MR. MAKI (保和大廈) (Closed)

見門口d相咁靚架 就入左黎試下太多選擇 身為有選擇困難症既我揀左套餐有2個前菜1個沙律一個小食炸雞 2款壽司好抵食 味道都唔錯沙律新鮮 有炸腐皮增加口感 都幾大兜 唔hea炸雞都夠脆 唔要醬都有味 咸淡適中 唔錯 但唔驚艷壽司都係正常發揮 但呢個價錢 超出期望總之佢係平價版既古今二 雖然味道同壽司大小 古今二略勝一籌但係價錢黎講 佢交出黎既貨係水準之上 2個比我揀佢👍🏻

今次行開灣仔記得附近有間特色壽司店， 咁就去試下啦我就嗌咗帶子被困火焰山配有皮薯條，個名就好搞笑啦，做出來嘅食物都幾似火焰山，食落口啲帶子都好新鮮，成條卷都好配合，係粗薯條好好味 覺得好啲

店面細細，估唔到咁多嘢食，又估唔到咁好食！連做素食都做得咁出色。叫左個佛系轟炸+蕃薯條。落單後，廚房即刻整。佛系轟炸入面有中華沙律、牛油果、青瓜、芝士。外面層飯唔太厚亦都炸到脆卜卜。口感與味覺係集鬆脆、爽口、滑、咸香於一身。以為1個飯卷（8件）唔夠飽，仲叫埋蕃薯條。點知食完個飯卷已經好飽，但都食晒蕃薯條，唔好浪費呀嘛。番薯條有少少脆漿包住炸，好好食！奉勸細食嘅，唔好咁貪心，叫飯卷就夠啦！

大滿足的🍣位於灣仔摩理臣山泳池附近的一家日式外賣店🏠同芯芯點左一個彩色盒壽司拼盤反家食😋😋😋😋😋😋😋😋一打開真係超級靚🤩🤩🤩店員真係好有心思👍🏻見到咁色彩繽紛嘅壽司，大人細路都會好歡喜😆✅火雞卷✅鹿兒島牛柳芒果卷✅辣味油甘三文金菇卷 ✅牛油果先生✅進擊的鰻魚✅焦糖三文魚轉角遇上蝦每一款都好有特色👍🏻我個人喜歡💕進擊的鰻魚有芝士炸蟹柳，牛油果鰻魚同埋三文魚遇上🍤檸檬片加上半熟三文魚好清新又開胃☺️

今晚突然好想食壽司，橫掂都係不如買一盤壽司返屋企食啦！阿女又鍾意食老公又鍾意食！搵吓公司附近有咩壽司舖，發現喺灣仔有一間好似幾地道，又有啲fusion嘅感覺嘅外賣壽司到會。呢間小店處於灣仔橫街的一家小店鋪。雖然舖頭細細，但係好似都幾多嘢食，主力都係做到會同外賣，當然都可以堂食。入去睇吓有咩食先，見到poster有一張介紹外賣壽司盒，諗咗一陣，決定order一盒45件嘅彩色盒壽司。壽司出爐，佢嘅外賣盒好似一盒Pizza咁，唔打開嚟睇真係以為係一盒pizza! 店員打開蓋俾我檢查，我心諗: 嘩整得好靚喎！忍唔住同佢打卡影張靚相，然後就飛返屋企食我嘅彩色壽司盒。呢個彩色壽司盒，一共有六款壽司，每款壽司都係我至愛，但講到我最偏愛嘅一定係牛油果卷🥑，當然，三文魚同鰻魚卷都好正😍除咗師父手工好，色香味都俱全，下次有派對，可以去Mr. Maki度訂壽司到會!!其實佢除咗壽司之外，都有其他唔同嘅外賣到會，大家都可以去試吓呢間小店，應該會令你有所驚喜！

灣仔區都有好多美食，我就最愛同小朋友食日式壽司，朋友話附近小巷中有間特色壽司店入面座位不多，可以堂食可以外賣。 我就點咗一SET 壽司返去慢慢嘆，即點即製，而且店員好有心機排得靚靚壽司個外個好似Pizza 我覺得幾有心思，一打開個盒已經話好靚好靚好香呀下次有party 可以再點下，最重要係包裝得彩色盒  COLOR BOX 𝙃𝙆𝘿$𝟲𝟮𝟴火雞卷 ᴛᴜʀᴋᴇʏ ʀᴏʟʟ 5pcs外邊有豆皮紙包著有火雞片、吞拿魚牛油果先生 ᴍʀ.ɢʀᴇᴇɴ  8pcs有芝士、牛油果、蘆筍、墨西哥辣椒完成唔會覺得辣，微微帶過味道，最好味有牛油果小朋友食又健康又食到芝士辣味油甘三文金菇卷 sᴘɪᴄʏ ʜᴀᴍᴀᴄʜɪ x sᴀʟᴍᴏɴ x ᴍᴜsʜʀᴏᴏᴍ 8pcs三文魚、油甘魚、金菇、青瓜呢個配搭夠新穎，油甘魚同三文魚即味道夠鮮甜。鹿兒島牛柳芒果卷 ᴍᴀɴɢᴏ x ʙᴇᴇғ 8pcs芒果、牛柳想不到芒果與牛柳非常之夾味道，甜甜的芒果好好味，食完心情都更開心進擊的鰻魚 ᴇᴇʟ x ᴄʀᴀʙ sᴛɪᴄᴋ 8pcs 有芝士、炸蟹柳、牛油果、鰻魚鰻魚最面帶有少少汁中間有炸蟹柳入口夠脆口感豐富焦糖三文魚轉角遇上蝦 sᴀ

