Video
Telephone
26383828
Payment Methods
Above information is for reference only. Please check details with the restaurant.
上星期係好朋友生日，我喺BobobakeryHK訂咗一個6吋Melody朱古力蛋糕，一來朋友係Melody粉絲，二來我哋都係朱古力控，見到立即落單。蛋糕到手時包裝得好靚，造型好精緻，拎出嚟大家都「嘩」一聲～切開之後發現蛋糕層次分明，朱古力忌廉香濃但唔會太甜，食落唔膩口，口感算輕盈，幾啱我哋呢啲唔鍾意重奶油味嘅人。我哋6個人食6吋size都啱啱好，不過如果係甜品控就可以考慮訂大少少，每人都大份啲🤣佢哋話每日新鮮製作，低糖低油，食完真係無負擔，之後都會考慮再試其他口味。推介比鍾意靚靚蛋糕又重視味道嘅朋友！
continue reading
今日放工特登去買咗幾個包同蛋撻，真係冇令我失望！個包鬆軟香口，咬落去仲有陣陣麵粉香，完全係新鮮出爐嘅感覺。蛋撻更加係無得輸，酥皮脆到不得了，一咬就碎，蛋漿滑溜又香甜，入口即化，真係食到停唔到口！難怪日日都賣嗮，果然名不虛傳！🥐🥚 下次一定要早啲去排隊，搶多幾個返屋企慢慢歎！
continue reading
.今次試咗黑森林蛋糕，真係好驚喜！朱古力味濃郁得嚟唔會太甜，完全唔會覺得膩，中間嘅櫻桃餡酸甜適中，完美平衡咗朱古力嘅濃郁感。最驚喜係仲有啲脆脆嘅口感，令成個蛋糕嘅層次更加豐富！每一啖都係享受，食完一啖就想食第二啖，絕對係甜品控嘅最愛！🍫🍒 下次一定會再嚟試其他款式！
continue reading
女女生日訂咗個草莓味蛋糕，之前朋友推介話好味，訂過好多次，今次終於試到！蛋糕真心靚，草莓新鮮，味道清甜，質感鬆軟，的確唔負朋友的推介！因為屋企比較遠，門店好貼心幫我哋安排叫車，雖然係額外服務，但感覺好方便，仲準時送到門口，完全唔使擔心遲到，服務真係好周到！不過，蛋糕價格$350起，唔知會唔會貴少少，但見到成品真心覺得物有所值。蛋糕設計精緻，師傅用心製作，每個細節都好到位，特別係裝飾位，睇得出花咗心思。因為有老人家一齊食，我特別要求唔整咁甜，師傅好細心照顧我哋嘅需要，成品甜度適中，大人細路都食得開心，老人家都話好味
continue reading
一向都鐘意麵包先生，今次特別推介原味蛋撻！保證味道係最有驚喜，酥皮唔使翻熱都好脆。朱古力 donut 夠吸引，小朋友好鐘意食。第二朝焗返熱做早餐都好好食，牛角包同菠蘿包都適合小朋友帶返學。
continue reading