摩芽雞蛋仔 (Closed)

以前讀書幾乎日日都行 ，畢業之後都無乜點去近年被打造成小食天堂，突登返去掃吓街😋行行吓聞到好香嘅 香味就買咗一底試———————————————🍯流心蜂蜜雞蛋仔(HKD25)蛋味　👎🏻👎🏻👎🏻趣味　👍🏻好味　👎🏻👎🏻👎🏻👎🏻———————————————流心真係相當流，只係將特飲嘅爆珠加入蛋漿一齊整，爆珠嘅蜂蜜味只係用調味劑溝成嘅人工化學味👨🏻‍🔬只可以話相當有創意，但能力同成本所限而搞成不知所謂👎🏻👎🏻以為敗筆只係啲爆珠？少年你太年輕了雞蛋仔整得好硬，而且完全無蛋味，甜味都唔係好食得出，爆珠嘅人工甜味太濃烈😩

摩芽雞蛋仔應該好多人聽過見過啦平時我食開媽咪同龍津😋對比之下呢間只係僅僅合格🤷🏼‍♀️唔知係咪趕收工d雞蛋仔都唔夠脆既？一餅雞蛋仔既精髓在於佢夠唔夠脆架嘛不過值得一讚既係佢都幾多肉 唔係食空氣落肚同埋都幾多款揀既 又有雙重芝士🧀又有雙重朱古力🍫紫菜粟米肉鬆紫薯 香蕉朱古力 抺茶紅豆🍵都有當然唔少得格仔餅啦 但係我冇食到不過咁既價錢應該要做到完美呀 仲要排咗咁耐之後都係食返龍津同媽咪算lu😙

葵涌廣場是個小食天堂，各式小食百花齊放。經過看見有港茶奶茶雞蛋仔，以Lipton 奶茶作材料，就被吸引買了一底。呢個雞蛋仔外觀一流，但食落有點伏。奶茶雞蛋仔，奶茶味算合格。但雞蛋仔做得又厚，更絲毫沒有脆感，一大敗筆。

係葵芳行街，經過呢個摩芽雞蛋仔，之前都聽過下，有星星的雞蛋仔，賣相好特別，而且有多口味，雖坊間有不少雞蛋仔店都玩多款色及口味，但既然經過必試下呀。 最有興趣的是奶茶味，因為太受歡迎要等，大約十幾分鐘。 Lipton奶茶味星星雞蛋仔，$28。 賣相幾特色，有好多星星，想起小時候食的早餐，食落有驚喜，微熱，口感外脆內軟，好有奶茶味，仲要係濃郁，茶記之感呀。

好耐冇食過雞蛋仔，經開見到佢有賣，但怕佢整得唔好食，最後揀左穩陣d既格仔餅，雙重朱古力口味，朱古力味唔夠濃，似普通格仔餅但黑色左，另外餅就夠熱夠軟，佢係即叫即做。

朋友仔係外國返黎，想係香港掃街小食，咁我咪約佢去葵廣諗住搵下食囉！佢想食雞蛋仔，外國無呢啲野食，我居然懶叻咁叫佢唔好食原味，而家雞蛋仔已經好多元化嘛～叫佢試下其他唔同既口味😅·結果朋友話一係唔食，一食就要食最邪惡既，揀左雙重芝士味🌝結果！佢個樣望落係有芝士架～+但食落口完全無芝士味囉😭已經叫左雙重芝士！但係少少芝士味都無😢失禮死人啦😭叫人唔好揀原味，點知毫無芝士味，好似原味咁😟·無下次！完！嬲呀！

到了葵芳想找雞蛋仔吃發現這家以雞蛋仔命名的店便去一試，等待時間有點久是可接受範圍，然而店員態度實在不太好。久等了的雞蛋仔雖然剛弄好很熱，但竟然是沒什麼味道的，本期待這價錢的雞蛋仔應該還可以，失望了！嗅覺和味覺上也沒什麼雞蛋仔的味道，這個水平的雞蛋仔太貴了，名過於實。

不太好甜食的筆者，今天心血來潮到了「摩芽雞蛋仔」吃一個quick dinner。門口的menu有2張：分別是各種不同口味的雞蛋仔和格仔餅。既然店名是以《雞蛋仔》命名，要試就當然試雞蛋仔啦～點餐後，店員才開始現在製作。大約等候了5-7分鐘左右，拿上手時還熱騰騰的。紫菜和肉鬆十分足料。主要偏佈於中間位置，所以中間的每一粒都是啖啖肉鬆。咸味餡料和甜味雞蛋仔異常配搭。雞蛋仔入口外脆內軟。筆者曾經食過過腍的雞蛋仔，完全是難以入口。所以能夠做到外脆內軟，這一點非常重要。筆者等侯期間，看見有2-3個客人點紫薯雞蛋仔。但非常可惜，紫薯雞蛋仔經已售罄。看來紫薯味大受歡迎呢，下次點來試吃～

