牡丹庭粵菜 (Closed)

一家人去嘆下午茶牡丹庭推出$48下午茶三十款點心當電梯門打開見人數不多，但很擠擁原來在電梯出入口等候不自然，不方便下午二時正牡丹庭接待員有禮貌叫號入座場景華麗但當用碗筷時發覺碗邊有殘留飯積便叫服務員更換前後更換三次期後服務員的禮貌態度同香港天氣一樣，時好時懷傳送食物D呀姐不夠服務語氣差一開始點叫食物已miss單，有很多點心無來無食到吃到的點心味道一般普通無驚喜比小肥羊下午茶還要差如荃灣區常滿：明碼實價，貨真價實，不會取巧

睇下雜誌呢個 $48 下午茶點心任點任食, 所以就想去試下今日約同狗友去試試這裡的任點任食下午茶, 雖然款式不太多只有30多款, 但食品質素真係唔錯, 份量亦相當十足蟹籽燒賣皇 - 非常熱騰騰, 肥瘦豬肉比例剛好, 連平時唔食燒賣嘅我都食了 2 粒香煎蘿蔔糕 - 蘿蔔糕煎得剛剛好...而且蘿蔔唔會 "粉奶奶" good 山竹牛肉球 - 牛肉幾新鮮, 唔會有啲腥臭味..蔥花炸兩湯 - 油炸鬼林晒...唔好食 餃餃新意 - 熱騰騰, 而且皮非常薄...正呀家鄉煎薄餅 - 真係好薄, 而且煎得好脆 金蒜虾春卷 - 啲虾好新鮮, 而且炸得好脆 瑤柱雞包仔 - 啲饀味道唔錯花生豬骨粥 - 碗粥真係正, 味道 arm arm 好, 而且好多花...good 油雞米 - 普通, 冇咩野特別 埋單2人共 $117 (以咁嘅價錢食到如此質素的食品, 可說是物超所值。)

之前都有哩過食晚飯，環境同食物都覺得唔錯，見佢賣廣告做緊點心任點任食下午茶，$50位試得過喎，即刻拉埋同事星期六收工過哩試吓先！星期六，2:00-4:00pm，$50位（要兩位起），，但另收茶錢$8位，1-4人收一碟花生錢$10（4-8人收兩碟，如此類推），再加埋一，所以同同事兩個人，埋單就變咗每人$70喇！如果有番咁上下食量嘅人就梗係抵到爆，否則，咁嘅價錢同你出去普通酒樓飲餐茶差唔係好多。不過話說回頭，如果要係度飲茶食點心，同樣以星期六下午茶，散叫計，小點$11.8，中點$14.8，大點$17.8，所以個任食下午茶一個人食到3-4籠嘢都叫翻本喇！因為任點任食關係，1:45pm上到哩見到人山人海排隊攞籌，有個疑似闊太驚蝕底攞得慢好似去咗世博睇中國館咁想搶籌，話晒依度係香港，大家都係香港人，使唔使呀？側邊仲有D外國遊客添，失禮死呀！個疑似闊太攞咗籌仲猛咁成日問有位未呀？仲未輪到我哋？唉，製造嘈音！大堂裡面雖然枱排得比較逼，但我哋兩個人都係比一張枱，絕對無搭枱嘅事，所以坐得舒舒服服，人手足招呼都好好，而且，3:30pm截單，3:20pm左右佢哋會有人主動問你仲有無嘢想加想要，唔會怕你再叫多

