Motto (Closed)

今晚同家人去馬山這間試食 之前佢地食過 話隻豬手好鬼正又好脆口 果然今晚試過後 真係好非一般的脆口 直情脆到拍拍聲 裡面嘅肉都算嫩滑絕非嚡口 仲有配酸椰菜 去除左油膩味 其餘青口亦好新鮮好飽滿 滿足肚腹之餐…Read More

喺馬鞍山呢個美食沙漠， 只要一有新餐廳開張就會好多人衝著去試呢間新開嘅西餐廳喺大水坑站附近，喺村屋位置旁邊， 都算幾方便。鋪仔細細 ， 一眼望曬， 但當日去都坐咗八成人， 室內得番一張枱有位， 室外就仲有兩張二人枱， 今次選擇坐咗入室內， 因為出面太陽都幾曬幾熱下。今日嘅餐廳係洋蔥薯仔湯， 味道淡淡地， 賣相亦唔算好討好。紅酒燴牛肋肉拌意粉肉質易咬， 軟淋淋又好入味西冷牛扒配薯菜侍應冇問你煮幾多成熟， 但上枱切開後發覺大約七至八成熟左右啦， 口感都幾好， 肉質呈半紅狀態， 都幾有咬口。 薯條仲要係熱辣辣脆卜卜即磨熱咖啡雖然見到有咖啡機係即磨咖啡豆沖出嚟， 但飲落去又好似係即沖嗰啲咖啡咁…Read More

經朋友介紹，今日下午終於黎左試間鋪頭位於村仔入面，都幾近馬鐵店舖雖小，人流都多不過幸運地唔需要等位仲有個室外位置，都見到好多人帶住狗仔黎食不過戶外位置比較多人坐，所以坐左室內同普通餐廳一樣有set lunch 包湯，主菜同埋野飲香煎美國豬梅扒配意大利粉（$55）豬挴扒好厚身，但肉絶對唔硬仲十分軟身香煎深海石班配薯菜（$65）即磨咖啡雖然上菜時間有d耐，但全部即叫即整可能因為人流都比較多價錢都算合理👍野食唔差…Read More

服務 態度 從頭到尾 沒有差 只有更差餐點 選擇 一次比一次少食材 質素 一次比一次差趕客入位 沒有選擇只顧自已做事 不理客戶 叫極無人理早餐選擇由 八款減至四款連原本值得讚賞的款式都一一消失午餐 由特色 變失色食材同 價格成正比 是可以理解但是 由正比變反比就無解了一間餐廳 食 ，服務 和 環境 其一 為餐廳賣點。如果做到平衡 地好就更佳。環境有格調，但擁擠 吵雜聲大都不能安靜享受 一杯咖啡 一份餐點。食已說 倒退速度 快到嚇死人熱咖啡 變 溫咖啡熱香餅 唔熱 唔香 仲要又硬又凍食材 以前的德國腸呢？煙肉呢？ 變成公仔麵Σ（ﾟдﾟlll）顧客未必係神 但基本尊重都無唉 一間好餐廳 又無了…Read More

颱風過後，道路兩旁的大樹都瘦削了不少，陽光從疏落的樹枝中鑽進去，行人路顯得十分光猛。徐徐走到盡頭，拐一個彎，到達了這間雅緻的小店。先來看看餐牌，中午套餐有十款可供選擇，款式實在很多，應該總會給您有所選擇。值得留意套餐全部都附送餐湯。今天點了香煎深海石班柳飯配凍咖啡。枱面上有一壺帶有檸檬的水可供飲用，入口有檸檬清香。是日餐湯為蘑菇忌廉濃湯，湯帶淺啡色，蘑菇香撲鼻。湯入口感清甜，無草青味，含碎蘑菇，有輕咬口感。主菜石班柳飯配有白汁，魚鮮不腥，同時帶點黑胡椒微辣，白汁嫩滑，伴菜亦新鮮但白飯較為乾身。咖啡香濃不酸，實在醒神。餐飲要咖啡時需加HKD5。總共盛惠HKD70。…Read More