摩芽雞蛋仔

Open Now

Now Closed

今日放工， 跟住諗外賣， 便跟外賣order 買流心蜂蜜鷄蛋仔同雙重芝士鷄蛋仔， 加杯嘢飲(蜂蜜柚子茶加椰果） ， 拎到番屋企才食， 估唔到仍然好味！ 下次應該要食埋其他名物先！ 💪💪

格仔餅癮起，諗住行過附近就買一間都冇伏嘅，點知真係仲晒大伏叫咗一個抹茶紅豆格仔餅，$30等咗大約5分鐘，見着店員起嘅時候成個格仔餅分開咗係爛嘅，但係都照俾我啦，咁我就問係咪原本都係爛佢話因為抹茶紅豆，中間有紅豆比較軟身，係一定會咁樣，咁既然佢處理唔好嘅時候點解要設計呢一個口味買呢？我食其他店既時候完全都冇呢個情況出現大家想食格仔餅真係要搵返間口碑好嘅，呢啲又浪費心機，又破壞心情諗住佢個賣相咁差，如果口味可以挽回，都算啦，點知咬落去完全冇蛋香味，係用粉漿加抹茶粉溝出嚟，食緊屎一樣

我最近去了摩芽雞蛋仔~不過不失☺️雞蛋仔口感偏向鬆軟，幾有彈性，口感幾特別。它們還有多種口味可以選擇，例如紅豆、巧克力，紫薯，紫菜等等，讓人感到十分新鮮和有趣。😍😍今次食的是蜜糖爆珠雞蛋仔，這家店的雞蛋仔特別之處在於每一口都有驚喜。它們在雞蛋仔內放了一些蜂蜜小珠子，吃起來非常香甜，而且還有蜜糖的甜香。這種獨特的口感和味道讓朋友非常喜歡。🍯🍯總體來說，如果你想要一個有趣而美味的雞蛋仔體驗，我強烈推薦你去試試這家🤣🤣🤣🤣🤣

今日要黎尋找以前回憶🤔的味道，所以就黎到太子食摩芽雞蛋仔🐣，唔講唔知，原來全港現在只剩下太子呢間分店，其他分店已結業。今次就叫左雙重朱古力夾餅🍫（$26），雖然夾餅中間有少許朱古力流心，但食落去朱古力味道不太濃，反而花生醬🥜同埋煉奶既味道比較突出，味道中規中矩啦。另外，我地仲叫左百香果金桔多多🍊（$26），呢間飲料裏面有少量的百香果核，不是太多，仍然可以接受，金桔味道並不突出，可能裝飾為主，同市面其他多多一樣，飲落去有種假假既味道，個人不太喜歡🥲。飲完後，先發現金桔果肉係黑色的，唔知係咪擺得太耐定氧化左，感覺不太新鮮，下次應該不會再惠顧了。隨著時化變化，摩芽雞蛋仔的Menu感覺上同以前沒有太大的變化，或許不進則退，總會被社會淘汰。

從來未食過呢間嘅雞蛋仔，穩陣啲都係試吓原味先， $20一底，價錢都ok嘅。呢度嘅雞蛋仔外貌膠膠地，完全做唔到外脆內軟嘅感覺...一收到雞蛋仔嘅時候，覺得硬到好似一舊模型咁，完全搣唔開。平時食雞蛋仔，會一粒一粒搣嚟食，呢度係做唔到嘅，要成舊攞嚟咬。蛋香輕微，甜度唔高，感覺似食緊雞蛋糕。唯一可取之處，係每一粒都非常飽滿，唔會有空氣感，味道黎講唔係難食，但唔合乎雞蛋仔應有嘅標準。如果係想食雞蛋仔，可以試其他舖頭。

呢間摩芽雞蛋仔每次黎買都見到有人排隊由其假日特別人多呢就知佢有人氣啦！今次揀左流心蜂蜜口味即叫即整，十分熱辣辣呢！粒粒流心蜂蜜，一咬即爆開啖啖蜂蜜，又不太甜喎！推介！！有驚喜，值得再試呢！

有一天，路過太子，見到有間特別的小食店，摩芽雞蛋仔。落單後，要等幾分鐘，因為摩芽雞蛋仔，即叫，才即做。我叫了星星朱古力雞蛋仔，真係有星星。雞蛋仔要即食，很脆。拿回家跟家人分享，等了十多分鐘，無咁脆，所以摩芽雞蛋仔，即叫即做，也要即食。摩芽雞蛋仔太子汝州街17號地舖

疫情開始，好少出街食野，經開呢間雞蛋仔，成日好多人排隊，甘岩今日見到無咩人，可能仲早，口痕又想食，叫左個星星朱古力$30，即叫即做，甘岩又冇乜人排，所以幾分鐘就有，味道方面，雞蛋仔表皮十分脆身，內餡半融，十分香口，星星脆身不算硬，整體都算好好👍🏻女店員有禮貌，會主動問要唔要膠袋，又話唔好焗住會淋身，好多人焗住返黎話唔脆，所以店員話佢地成日提醒，焗住會淋，整體會再幫襯👍🏻👍🏻良心小店，足料，希望做得住😮‍💨