遊閒的星期六，相約一名好友去試試這裡的任點任食下午茶，款式不太多，只有30多款，且沒有甚具人氣的蝦餃，但食品質素中上，份量亦跟正價一樣，我們2人盡量order，共點11客食品，評論如下：素粉果：應是即叫即蒸，非常熱辣辣，好味菜苗餃：同素粉果一樣，熱騰騰，正牛腸：上枱時已冇煙，只是微暖，粉皮太厚皮旦叉燒酥：只見少量皮旦碎，食落唔覺有皮旦香味春卷：OK，冇特別上湯鮮竹卷：唔油，肥豬肉唔多，唔似出面一般酒家啡色的，且食完唔會好口渴星州炒米：微辣，料足，份量剛好，唔油，被完全幹掉咸薄餅：咸了點，略乾油菜：冇得揀菜款，安排給我倆的是芥蘭，味甜燒賣：熱騰騰，肥瘦豬肉比例剛好，友人於last order時再返兜，自己食晒4粒，可想像出有幾好味順帶一提，短短2小時內已經有5位侍應為我們服務，全都禮貌周周，笑容可躬，並主動加茶加水，值得一讚。另洗手間亦算衞生。埋單2人共：$50 X 2 + $8茶錢 X 2 + $10花生 + 10% = $139以咁嘅價錢食到如此質素的食品，可說是物超所值。下次要試埋其他食品先得。

今日去國際廣場睇戲,未夠鐘所以3:00去牡丹庭飲茶,環境0K,坐底見到有點心放題每位$48. 咁堅!睇落幾多野食有成40幾種咁多.我3個人叫成16碟野計落回本有賺.食物方面 燒賣,正! 紅油炒手.麻麻地 星州炒米份量小。個場都坐左8成人。樓面服務細心有禮 冇帶相機下次補回,值得一試。

今朝11時許去到... 呢間野之前都黎過. 食滿月酒. 都覺得好好食. 同埋個環境佈置都好靚. 早茶點心原來都幾多款. 但是好貴呢..... 星期日冇特價... 叫左7 個平時愛食的點心.. 埋單要175蚊. 都係牛肉球、紅豆南茸餅、素餃、兩碗粥、鳳瓜. 叉燒包.原來佢坐底. 就一定要你要一碟酸菜.. 個度又收錢. 茶介又要收. 查實飲茶就乜整碟酸菜比人.. 喎. 平時去稻香飲茶. 又係三個人. 食勁多野. 都唔洗咁貴. 唔怪之得唔洗等位啦. 咁貴. 實有位坐. 成個場都係得2個waiter, 實在太少人.. 每次落單都叫幾次先應.

每次來到"牡丹庭"食飯, 總會帶比我好多回憶. 因為兩年前既今日, 我就係係依度設宴,擺酒!!!!今晚專登同老公一齊O黎食飯, 慶祝兩週年紀念.一上到去感覺好好, 全新裝修, 好優雅, 好靓, 比起我兩年前擺酒時既裝修多咗一份高貴感覺. 負責帶位既同事亦好好笑容招呼我地入座(今時今日仲有依種服務態度真係好好,值得加分)至於食物方面, 真係有讚冇彈, 每次都有驚喜. (1) 燒鱔 (必食, 又香又脆)(2) 灼蝦 (3) 脆皮乳鴒 2隻 (皮脆, "正") (4) 炸蟹鉗 2隻 ($35/1隻, 每次一定要叫兩隻)(5) 小籠包 4隻(必食, 好多"湯", 一籠一隻,好細心)(6) 西蘭花炒班塊 (班塊好新鮮, 好厚肉) 待應不停換碟, 好快手, 好醒目! 見你食完, 執好檯, 就送咗兩碗"麥米粥"糖水 (甜度適中)食到飽飽之後, 剛剛帶我地入座既同事, 再送多四件心型"椰汁馬豆糕"比我地. 仲祝福我地結婚週年快樂. 當晚飯局真係食得好開心.

