梅園餐室

Open Now

Now Closed

平時嚟開梅園都係食飯開 但係同事就成日都嗌呢個常餐食 而且佢仲話你想點叫就點叫佢就做到俾你㗎啦 今次我就嗌咗個最Classic嘅 沙嗲牛肉公仔麵 跟腸仔同炒蛋 配多士 真係好耐都冇食過咁傳統嘅嘢食 keep到應有水準 唔錯唔錯

今日嚟咗梅園食午餐呢間係一間比較傳統嘅茶餐廳入邊室內嘅擺設都係從前舊式嘅餐廳風格 有卡位同圓枱 今次嗌咗佢招牌嘅牛腩同牛筋配飯試吓 牛筋好彈牙 爽口 牛腩亦都好爽口而且入味 配飯撈汁簡直一流

我哋嘅童年係喺黃大仙、慈雲山渡過黃大仙東南西北咗嘅小食，即係街邊檔一毫子一粒嘅炸魚旦、五毫子一杯雪糕，陪着我長大今日嚟到慈雲山，一定要去 #梅園茶餐廳🔸#沙嗲牛肉炒意 最出名，我諗連啲意粉都係新鮮煮嘅所以等咗好耐，熱辣辣，意粉軟硬適中好香黑椒味，牛肉有牛味；亦都唔會好重鬆肉粉嘅味，好食👍🔸#豬扒湯米 我叫嘅，叫完有啲後悔，點解唔叫其他特別啲🫣煎豬扒肉厚，唔韌👍不是味精湯，有屋企嘅味道🔸#黑椒豬扒飯2/3碟飯都有汁，好有細個時嘅feel～🔸#沙嗲牛肉撈福麵好多汁好多沙嗲牛肉，好食福麵，本身都好食； 加埋，好好好食🔸#家鄉炒河其實家鄉，即係咩都有；蛋、蝦🦐、火腿，炒得乾身👍啱啱好🔸#奶茶 比一般茶餐廳稀，但亦都好有茶味我比較鍾意薄身奶茶，飲完唔會咁飽咁膩☕️梅園好受歡迎2:00仲全間坐🈵️人，門口要等位

以碩果僅存的茶餐廳來說，它是十分舊式的茶餐廳，裏面裝潢嘅設計好有80年代的感覺，特別是是今日的香港很少茶餐廳中保留這樣的風格很多已變成很多新穎的茶餐廳。而他只是經營早餐午餐及下午茶沒有晚市提供，建議食他的特餐火腿雞蛋大份切出嚟有流心的感覺，而且午餐肉厚切讓人很有滿足的感覺，差不多1cm後的午餐肉，勁有口感。配以舊式木櫈以及舊式的茶餐廳設計甚有回憶的感覺。希望這種文化可以繼續保留否則只會被社會是淘汰。

【回憶的味道】🎏梅園餐室已經30幾40年歷史，餐廳外觀上無乜變過，水吧同廚房既職員依舊，成日話香港人情味就係依種❤️【特餐】💰$44🥢 牛油方包🥢 火腿奄列🥢 叉燒/餐肉/五香肉丁/回鍋肉 配 通粉/米粉/米線/湯意粉/福麵🥤凍飲+$2改 出前一丁🍜+$5改 牛油多士🍞+$1改 奶醬多士🍞+$2【中式即炒下午茶】💰$45🥢 乾炒牛河🥤 凍飲+$2講多嘢食，其實真係普通茶餐廳嘅食材，稱唔上好食，但係茶餐廳獨有嘅嘢係落單嘅自由度，你唔鍾意食牛油方包🍞你可以轉牛油多士🧈多士又可以加煉奶或者花生醬，鍾意點轉都得🤩雖然而家40幾蚊呢個價錢已經唔可以講話平，但係由細食到大嘅回憶，都冇得用錢去衡量，只係好慶幸，30幾40年過後，依間食肆依然存在，去食嘅時候仲保留到細個嘅情懷，真係要好好珍惜！

梅園有著優勢 對出就係馬路有錶位所以都多駕車人士幫襯我－般都係去食早餐多黃大仙應該只有呢間係選用福字麵做麵底第一次食真係尋回兒時味道早餐配多士可選奶油或奶醬多環境感覺屬於家庭式經營 較舊式及傳統

上星期同老細開完會就拍咗架車喺出邊，咁我地幾個細嘅就入去呢間可以睇到車位嘅老店食lunch，一入到去都算好招呼，幾個哥仔阿姐都問你幾多位想坐邊咁樣，咁坐低咗之後同事睇咗餐牌都好快叫晒嘢食，基本上所有茶記有嘅嘢佢都有。咁個疑似老闆娘嘅人見到我同另一個後生仔諗唔到食咩，就推介左我哋叫呢一碗豬膶麵，咁我哋見係老闆娘推介就即刻叫咗，咁黎到都真係唔差嘅，D豬潤算係幾大塊，係碗麵個份量細咗少少，對於我哋男仔嚟講唔太夠食。

由細食到大！！ 奶茶 , 奄列必食😋價錢公道，小學食到而家，味道都無變過！而家搬出了黃大仙 , 都會揸車返來食 ! 介推奶茶奄列味菜牛柳絲炒面楊州炒飯西炒飯👍🏻👍🏻👍🏻👍🏻👍🏻👍🏻👍🏻

