39
3
2
8-min walk from Exit C2, Cheung Sha Wan MTR Station continue reading
All Branches (2)
Telephone
26509668
Introduction
The restaurant specializes in Chaozhou cuisine. The lunch set offers a variety of Chaozhou-style rice and noodles, while the dinner time has a la carte dishes. continue reading
Additional Information
晚市加一
Opening Hours
Today
11:00 - 23:00
Mon - Sun
11:00 - 23:00
Payment Methods
AlipayHK Alipay Cash
Other Info
Online Reservation
Reward Dining Points
Spot payment
About Reward Scheme
Review (49)
自我隔離14日後,感覺過了14年,發現鼻窿大左,鬚根硬左,連腳毛都長埋,好采見到細佬仲係度,嚇得我呀,咁多日無見,仲以為唔見左...終於可以出山闖蕩江湖。以前陪女人已吃過一次梅花邨小館,所以,"LADY LADY ONE MORE TRY, 再試著了解我的愛",看著這間餐館屹立不倒,襯托著我的屹立不起,真係相映成趣。女人在吃飯前遞給我一枝酒精搓手液,我心想:"太久沒外出吃飯,我不想要酒精搓手液,我這一刻想要酒精更多一些"。1. 茶芥&前菜(咸酸菜)-$20:水滾茶靚,再奉上潮式小食,送上檯前遠遠已聞到咸香酸菜,切成大大粒,十分爽口,做法雖簡單,但同時夾雜咸酸甜味帶入口裡,頓時提升胃口,增加食慾。2. 碧綠川椒雞球-$80:小時侯吃過多次,擺盤賣相吸睛,每家煮法大同小異,主要伴碟多是炸脆珍珠葉,也見過以紫蘇葉/菠菜葉/九層塔代替,各有不同香草菜葉輕重味,來到正宗潮洲菜館,見餐牌有此菜式,即成為心水一號,急不及待叫職員先落單回味一番。珍珠葉炸得翠綠香口,重現小時吃過的回憶,味道淡淡,卜卜脆脆。突然問題發生啦!~夾起的竟是大大串連葉連莖來炸,一般細緻是要將葉摘下來,分開細細片才做到"少少咸,多多脆"的口感,所以這道菜要即時扣佢50分先。而川椒兩字令人聯想很辣,食落其實並沒帶辣味,據知是加入川椒粉調味,將配料混炒成醬,加入大大片雞肉,非常嫩滑惹味,食到舐舐脷。  3. 梅菜扣肉-$90:同樣是潮州菜常見之一,這道菜式選料重要,五花肉要肥瘦適中,配合正宗靚梅菜,烹煮數小時,吸收並散發油香才算成功,上碟送來看就知水準十足。先看賣相醬紅油亮,五花腩分層相間,一層肉一層膏,墊底的梅菜也帶陣陣鮮香。扣肉食落滑溜醇香,肥而不膩,肉質鬆軟,梅菜多汁又夠淋,吸收肉汁精華,兩者配搭恰到好處,送飯一流,即時想爆出一句:"小二,我要打十個,比十碗靚仔來"。 4. 白果芋泥-$28/位:潮州馳名甜品,聽就聽得多,食就未食過,今次野生捕獲,據聞做法複雜,白果以糖水浸過夜,而芋泥蒸溶後搓爛,再炒乾身才成芋泥,弄不好就容易炒焦。整碗芋泥佔很多,稠糊結實,有點倒汗水,而白果粒粒軟糯,兩者微微輕甜。如果改良一下,弄得更綿滑流心,加多一點甜,賣相花點心思,定會更吸引。5. 福果綠豆爽-$20/位:又一款潮汕甜點小吃,賣相通透稠身,以冰糖水及馬蹄粉勾芡,簡單以開邊綠豆拌煮,適合夏日驅暑利水,潮人至愛,而這個味道淡身,微甜且較黏口稠身,充滿粒粒綠豆,名符其實食完梗爽呢!這店環境光猛,裝修簡約,整潔舒適,木牆木柱掛著山水字畫,一邊欣賞一邊慢嘆,是個聚腳聊天,閒來飯局好地方。眼見左右隔離食客,都比平常更多說話,更大聲講大聲笑,忽然覺悟幸福健康,難得平淡已感恩萬分。細細聲話你知,我小時候的志向是做醫生,因為很希望可以救人,但是後來才發現我不做醫生,救既人會仲多,所以,辛苦今日的醫護們繼續替我承載這一份使命感。 continue reading
(The above review is the personal opinion of a user which does not represent OpenRice's point of view.)
