妹記大排檔

Open Now

Now Closed

多人食飯就一定係大排檔！妹記一直都係心目中首選！由中學開始，慶功、生日飯、莊聚，都會去食妹記。有啲招牌菜一定要叫，例如鬼馬油炸鬼，墨魚咀，薯仔炒牛柳粒，同埋唔少得既啤酒！成班人拎戰鬥碗一齊飲啤酒先係重點😆雖然少左人留港，但妹記都係好熱鬧！最鍾意同大家一齊飲勝！呢啲先係香港風味！侍應都好親切，氣氛都幾好，我食得早，所以唔洗等就入得，不過而家早個輪食飯有限時，想無限時就食8點後。野食都好好食，冇退步到，人多可以叫多幾款菜，留港食飯，不妨撐多啲本地既品牌，都有好既選擇！人均食左180，只可以現金或支付寶

一班朋友聚會除咗可以打邊爐之外，最啱就係食大排檔㗎啦，可以叫勁多野食一齊開心share！今次就來到旺角呢間妹記大排檔～安格斯牛柳粒💰HK$158牛柳粒肉味香濃，而且鮮嫩多汁，配搭蜜糖，甜甜哋更惹味，略嫌薯仔粒唔夠脆口～金沙大蝦球💰HK$128內裡嘅蝦球爽口彈牙，但外層炸粉好厚，剩係得炸粉嘅表面先有淡淡嘅咸蛋黃味，少粉失望～椒鹽八爪魚嘴💰HK$85炸粉同樣都係好厚，而且食落唔夠椒鹽味，好失望～原隻脆皮炸豬手💰HK$208份量超多，外層嘅豬皮超香脆，豬手肉仲係好解嫩，味道有驚喜～豉椒炒蜆💰HK$98蜆肉好大粒，而且食唔到有沙，唔錯唔錯～飛天通菜煲💰HK$88叫咗咁多肉，梗係要食返碟菜，食飛天通菜煲就夠哂惹味～食物水準好似比以前差咗少少🤏🏻，另外餐廳冷氣好大，啲野食好快就吹到凍晒～

朋友聚會第一次吃，然後看牆上也貼了蠻多明星打卡還有上報紙的新聞，以前很多人晚上都會來吃宵夜。.✨黑椒薯仔牛柳粒牛肉分量很足，不會很韌咬不動的那種，醬汁調味也很入味✨燒雞有點特色，肉質本身沒有很嫩滑，比較一般，要了半隻分量還挺大✨鹹魚飛天通菜煲個人覺得這個最好吃！會偏辣，通菜很爽嫩，很好下飯！.整體食物超普通，衛生不算很好，適合預算吾高想一大班人聚會嚟

餐廳服務態度令人失望，有時就當客人透明，有時就當客人係殺父仇人，所以建議佢地啲員工，唔想撈可以辭職，個態度好趕客 。態度一差，幾好食都唔會再去（冇話佢好食）總結：態度差，冇禮貌，建議轉員工

我之前曾經嚟過呢間餐廳，當時嘅食物質素係唔錯嘅，所以今日再嚟重溫舊夢。然而，今次嘅經歷真係令我失望到爆。首先，98蚊嘅炒蜆完全唔值呢個價錢，入面淨係得14隻蜆，每隻蜆大殼小肉，4個人每人食3舊已經食曬，份量少到令人懷疑人生。然後，98蚊嘅黃金魷魚更加係一個災難，雖說調味唔錯，但係好韌之餘，粉比魷魚肉多得多，口感非常唔好。炸蠔餅同腐乳通菜雖然係正常發揮，但都冇乜特別驚喜。最後嘅黑椒薯仔牛柳粒，牛肉份量少得可憐，根本唔夠分。總括嚟講，今次嘅用餐體驗真係大打折扣，唔會再嚟光顧。

金沙魚皮炸大腸客家碌鵝金沙魚皮，好脆！又多咸蛋黃！夠哂咸香，配啤酒真係無得輸！炸大腸外脆內軟，唔會咬唔斷又唔怕成口油，佢跟酸薑而唔係菠蘿，唔會整濕啲腸更好～客家碌鵝夠冧又入味，係個汁我個人覺得太杰飲埋啤酒$444 都值嘅，可以翻炒！

來到門前，以為去錯地方，畢竟都六年沒有來過。從前吃過還可以，今晚一試不會再來了。味道：咸速度：快上菜速度驚人，食客也不算少。。椒鹽九肚魚：厚粉，椒鹽唔覺，但咸得很。椒絲腐乳通菜：正常但偏咸煎蠔餅：油淋淋，還可以啦鬼馬油炸鬼：乾硬，差得很。魚香茄子煲：咸我吃得最多是通菜，其次是蠔餅。樓底偏矮，環境嘈得很，同枱的我一直猜估對方在說什麼，不適合聊天的食肆。每人消費大概100元，不值得再來。100元雖不說多也不算少，旺角總有更好的選擇吧！

妹記食過好多次啦，之前喺尖沙咀食，今次就去到旺角店食，位置在通菜街要上樓嘅乳鴿👍🏻中規中矩，皮唔算好脆，但係上枱嗰陣時都係有溫度。西蘭花炒鮮魷👎🏻呢個餸印象中比較淡，而冇乜味道鮮魷尚算新鮮，西蘭花冇乜味，可能要靠附上的蝦醬增加味道。宮保雞丁👍🏻呢個炒得幾好味，份量算唔少，呢個餸配啤酒或者配白飯一流。方魚肉碎蠔仔粥👍🏻一如以往嘅穩定，基本上每次都會叫，佢啲蠔係比較細粒。環境方面，有大排檔熱熱鬧鬧、以及比較嘈吵，可能係食飯時間，嗰日唔使點排隊，適合一大班人一齊去食，可以試更多唔同菜式。

