Video
9-min walk from Exit B, Kowloon MTR Station
continue reading
Telephone
23980291
Opening Hours
Today
12:00 - 15:00
18:00 - 00:00
Mon
Closed
Tue - Wed
18:00 - 00:00
Thu - Sun
12:00 - 15:00
18:00 - 00:00
*星期二至日:(最後入座 20:15)
Above information is for reference only. Please check details with the restaurant.
Video
Photos
白芝麻豆腐
Small Sweets - Dashima Basque Burnt Cheesecake
+653
+11
Recommended Dishes
因為黑白大廚而慕名而來。餐廳坐落喺M+入邊，整體裝修走簡約、質樸、大地嘅風格。一開始先送上一個甜甜嘅米酒作為開始，再來特色四小碟。個人認為呢四小碟係整個餐味道最驚喜嘅部份。Small Bites💯生蝦薯仔沙律海苔卷其貌不揚，但係食落好驚喜。佢有超級脆嘅海苔，煮得軟腍腍嘅薯仔沙律同甜蝦。海苔嗰種脆好有驚喜， mix 埋薯仔沙律個口感好有新意。不過個甜蝦就唔甜，冇咩味。一開始嘅驚喜已經為成道菜帶嚟一個好嘅開始同期待。蘿蔔大菜糕撻食落去，先咬到好脆嘅撻，伴隨着酸酸甜甜嘅醬汁爆開，味道開胃又有新意。唔錯。煙燻油甘魚撻第三個相對嚟講就冇前面兩個嘅口味咁有新意，主要係有煙熏香味嘅油甘魚。但係都好味嘅。鮑魚海藻卷餐廳介紹呢個係招牌菜之一。食落鮑魚帶有一點酸酸甜甜嘅汁，再撈埋海藻嘅口感。口感味道有新意，但係鮑魚本身就冇咩鮮甜味。主要係調味料嘅味道。豆腐海膽餃餐廳介紹呢個係招牌菜，話外層唔係豆腐，而係用左整得好似豆腐嘅材料，包住海膽，浸喺有煙熏味嘅魚湯。雖然餐廳話呢個係招牌菜，但係我就反而比較失望。可能因為佢個名有“豆腐”，所以期待會有豆腐嗰種清新嘅香味同甜味，同埋軟軟滑滑軟軟嘅口感。但呢個扮豆腐嘅外層又扮得唔似，只係一個Gimmick。唔係話難食，但冇咩特別。 Chadolbagi Brisket "Guk"牛肉清湯再加一片類似牛頸脊嘅牛肉。牛肉清湯好香，飲到嘴邊仲有一啲淡淡嘅牛骨髓味道。清得來唔會單調，幾香。另外有一片牛肉，餐廳介紹話係牛筋腩，但係食落就似係牛頸脊嘅feel。雖然有咬口，但係幾香。另外有一啲整到好似波波咁嘅南瓜粒，賣相幾得意，口感同味道普通。🤔Tilefish in Brassica條魚整得幾滑，個人覺得偏生咗少少。另外佢有啲好靚嘅粉紅色同埋綠色嘅醬汁，賣相靚，但食落只係一般酸酸甜甜嘅味道。冇咩特別。呢碟主菜算普通。🤔Squid, cured beef, lemon呢碟都普通，魷魚圈入邊讓咗一啲肉。唯一嘅亮點係自家製嘅風乾牛肉片，幾有鹹香味又好薄。但係個魷魚卷本身就冇咩特別。💯Ember roasted acorn noodleMosu signature嘅黑松露面，果然冇令人失望。自家製嘅麵條有少少似蕎麥麵嘅質感，但係又比一般蕎麥麵柔軟。一片片嘅黑松露非常有香味，浸喺有足夠松露味嘅雞湯濃汁。呢道黑松露嘅味道只此一家，濃郁得來又好香又唔膩，好味！唯一有遺憾就係份量好細，食完個麵都仲未覺飽。🤔Hanwoo with cool weather vegetables韓牛牛扒本身冇任何肥肉，所以質感唔係好嫩滑果種，比較有口感，但係又未至於係鞋口，都有足夠牛肉味。整體唔算好出色，始終欠缺咗啲油香味，亦都唔Juicy。👌🏼small sweets有兩道甜品，味道可以，唔算好出色。整體嚟講，每碟餸都睇得出花咗心思去創造與別不同嘅口味，覺得前菜small bites 同埋黑松露麵係最出色，主菜就一般。唯一嘅缺點係份量頗細，食到好後都覺得未係飽。建議餐廳可以加d 麵包類等食客個肚再有滿足感多d。不過整體都係值得可以一試。
continue reading
在這個充滿藝術氛圍的地方，M+博物館的mosu餐廳無疑是個不容錯過的美食熱點。這裡不僅是米芝蓮星級大廚的創作舞台，更是一個能讓人感受到美食與藝術交融的空間。mosu的設計簡約而現代，內部裝潢以黑白為主調，搭配精緻的燈光，營造出一種靜謐而高雅的氛圍。坐在窗邊，透過落地窗欣賞到博物館外的美景，讓整個用餐體驗更添一份愉悅。餐廳的菜單靈感來自於季節食材，菜式精緻，獨具匠心。這裡的每一道菜都像是一件藝術品，色香味俱全。服務方面，餐廳的服務員熱情周到，對每道菜的介紹都非常詳細，讓人感受到專業與用心。他們隨時關注用餐者的需求，讓整個用餐過程流暢而愉快。在mosu的用餐體驗無疑是一次難忘的生日慶祝，無論是環境、菜品還是服務，都讓人感受到米芝蓮級別的水準。期待下次再來，探索更多驚喜！
continue reading
今日難得是生日飯，便提早預訂了。感恩預約到Mosu的生日飯。感謝，食材新鮮，是一場味覺的享受。擺盤、服務都很好，令人難忘及舒服。特別好食是蝦與紫菜的前菜，很特別，令人念念不忘。之後的飯及牛肉都十分難忘，值得再去食一頓。食物環境都十分好，建議午餐，因為陽光充足，拍照十分合適。
continue reading
有人一早就想book 呢間餐廳同我慶生，可惜實在太難book, 每晚1200入去都比人搶晒，終於book 到年初四晚，雖然唔係正日，有人請食好野梗係無問題啦！泊好車行過去，搵左好耐都搵唔到部lift,原來M+收咗要行另一邊入，都真係有啲難搵。入到去係full house, 個view好好，睇到幻彩詠香江，位置都算闊落，簡潔嘅設計。因為揸車，無叫酒，開咗枝茶嘅香檳，都幾特別幾好飲。每道茶waiter 都會介紹，service 都幾好，最正係食到安主廚嘅招牌，無失望，good dining experience!
continue reading
看黑白大廚看得很高興想嘗試吓米芝蓮三星大廚安成宰在香港的餐廳。這裏非常難定桌，我要三個月前才訂到還要在網上鬥快。原本想吃晚餐但是只能訂到午餐，即管試一試。這裏的菜式以韓風為主，環境非常優美坐得很舒服，但是食品還是最重要。這裏是Fine Dining我覺得有一兩度菜式很美味，但其他都是一般，而且份量很少，吃完也沒有7分飽。在菜式之中最好味道的就是開胃菜的第一道（用蝦配以醬汁同紫菜），還有芝士蛋糕，我給了他們五粒星！其他菜式就比較一般我只給了三粒星。以這個價錢和這個份量，我覺得一試無妨，但期待他們有更多進步方可以拿到米芝蓮星級。
continue reading