Level4 2020-02-17
1836 views
#fafafoodblog #fafafoodblog長沙灣 #fafafoodblog潮州菜<長沙灣好味潮菜>👍🏻呢間梅花邨 係喺北角開左好耐 見到報導先知佢長沙灣開左店 甘我呢 d鍾意食打冷既九龍人就啱哂 .餐廳有兩層 座位多 似舒服既酒樓 潮州食物有平有貴 應有盡有 好啱一班朋友食野飲啤酒傾下計 🍴潮州炒麵線🍜 葱花 芽菜 豬肉 🌿🐷 一齊炒 麵線夠幼身 🔥炒得夠乾身 葱既香味 滲哂落麵度。好香好惹味🍴蜜餞梅花骨🐷用左葱花同甜桃做配襯🍑 梅花骨既甜酸汁 幾入味 豬排骨熱辣辣🔥 豬肉煙靭彈牙 好惹味 正🍴梅花小炒王🔥🌿小炒王間間鋪都唔同 佢呢款係勁多芋頭片 切得幾碎 炒得幾香口 仲有韭菜 三色椒 魷魚乾等等 🦑都幾夠咸香👍🏻襯啤酒正 🍴碧綠川椒雞🐤珍珠葉炸到好香脆 🌿雞肉川椒味香 切得厚度適中🌶️ 豉汁幾香 十分唔錯 雞肉彈牙嫩滑 夠入味🍴一帆風順鷹鯧魚🔥🐟幾鍾意佢用成條魚骨做底 食完魚肉 再將魚骨炸黎食 魚肉 切成長方形 夠厚身 魚肉爽彈 醬汁 夠咸香 又帶 d甜👍🏻 而炸過既魚骨夠香脆 要黎送啤酒正 而底層既脆脆有 d似公仔麵碎 夠香脆惹味🔥🍴竹笙蜆肉雪燕羹 🍲落足料既湯羹 蜆肉彈牙 竹笙煲得好爽口 盡吸湯汁 雪燕好多 口感好飽滿 整體夠潤 唔落醋都夠味 正😍 🍴椒鹽九肚魚🐟🔥九肚魚大大件長身 椒鹽味好香 一咬開夠香脆熱辣辣 入面魚肉軟熟 魚味香 正 😍 🍴滷水鵝拼盤拼鵝肝💪🏻滷水鵝既醬汁偏清,個味係滷水慢慢滲出黎 越食越濃 鵝肉 幾煙靭皮幾爽 , 豬耳好彈牙食落索索聲 十分入味 另加既鵝肝 鵝味香濃 口感似豬潤 入面更粉身 而且豆腐 都好入味 豆味幾香 正 💪🏻鵝味更濃 點 d滷水汁更正😍撈飯正#打冷 #潮州菜 #小炒王 #鷹鯧魚 #滷水鵝 #鵝片 #鵝肝 #竹笙 #九肚魚 #川椒雞 #梅花骨 Score 平均分 <7.9/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#梅花邨小館長沙灣青山道460 號地鋪~~~~~~~~~~~~#fafafoodblog #為食花太郎 #fafafoodblog長沙灣=====================🙂温馨提示🙂Fb like左 page都睇唔到<通知> 若果大家想睇到多d唔同既美食 👇🏻👇🏻👇🏻👇🏻👇🏻除左like 請做多一個步驟 左 👉🏻<追蹤中/Following> 👉🏻<搶先看/See First> 多謝大家支持!🤓🤓歡迎喺唔同平台觀賞fafafoodblogFb📒: fafafoodblogIg🖍: fafafoodblogOpenrice 🍚: 花太郎任何美食😋歡迎inbox 我 , 等我食完開心share!🤓 continue reading
(The above review is the personal opinion of a user which does not represent OpenRice's point of view.)
Level2 2020-07-12
69 views
屋企人想食潮州嘢,見app有折,就book左梅花村小館一試~呢到地理位置輸蝕左少少,係長沙灣地鐵站同荔枝角地鐵站之間,搭巴士由長沙灣道落車都要行幾條街先入到青山道,泊車既話要搵附近有冇咪錶位,而店員話最近嘅停車場係麗新商業中心~環境、衛生程度比起一般地道啲既潮州菜館好,今日係星期日但都冇full house😣可能疫情關係,大家都減少聚餐鵝片——我唔食鵝,只係食啲滷水豆腐。屋企人就話啖啖肉~凍烏頭——配上普寧豆醬好好食。煎蠔餅——燶左少少。食落似炸多啲。椒鹽九肚魚——好好味!啱啱炸出嚟既九肚魚外脆內軟,推介必食!胡椒豬肚湯——胡椒味好重,如果多幾舊豬肚就好啦。甜品有杏仁糊、綠豆爽同芋泥蓉。我試左一啖,唔好杏仁味~如果綠豆爽配清心丸就正~芋泥蓉好香好滑,唔會好油膩~(雖然都係用豬油)七折後每人平均 $165左右,抵食~推介比想食潮州野,唔想太貴,又想坐得ok既人去食! continue reading
(The above review is the personal opinion of a user which does not represent OpenRice's point of view.)
Level3 2020-06-21
178 views
弟妹推薦到此店和爸吃午飯慶祝父親節。潮洲鹵水鵝和豬大腸味道都不錯。店子推介的韮菜豬紅爸爸很欣賞。其他小菜包括蜜餞梅花骨,涼瓜炒牛肉及韮王炒青衣球都有鑊氣,味道不俗。四個人七百元左右,算經濟實惠。午市不用加一和茶芥 。大家都滿意。下次再來吃晚飯,可試其他招牌菜如凍蟹,骨香鷹鯧魚及竹笙蟹肉雪燕羹等。 continue reading
(The above review is the personal opinion of a user which does not represent OpenRice's point of view.)
Level2 2020-06-14
209 views
上次和家姐2人第一次來吃, 感到幾好食, 所以今次再用半價優惠, 還找來姪女, 3個人就可以試多2個餸呢.今次的吃飯時間是4:30, 又是坐得好舒服, 今次留意到牆上掛了些中式字畫, 感覺很雅緻.上次都說會再encore椒鹽九肚魚, 還是那麼好食, 這一次份量比上次多了,  夾極都有, 一流! continue reading
(The above review is the personal opinion of a user which does not represent OpenRice's point of view.)