又咸又甜雞蛋仔🤤又咸又甜雞蛋仔🤤好多人鍾意食卜卜雞蛋仔🥚，但本人就鐘愛外脆內軟🥠，要有好多蛋醬係入邊，肉肉感💪🏼，唔好得薄薄嘅外殼好似食空氣感🌪，中女要扎實感呀！💁🏻‍♀️今日試左摩牙（more)，第一二粒無咩感覺，咪中上雞蛋仔咁，算有蛋香、做到外脆內軟、又唔會太輕飄飄。。。但食到中間一點，第三粒，喂呀！❤️❤️❤️爆香0既紫菜咪同咸香0既肉鬆配埋本身0既蛋香，加上幾樣不同口感酥、軟、煙銀、脆！簡直prefect!!!!!!!!💓💓又咸又甜嘅味道，唔會太膩，會想不停食落去，期待每一粒雞蛋仔不同餡料比例味道又會有所不同，簡直食到停唔到口！話咁快就消滅左一底🤤

本身 好鍾意食雞蛋仔 所以好多地方嘅雞蛋仔我都食過。以連鎖雞蛋仔店嚟講，摩芽算係keep到水準。除咗原味係好食嘅之外 非常推薦紫菜肉鬆系列如果想再口味層次多一啲嘅話可以食紫菜粟米肉鬆雞蛋仔有質感有咬口。紫菜肉鬆系列係食極都唔厭嘅鹹食雞蛋仔摩芽 買雞蛋仔之後係需要等嘅即叫即做所以確保到水準外脆內軟【當然10分鐘內要食完，否則會有倒汗水淋左】。當然甜食嚟講原味係最好味啦亦都推薦大家食朱古力咖啡味。另外土鳳梨味亦係非常受歡迎不過唔係成日有得食。多間分店黎講，暫時覺得葵芳最好食不過葵芳人流多，等嘅時間亦耐啲

雞蛋仔呢樣食物 自從被貫上香港必試小食後 真係開到周街都係 不過真係令我覺得好食既認真好少 因為要做到個皮脆而裡面仲係QQ有彈性 有少少濕潤感 絕對唔簡單於是乎越來越多賣雞蛋仔既轉戰創造唔同味道配料摩芽就係其中一間 講真 呢條橋又算係成功既 我都係因為見啲味幾特別 先買黎試下買既係紫菜肉鬆 店員見我選擇困難而介紹既話係最有香港特色 屬於多人買既皇牌之一不得不讚既係 紫菜肉鬆同雞蛋仔係相當合拍 啲料俾得都算多 粒粒都食到 而且個皮烘得好脆 總結黎講 算係好食既

夜晚9點幾先行去葵廣，諗住睇下仲有無雞蛋仔食，我發現已經一個月內食左6次雞蛋仔見到仲有依間就打算試下，其實之前都有係旺角食過幾款味，橙朱古力，芝士，蜂蜜，都ok今次係葵廣見到香蕉朱古力即刻好想食，點知賣哂可能我太夜，得返兩三款味咋。唯有試下紫薯味呀但係個樣係似叫左朱古力味咁，啡色既我一開始仲以為比錯左，但聞落去又真係紫薯味。可能我本身唔係紫薯愛好者，我覺得個味道都係一般咋。不過都過到下雞蛋仔口癮既

週末到葵芳行街，行到攰想食嘢但係咁多小食真係樣樣都想食呢！最後見到摩芽個格仔餅最吸引就買了一個同朋友share.雙重朱古力 $22 (5/5)口感好脆，外脆內熱，加上朱古力醬同花生醬，一個人食就太濟，兩個人食啱啱好，係完美既配搭，暫時係我格仔餅既number 1，會一直食下去haha.等候時間大概係十五分鐘，因為即叫即做，可以行下周圍才回去拎，店員服務正常，不過週末去會比較多人，輪候時間會再耐一點點吧！

葵廣小食多多，這間專賣格仔餅、雞蛋仔，多種口味，選擇夠晒多。揀咗double chocolate $22🍫🍫要等成20張飛，人氣度超高！叫完等足半個鐘，好彩附近好野行。朱古力味夠晒濃，除左外皮之外，夾心重有未凝固曬嘅朱古力漿，不得了!!!中間搽上牛油、花生醬、煉奶，甜得黎間中有啲咸味，好特別。老實講，一個人食曬成有點太膩，兩個人食就岩岩好啦。脆度過得去啦，邊邊位夠脆，中間就差少少啦。我諗雞蛋仔會好食啲，下次再試!

貪得意試新的雞蛋仔今天工作過後等朋友的時間自己去了掃街經過這間看到有不同口味的雞蛋仔就去買個試一試本來是想要吃鳳梨酥口味的可是都賣完了就吃了蜂蜜口味的等了5-10分鐘左右拿到了可是吃的時候要小心燙因為裡面是"蜂蜜的爆珠"一拿到時我急不及待咬了一口燙到舌頭好痛後來等到涼了就看到裡面其實是一顆顆的爆珠下次還是想要試其他口味