MX (新港城廣場) (Closed)

前幾日睇廣告看見新出泰式餐好似好吸引。路過見到美心，食客又不多，所以決定一試，我叫了一個香烤豬頸肉油飯，但攞餐後發現同相片出入太大，豬頸肉好像沒有烤過的樣子，而且切得太大片，雜菜好像打風一樣。味道正正常常，不是難食，但被賣相影響食慾。

I was on a hurry that day , therefore, I just decided to have a quick meal . McDonald's and KFC doesn't seem too healthy , I've had Super Super already (yes, the Beef Ho Fan time ) and there's nothing else, except MX . Fairwood has curry. Cafe De Coral has baked pork chop with rice. MX doesn't really have a signature according to my memory , though I guess they recently chosen Hainanese Chicken Rice as their signature dish ? So I chose that .The chicken looked nice , and it tasted great ! T

最近買了套票, 送了些早餐優惠, 令平時只在MX吃午餐的我, 都想試下佢D早餐.買了茶記常吃的早餐, 因為我心血來潮, 想吃沙爹牛肉麵.有半片多士, 抄蛋及熱飲, 都是 $30有找, 算實惠吧！以平時抄蛋的經驗, 這個應該有3隻大蛋的分量, 切開仲可以見到煙的, 不會過熟, 蛋味一般. 多士是厚切的, 微脆. 而主角沙爹牛肉麵的麵底是出前一丁吧？！ 我放到最後吃的麵也不會過淋或浸泡. 沙爹汁幾濃稠, 加入了些花生醬, 味道多了幾層, 既香又惹味！食開茶餐廳早餐的, 值得一試. 我吃完後, 都不想吃通粉了.

經過見有車仔麵餐，見價格相宜便入內試下快餐店的車仔麵，其實也沒有太大期望，但食落也覺可以啊。湯底味道不鹹，辣度適中，牛肚唔夠腍，雞翼就頗入味，油麵就幾好咬口，甜酸齊味道不錯，是另外碗仔上👍🏻，份量十分足，包杯飲品，3餸是$36，4餸也只是$40。此MX店雖然不大，座位不多，也有自助點餐機及自助水吧。但客滿時，服務員收拾也未必能及時，收銀員有耐性，現在儲積分及付款app五花八門，遇到食客有疑問也有説明。

雖然美心MX唔係海南雞飯專門店, 但佢出既SIR滑雞, 都真係唔惹少既.雞肉無骨之餘唔會太油, 配菜有時都會變動下, 今次配既係醃青瓜, 酸得黎帶點甜味, 都幾開胃.油飯油份足夠, 唔會太過份, 令到少少硬既飯, 可以軟返少少.重點係佢既醬汁, 黑豉油永遠都係最匹配既味道.再加上蓮藕章魚湯, 入面仲有幾舊蓮藕可以咬下, 成件事係非常套餐化.因為食夠某個數先用倒優惠券, 所以加多左杯芒果冰紅茶, 最特別既係, 入面既芒果, 似新鮮切落去既, 唔似係機器切出黎既方角形, 反而係有根既不規則形狀, 加上紅茶既少少茶澀味, 芒果既甜味剛好登返渾.

