牛一 (樂道) (Moved) New Location

天氣咁凍 緊係出去打個邊爐 一班朋友吹下水嫁啦位於尖沙咀呢間牛一 最近做緊特價 晚市有85折任食仲有好多選擇俾你諗下食咩價錢~上到去就有職員招呼 地方好大 所以唔洗等就可以入去我最愛牛 緊係食最貴個個啦 反正有折原來係自助咁樣既方式係出面自己拎我地有5個人自己枱有3隻碟 自己拎自己隻碟出去拎野食款式唔算多 不過重點都係牛姐 野飲就係隔離 好方便 有果汁 有茶 有汽水但要去汽水機我出去拎野既時候 朋友已經係位用餐廳提供既IPAD點牛,雞,豬蕃茄湯配搭和牛最夾 岩曬唔食得辣既我和牛勁多雪花 食落唔會太油 入口仲有啖啖好重既牛味 正到暈仲叫左其他唔同款既牛 咩都試下丫嗎同和牛就冇得比 呢幾款都唔錯 牛味都算重 又唔會太硬咬唔開仲有雞肉 不過冇皮 唔岩我呢D肥人 健康人民就最愛啦唔會太多肥 對我黎講因為唔多肥 所以有D"鞋"口最後仲有自助既雪糕 食完咁熱既火鍋 緊係要食下甜品啦又香又滑仲可以加士多啤梨/朱古力醬 仲有好多碎碎俾你選擇~食左兩個鐘 吹下水慢慢食 冇人會趕我地走舒服又自在 朋友聚會一定推介 地方大 服務好!!

冬天日日都想打邊爐咁制，今日就去左食牛一。佢地嘅自助bar選擇都幾多，蔬菜選擇更加有營養價值好高嘅羽衣甘藍，除此之外，麵嘅選擇除左一般嘅烏冬，佢地有d特色小小嘅，高好似蒟蒻麵，質地幾有咬口。至於牛，我地叫左第三級嘅，已經好好食，食完refill都上得好快，好有效率。

每次來牛一, 盡量會選擇星期一至四的, 因為不用等太耐, 通常好快有位。今晚同朋友出到尖沙咀, shopping 完之後, 行左 K11 同金馬倫道好多間餐廳, 佢都不太滿意。然後行到有 D 攰又肚餓了, 佢就提議食放題。由金馬倫道行左去燒魂, 但見門口完全無人等位, 可以即刻入座。咦? 星期五晚上七點半仍然無乜人的放題店, 而且要三百多元一位 (連加一 $4xx), 我地覺得會中伏, 即閃。經過商量之後決定去牛一, 行左一段唔算短的路程, 上網攞飛, 去到不用等太久, ok 啦, 而且有 4 人卡位!牛肉揀左 $178 的, weekend 加至 $188!牛肉大致同以往一樣, 很滑, 不算太肥。蔬菜種類很多, 今晚見到生根, 也有非常香脆的炸魚皮。配料選擇多, 比一般任食火鍋多, 牛一真係首選。第二 round 牛肉比之前的肥, 但入口更鬆軟淋滑。放題有各款飲品, 但我獨愛這款 sparkling water, 仲要係青檸味, 好飲!甜品通常有 2 款 yogurt , 同 2 款軟雪糕。今晚試左原味 yogurt, 非常好。這款蜜瓜味軟雪糕, 朋友猛話好食, 但我嫌太甜了。一定

天氣凍口痕又想打邊爐，揀左牛一貪佢十二點左右黎系唔使等位👍中意食菜既人黎呢到應該會好開心，因為有好多唔同種類既瓜菜菇，單系麵同粉都至少有4、5款！湯底又多選擇。飲品隨便揀！甜品仲有軟雪糕🍦

今日放假 翻工翻左成個星期 小弟都技啦。要今肉呀肉呀！！！！「特級日本和牛套餐」無限叫的肉肉 第一次上的是豬肉+牛肉 第二次加的就是和牛了！D紋好靚呀，雖然係放題但一D都唔差呀！都好好吃「自制酸奶冰激凌」我居然愛上左佢既酸奶雪榚🍦哈哈哈 超凍！加杏仁片仲好吃 吃了原味和雲呢拿兩種 鐘意後者多D 不過前者都唔差「魚豆腐麻薯」就是普通魚豆腐+麻薯我想話！那個表面好似有好多水滴的菜 超級無敵好食！好好食！！！ 還有菇類非常唔錯 包括調料 選了日本黑蒜醬油+柚子醋+朝天椒+忘了啥醬 總括都係真係唔錯的