中學時期，小妹在黃大仙返學，而區內算係做得幾出色嘅茶餐廳—「梅園餐室」就係小妹嘅飯堂，餐廳係家庭式經營，富有人情味，食常餐都會送埋湯比我地飲，☺️唔少街坊都係呢到嘅常客，大家你一句我一句，感覺熟悉又融洽～畢咗業咁耐，呢到都冇乜點加價，$40起一個午餐，仲包埋飲品，食物有質素，性價比高！楊州炒飯飯粒炒得乾爽，雖然唔係每一粒飯都有蛋漿包住個種，但茶餐廳黎講，算係幾有鑊氣同質素！配料豐富，有蝦、叉燒、火腿絲、生菜絲、蛋絲等，不錯吃！👍🏻隨餐附送老火湯，滋補下～茶走茶味重，加左煉奶之後，香醇幼滑，正！😋

來到舊式冰室，總要試試店舖的奶茶，舊舖的奶茶總是茶味特別濃郁的，果然沒有令我失望，香滑茶濃，回味無窮！而另一款必點的舊舖美食當然是菠蘿油，牛油厚砌入口香口，但可惜菠蘿包被壓扁了一點點，賣相不太好看，而可取的是菠蘿皮總算脆卜卜，還能吃出外熱內凍的精粹，給了再吃的理由。至於腸仔炒蛋則不過不失，沒有什麼特別。這家店舖比較家庭式作業，故待應生的服務也很地道很街坊很親切，就是這份人情味，使人重拾那些年放學後吃下午茶的感覺，實在難以忘懷，繼續支持小店！

自從肥哥茶檔頂讓左之後，朝朝早都要諗去邊到食早餐好，左試又右都冇間好。好出奇？真係遇過好幾間連三文治🥪都可以難食架！有一日老友買下午茶黎探訪，終於食到件似樣既腿蛋治，個蛋係仲要蛋汁，唔係全熟，好食好多！於是就提議帶埋2老去呢間老字號試試（開左呢到咁多年都冇諗住試🤣）。食物方面，好正路呀，杯茶又沖得幾好，又快手（香港人嘛，最緊要快🤪）重點呢到d哥仔姐仔姨姨叔叔都好nice，又講得笑，有時食得悶，叫左個沙嗲牛飛碟，應該下午茶先有，但佢地都會照整。十點幾就已經有午飯叫，唔會好似其他咁下下都話未夠鐘。呢點真係非常好👍🏻！鮮牛潤麵，唔一定出深水埗先有，呢度都有得食門口泊車又方便，好多的士大哥都黎食。抄牌走鬼都睇到。

早幾個月成日去黃大仙做野，由唔熟路都變到熟哂，仲識周圍去搵野食。 依間梅園茶記，係我同事成日叫外賣既餐廳。 話出哂名平靚正！佢地係公司搞farewell 飯局，都一定會叫依間d 外賣小菜。 講到咁，我都好想試下， 堂食就真係未試過，有時忙起上黎，食飯時間都冇一個鐘。留係公司食飯盒反而仲輕鬆。 今日跟大隊叫外賣，每日都有幾款快餐，連餐湯同飲品。我散叫左「芙蓉煎蛋飯」配中湯$47。 個飯都幾多，應該有碗半至兩碗，芙蓉煎蛋夠份量，有兩大塊咁多！ 蛋炒得金黃香口，未至於全熟過火，內裡帶著蛋漿的濕潤，餡料有芽菜、香蔥、去了腸的蝦仁，叉燒及火腿絲，相當豐富！ 個青紅蘿蔔中湯幾足料清甜

Weekend出動搵好西，今次尼到已經冇咩仲會係香港既堅冰室，尼度既裝潢真係仲keep住係以前果隻，真係好地道呀，大家如果去過既話一定會記得佢地果個掛牆鐘真係冇幾何仲會係香港其他地方見到🤣尼到緊係食港豬覺得真係香港先有既湯意，港豬真係大愛食叉湯意，可能真係東方人都係鐘意食d湯湯水水既野哈哈另外黑椒汁真係另一樣茶餐廳必備既醬，加落去咩都咁好食，尼度既黑椒汁好濃郁，而且仲好多好香，真係好出色呀，而尼度既牛都煎得幾好食，overall尼講絕對比like呀，尼種街坊既懷舊茶餐廳又點可以錯過尼👅💦💦

舊式的茶餐廳在 懷舊的小街, 好配好有feel茶餐廳好舊式,環境好舊,唔係現在一般裝修懷舊feel,而是真正的老, 點了牛扒多士 牛扒唔錯,唔係一般梳打粉醃林曬,同埋好大梳打味嘅牛扒,而係有質感有肉質有牛味的牛扒 ,多士加上孖芝蓮牛油 絕配 香脆好味 仲有傳統小時候最愛吃的福麵 不用加錢,而奶茶咖啡 都有一般懷舊茶餐廳的水準 不是現在即磨咖啡 這種是懷舊茶餐廳香咖啡, order 快 送餐快 趕時間最啱, 如果午餐你趕時間 我諗佢兩分鐘都可以到

相信喺鳳凰新邨大嘅朋友應該知道有呢間餐室，睇佢嘅裝修都有三、四十年歷史，從牆上的掛鐘同店内的地板已可知一二。當然佢嘅食物質素仍然保持得很好，個人認為鎮店之寶非黑椒牛扒飯莫屬，黑椒汁香濃细腻，而牛扒厚薄適中，煎得香透。值得一提午餐有餐湯附送，佢個羅宋湯實在不可多得，足料嘅蔬菜，蕃茄味香濃，在外已買少見少！午餐只是三、四十元如果唔想食飯，可以選擇全日供應嘅特餐，這也是我經常點的，奄列非常足料，脹卜卜，起碼要三隻蛋先做到。绝不欺客，足哂料呀配埋香煎午餐肉麵，話你知呢度嘅麵係福麵嚟架，不用加錢，煮到軟硬適中，味粉很入味。