木椰餐廳

Open Now

Now Closed

第一次食完野要嬲到寫劣評😡岩岩去食下午茶，叫左個下午茶餐 $52咖喱牛腩飯，黎到見到只比左兩舊牛腩，我問侍應點解得咁少，係咪有D問題？跟住佢叫左個黑色衫女經理過嚟，女經理過到黎 望都未望過碟飯，就答我下午茶係咁架喎😡我話下午茶都52蚊架喎，就得兩舊牛腩 ! 佢話係咁😡我唯有話: 你話係咁就得啦😡乜而家$52個下午茶餐叫平咩？其實好多餐廳已經可以食到午餐啦，比兩舊牛腩當我乞衣呀😡😡😡 香港飲食業點解搞成咁。。。真可悲😩

員工態度差,個個燶口燶面食物質素差上枱仲要唔係熱嘅衛生環境差出餐時間極耐,已經催過兩次單前後接近等咗40分鐘幫襯時間唔係繁忙時間絕對唔會再幫襯附近比佢好嘅餐廳大把

又喺因為一年一度阿媽嘅死忌日而嚟到鑽石山墳場掃墓，之後照慣例就同細佬妹一齊食埋晏先散。貪方便加上由於天氣熱，所以，大多數都喺行過嚟「慈雲山中心」搵食就算。佢哋唔多試新嘢，茶記就最啱佢哋，所以，一早上網揀定咗「木椰餐廳」，可謂目標清晰。睇門面已覺得間鋪好大，環境乾淨企理，光猛闊落，正值午飯高峰時間，全場近乎座無虛席。雖然喺咁，無見店家逼人坐埋一枱，或兩個人坐卡位要坐埋同一邊。我哋就搵到個角落位，騷擾度細啲。主餐牌大大本，今次就無影晒，只喺影咗我哋有嗌嗰版，另外，仲有個精選午餐餐牌，每日都有6款選擇 包餐湯及熱飲。是日餐湯細佬就嗌精選午餐，餐廳都喺茶記嘅標準：紅湯、白湯，佢就要咗紅湯（雜菜湯），味道OK啦，料多，酸酸香香，夠平穩。焗葡汁雞皇飯 $58因為喺是日精選午餐，所以，好快就送到嚟。睇外觀感覺好似幾正咁，食落又會係點呢？細佬就話個葡汁聞落幾香，但食落唔夠椰子香味，唔叫差，但未有食到好開心嘅感覺，幸而啲雞肉就都嫩滑，拉番啲分。精選常餐 $52細妹就揀咗常餐，主食都有四款選擇，佢就揀咗「瑞士汁雞翼撈螺絲粉」，啲雞翼上晒色，睇樣又喺幾唔錯喎，細妹就話幾入味，幾好食，啲螺絲粉亦都煮得夠咬口，

📍木椰餐廳呢個價位嘅屋邨餐廳，其實對佢食物嘅質素都冇乜要求，只要唔難食就可以。幫襯過幾次覺得佢嘅炒飯同蕃茄芝士焗雞扒飯都幾唔錯。每次我嚟其實都係食呢兩樣嘢。今次叫咗辣椒雞粒炒飯，佢嘅炒飯份量好足好大碟，不過略嫌佢今次炒得唔夠乾身有啲濕。另外加咗個羅宋湯，味道正常。但蕃茄芝士焗雞扒飯嘅份量就明顯好細。雞扒一般餐廳嘅雞扒要細好多。我平時都細食，但食完都係啱啱好冇乜飽嘅感覺。佢呢個焗飯有炒飯底，如果可以加埋菠蘿就Perfect

喺呢度食過好多次，最令人反感就是有個男人服務員，工作態度差，沒有禮貌，食物水準一般，杯凍咖啡淡過貓尿一啲咖啡味都冇，價格一般，最主要唔會再去原因，就係這個男服務員非常之無禮貌，基本禮貌都沒有，真係是趕客之都。

因為住附近食過呢間好多次之前食過佢下午茶嘅咖喱牛腩飯 上到嚟見唔夠汁叫佢加多啲汁都會畀今次都係食呢個 個飯嚟到牛腩得兩三舊 汁又少唔夠撈😅就嗌侍應幫手加啲汁啦佢竟然話下午茶冇得多㗎 要就加5蚊講完佢頭也不回走咗😅😅但汁真係太少 唯有嗌返佢過嚟話要加啦佢笑住話 加5蚊都加？幫你問下啦咩叫問下？😅😅😅如果係不嬲都加5蚊先畀嗰一兜仔咖喱汁嘅就唔洗特登去問下啦下話？直接幫我落咪得😅仲要menu根本冇寫要加5蚊睇返張單寫住 手寫單 $5其實加5蚊係咪個侍應自己作？😅😅😅

寫親早餐食評都俾openrice話係試食，我都想有餐廳請我去試食。今次唔早餐忍餓等下午茶睇你又話唔話我試食。西多磚配炸雞髀令人流晒口水嘅組合。西多磚真係外層金黃酥脆，內裡鬆軟濕潤，口感豐富。但比想像中冇咁甜，多士有啲韌。配上炸雞髀，更是絕配！炸雞髀又外層酥脆，內裡肉質鮮嫩多汁，啖啖肉，但隻脾賣相差啲。兩樣一齊黎。快係快，但變左冇得係熱辣辣嘅時間食可能冇乜人上菜好快..定炸定先真係唔知，不過上碟時都係熱辣辣超級香，應該話香味比食落嘅味最佳。

