Video
Payment Methods
Other Info
10% Service Charge
Above information is for reference only. Please check details with the restaurant.
今晚黎到土瓜灣做野要搵食，附近見到呢間餐廳記得以前係大埔做野都食過，咁多年無食又回味下，餐廳樓地好高，座位好闊落，坐得都幾舒服😌餐廳提供全日特惠餐，午市同晚市價錢相差不大，我食既係晚市套餐，包餐湯，是日餐湯係南瓜湯，味道都唔錯🫕辣肉腸鰻魚蜆肉明太子蛋炒飯 （$92）睇個名就知道配料好豐富，我鍾意食炒飯，但都好少有咁多配料既炒飯，有辣肉腸，蜆肉，明太子，火腿，鰻魚和蛋，食落層次豐富，米飯應該係用日本珍珠米，煙煙韌韌，幾好食㗎😆原隻軟殼蟹伴鮮茄燴意粉 （$82）軟殼蟹大大隻，上菜嘅時候熱辣辣，相信係即刻炸嘅，食落脆卜卜又新鮮，鮮茄燴意粉，酸酸甜甜夠開胃，配搭軟殼蟹，唔會覺得成個餸乾爭爭🦀套餐可以半價轉特飲焦糖脆脆熱鮮奶咖啡 （$37）焦糖脆脆溶入鮮奶咖啡，啖啖焦糖味，唔使再加糖都夠甜☕️紅棗杞子圓肉茶 （$39）材料好足，清甜可口又夠養生🫖呢間餐廳食個快既又有我食既特惠餐，想食好d仲有扒鋸，夠曬多功能既餐廳😆
continue reading
直到現時，有兩間餐廳從未幫襯過係人生一大遺憾，一間係頂頂大名嘅馬料水雍雅山房，已再無機會原址幫襯，大家都知原址已變成私樓.另一間係諾士佛台 Munch!一講哩間餐廳，充滿感動! 一路食一直好忐忑!話說千禧年代香港只有兩位御廚，其中一位係 Kent Yip，創立 Munch 餐廳，不但自己攞到藍帶，獲獎無數，連帶佢嘅學徒亦都做出得獎菜式! 雖然有如此超高成就但為人包容又敦厚，臉上常掛親切笑容，相比起依家小小成就卻巴巴閉閉高資態嘅所謂廚師，Kent Yip 愛低調作風卻令小弟更敬重欣賞，可惜英年早逝，小弟亦有幸於他在生之年跟他學點皮毛，但一直無緣幫襯佢間餐廳，之後諾士佛台亦轉為其他餐廳，就再無機會幫襯.遺憾到依家!早兩日揸車經過，竟然係家住嘅土瓜灣區見到哩間叫 Munch Now 嘅餐廳，餐廳裝修風格似當年 Munch，唔知係咪兩間餐廳有關連，打電話去問接聽嘅妹妹都唔清楚，於是當晚就衝落去打聽一下.打開份 Menu 好多心水食品，女友小熊見意點一份二人 Set，頭盤煙肉蘑菇芝士焗蠔，法式煎紐西蘭羊扒，鮮蝦牛油雜菇軟蓋蟹配油酥餅，黑椒離菇牛柳絲炒天使麵，女友小熊點百香果檸檬茶，我當然點大愛嘅沙冰，一杯曲奇朱古力沙冰.其中兩款菜式最難忘，一款係羊扒，羊扒點咗七成熟，肉質無浸血水，口感超鬆軟，係我食過最鬆軟嘅羊扒，口感同A5和牛有得比，而且無咩騷味，啱哂D怕羊騷味人士.另外曲奇朱古力沙冰完全無一粒粒冰粒嘅口感，一小粒都無，沙冰打碎至幼滑，而且味道濃郁，亦都係飲過最幼滑嘅沙冰.一問之下先知道原來同諾士佛台係同一集團，同餐廳負責人緬懷過去一翻，我自己感慨萬千.見到隔離枱點咗份 Pizza，女友小熊話 Pizza 外相好吸引，見到已經流口水，哩句說話又再勾起回憶當年御廚教我地做 pizza 餅底嘅重點，眼紅鼻酸！
