Video
4-min walk from Exit A, Causeway Bay MTR Station
continue reading
Telephone
67171238
Opening Hours
Today
12:00 - 15:00
17:00 - 23:00
Mon - Sun
12:00 - 15:00
17:00 - 23:00
Above information is for reference only. Please check details with the restaurant.
喺銅鑼灣唔知食咩好 跟住就去咗好多食肆嘅登籠街 見到好多韓國餐廳 間間都好多人 我同朋友就揀咗呢間 好彩行得快唔使等位🫢見到隔籬枱叫嘅菜式份量都好大份 加上我哋唔係好肚餓 經過商量之後 所以最後我哋都係只嗌咗一隻豬手( medium size)一見到佢拎咁大碟嘢過嚟，即刻嚇親🤣之後店員亦都好有禮貌講解 雖然沙律只可以有一碟 但係其他嘅配菜 係可以任Fill 。 呢個非常好冇得輸如果兩個人真係唔肚餓 嗌一隻豬手絕對夠👍🏻 下次有機會試埋其他嘢食先
continue reading
味道上我覺得都還原到韓國！豬手肥瘦相間，食落Q彈，充滿膠質，香港口感稍為有咬口，比較煙靭😙就算驚個口有幾臭都好，我都推介蒜蓉豬手~豬手本身都有淡淡醬油味，再配上巨多蒜蓉醬，食落鹹甜鹹甜~建議可以另上，咁就同時試晒原味同蒜蓉味✌🏻亦都推介蘸豆瓣醬，味道會更加有層次👍🏻今次叫咗二人餐，有一份蒜蓉豬手（L），蒸雞蛋同5款小菜同沙律🥗，解膩一流！大家留意白色小菜，沙律海藻！個texture好得意，清爽彈牙~前菜仲可以refill架😬成間氛圍都唔錯，有disco燈又有kpop聽🎶，位置嚟講都算乾淨👍🏻值得再嚟~同埋最近韓國有巨量愛情蟲出沒🤢🤢大家可以留港感受下韓國氣息先🇰🇷
continue reading
見好多人去韓國也推介豬腳小姐，之前見銅鑼灣分店經常排長龍，今日專程6:15 就去排隊。 竟然可以直入，仲有兩三張吉枱。店員放低QR code 落單，竟然話只可吃60分鐘。心想，又不是茶餐廳或快餐店價錢，最低也俾90 分鐘。我決定等埋友人才入座。在門外等友人期間的10 分鐘。at least 5-6 pairs 人企在門口看menu , 不約而同講menu 冇show 價。入去問店員拎完menu 睇完價就走和朋友坐低點餐，不用5 mins 便上菜，豬手冇腥味，小菜也出色 。店員也有不時為我們加水。可惜即使我們不停手，也冇辧法60 分鐘KO 成碟。明白香港成本貴。多翻枱增加生意無可厚非，但請合理照顧食客感受。 一班朋友不適合在此聚會。
continue reading
呢間餐廳係位於銅鑼灣嘅豬腳小姐，佢喺金朝陽中心二期嘅Midtown地下C號舖。嗰日夜晚食飯等咗一陣就有位。今次我去試咗佢哋嘅大份蒜味豬腳同埋吞拿魚飯，真係好正。
首先講下個蒜味豬腳，豬腳嘅肉質真係好腍，一啲都唔韌，食落去好容易咬開。蒜味好重，成個口感好豐富，不過我覺得蒜味仲可以再重啲，咁就可以更加滿足我對蒜味嘅追求。豬腳嘅份量都好足，啱晒我呢啲大食嘅人。
再嚟講下個吞拿魚飯，呢個飯係可以自己DIY，即係你可以帶手套自己搓飯團，有時整吓細細個又整吓大大個，都幾好玩。吞拿魚嘅質素都好高，新鮮又唔腥，同紫菜飯、沙律醬一齊食真係一流。
總言之，呢間豬腳小姐真係唔錯，無論係蒜味豬腳定係吞拿魚飯，都做得好出色。如果你鍾意食豬腳同埋吞拿魚，呢間餐廳一定唔會令你失望。下次我仲會再去試下佢哋其他嘅菜式。
餐廳嘅環境都好舒服，服務態度都好好，值得一讚。如果你喺銅鑼灣搵緊一間好食嘅餐廳，我一定會推介你去豬腳小姐試下。
continue reading
豬腳小姐📍銅鑼灣登龍街1-29號金朝陽中心二期 - Midtown地下C號舖┄┅┄┅┄┅┄┅┄┅┄┅┄┅┄┅┄開業一排都仲要排長龍😯用餐時間只有60分鐘店舖入面比較迫 所以無點影到個環境但豬手(定腳?😂) 味道幾滿足！▫️ 原味豬手 - Size M ($380)中size分量細韓國一個圈🥲三個人係唔夠食的但味道不錯！！相對韓國切得比較厚少少豬皮好Q彈 滿滿膠質👍🏼肉質嫩滑 肥肉部分不油膩 點麵豉醬好正有唔同嘅前菜都可以無限refill特別中意呢個天使草沙律 口感咬落極爽 仲有大大盤沙律菜 完全唔怕滯🥗▫️ 蟹籽紫菜飯糰 ($50)必叫！！滿滿嘅紫菜同蟹籽 加麻油好香口正確食法其實係握做一球球飯糰食但太懶撈埋就咁食 送豬手一流👍🏼┄┅┄┅┄┅┄┅┄┅┄┅┄┅┄┅┄
continue reading