今日探完麻麻搭小巴去尖沙咀飲茶.我們一點四十分抵達樓下,問了待應生有沒有下午茶,待應生好好人話一點四十五分開始派飛,叫我們搭電梯上去先取飛,準時兩點左右便坐低了.望一望點心紙發現款式唔算太多.由於唔太肚餓關係,只是吃了以下食物 特點:$20.81.酥炸魷魚鬚,外皮香脆魷魚鬚唔太韌. 大點$17.72.蟹籽燒賣皇,燒賣平平無奇,無乜特別,還吃到味精的味道. 3.四寶滑雞扎,雞扎的皮黑黑地有點怪,入面沒有魚肚,只有冬菇,齋的粟米條,火腿和雞,各種材料都無乜味道,唔算話好食 4.鮮蝦菜苗餃,皮夠薄菜夠多,可惜沒有蝦的味道,蝦的味道也唔算多. 5.蜜汁叉燒腸:皮夠滑,有米香,唯叉燒份量較少,比較失色 6.豉汁煎釀三寶:魚肉唔會太死實,有魚味.望落子個樣咁靚,唔會似放左好耐再俾人食 7.沙律鮮果千絲酥,這款點心該是參考蘿蔔絲酥餅而成,外層好酥脆,入面用上梨子和桃,芒果加沙律醬,味道不俗,最好是唔會勁多沙律醬,值得推介 8.鼓汁蒸肉排,排骨實在太淋,似拿得太勁所致,完全沒有肉味,還要勁鹹,雖然份量夠大,只是實在可以用難食形容 中點$14.89.薑蔥牛栢葉,這款點心上枱時真係嚇人,因為未試過去酒樓食

上次老公朋友帶來食晚飯,幾好食。今次來食下午茶。環境光猛了。干貝魚翅餃。南瓜香芹雞絲腸粉,南瓜粒少,雞絲多,件年都食到足夠餡料,腸粉皮唔”立”。南瓜粟米粥,勁南瓜!!成碗都係黃色,有南瓜件,粥又綿綿,好好食!鮑汁鳳爪,似係雞腳多d,無咁肥,炆得腍得滯,鮑汁都幾好。蒜香斑粒炒飯,炒得爽身,味道普普通通,亦少見斑粒。香芋流沙包,甜左D,淺色的流芋,睇得出無落色素,讚!芋頭做流沙,有創意,讚!薑蔥牛栢葉,唔韌,如果薑蔥味再重d,仲好食。蓮藕煎魚餅,即煎,熱辣辣,薄身的魚餅,吃不出有蓮藕。埋單,要check單,因為佢收多左我地一個小食(花生@$8)。幸好俾我發現~

見有食評此處適合朋友聚會小人够靜, 食物評價好壞參半, 剛巧有聚會即管到此試菜.一行七人全女班到步見酒樓裝修好新,早段得一兩枱客時環境尚算靜, 但到8點多開始多了幾枱客, 而的侍仔又安排客人大部份貼住隔離枱坐集中在中間的部份, 感覺坐得有的迫, 就算酒樓前後有很多空枱! 或者方便上菜及提供服務, 但對客人來講就唔多舒服講番昨晚點菜包括 : 一個例湯7個人都夠分, 湯ok啦.南乳豆腐卜雜菜粉絲煲 - 剛開始食雜菜還ok, 粉絲得幾條! 嘩一咬嚿豆腐卜, 即刻吐唔切, 嚿豆腐卜唔好話無南乳味仲成陣火水味 , 其他朋友即試, 二個話應該不是火水味是南乳味但加了其它不知名野, 味道怪怪地. 即時無胃口.煎倉魚 - 條魚乾曾曾, 唔香, 無味又唔熱. 差.燒乳合 - 又係唔熱, 乳合唔熱已經唔掂, 食落又無乳合香味, 唉!南瓜艼茸煲 - 今次個煲夠熱(哦呢陀佛), 的艼茸都夠粉啦, 但可能而家南瓜唔係當灶, 唔甜無味!士多啤梨骨 - 嗰買相都唔差, 咬落去的肉應該炸過, 邊位有小小硬但咬落的肉係淋ga,都ok. 但就完全食唔到士多啤梨味囉!食完大家都覺唔太飽, 再叫了一個三色粗米炒飯, 諗住都係