星期六晚上9：30，3個人去食，等位等左大約20分鐘就可以入座，尖沙咀區算好快。仲有，9：30pm後去食，可以用$100優惠券(記得print出黎先可以用喎），$350以上就可以減$100，都幾抵。3個人，可以座卡位，都幾舒服，尖沙咀區呢個價位，又座得舒服，幾抵。可惜得90分鐘，如果有120分鐘會更加好。由於用左優惠券，有$100平左，所以我地加左$18轉鴛鴦湯底，再加$68叫左一份蝦。牛肉我地選擇左$198個set(星期六，日另加$10）牛肉算係中間貨色，有少少牛味，對得住個價錢。3個女仔，都食左9份牛肉。至於加$68 5隻蝦，我就覺得一段啦，唔算好新鮮，只係叫擺得落口。唔太建議比$68。出面個自助區選擇類別都算正常，基本既菜，瓜，菇，丸都齊。值得一讚既係，菜類好靚，好新鮮，洗得夠干淨。係丸類比其他同類型既放題火鍋店選擇少，得幾款。總結，用完$100優惠券，加左D野，加埋一，賣單每人$206，以假期，尖沙咀區，抵。座位舒服，服務正常，有禮貌。會再同朋友去 encore。

黎呢間分店已經食過好多次，lunch 同 dinner都食過，第一次的起心肝俾個正評。食過幾間牛一分店，最喜愛的還是這一間，覺得水準最高，配料最多，最整齊每一次黎幫襯都是如此快樂，好喜歡干貝湯底，一路翻滾著的湯底，你會發現有大量的干貝，好足料，我和同伴也忍不住吃了許多。喜歡未來有更多創新湯底，加入更多新鮮感lunch價錢更是超值，有60分鐘同90分鐘適合可以享受慢活的人，世上美食如此多，要是午飯時間能有1.5小時以上那該多好丫………………………………

雖說「攻略」有點誇張，係呢間似乎要咁講。我地食星期五，要每位另加10元，我地要咗美國牛肉豚肉。佢有啲人氣推介，不過我地無叫。湯底係鮮茄濃蝦湯，係好濃嘅蝦味，茄味完全被蓋過。牛肉食落真係唔錯，都可以接受到，我地都食左三輪，佢係薄切，好快就熟。蔬菜類尚算新鮮，而且諗到嘅都有。飲品我地只係揀左茶，甜品未有時間食。入座時間明明已經過咗7點，理應至少都有8點半啩，但我地發現個牌係寫8點25分，而且非常準時叫人走，我地稍為同職員反映，不過就只係話佢地跟機啫。係度提大家攞左張單望一望時間先，我地咁就無左10分鐘。。。

今次係無數次幫襯後第一次寫食評本人極極極喜愛打邊爐，去過無數間餐廳酒樓打，有湯底入味但菜選擇一般既，亦有湯底麻麻但食材多選擇，有啲就提都唔想提既餐廳牛一我幫襯過太子同銅鑼灣，但估唔到唔同既分店質素也有參差尖沙咀呢間真係冇得輸呀！！！是日選擇左蕃茄豬骨湯底，本人覺得湯底唔錯 ，有濃濃的蕃茄同豬骨味食材亦豐富，好多我打開邊爐必食既餸都齊（ e.g. 廚師腸，響鈴，豆腐，玉子，雜丸，豬紅，甜粟米，生根，炸魚皮....）。呢到更係愛菜之人既天堂，真係好多野揀，有友人最愛既羽衣甘藍，我最愛既芽菜同西蘭花，多到數唔盡了。仲有不得不提既乳酪雪糕 - 完美，仲有好多topping俾你揀，簡直wooohoooo~~~Lunch hour 食左成粒鐘 連埋加一 承為$70....都有找，抵到爛希望日後亦可繼續保留原有水準，咁我就繼續帶多啲朋友認識下呢間抵食邊爐專門店

每次想食牛肉鍋放題, 牛一都必定係首選, 因為每一次都 keep 到水準。今次用左 openrice 15% off 優惠, 雖然指明一定要 order $178 以上的牛肉, 但是對我們沒難度呀, 因為我們必然不會 order 最平的牛肉, 因為好怕 D 肉會好肥或者好靱。牛肉不錯呀, 少少雪花, 沒有筋, 也沒有渣, 非常嫩滑! Refill 也十分爽快, 兩個人好快就食左 11 碟。外面的蔬菜類也是任攞的, 這次到訪連羽衣甘藍也有啊, 草菇也是超大粒的。最後, 當然要食甜品啦, 每晚都有兩款 yogurt 同埋軟雪糕。見到有綠茶味的軟雪糕, 配料也是任拎的, 所以我加左紅豆, 就係自製宇治金時啦。完味的牛肉鍋放題, 牛一仍然係首選!

