鍋配料同甜品全部都係任食💕！牛魔王注意‼️除咗可以任食澳洲極上和牛、澳洲穀飼黑安格斯牛、SRF美國極黑牛、特選牛小排等等，仲可以無限次食期間限定嘅日本京都府黑毛和牛😍，食到回本話易阿😆！依架加入多款食多款熱食新品包括以牛為主打嘅牛肉小籠包、咖喱牛筋腩、北海道牛肉薯餅，以及港式情懷為題嘅辣酒煮黃金螺、臘味糯米飯同雞蛋仔味雪糕等等✨。湯底叫咗店員推介嘅人氣口味味噌海老鹽湯🍲，成個湯底紅卜卜，煲滾嘅時候聞到好香嘅蝦味，蝦味好濃郁！❣️肉類推介❣️🐮日本京都府黑毛和牛 脂肪同油花好豐富，入口即溶，口感軟嫩。🐮澳洲極上和牛肉質鮮嫩多汁，富含大量的脂肪紋理，肉味較濃郁。🐤日本赤雞雞爽肉肉質好滑嫩，有少量嘅脂肪，食落去係爽口嘅感覺。❣️海鮮推介❣️🦪黃金蒜香生蠔呢款係期間限定～脹卜卜嘅生蠔肉上面有好多炸蒜，蒜香味十足，好香口啊！🍢竹笙蝦滑竹笙吸收哂湯汁，包住蝦滑係入面，令爽口竹笙加咗彈牙嘅口感。🦐大海蝦海蝦都幾大隻，肉質爽口有彈性，我地每人都食咗幾隻阿！❣️甜品推介❣️🫘十勝紅豆豆乳冰豆花呢款寫明係分店限定，咁就要嗌嚟試吓啦！豆花上面加咗紅豆、奶蓋同火龍果乾，豆花好滑溜阿！🥣鮮柚楊枝甘露佢哋嘅楊枝甘露唔係用西米，而係用大大粒嘅水晶珠，口感好似蘆薈咁。芒果肉香甜，加上酸甜嘅鮮柚肉，做飯後甜品唔錯呀。🎁會員及非會員只要讚好Facebook或Instagram，留言「牛氣10週年生日快樂」祝福詞，就可以獲得十週年版牛氣御守、達摩廚師便條貼或達摩廚師鎖匙扣其中一份！📍 牛気九龍灣牛頭角道77號淘大商場1期地下G143-162號舖
continue reading
大滿足任食火鍋 飽到棒住個肚走😂牛氣十周年限定📢📢📢惠顧Lv5或以上放題就免費🆓升級日本🇯🇵特選和牛🐮肩胛肉眼任食！日本和牛油花好像大理石咁極靚 入口牛味香濃油香肉汁都好豐富😋另外仲可以外賣同埋有宵夜送題.裝修走簡約木系風 燈光夠光猛又唔刺眼一入門口就會見到自助區的各款袋物 有多款蔬菜🥬當中包括來自日本的時令鮮菜熟食·前菜·丸腸類·炒麵·甜品同埋炸物一應俱全飲品都有不小選擇👍🏻當中覺得幾特別既係有關東煮同埋棉花糖機.湯底我們選了壽喜燒同黑蒜豚骨湯 兩款湯底我都幾鐘意 黑蒜豚骨湯真係有一大舊豚骨 真材實料🤪.套餐一共有6個level 我地揀左lv5 「極上和牛+海鮮套餐」$438一位如果17:00前入座可享早鳥價$398一位極上和牛肉香而鮮嫩 仲有多款海鮮 當中推薦鮑魚同花膠😋👍🏻
continue reading
今日同朋友行完商場過嚟食打邊爐，知道牛気一向都好出名，所以今次就叫咗Level4嘅任食澳洲黑安格斯牛+美國極黑牛+海鮮放題，有成兩個鐘俾你慢慢食。餐廳嘅環境非常好，我哋6:00去到唔算好多人，自助區基本上所有嘢食都fill到好滿，而且隔幾分鐘就會有人去check一check，少個半碟即刻拎去換。今次餐廳嘅主題係韓風祭，所以醬料區同埋自助區都會加咗少少韓國嘅特色食品。佢哋嘅牛肉一向質素都好好，雪花好均勻肥瘦相間，而且超級新鮮，完全唔會有雪藏味嘅問題，海鮮都係一樣，扇貝同青口大大粒，超級鮮味！而且佢哋嘅湯底用料好足，我叫咗黑蒜豬骨湯，湯底中間一大嚿豬骨，熬出嚟嘅湯底好濃味好好食。
continue reading