要去慈雲山做事，外面下雨，便留在室內食飯。慈雲山都有多選擇，有機會再去外面食過。今次去這間食下牛排，因為之前上手都是食排不錯的好地方。當然一分錢一分貨，不是食和牛。（其實我都唔明入口即溶有什麼好，食牛油便入口即溶)Anyway, 個牛排不錯，而且個冷奶茶，好有港式奶茶的茶底。當然，這次都有彩蛋，不過我自己都無影到的。便是owl 🦉 ，無錯是貓頭鷹。如果你好好彩，在慈雲山上的某一個公園，你是會影到牠的。Good luck～

我係唔想食到血既，所以要求牛柳九成熟。原本以為好似食橡筋咁樣，但估唔到近乎Well Done既牛柳咬落去好鬆軟，好好食，真係Well Done 另外，紅湯、乳酸飲品都唔錯。

星期日同老公開開心心心去食早餐，點知食到一肚氣，10點37分落單，叫咗一個沙嗲牛肉麵，一個蕃茄湯牛肉麵，沙嗲牛肉麵大約8分鐘送到，但蕃茄牛肉麵催單多次仍未到，詢問職員，多次回覆都係已落單，在詢問職員期間，遲過我哋入餐廳的食客都已有早餐送到，而且同我點嘅蕃茄牛肉麵一樣，所以問職員為何我哋未有，此舉可能令隔離枱食客誤會我哋想搶早餐，所以破口大罵我哋，第一次因職員犯錯而與食客爭執，最後11點10分親身到水吧詢問，職員話有一碗剛煮好，現在畀你……真係食到火起，以後唔會再去，免得再與食客"開火"😡

今日第一次去試這間新開的餐廳，我點了鐵板牛柳絲炒麵，我的朋友點了星期日set lunch, 餐牌上寫明set lunch特飲加$10，而跟餐特飲半價。我哋叫之前已經問咗阿姐一次，確認價錢才叫，然後我哋都叫咗兩杯特飲，但係睇返張單，全部都係收特飲半價。我向另一個阿姐查詢，佢話加$10係另一版的特飲，我睇咗好耐都見唔到餐牌上有特飲兩個字，而餐牌上寫着特飲又是什麼？我跟店員理論，她表示系統係咁，又話要train d落單阿姐，推得一乾二淨，所以全部都收跟餐半價，而並非加$10，好明顯是誤導食客。還有就是那碟鐵板牛柳絲炒麵，上來不是鐵板，而是用膠碟上。我投訴他們違反商品說明條例，佢就話唔啱食就取消左佢，堅持唔改餐牌或作出任何糾正。我為免浪費食物，最後沒有取消，但一定要公開他們這種不良的營商手法，以免再有街坊中招。😡😡😡

今日晏咗起身想頹食lunch，就過咗嚟依間新開嘅冰室試下！撞正下午茶時間，男朋友又肚餓，所以總共嗌咗3個下午茶餐🤣我哋叫左乾炒牛河，可能係下午茶價錢，分量比較少，但河粉炒得夠鑊氣，而且唔油，幾好食！牛肉都唔鞋，不過都係偏少。另外嗌咗個咖哩吉列豬扒飯。豬扒嘅炸粉唔會太厚，啖啖肉，比預期中好！咖哩帶甜味同椰香，好餸飯！依個雖然都係下午茶餐，但分量好足，性價比相對乾炒牛河較高！最後嗌多咗個西多磚。西多有花生醬餡，外皮炸得好酥但唔會太油，加埋牛油同糖漿真係又邪惡又好味！😋總括嚟講依間冰室性價比算高，食物質素整體都唔錯，而且啲侍應姐姐都幾好態度，食得幾開心！街坊經過不妨一試！👍🏼

第2次來吃下午茶，因為之前食完覺得唔錯。這次差不多6點才來，發覺人多了很多，幾乎要排隊。這次清潔明顯比上次差了一試，餐具也馬虎了一點，這次拿餐具時發現餐具還有水漬。這次叫了兩樣食物，卡邦尼煙肉意粉和香草番茄汁焗豬扒飯，意粉味道挺好，汁很多，肉挺少，看上去挺大碟。焗豬扒飯豬排挺大份，味道正常，汁很多，飯是炒飯底。

剛剛開張的店鋪，看見下午茶挺便宜抵食便進去嚐嚐。環境很清潔，不管是桌子還是餐具，不愧是剛開的。店員也挺有禮貌，一叫就過來了，也沒有催促我們下單，吃完也沒有馬上過來把東西收走趕人走。叫了兩樣東西吃，一個芝士雞排焗飯，雞排是挺大份的，味道挺好正常，飯是炒飯底再焗，芝士正常發揮沒甚麼味道。另一個是咖喱牛腩意粉，咖喱挺好吃，不辣有點甜，汁是挺多的，夠拌意粉，牛腩份量少了一些，就幾件吧，有點硬，不入味，總的來說份量不夠，我一個男人吃完都不夠飽。