在灣仔區的食店中，它比一般小食店款式多且吸引，尤其是其他韓國食店，沒有提供素食之款式，故令一些素食人士，又可以增加多一些選擇，而且由落柯打到提貨的時間，只需10-15分鐘。

💖 MR. MAKI (保和大廈) (灣仔)✨灣仔交加里51號保和大廈地下L號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️聖誕節最緊要嘅就係約埋成班朋友一齊開聖誕派對😆我記得有一年聖誕大抽獎係抽$80冇用嘅嘢🤣我記得嗰一年仲同 講我本身諗住買$80黃豆拎出嚟抽獎🤣佢話會為咗我買咗部豆漿機😂佢拎出嚟嘅嗰一份竟然係佢嘅自拍+1個價值$80嘅袋😵‍💫真係冇用到冇得再冇用😂聖誕party平時都真係好難諗食啲咩，今次經過朋友介紹就叫咗呢一間餐廳嘅到會🙌🏻-彩色卷四人盒🌈 $728（自取價）卷物🍙:成個盒嘅造型好靚呀，打開嘅時候個個都嘩嘩聲，睇得出一啲都唔Hea ！每一舊都卷得好靚好有心思😍火雞卷🦃 ×5（豆皮紙、火雞片、吞拿魚瀆、綠毛）賣相好似聖誕樹咁😍上邊有一個黃色嘅星星⭐️原來係酸蘿蔔😝，用左火雞片特別有聖誕嘅氣氛🎄，一d都唔鞋口👍🏻進擊的鰻魚🐋 x8（芝士、炸蟹柳、牛油果、鰻魚）鰻魚上面會有太多醬汁，但係唔影響口感，因為一啲都唔乾身加咗芝士更加邪惡😚增加鹹香味。牛油果先生🥑 ×8（芝士、牛油果、蘆筍、墨西哥辣椒）一樣都係唔係好辣，大家可以放心😋牛油果配蘆筍都幾清新，雖然冇加到刺身但係都幾好味🤤

灣仔創意日式壽司卷物 呢間位置係灣仔ive 旁邊 平時都好受學生歡迎 呢次試試佢地party set 彩色卷物四人盒.佢地party set 做得勁色彩繽紛設計上有創意 而且感覺偏健康當中有幾款都包括牛油果平時唔鐘意食牛油果既我 都覺得好夾 ok飯粒黏合度合適 軟硬適中 唔易散開壽司都係即叫即製 如果自取會平d (餐牌睇圖）適合聖誕派對鍾意食壽司嘅朋友.⭐️火雞卷 ×5 (豆皮紙 火雞片 吞拿魚潰 綠毛)⭐️進擊的鰻魚 ×8 （芝士 炸蟹柳 牛油果 鰻魚）⭐️牛油果先生 x8 (芝士 牛油果 蘆筍 墨西哥辣椒)⭐️焦糖三文魚轉角遇上蝦x8 （三文魚 牛油果 蟹柳 炸蝦）⭐️鹿兒島牛柳粒芒果卷×8 （芝士，芒果 牛柳粒）⭐️辣味油甘魚黑椒三文魚金菇卷 x8 (黑椒三文魚 炸金菇 油甘魚 青瓜)其他小食包括狂風沙律雪米糍 x4芝麻雞翼 ×4飲品x 4.#hkfunfoodrecord窮遊香港#hkfunfoodrecord_灣仔.#MR. MAKI (保和大廈) (灣仔)地址：灣仔交加里51號保和大廈地下L號舖.⭐️評分：味道：3.5/5環境：-/5服務：-/5抵食：3.5/5..#飲食 #美食 #優

三文魚轉角遇上蝦灣仔一條小巷入面有間裝修好似美式快餐店嘅壽司店，座位唔多，但每次經過總會見到入面坐住一兩個客人。我見到三文魚轉角遇上蝦呢個名幾搞笑生動 ，於是就點咗呢一客壽司嚟食。壽司一碟八小件，用個靚靚木盒裝住。 夾起一件，衹見壽司topping有塊三文魚，米飯內裹住一層紫菜，內裡包住炸蝦，少量芝士醬同埋一條蘆筍。炸蝦係新鮮炸起，食落仲喺熱嘅，不致凍冰冰。配上芝士醬同三文魚，每一口都係滿滿嘅油脂感，蘆筍啱啱好中和咗依種油脂感，又不致於破壞壽司原有嘅味道。

