Video
Telephone
37052418
Additional Information
到會服務
Opening Hours
Today
09:00 - 17:00
Mon - Sat
09:00 - 17:00
Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
Recommended Dishes
話說週末要家庭聚餐，天氣咁熱，我咁懶梗係唔想自己煮啦。好彩有朋友介紹@Mr Mix Catering到會服務,咁就解決左家庭聚餐嘅煩惱啦。咁熱天時，可以喺屋企嘆住冷氣食到好味嘅嘢，就實在太方便啦。LadyB 是日精選🦞龍蝦仔黃金栗米蘆筍沙律 (伴花椒油醋汁) 🥗呢個沙律好正，好足料，好多龍蝦仔。平時食小龍蝦，剝殼好論盡。今次有人剝晒啲殼，淨係食蝦肉，係爽嘅！最令人驚喜嘅係果沙律汁。佢唔係用平時常見嘅橄欖油加黑醋調製嘅沙律汁，而係用咗花椒油加黑醋汁，有一啲中西fusion嘅感覺，好開胃，屋企人都話正呀👍🏻🌮京城鴨肉金文拔墨西哥餡餅 呢個墨西哥餡餅好足料，勁多芝士，啖啖鴨肉，係一個好好嘅前菜，最啱飲啤酒時食🍻🦀東瀛咖哩蟹肉酥皮盒 有驚喜呀，咖喱加蟹肉本身就已經好正，再加埋鬆脆嘅酥皮盒，啱啱好食。非常之足料，食完之後都好滿足。🐖德國無骨咸豬手配潮式酸菜 鹹豬手個皮好煙韌，鹹香味啱啱好，再加埋非常之創新嘅潮式酸菜，有別於平時食德國鹹豬手嘅醃酸菜，潮式酸菜多咗一份親切感。特別鍾意佢用意式青瓜🥒做伴菜，青瓜青新多汁，可以平衡下豬手嘅油膩感，讚👍🏻🦪喇沙藍青口配蒜蓉包 啲青口好新鮮，好肥美😋加埋嗰啲喇沙汁簡直一流啊👍🏻🍝冬陰公海鮮炒意粉 好足料嘅海鮮炒意粉，冬陰功汁調味啱啱好，唔係太辣，好啱一家大細食👶🏻🍰提拉米蘇大福餅 呢個甜品簡直係為今餐畫上一個圓滿嘅句號。福餅平時食得多，但係tiramisu 餡嘅就唔係成日有得食。Tiramisu餡料有好濃厚嘅酒香味同咖啡味，大福餅嘅皮又非常煙靭，食完仲想再食多個。🤩呢間到會菜式多，賣相又靚，只要換下餐具，整個用餐🍽️體驗即刻升華到貴價西餐廳嘅level, 可以話係入得廚房出得廳堂☺️
continue reading
入到呢間餐廳，首先俾個熱情嘅招呼俾個大大個陣感覺好溫暖。叫咗幾樣推介嘅菜式，等我地一齊啖好味！👀 張枱上嚟咗個酥皮叉燒餅，啖啖肥美嘅叉燒包裹喺脆口嘅酥皮裏面，一咬落去真係又香又滑，爽口有攻韌🤤。跟住嘆返個蒜香炒蝦，蝦仁大隻彈牙，加埋香濃滑口嘅蒜泥，攞啲汁澆飯，簡直係妙不可言！🍤 海鮮鐘意者一定唔可以錯過。仲有個皮蛋豆腐，呢個組合嘅味道真係細膩得嚟又富層次，皮蛋嘅醇厚同豆腐嘅清新完美融合，係味蕾上嘅對話。最後，甜品就來個芒果布甸，芒果香甜而且新鮮，滿口滋味令人回味無窮。整體嚟講，呢一餐飯，真係得滾又過癮，每樣菜嘅賣相同味道都好有水準，值得一試再試！食得好開心，下次一定仲要嚟！🎉
continue reading
近排家庭聚會，叫咗個性價比高嘅到會，而家嚟分享吓Mr.Mix【6人自選套餐】龍蝦仔黃金栗米蘆筍沙律 (伴花椒油醋汁) 用上沙律菜、粟米甘筍，食落蔬菜仲係好新鮮，配合埋龍蝦仔，感覺好高質。另外秘製花椒油醋汁，相當特別，一陣陣麻香，有啲四川風味，喜歡食麻辣嘅朋友不能錯過泡菜薄切西冷迷你漢堡 (6件)漢堡包好足料，薄切西冷仲保留到肉汁，加上泡菜醒胃，食完一個仲想食多個煙三文魚牛油果炸黃金饅頭 (6件)小朋友好鍾意食，煙三文魚好香，加上健康牛油果，用炸饅頭包住，口感好豐富德國無骨咸豬手配潮式酸菜 平時高級西餐廳先有嘅菜色，估唔到到會都食到。德國鹹豬手好入味，配上潮式酸菜，fusion嘅感覺，好特別香甜柚子蜜燒豬仔骨 豬仔骨啖啖肉，加上香甜柚子蜜醬汁，好醒神開胃，想食多幾舊日式咖喱厚切吉列豬扒飯 口切豬扒配上香甜日式咖喱，份量非常足夠， 十分抵食朱古力布朗尼脆燕麥杯 (6杯)濃濃朱古力味，再加上燕麥，好有咬口半唐番落單滿$600或以上，即享免費送貨服務(樓下交收)，從香港九龍新界大部份地區