不知不覺這裡已成為我們的飯堂，一想到火鍋便一直來到尖沙咀牛一，而且一定要尖沙咀。今天是我友人牛一，當然要來坐坐。最好的是這裡假期都不會坐滿，可能是地點比較隱蔽吧。很好啊，不用跟太多人爭吃，慢慢吃都不怕。友人不吃牛，我們平常都愛吃平宜的火鍋料，廚師腸、獅子狗卷、餃子、年糕包、雜丸、粟米、生根、馬啼、蘿蔔、羽衣甘藍、芥蘭、西蘭花、冬菇、金菇⋯⋯真的很多、很多、很多火鍋料！而且添加得很勤快，不會有缺貨的時候。還有自助乳酪雪糕機，配料種類很多，任意添加！飲品也有很多款，有熱有冷，汽水、熱茶、荳奶⋯⋯除了食物種類繁多之外，吸引到我們的還有這裡衛生方面做得很好。吃自助火鍋的地方，無可避免在清潔方面會做得比較差，但這裡真的很整潔，吃得很放心這裡絕對是火鍋的不二之選，我們定期就會想享受一下休閒的假期，希望水準會一直保持下去，讓我們吃到老吧

it's been a year since I last came to the TST branch. looking back I remember why it's been that long.When initially opened the service, food quality, selection and the staff where friendlier but as with any establishment maintaining that level is often the hardest thing to do and the gradual demise is inherently the case here.The offerings tho similar to previous visits had somewhat slimmed down- perhaps it was a Monday thing?Cost cutting measures in the beverage dept now mean that there is no

價錢便宜，即使晚市都只係$178+1/位，而肉質亦已經好好，肉同飲品亦都係無限添加，係性價比一流既sabusabu。中意食壽喜燒既朋友一定要試壽喜燒湯底，免費有生蛋一人一份點牛肉又係十分出色火鍋配料無限添加，比其他火鍋餐廳特別既係有黑蒜醬油，用黎點牛肉十分入味，再配合埋辣蘿蔔容真係無得頂！飲品種類亦都十分多選擇，大小都啱飲到甜品，每期既甜品都唔同，多數係水果味同原味乳酪雪糕，我最深印象係蜜桃味既雪糕好好味！

牛一係我最鍾意食嘅日式火鍋店👅食過咁多次質素依然keep得好好👍🏻 今次食嘅係蕃茄🍅🍅湯底，蕃茄味好濃，鍾意蕃茄嘅要去試，但就一定無海底撈個個咁濃架啦！/佢會有季節限定嘅，而今次嘅限定係韓式牛尾湯，我就無特別試啦🇰🇷🐄叫左係極上美國牛肉都幾好味，但唔怕同你講佢地多數都係第一碟好食，之後再叫就無咁好食😿/而必食嘅有日式拉麵🍜，即係右下角張圖😼我次次黎都會食，係高質拉麵黎嘅！🤤 其次，就係左下角粒丸😂睇落平平無奇，諗住咪又係蟹籽丸芝心丸啲frd😆😆完完全全有驚喜☺️佢係忌廉粟米丸😘好似飲緊粟米湯咁🌽🌽encore左4粒😅點知過左一排就比人拎哂啦🔥🔥 整體黎講當我打邊爐癮起就會去止止癮🍲🍲另外佢會日式咖哩飯都好出色，又係每次都會食，但我唔記得左影/另外提提大家如果mon-thu去食要係openrice print定個coupon，我就因為咁啱公眾假期無得用，coupon有85折架85折食店黎講都算幾抵架啦！

夜晚睇完戲，而且秋風起，食返個火鍋放題先🤗🤗呢間火鍋放題成人最平$158就有交易，仲要係尖沙咀心藏地帶 睇完戲或者行完街去一流（而且星期一至四有優惠卷嘅話，仲有85折）今次師奶仔叫咗$178嘅餐（極上美國牛肉），呢價錢嚟講，啲牛性格價高啲豬都係性價比高而且佢有自助醬油吧，有大蔥碎/蔥碎/蘿蔔蓉/蒜蓉碎/辣椒/辣油供應，仲有各色醬油 （蘿蔔蓉係師奶仔推薦🥕）而自助美食吧，都有好多選擇.. e.g. 炸芋頭，豆卜，各種各樣嘅面條，各式各樣嘅丸都有。仲有好多種菜，e.g. 皇帝菜，南瓜，蕃茄，連近年大熱嘅superfood, Kale羽衣甘藍都有🥦🥒🌽除咗有飲任嘅汽水機，仲有啤酒🍺 大量紙包飲品，連中學時代最愛冰極雀檸都有😍😍重點項目：🍦自助雪糕機🍦今日嘅味有原味乳酪雪糕&阿華田雪糕。師奶仔推薦原味乳酪雪糕，可以自助加草莓醬或焦糖醬，再加topping!!! 總捨而言，用$158係香港中心地帶食到個任食火鍋，係抵嘅