昨晚出席同事的婚宴，由於圍數少的關係，個場都幾細，樓底又過矮，但布置不錯。食物方面，千篇二律也是那些菜式︰乳豬︰豬厚，皮脆中帶少少韌，尚可。蝦仁花枝片蜜糖豆︰賣相超肉酸，蜜糖豆煮到有點黃，不爽脆。釀蟹箝︰冇食到玉環瑤柱甫︰個茨偏鹹，蒸到過晒火，節瓜「薄切」，挖瓜囊挖到冇晒肉，伴碟的小棠菜更好味。竹笙雞絲翅︰難食，杰撻撻，唯一可取是真的食到翅。鮑片鵝掌︰可能係一隻罐頭鮑一開十二片，薄得可憐；鵝掌炆得好腍，但我估覺得似鴨掌多一點。大海星斑︰要算全晚畏掂的菜式，火喉拿捏準確，不嚡不老。炸子雞︰冇食到炒飯︰冇食，但個橏好濕下炒麵︰中規中矩，唔夠乾身紫米露︰味道其實不錯的，只是偏甜服務方面，侍應全晚好像趕收工，賓客尚未食完，便走來「清場」，有時更在賓客正進食之際換碗碟，真的要再培訓一下。

4人聚會, 叫左個4人餐, 同樓下其他食家既差唔多, 有:白灼蝦(新鮮, 唔霉)青瓜海哲頭(青瓜好爽, 海哲唔會太咸, 味道適中)蜜瓜螺頭豬骨湯(好甜, 應該無落味精) 仲會筆埋碟湯渣比我地食, 真係有螺頭架自選2款小菜 1)杞子雜菌白菜仔(清得黎甜)2) xo醬花枝片炒勝瓜 (花枝片好爽, 有咬口)甜品仲有桂花紅豆膏拚燕窩蛋撻仔, 初時以為係2選1, 原來2樣都有, 個桂花膏清得黎唔甜, o岩哂鐘意食甜又怕肥既女仕們, 而蛋撻仔上面既燕窩, 我就覺得唔似喇, 不過賣相都呃到下人既, 熱勒勒添架!其實叫4人餐都夠架喇, 不過友人想食乳鴿及燒腩仔, 乳鴿就真係唔得喇, "un"同唔熱囉, 反而燒腩仔就出奇地好食, 皮脆半肥瘦是晚由七點幾坐到十點幾, 可能客唔多喇, 侍應都無趕我地走, 服務都算周到

Function: Celebrate Mum's birthday with family (total 4 pax)Booking: The reception lady got my surname wrong via phone (could not go in until they double checked my phone number at the spot for 5 mins)Food we had: A set dinner for 4 at around $388 + steamed gwai-fei shells ($60) + fried A-choy ($50) + 10% + tea/sauce- shrimp (fresh. very good)- soup (dried pak-choy with pork ribs - ok)- appetizer (jelly fish with spicy cucumber - good)- 2 dishes of our choice (cuttlefish cake & lotus with beef -

母親節 正日早上十時多才知道要和老人家食飯，但安排的長輩原來無訂位，原本想係漢口道間竹園食，但因為太遲訂位，只可以後補，想起亞太中心也有間酒樓，就訂多一間做後備(因想九十歲的老人家一到就有得食)。最後也是去左牡丹庭。去到即刻有位，不是訂左位仲要等分配， GOOD。第一時間看看價錢，因為母親節怕加價，原來收費好正常，有好感。點左一大堆點心小菜，樣樣也好味，正正常常。服務好好，有好多員工走來走去，沖茶收碟好快手，仲有食物上桌非常快，十多分鐘已經差不多到齊，而且當然是熱的。可能因為來之前希望不大，所以飯後大家也好滿意。而且見到長輩及老人家因為我地一早找好位等他們到，笑容滿面的，所以心情也很好。如果要求去一間正常的酒樓食正常食物得到正常的服務，這一間是不錯的選擇。但如果要求有什麼特式的，那這一間沒有。

i ate here a few times with friends, food is very very good esp. the chinese soups, almond soup and fish soup, very yummy!!! the fried rice was particular good, sticky fried glutonious rice and fried wild rice, yummy!!!