continue reading
🎊開派對，最緊要是開心，能令人開心💕，食物定必是佔重要的位置了，食物還用保鮮紙包了一層再蓋上蓋，防止滲漏，很貼心～手撕雞沙律配加多加多醬～這個沙律跟平日吃到的沙律很不同，加了加多加多醬，很惹味又帶點微辣，前菜這個很開胃～京城鴨肉金文拔墨西哥餡餅～數量也不少有10件，餡餅內的芝士都是滿滿的，拼上鴨肉超好吃～東瀛咖哩蟹肉酥皮盒～很香咖哩味而不辣，酥盒內有很多蟹肉～香甜柚子蜜燒豬仔骨～火候剛好，肉跟骨剛好分離，柚子蜜是另上的，味道很吸引，跟豬仔骨很夾～豆豉三文魚炒西班牙辣肉腸薯粒～這個很特別，第一次吃到是用豆豉炒三文魚及辣肉腸等，但味道也不錯，有驚喜～溫泉蛋卡邦尼烏冬～卡邦尼醬汁很多，味道也不錯，足夠伴均所有烏冬吃～提拉米蘇大福餅～香甜軟糯，每個大福餅下還加了一片OREO餅乾，外層灑上了厚厚的朱古力粉，內裡則是香滑細膩～
continue reading
半唐番到會早幾日網上訂咗「六人自選套餐」到會返屋企食，招呼朋友叫到會真係好方便，呢間可以喺2天前訂購就得，如果多於100人或以上就要最少一星期前預訂，滿$600以上可免加錢樓下交收（東涌及馬灣需加$300），亦可揀九龍灣自取添！1.龍蝦仔黃金粟米蘆筍沙律 (伴花椒油醋汁) (S Tray)（9.5/10）一打開見到好多龍蝦仔，啖啖龍蝦仔肉，仲有好甜嘅粟米粒，爽脆蘆筍，落埋酸酸辣辣嘅花椒油醋汁，份外清新！2.京城鴨肉金文拔墨西哥餡餅 (10件)（10/10）呢個墨西哥餡餅入面鴨肉同芝士好夾，餡餅食落口仲好脆！3.泡菜薄切西冷迷你漢堡 (6件)（10/10）呢個迷你漢堡絕對唔迷你，漢堡入面有西冷牛、泡菜、青瓜同生菜，包係用咗甜甜地好軟果種包！4.香甜柚子蜜燒豬仔骨 (S Tray)（10/10）呢個豬仔骨好多肉，一盤有10舊豬仔骨，每舊出面搽咗柚子蜜，如果唔夠柚子蜜仲可以自己點嚟食，佢哋跟埋一兜柚子蜜，下面仲有好多西蘭花、椰菜花同紅蘿蔔！5.德國無骨咸豬手配潮式酸菜 (S Tray)（9.5/10）呢個咸豬手份量算多，下面仲有好多西蘭花、椰菜花同紅蘿蔔，豬手大約有10舊，每舊都啖啖肉，皮爽彈，肉唔韌又唔算好咸，再配埋潮式酸菜好有口感！6.冬陰公海鮮炒意粉 (S Tray)（9/10）呢個炒意粉好有冬陰公味，辣辣地又有海鮮嘅鮮甜，海鮮有魷魚、5隻青口、10隻蜆、5隻蝦仁，仲有蕃茄仔！7.朱古力布朗尼脆燕麥杯 (6杯)（9/10）呢個朱古力布朗尼無出面布朗尼咁甜，仲加咗燕麥脆脆，一杯大約有6舊朱古力布朗尼！個人口味總評分：9.43/10@mrmixcatering地址：九龍灣宏光道4號豐隆工業中心6樓1B室Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#半唐番 #九龍灣 #九龍灣好去處 #九龍灣到會 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading