Video
叫咗一個胡椒蘿白薏米鹹菜燉雞腳湯 好足料 除咗湯名入面嗰啲料有齊之外 仲有啲瘦肉 分量啱啱好 色香味俱全 味道方面 個湯胡椒味重 重要冇味精 鍾意胡椒嘅人一定會鍾意老闆娘同太子女都好nice
continue reading
4-min walk from Exit B1, Lai Chi Kok MTR Station
continue reading
Telephone
55880898
Opening Hours
Today
09:30 - 19:30
Mon - Fri
09:30 - 19:30
Sat
09:30 - 15:00
Sun
Closed
Above information is for reference only. Please check details with the restaurant.
食過五六次，佢嘅粢飯好軟熟，唔會硬繃繃同埋好乾爭爭，而且裏面嘅料好足好好昧。食過好多間嘅粢飯呢有個情況都係佢嘅飯團都係好硬。但係呢一間呢係我食完一次會keep住繼續食。佢嘅湯呢好足料，冇味精，不過平時我飲慣啲湯好濃嘅時候呢所以我會加啲鹽落去。🤣整體呢我都會keep住幫襯。我第一次比食評，但係因為呢佢嘅粢飯真係好好好味。所以我會一直去幫襯佢，真心會推介呢一間舖。雖然呢個事頭婆有少少串😛但係我覺得食物同服務係應該要分開返😚整體來講呢喺荔枝角附近呢佢都係一間唔錯嘅食店。
continue reading
幫襯左好幾次, 無聊search 吓間店有冇openrice 見到有個負評覺得頗詫異, 所以撈翻起封塵n年既account想寫個食評我較喜歡食得清淡, 街上亦好難找到真正清淡的食物, 但呢間真係做到佢個素糭係我至愛, 首先唔係度度都有得食糭, 仲要係素喎! 佢隻糭 望落去有D細, 但D 黎麥同粟子都足料架, 我通常食完就4成飽啦, 再加D小食就ok最近試左佢個湯, 日日都有10款揀既, 另外有D素湯, 價錢係正常市價既. 有日我試左個章魚眉豆湯, 料都ok 架, 仲有火腿調味. 有少少多水既, 似屋企阿媽煲果隻, 即係煲極都好難煲到出面果種濃味呢, 但我覺得ok 喎, 全部真材料冇味精. 我試過飲其他鋪頭D湯, 飲到想嘔, 味道太濃好辛苦. 例如鴻X堂果D呢. 但呢間鋪頭完全冇呢種感覺, 飲完好舒服..我唔知點解個負評覺得人地擺左好多日啦, 我都唔係好識分, 但我覺得材料夠真, 食完個人舒服好似食緊住家飯咁係我搵野食既要求.佢仲有D小食夠晒清淡, 我都好鐘意食. 我自己就食過粉果, 羽衣甘藍餃, 鮮竹卷. 呢度有好多野食岩素食者, 同埋細食既OL, 好似我呢D.另外得老闆娘自己一個一腳踢. 支持小店呀.
continue reading
荔枝角區成日想食健康啲 見新開左間燉湯 每次經過都見到佢拍烏蠅 未見過有客下去 不過真係𡟚想飲靚燉湯 都照樣試下買左個燉湯同粢飯個燉湯應該係個蒸爐度焗左唔知幾多日 可能7749日😖 入面舊瘦肉係燉到變左深啡色 我指舊肉嘅中間全舊都係深啡色 完全feel到係每日賣唔出然後放係度一路蒸好多日 湯料不過不失 個粢飯仲大鑊 蒸到綿哂 入面包左舊油炸鬼 入口即溶 成舊粢飯入面係好濕 唔知食緊啲咩 好努力食左一半 放棄結論 唔會翻啅 可以不試🥲
continue reading