continue reading
IG: Eattobefit.hk💪🏻 豐盛什扒配薯條 ($115)雜扒餐會有紐西蘭牛扒、豬肉眼、雞扒各一塊，配埋薯條。每塊扒都大大塊，份量好充足！紐西蘭牛扒肉質適中，唔會鞋口，亦有微微牛香味。扒類亦都有蒜蓉汁可點，唔會淋到成塊扒都係！薯條份量都好多，炸得脆脆地。💪🏻 紐西蘭西冷牛扒伴煙鴨胸配意粉 （$93)紐西蘭西冷牛扒都肉質都適中，亦有微香牛味。煙鴨胸煙薰味香，而意粉亦煮得夠爽口，條條分明。💪🏻 Drinks：Affogato Coffee (+$29)呢杯咖啡係Espresso加一球雲尼拿雪球係入邊，雲尼拿雪糕嘅奶香同甜味啱啱好中和番咖啡嘅苦味，非常夾😋 而咖啡上邊仲鋪滿忌廉，好邪惡！ 味道：6.5/10 性價比：8/10食住瘦指數：💪🏻💪🏻💪🏻/5
continue reading
土瓜灣有好多隱世唔起眼嘅小店，其中尼一間西餐廳見佢格調唔錯，又好多人食，所以我哋今次就過嚟試吓！😜揭開餐牌見到佢哋嘅菜單都算係豐儉由人，晚市最平六十幾蚊就有交易，想話嘆支紅酒食吓生蠔呢度一樣有供應！一次過滿足晒唔同人嘅願望呀！🫶🏻🫶🏻蒜香牛油虎蝦伴白汁忌廉闊條麵🦐$93幾欣賞佢哋選擇咗用闊條麵，可以令到成個意粉更加掛汁，味道就更加香濃，配埋兩隻大大隻嘅虎蝦，呢個價錢算幾有誠意！🙌🏻🙌🏻豐盛雜扒配薯條🥩🍟$115一個套餐就包括咗紐西蘭牛扒🐮、豬肉眼🐷、雞扒🐔，都只係一百蚊左右嘅價錢就有交易，超級抵食！上枱之後見到三塊扒都幾大塊，而且牛扒、豬扒都比想像中更加出色，百零蚊就食到絕對係良心價！✨✨我哋兩個餐都包咗餐湯，我哋當日嘅係黑松露忌廉湯，質地屬於比較濃厚一啲既！飲品方面我哋就加錢要咗特飲，分別揀咗芒果沙冰🥭 同埋 百香果檸檬🍹，兩杯都好出色，唔會輸手搖店，建議大家過嚟都要試吓！❤️😋
continue reading
Munch Now土瓜灣炮仗街93號喜築地舖經開土瓜灣，老友帶咗去食西餐，梗係叫個雜扒餐嘆下先啦。😁羅宋湯酸酸甜甜好開胃，湯底豐富好足料。😸豐盛雜扒配薯條紐西蘭牛扒肉汁豐富沒有筋、豬肉眼醃製得恰到好處，沒有用梳打粉，雞扒外層夠香，鹹度適中。薯條即炸，炸油新鮮，翠玉瓜爽口juicy，推薦！🤤特色六寶飯配料有牛柳粒、豬頸肉、龍利魚、煙鴨胸片、牛油鮮蝦、雞翼和翠玉瓜。大廚即叫即製，烹調得恰到好處，肉類肉汁豐富，口感煙韌，煎得夠香，炸得夠脆，香氣四溢。最邪惡係個醬汁，調得好出色，將食材提升層次。😻炸魷魚鬚外層香脆，魷魚鬚鮮味十足，口感煙韌，加他他醬味道更佳，麻醬沙律菜夠新鮮。😄芒果沙冰果汁香濃，甜度適中，好飲。😋Munch Now 環境舒適，食材新鮮，價錢親民，侍應服務態度好，還會再來。😎🤘🏻
continue reading
You may be interested in