森屋

Open Now

Now Closed

一去到，前面大概有6 個人等緊，侍應話執緊枱， 叫我哋叫住嘢食先，大概等咗10分鐘鬆就入得喺灣仔嚟講，都選等得快🥱🥱叫咗個午市定食 可能都成點幾沙律賣哂所以只有味噌湯同飯🥲🥲（但我覺得侍應有責任話俾客人知🫠🫠🫠）然後第一次食鯛魚腹 成舊都係脂肪😂😂😂勁重omega 3 but a bit too much 🫠少少肉嘅質地都無$90 不了 不過見人哋嘅網燒牛係正嘅 仲要有跟隻生蛋明明同一個價錢 但我哩份就勁少餸 好頹下次如果大家食建議要食牛 千祈咪點魚腹

森屋係灣仔一個隱蔽既角落，唔係同事帶我黎都唔知 店面唔算大，有大約十張四人檯左右，如果lunch hour想食都真係要早啲過黎，因為呢度雖然隱蔽但非常受歡迎，如果晏左就要等位喇每次黎森屋都必食網燒牛定食，其實有幾次都想試下其他，不過每次都係返尋味，最後都係揀返網燒牛！定食配有沙律同味噌湯，而網燒牛仲有一隻鮮蛋黃俾你撈飯食，我每次都會加錢要多一隻蛋黃，因為d飯撈滿晒蛋黃再夾埋燒牛肉食真係very good架網燒牛燒到岩岩好，有些少焦香，每一次都係光盤既大滿足另外佢既鯛魚腹都好推薦，魚腹油香四溢，伴飯入口又係一流 不過呢度午市真係好熱門架，食到差不多就會有signal俾你埋單😂，我地都明白既希望小店可以一直經營落去

灣仔好多野食， 但價錢都唔平， 黎到修頓附近， 發現左窄巷呢條街有好多平價餐廳， 森屋呢間裝修好有日本特色， open kitchen 見到師傅整野食。晚飯價錢竟然同午餐差唔多， 好抵食～ ♡網燒牛肉定食 $82生雞蛋撈飯真係勁正， 牛肉都有質素。 定食有沙律&湯， 都好足料。♡自家吉列豚定食 $88份量好大塊， 豬扒肥瘦適中， 外皮炸得好脆， 定食嘅生菜蛋粟米蕃茄沙律比椰菜絲任食更有誠意， 價錢亦都平一截。♡厚切牛舌 $48有4片牛舌， 嫩滑彈牙～

水準一流， 價錢實惠，氣氛一流一年前開始食呢間舖 已經覺得佢好有日本氣氛到今日差唔多已經嚟第五次，水準依然keep到,甚至乎好食過之前值得一讚，唯一美中不足的是，侍應得一位，見到佢實在太忙，再多一個侍應會好啲， 見過老細係咁喝個侍應， 睇見都覺得好陰公幾推薦佢個網燒牛肉同埋照燒雞定食，成set都係七十幾80蚊, 另外佢個麵豉湯唔會令你覺得好滯我見呢度都係做老顧客比較多，証明回頭率都幾高今日1月1號嚟食dinna，成個灣仔嘅人流都好少，好多大街嘅餐廳都冇乜人, 反而佢起喺比較闢嘅地方就滿哂場

原本今日分開約咗兩個朋友食飯，啱啱食完一餐，都少少飽㗎啦，跟住再同另外一個fd食飯，結果見到呢間日本餐廳少人排隊就入咗來食。點餐嗰陣就諗住自己叫啲少份量嘅食物，即係一份餃子就算，跟住個女侍應用勁西嘅語氣同我地講話「呢度用餐每個人最少要叫一個定食」。我都明有最低消費，咁啲客人唔知道咪好聲好氣咁講囉，洗乜一來就即刻西口西面。點完之後，佢仲要用輕挑態度咁補多句「咁份餃子唔要㗎啦呵？」。成餐飯即刻冇嗮心情！PS：啲食物都算好味嘅，環境都唔差，但係薯仔牛肉得兩塊牛肉，勁多舊薯仔

