麵包先生

Open Now

Now Closed

因為早幾日嚟買麵包食發現買嗰五款麵包和餅乾都好好食，今朝忍唔住手落嚟試吓其他產品，買了五款產品，只係得一款覺得真係好好食👇1. 豬柳漢堡，$8，好好食！塊豬柳唔會博命標油，顏色雖然不及麥當勞的深色，但是味道差不多，落咗嘅醬汁好惹味！個麵包鬆軟識彈返上嚟！2. 十字包，$5.5, 味道古怪！十字冰室的好食很多！3. 法國硬豬仔包仔，$5，味道ok，但係質感上面唔夠鬼佬做得好。4. 硬豬，$5，目標朝着翠華的方向去，但是氣孔不夠。5. 冬甩，$6，唔好食！氣孔太密，實click click！

住喺天水圍嘅好朋友因為見到疫情拌和約咗我今日下午2:30喺沙田博康邨我屋企附近交換一些大家替大家買的產品給禮物，因為佢揸車嚟，所以叫我喺屋企樓下嘅停車處等佢，原來佢有一次嚟搵我嘅時候戇居居走咗入去博康邨這間麵包店買菠蘿包和雞尾包，覺得好好食，當時係見到早上11點之後又每個$5變成三個$10，所以叫我幫佢買三個雞尾包和三個菠蘿包，總共$20，我今日下午兩點去買，點不知雞尾包冇晒，我見到呢個原創係日本人開嘅A-1 Bakery嘅麻糬球（A-1 Bakery嗰啲細兩倍）個樣好似好掂咁，買咗三個頂替雞尾包，另外買咗兩個比自己食，買咗兩個菠蘿包及一個雞尾包試吓，跟住順手買埋梳打餅及南乳餅乾，然後返屋企等我朋友嚟，無聊得滯喺屋企每樣試一試，真係超好味！以前呢間麵包店叫做麵包城，出品麻麻，之後改名做麵包先生，那時候出品也很普通，不知何時開始產品進步得那麼快！其他的東西我未試過，但是這五款產品真的很好味！

今日反工前去左附近博康買早餐,見到呢間幾大既麵包先生,走入去揀下,麵包款唔算多,好似俾人買左好多咁!系剩下既麵包我揀左吞拿魚包,個樣都整得唔錯,面上面有一點沙律醬!咬落去第一啖就有餡料以為好抵,點知咬多兩啖連餡料都唔見埋,之後就無再出現過吞拿魚喇!餡料少成咁都賣$5.8,好唔抵姐!個包幾軟既,都okay既!下次都系揀d眼見到有幾多餡料既包,有保證d!

沙田區o既面包店 , 我都己經試左唔少 , 真係有啲衝動想間間去晒 xd不過博康呢頭o既.... 就要靠人幫我去買先有機會試喇.... 事關我真係唔敢再行過去今日妳為我準備好o既早餐, 係黎自呢間面包先生o既牛油丹麥條打開膠袋 , 聞到陣陣牛油味 , 食落口 ... 同樣係牛油味 ? 咸咸地o家喎丹麥條正常會有 d 糖漿o係面o家 , 應該係甜甜地家嘛 , 點解會咸牛油味 ?提子得幾粒 , 幫唔到手帶返起成個包o既甜度 , 越食越奇怪....中間位置同平時食開一層層 / 鬆化o既丹麥條截然不同 好乾... 好硬 ... 好似食緊一個放左好耐o既面包咁 , 口感差到不得了 ><"## 我想重申, 每次我自己隔夜先食, 要黎第二朝做早餐o既面包 , 我o係評分時都一定會考慮到呢一點, 所以呢個包o既乾硬化程度 , 我己經將要求降低 , 比左一個 " 隔夜 " o既酌情權佢 .... 無奈地 , 真係好唔掂 -,-"