因為去隔離間餃子店買生餃打邊爐，所以先特登去左太子果頭，落左單之後响門口等緊既時候，就行左去旁邊摩芽睇下，我本身係好鍾意食格仔餅，但因為有2聲咳，所以就諗住算啦唔食，但企企下就傳來一陣陣香味，所以最終都忍唔住叫左個紫菜肉鬆格仔餅，自我安慰無咁甜無所謂啦！因為即叫即整，所以都等左一陣，等既時候我又去左買2👭涼皮返屋企做lunch，攞埋返黎就岩岩好攞得。佢個格仔餅表面比較硬身，屬於脆脆地口感，入面夾左紫菜同肉鬆，應該係整格仔餅時已經放埋响面，所以黏實左响餅度，唔會一路食一路跌，格仔餅入面啲醬份量剛剛好，唔會流到一手都係（地鐵站果間又軟奶奶又成日流到一手醬），亦唔會太甜，所以真係好好食😋

.📍摩芽雞蛋仔📍 #饅頭去太子 #饅頭的掃街系列 ------------------------------星星朱古力 ($28)即叫即整所以溫度上就絕對合格；味道其實都係唔係差嘅，咬開會見到入面係有半流質嘅朱古力醬，但基本上就冇乜軟熟雞蛋糕嘅成份，整體口感就係食緊空殼加醬🤔，而且佢嘅蜜糖星星係淋嘅😑，同我預想有極大落差咁貴嘅價錢除咗造型之外其實都冇咩特別，所小編係非常唔推薦，除非你相打卡(？)------------------------------整體評分：5.5/10小編回頭率：4/10

🇭🇰摩芽雞蛋仔·紫菜粟米肉鬆雞蛋仔$27呢個我之前係葵廣好中意食架 但係自從個間分店執左之後 我就一路都無再食過啦😢😢今次專登行去太子個邊食 點知有D失望 佢個雞蛋仔蛋味比較淡 而且佢唔脆 傷心 之後佢入面既肉鬆都無好鹹香 明明之前好好味架😭😭·#rbyeat#rby港式#rby太子 #rby新蒲崗 #rby荃灣·📍太子汝州街17號地舖📍新蒲崗康強街32-34號康強洋樓地下16A舖📍荃灣荃興徑31號地下4A號舖

💛黃店🔱今次要介紹嘅食物就係位於太子！📜”摩芽雞蛋仔 (太子)📌 地址:太子汝州街17號地舖🕐營業時間:12:00-23:00📍分店地區: 太子📝評價💬📢 星星朱古力雞蛋仔🤩每粒雞蛋仔都有蜜糖星星🌟🌟 呢個係抵讚👍🏻👍🏻朱古力味道吾算好突出 見佢啲相好靚咁🤣🤣有好多吾同口味都幾特別 望落去都吸引😝🏵環境指數:⭐️⭐️⭐️🏵味道指數:👅👅👅🏵抵食指數：💰💰💰🏵回購指數:❤️❤️#美食推介 #太子美食 #太子黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow太子 #foodieksk太子

之前一直見人推介, 所以我懷抱一個"佢一定超好食"既心去買, 食完有啲失望...我唔排除係人手製造質素有啲參差啦, 我個舊真係麻麻😿餐牌有好多款, 雞蛋仔價格比以前高左好多, 以前原味$8底咋嘛(老靈魂出左黎), 不過我都係乖乖地交左個銀包出黎😹<星星朱古力>味道其實ok既, met開雞蛋仔, 入面有啲啲半流質既朱古力醬, 所以我覺得朱古力味幾正既🙌🏻但係口感麻麻地, 一開始摸到個雞蛋仔咁淋, 我仲諗應該係因為岩岩整起啫, 我5分鐘內食,發現佢係真係淋....🙈我幻想中佢個皮係脆既, 蜜糖星星都係脆既, 唔係囉, 成個都好淋, 蜜糖星星仲有啲硬添🥲見有啲餓叫多左個燒賣魚蛋雙拼, 幾好味, 我唔係燒賣關注組, 但燒賣幾好食既, 幾煙韌👐🏻魚蛋正正常常呀👐🏻

20蚊一份格仔餅真係賺到笑呵呵呀，果啲特別少少既雞蛋仔成28蚊，直頭可以買到兩餸飯，依家咁既時勢仲企到，梗係有佢原因既，請啲妹妹做野，成日坐店面打機溝仔，梗係多人幫襯啦，當然塊野係熱既，而且非常足料，就算你唔食，賣相都已經靚仔到不得了。同出面啲有鄉音阿姨整出來，好自然班後生仔自然識幫襯啦。 好多時請啲鄉音阿姨真係好影響心理，今次來親都係妹妹仔，絕對係賣點之一，新鮮都係重要，足料更加係加分位，仲要係熱既。掂

特登去拜訪呢一間嘅雞蛋仔，聽聞種類有好多，而且又好好味！最尾我哋叫咗雙重朱古力味，由於佢係即叫即整，再加埋前面都有幾個人喺度買緊，所以俾咗錢之後都要等10幾分鐘。如果大家想食都係要有啲耐性。攞到手之後，因為疫情關係我哋帶咗佢返屋企先食。相信呢個係一個好錯誤嘅決定，因為返到屋企佢已經林晒😢😢😢😢😢好好彩嘅係，佢嘅朱古力味真係幾濃！我諗如果即刻食嘅話味道會更加好！價錢方面就唔係以前10幾蚊嘅價，冇記錯都好似係要30幾蚊。抵唔抵食就見仁見智啦！