朋友介紹這家日式小店的網燒牛肉，今次一於到訪一試。餐廳的格局走懷舊日本居酒屋路線，黑色的裝潢蠻有氣氛。網燒牛肉定食有沙律、味噌湯、牛肉飯以及一只蛋。主角網燒牛肉飯份量甚多，掩蓋整個飯面！食得到燒過的焦香；而且牛肉汁亦足夠滲到飯底；再撈入雞蛋一起吃，增加滑度，是非凡的滋味！沙律除了生菜蕃茄之外，還有蛋白及菠蘿，帶點港式的風味。至於味噌湯也很不錯，湯裡有腐皮、蔬菜和雞肉，十分足料。燒日本餃子即是煎餃子。外皮煎得脆一脆，肉餡豐盈充滿著肉汁；用來蘸點的餃子醋加了麻油，令致整件食事更香。非常滿意的一餐。

🐄 網燒牛肉定食 $82沙律 味增湯 網燒牛肉丼 配 生雞蛋🥚即叫即燒既網燒牛肉鋪滿成碗飯配埋生雞蛋一齊撈飯真係好香好惹味🥗沙律份量適中 沙律汁酸甜開胃麵豉湯都唔會太鹹環境都唔差 有日本居酒屋既感覺🇯🇵好味程度: 🌕🌕🌕🌕🌑用餐環境: 🌕🌕🌕🌗 🌑回味指數: 🌕🌕🌕🌕🌑

灣仔的日式居酒屋，有串燒，和食，拉麵，定食，清酒和日本啤酒，地方方便，環境挺舒適，酒屋風格。外賣套餐包麵豉湯沙律。沙律新鮮翠綠，味道清新。網燒牛肉定食牛肉多，味濃，加埋隻日本生雞蛋，絕對係人間極品。

接近1️⃣年無去過森屋，咁啱同事話未試過，一於帶佢去試下😊，懷緬一番之餘🥰，試下佢可唔可以保持到水準😋。去森屋一定要早，我地十二點🕛一開門就第一個衝入去🏃‍♂️。果然，未到十二點半已經坐滿咗9️⃣成人喇。同事點咗個醬油魚介湯拉麵🍜，我就十五十六諗緊叫網燒牛肉好定蒲燒鯛腹好😖，最後都係要咗網燒牛😂(註：我想話呢度嘅蒲燒鯛腹係非常非常好食，下次再介紹俾大家)。網燒牛肉定食 $82頭盤先嚟過沙律🥗，份量唔少，另外佢嘅芝麻醬同一般我食開嘅有啲唔同🤔，佢嘅醬淡色啲(我開頭驟眼望以為係沙律醬😅)，亦淡味啲，但配上蛋白、菜一齊食，我覺得好匹配👍。跟著主菜嚟啦，先講下個味增湯🍵，味道唔鹹，味淡但濃郁🥰（好矛盾😂，但真係咁，大家有機會飲下就會明我講乜🤣🤣。）即燒嘅網燒牛肉🐂，燒得非常香口惹味😋，但又唔會over咗，另外仲有隻日本生鷄蛋🥚，用嚟蘸牛肉食又得，再唔係撈落飯度連燒汁連牛肉一齊食又得🤣🤣。醬油魚介湯拉麵 $82首先，由於拉麵🍜唔係定食，所以係無沙律🥗同埋味增湯🍵嘅。同事話呢個拉麵個湯，無論係醬油味還是魚味都唔算突出，麵質感可以，軟硬都算適中，最出色反而係嗰幾塊豬腩肉🐖，又嫩滑又入味，讚👍。煎日本餃子

介紹一間家庭式日本料理俾大家我哋今次嚟食午餐呢度午市提供日式定食，亦可選擇食拉麵，價錢由$70-$90不等日式定食款式都幾多照燒鯖魚🐟、西京牛舌、網燒牛肉🐮、香草羊肉🐐等等，定食套餐包沙律🥗，味增湯拉麵款式亦都有8+款我哋點左1️⃣地獄燒肉拉麵 🍜- 拉麵麵款幼身、彈牙，燒肉好入味2️⃣香草羊肉🐑定食 - 羊肉炒夠火後，配埋甜甜嘅菇類，送飯一流😋森屋 (灣仔)灣仔譚臣道23號壬子商業大廈地下B舖