小店裝修簡潔明亮,主打外賣,堂食座 位 不多。 餐牌內的卷物款式繁多。 所有卷物飯麵只加錢可轉餐，附上一款小食、日 ，式沙律 和 一 罐 汽水。 壽司卷物都是即叫即製,保證新鮮,卷物飯 粒握得緊密,軟硬適中,夾起來不易散開。

舖頭唔大，只有2張bar枱，可以坐8個人，但食物分量一啲都唔細！每樣飯卷仲好有特色，好味試左4款signature maki roll, 分別係1️⃣魚全部都係魚，2️⃣麻麻地軟殼蟹，4️⃣帶子被困火焰山同6️⃣三文魚轉角遇上蝦，每一款都非常足料，仲好新鮮，即叫即整。1️⃣4️⃣啲吞拿魚粒同帶子粒多到夾起個陣跌哂出尼另外小食都非常推薦，薯條🍟蕃薯條🍠同炸雞🍗都係即刻炸起，熱辣辣脆卜卜。配炸雞既mustard 調味岩岩好，一定要試！

呢間主打食poke同日式飯卷~ 餐廳細細間 係近摩理臣山IVE附近，唔係專登去 平時都好難會經過，黎開呢附近 諗住一試，不過好彩 又幾好食😋鋪頭細細有2邊每邊4個位既小型高身台，我地一行4人 夜晚7:30去到無人堂食😆我地叫左4款日式飯卷🍣+$20-25蚊要餐 跟埋小食+沙律🥗+飲品🥤4款飯卷最好食係魚全部都係魚🐟 雖然份量細細 價錢小貴，但魚生份量好足 一口一卷 滿滿吞拿魚蓉 好好味 好滿足😋 另外有款三文魚炸蝦都唔錯🍤🍴 小食我地叫左3款share 分別係炸雞🐥 炸番薯條🍠 同炸薯條🍟 全部都係新鮮即炸😋😋😋 熱辣辣幾好食🤩

《創意特色卷物🌈》———————————————-#MrMaki 🍣-平時放工都中意嗌外賣返去食🥡呢間主打日式特色飯卷嘅係我嘅至愛，小店經營好用心，有好多唔同款式可以選擇，有特色創意卷物、pizza壽司、poke bowl等等，仲可以升級做套餐，都幾抵食😝-🎣 魚全部都係魚一如其名全部都係魚！滿滿嘅吞拿魚拖羅蓉、赤身吞拿魚同三文魚，口感軟嫩，上面仲有蟹籽同脆趣，層次豐富😘-🌋 帶子被困火焰山呢個roll上面嘅燒蟹柳堆到好高，真係成個火山 咁樣，裡面係蟹棒牛油果同蘆筍係包起啲飯入面，配搭埋沙律醬再焗，香味濃郁🥰-套餐包咗飲品同小食，我哋揀咗先生炸雞同蕃薯條，份量十足，炸得金黃酥脆，十分惹味🍟-⭐參考價錢︰魚全部都係魚：$68帶子被困火焰山： $69跟A餐先生炸雞： $19跟C餐蕃薯條： $25🍌抵deal 指數：7/10💰人均消費：$100

Mr. maki魚全部都係魚吞拿魚兩味跟餐蕃薯條+沙律叉燒醬油烏冬價錢💲: $98/ $86/ $25/ $28好味程度😋: 3.7/5服務🍴: 3.7/5環境🗾: 3.3/5性價比🥢: 3.3/5回頭率😚: 3.3/5-經過灣仔，去到呢條後街，見到間專賣卷物的小店，款色多達幾十種，決定要試下！卷物仲可以加錢變餐😗 除左卷物，仲有魚生飯，啱晒中意食魚的一族。店內有幾個位置比人快食，但見到好多人都會選擇外賣💛 support！-✅魚全部都係魚。卷物最出名的當然要試下！卷物入面卷三文魚，好肥美🤩 不過飯粒有d黏，容易分開的時候會痴埋一齊。面頭係大量的吞拿魚蓉，入口軟綿😝 三文魚加呑拿魚一齊食，超滿足阿🥰-✅吞拿魚兩味。入面有吞拿魚蓉、醬油漬赤身、牛油果、枝豆、粟米、沙律菜🤓 撈勻一齊食，魚蓉同牛油果creamy的口感更明顯，中間夾雜枝豆同粟米的粒粒爽脆口感，效果更好，冇咁易膩🥳 吞拿魚赤身切到大大塊，用醬油漬過的方法，令魚腥味冇咁重。加小小豉油已經好夠味，一碗超飽肚！-✅跟餐蕃薯條+沙律。唔係好特別，不過炸得幾乾身，如果可以淺色返小小更好！蕃薯條唔會過甜😆-✅叉燒醬油烏冬。怕唔夠飽的一定叫