美心 MX 一向都有食開感覺唔錯，所以今日晚飯就去咗幫襯，本身諗住叫燉湯小菜二人餐，但係啱啱賣晒，所以朋友就介紹燒味絕配飯話唔錯。朋友叫咗叉燒 • 菜脯香蔥炒蛋飯，我自己就叫咗燒鴨 • 菜脯香蔥炒蛋飯，另外再加多個芥蘭炒牛肉，三盒賣相都唔錯。😋燒鴨 • 菜脯香蔥炒蛋飯，燒鴨比我預期中失望，好瘦冇肉食之剩又無豐腴多汁既感覺，而且重有點羶味添，睇相真係幾精神，但食落真係唔多掂。芥蘭炒牛肉咁大盒都係 $38 蚊，以小菜嚟講真係幾抵食，不過抵食還抵食，質素真係差到一個點，先講啲牛肉，啲牛肉好多都有根好鬼死韌，起初重以為係肉片 ☹️ 而且完全冇牛味既，好似將啲牛肉熟完再求其攞去炒炒咁，而且一啲鑊氣都冇，不過口感差唔梗要，但最慘係味道都欠奉，開頭自己食咗啲芥蘭同牛肉都覺得係咪自己有啲傷風所以冇味呢，但朋友食完都問我，你覺唔覺得成盒芥蘭炒牛肉都冇味 🤦🏻‍♂️ 呢盒芥蘭炒牛肉，簡直係呃錢之作，十蚊都真係比多佢，呢餐晚餐真係麻麻地。

一直對快餐店食物質素不敢恭維最近樓下大快樂執笠開了間mx而美心近年用心求變一於試試！叫了雞扒太陽蛋餐等餐入龍長輪到我時，員士很有禮貌講唔好意思 要你等咁耐雖然本身都無唔gur,但此刻都好gur食物質素方面，啲嘢全熱牛油半溶，很貼心雞扒又夠汁 最要大讚係太陽蛋真係動L的!!!!!超好食以後會嚟食多啲

之前成日食焗豬扒飯，轉咗工食午飯時間又撞正下午茶餐，下午茶時段通常也是提供小食丶燒味或麵之類。 食食下又冇出新款冇嘢好食，最後也冇幫趁佢好耐。 今日經過見到竟然下午茶時段，也有供應焗豬扒，個名更叫＂很大喔！焗豬扒飯＂，即叫即焗等差不多10分鐘。 豬扒仍然夠厚又肥美，茄汁醬夠多飯夠熱，可惜表層芝士只有剛溶，芝士面沒有焗至金黃焦香，菠蘿更只是少少暖，不過也算不錯。最少在我的午餐時段，即下午茶時段又多一個選擇。

今日專登請假在屋企大掃除，去完銀行就拿拿聲買兩個外賣閃人，本來都未諗到食咩的，我係比佢個「早食早著數」優惠吸引左黎，一個午餐連飲品只係$29！！！呢個年代去邊度揾！可惜好似只限星期一至五中午唔知幾點前。佢都有幾個選擇比你揀，我就叫左粟米汁雞扒飯同煎蛋肉醬意粉，而佢既速度就超快，由我比完錢拎張票去Counter到我拎得個外賣走，前後只係2分鐘！其實呢間MX我地都幫襯過幾次，佢門口有自助售賣機，當收銀好多人排隊時用佢就最好！仲有自助斟水處！而餐廳寫住有60分鐘WIFI分鐘，雖然我無用過，但咁既快餐店都提供WIFI真係比個讚佢！第二個讚係我見到個姐姐會回收番D無開過既糖包、牛油等，作為環保人士我好欣賞！不過呢. 明明寫住日日無飲管，但我個外賣汽水仍然附送飲管一支，唉...今日無帶食物盒黎買外賣已經心有愧...番到屋企梗係食飯啦，佢個份量並無因為價錢而少左，雞扒兩大塊！粟米汁都夠！而肉醬意粉的肉醬都夠多！味道都幾好呀！咁既價錢黎講真係100分！

好耐冇去mx食嘢，感覺來來去去也只得幾款，完全冇新鮮感可言。 今日經過mx 快餐，看見有兩部自助式叫餐機，旁邊也有一個收銀櫃位，但兩邊也冇人排隊。 雖然1點多但內裏仍有很多位，見不用等位今餐就在MX食。 記得以前它的焗豬扒飯好似幾好，見只得燒味及幾款菜式，沒有太多選擇，就只好叫了焗豬扒飯。 餐廳內也有自助餐具及調味料站，有凍熱水選擇也好方便。 焗豬扒飯面放了少量芝士，豬扒煎得不夠香及太瘦，好在醬汁份量夠令到碟飯也好味咗。

等左好耐美心 MX 嘅扒餐終於強勢回歸，所以今日就二話不說即刻仆倒去食，雖然扒餐價錢加咗價，但係都比其他大型連鎖餐廳價錢較抵同質素比較有保證。叫左 MX 雜扒 (雞扒、豬扒、牛仔腸、煙肉) 配酥皮龍蝦湯及薯菜 ; 龍蝦湯嘅酥皮唔使加錢配呢個好抵讚。酥皮龍蝦湯 : 個酥皮整得超正，搵隻匙羹敲落去脆卜卜既 ; 湯底有洋蔥、蟹柳、蘿蔔，可惜食唔到有龍蝦肉，同味道略為淡了少少不過都算係咁呢個價錢。雖然係快餐店但係都好有誠意擺咗少少款先出餐 ; 煙肉煎到脆卜卜非常好，雞扒煎得好脆好香口，豬扒亦唔錯 ; 而薯菜有好多元化，有清甜既甘荀、爽口既翠玉瓜、荷蘭豆同薯仔。

今日晏晝食飯，見周圍都爆位又排隊，見哩度有位就食。點左個叉玉米飯，啲叉燒勁厚勁鞋，跟本唔係叉燒係叉焗，煲湯肉仲好食過佢。同點左個焗雞排飯，塊雞啲味都冇，食啲焗飯本來仲安慰啲有返啲野好食，但，我一舊鹽，然後第二舊鹽。。。然後杯紅豆冰,又係淡而無味。。。係杯奶茶係最正常以前食過嘅MX都冇差勁得咁緊要，係真係整體質素下降，定係只係哩間分店係咁？原本想叫個夾叉燒蛋嘅包食，但佢地又話哩間分店冇做，心諗咁佢又大大個電視播出離？但又咁，好在佢冇，啲叉燒咁伏。。仲有，坐完角落頭個沙發位之後，靠邊手臂位紅左撻然後勁痕

電腦化購票、裝修環境氣氛都同平時快餐店不一樣。點了粟米汁天使雞扒飯，原煲咖喱雞飯。用電腦購買好方便。粟米汁又濃又滑、雞扒超厚超大件，雞皮煎得有脆有香。咖哩雞相比就冇咁吸引，但咖哩汁一樣又香又濃。相比冰鎮奶茶就好特別， 味道又濃又滑。

我本身都好鍾意食焗豬扒飯，以幾間有名連鎖快餐店而言，以前「大家X」的豬扒飯是我認為比較好食的，但最近聽朋友講美心MX的焗豬扒飯好食咗好多，所以想去試試其豬扒飯的水準，經過馬鞍山新港城廣場美心MX，原來呢間美心MX已經改為叫「MX」，雖然無咗美心，但應該仲係美心集團的。先去收銀處向店員落單叫一客焗豬扒飯，$40，加一杯七喜，加$6，共俾$46後攞飛，去揾位等叫號碼，呢間MX有自助凍/熱水機，唔駛下下去店員攞水，幾方便。等咗幾分鐘就有得攞，將餐盤攞去我已放低袋嘅枱，未開始食前，先將焗豬扒飯上的一塊豬扒、番茄、菠蘿、茄汁及炒飯放到另一隻碟上，並將豬扒切件，才開始進食，豬扒都叫有咬口、番茄外皮焗到乾身而裏面仍留住水份、芝士焗到夠香口、茄汁沒有過酸、不過靑豆少少乾、炒飯底算夠乾身，真的比起「大家X」同「大快X」好食咗。

上星期放假就去左美心嘆左個下午茶餐，有忌廉紅豆沙，但好鬼甜，甜到漏，红豆則好腍；另外有炸雞翼，剛炸起，好脆，好香口，唔錯，再加埋杯熱辣辣奶茶，好滑，好香奶味，二十幾蚊，抵食