食過幾次，一次比一次差。侍應態度極差，打電話book左位。因為6點幾，一黎到個場冇乜人，有一半個場都係空嘅，侍應俾咗近廁所位我哋，張枱又細，我地要求調位，佢地竟然話出面俾人book哂唔俾調。後尾搵第個就肯俾我地調。叫左5樣餸，個生菜包豬肉，豬肉好大陣臊味，臊到反胃個隻，唔知係豬肉唔新鮮定冇洗鑊就炒。通菜有一半都唔熟。魚腩煲勁冧。生炒骨就勁大舊咬都咬唔到。每一碟上菜個時都唔點樣熱又冇鑊氣，唔知係咪琴日賣唔出整熱返就拎出黎，食到一鑊氣！

呢個我都係第一次去食，因為係公司請食飯～佢個炸蠔好好食。係我食過甘多間炸蠔最好食一間，我見菜單唔多有，應該係我哋公司另外加料的其他都好好食，成班同事飲酒飲到傻左不過都可以正常離開到，哈哈

朋友外國回港,想食大排P檔小炒. 但是因為想坐得舒服些,所以選擇了這間餐廳.地點在旺角確實方便.第一次去此餐廳,限時90分鐘,我們7：15入座,不過沒有人等位,也沒有趕我們離開.可能我們沒有做資料搜集,隨心點菜. 雖然大家(5人)也夠飽,分量是足夠,但是味道一般.妹記小炒皇~食材充足(腰果,魷魚,蝦乾,蒜心)香口夠鑊氣海鮮雜菜煲~整煲裝滿滿的,個人認為最好食的一道菜🤣蠔仔粥~普通,正常味道,蠔仔都算新鮮. 不過,朋友食到裝蠔的膠袋😓豉油銀芽炒麵~雖然炒得不算太油,但是沒有鼓油及鑊氣的味道,非常普通沙拉骨(腩排)~味道一般,太多沙律醬,如果可以調較下個醬應該會好食些.鬼馬油炸鬼~油炸鬼釀蝦餃嗎? 我完全唔知道自己衣食緊什麼😓外層又唔似油炸鬼黃金蝦球~外層炸粉太厚,黃金醬(即是咸蛋黃汁)都可以,蝦球也彈牙. 但是整體合埋又不是太好食.

weekday去，本身話限食2小時，最後都無下一輪客人，所以無趕我地走，可以慢慢繼續吹水飲啤酒。鵝無咩特別豬手有幾舊的皮比較硬，不過整體Ｄ肉係juicy蝝餅&墨魚咀穩陣黃金蝦球個皮做得麻麻菜比較咸，但撈啖飯就ＯＫ牛柳粒好食，牛係有肉味８個人食８個餸，好飽但埋單價錢合理。人多去呢種餐廳傾計食飯唔錯～埋單無apple pay，但alipay得。

大家通常光顧呢間大排檔晚市小炒，原來午市有抵食嘅套餐，平均價錢只係$50左右！首先介紹炒粉麵飯，叫咗一個雪菜肉絲炆米（$53），係即叫即炒，通常最怕雪菜太鹹，但呢度就唔會。不過啲肉絲就冇乜豬肉味。另外點咗一個霸王雞（$49），雞肉好似隨機抽樣派發咁，雞髀又有，背脊又有，連頸都有。味道都可以，但略嫌唔係好夠汁，咁大碗白飯咁少汁，食到後段真係有啲dry。所有套餐都有例湯，加$4仲有杯熱飲。以後大家去旺角lunch唔知食乜，都可以去試一試。

雖然個名叫大排檔，但地方是在室內，而裝修環境就仿照大排檔的格局，我當日是平日晚上時間去，但裡面已經都滿座，再加上我們沒有預約所以要在外面排隊，不過有椅子提供我們坐，大約等30~45分鐘才可入座。胡椒豬肚湯:份量多好足料，超級喜歡個湯，胡椒味夠重，飲完成個人都好暖，而且豬肚夠肉嫩，一齊食用好滿足。這碟好好味，但我已經忘記左是什麼，但記得印象中是好吃的，香脆可口辣椒炒蜆:普通水準，夠哂鑊氣菠蘿咕嚕肉:偏酸味一些，配飯食用非常正當日友人還點了酒，環境雖然室內，但人多嘈雜聲音多，所以好符合大排檔的氣氛，另外沒有食用時間限制，所以如果想同朋友聚下食下野都可以試呢間~~~

妹記大排檔呢間室內大排檔有冷氣，環境算舒適。店舖亦都幾大間，我哋都唔洗等位食物質素方面就普通般般，冇特別嘅亮點。菜式味道中規中矩，無太多驚喜。有啲菜式係煮得太軟或者太咸，冇咁好嘅平衡。令人不太滿意嘅係，大排檔內有好多員工閒閒地站住，有啲唔舒服。感覺佢哋唔太注重服務，冇咁主動同細心。總括而言，妹記大排檔喺食物質素同服務方面都有改善嘅空間。如果追求更好嘅食物品質同服務體驗，可能要揀其他選擇啦。🥺🥺