隔佐兩年終於再幫襯森屋啦。對上嗰次呢黎係兩年前 ，一直好掛住森屋嘅網燒牛肉飯 ，所以今日打算同朋友嚟試下。真係估唔到森屋仲保持住一如以往嘅水準。 一入到去餐廳基本上冇乜人 ，得兩個員工喺度。 因為 限聚令 嘅原因我哋都揀咗四人枱呢坐 。坐低之後員工好快手放低個menu ，二話不說就叫個員工嚟落order ，我哋一叫就叫咗網燒牛肉飯。 我好鍾意餐廳的環境，一路播住日文歌，好有日本感覺嘅感覺。80蚊 既網燒牛肉飯配一個湯同埋一個沙律，即叫即燒既網燒牛肉 鋪滿曬喺 個飯頂 真係見到都流口水呀 。啲飯嘅份量亦都非常足夠，個沙律啲醬好好食 。麵豉湯味道唔鹹， 味道適宜。 兩個人一共 食咗180蚊。鍾意食日本嘢嘅一定唔可以唔試呢間餐廳呀， 一定要試網燒牛肉飯！！

灣仔呢條巷仔好多野食，今次俾呢間日式居酒屋吸引左入黎同同事食lunch，一入門口就見到廚房，師傅努力整緊野食，環境好日式但同時亦都好煙霧離漫，午餐有比較多選擇，定食又有，拉麵又有。同同事分別叫左網燒牛同吉列豬扒定食，定食包左沙律，味噌湯。網燒牛只係普通薄切牛肉/肥牛，師傅仲要over cook,燒到燶左。吉列豬扒同事試亦都覺一般。沙律用既沙律醬味道亦比較奇怪，味噌湯一如既往都係得個鹹字。整體而言普通，性價比不高，無意慾再黎食。

喺灣仔食lunch, 埋單$100有找就食到高高地質既lunch, 而且環境唔差仲好有日本feel 既餐廳，我會揀森屋😄未入去已經好日本🤣入到店內更加好日本🤣🤣而我是日lunch就歎左網燒牛定食，有沙律、味噌湯。仲有食網燒牛先有既蛋😋用尼蘸牛肉～ 被網燒既牛肉包住層蛋液，再配搭加左燒汁？！（我諗係😂）既熱辣辣白飯，真係好正😋然後好快就食到見到碗底了😂 順帶一提，依度可以免費添飯（本身飯量都唔少），咁就可以一啖飯一啖牛🤩岩哂我飯痴🤪整體尼講，係附近返工、想約朋友食飯、想輕鬆下既朋友，可以揀森屋！值得一試

好開心同🦁仔食到間有水準嘅小店❣️由環境 食物 到服務，我哋都非常滿意😙晚上7點到達位於灣仔嘅「森屋」，一入到店已經聞到好香好香嘅串燒味 急不及待喇！由於我哋兩個都唔太餓嘅關係，只係叫咗4款串燒同一碗豚骨拉麵。🔸個人好鐘意食燒雞皮😛森屋竟然做到好薄身 好脆口，加埋燒汁同芝麻 好惹味🤩出色～🔸雞翼 一串兩隻，熱辣辣，肉質嫩滑，唔會因為燒出黎而乾晒，讚！🔸牛舌，my all time fav!! 森屋亦無令我哋失望，好香好爽口🤤🤤個人一直好欣賞德美壽司嘅燒牛舌，但我覺得森屋仲正喎！值得為牛舌再回訪！😍😋🥳🔸帆立貝，見到師傅好用心處理，食材好新鮮🤤爽口 唔腥 食得好滿足🥰🔸豚骨拉麵，湯底味道唔錯，麵質軟硬度亦適中👍🏼 兩件腩肉肥瘦層次分明，肥糕嗰層入口即溶，正😆😆總括來講，餐廳非常值得試 特別係串燒💕目測每枱客都有叫定食，下次我都要試啊！！價錢亦親民～性價比高✨✨

午餐嘅時候同同事一齊過嚟食飯，諗住冇乜人排隊就食呢間啦。啲嘢本身同區來講都唔算平，我就揀咗豬扒飯同事揀咗羊肉飯，同事嗰碗等咗好耐都未到，我果碗雖然到咗，但啲豬扒係酸嘅。本身都想食完返去工作，點知我哋食完1分鐘都冇，個侍應就即刻扔張單過嚟講趕我哋走。話出面好多人，唔好意思你哋要走啦。嘩，真係平時同區都唔會咁囉！平心而論，佢哋性價比係極低！啲位坐到好逼好唔舒服。然後，野食充其量都係一般，麻麻地。成餐飯比我嘅體驗極差。