54
11
1
Exit A2, Sheung Wan MTR Station continue reading
Telephone
28511288
Opening Hours
Today
06:30 - 23:00
Mon - Sun
06:30 - 23:00
Payment Methods
Visa Master Cash AE
Other Info
Wi-Fi
Alcoholic Drinks
May Bring Your Own Wine Details
Phone Reservation
Delivery
10% Service Charge
Outdoor Seating
TV Broadcast
Review (78)
Level4 2019-07-29
1781 views
週末約了兩位朋友喝下午茶,因中午要到上環出席活動,朋友提議到就近的Moon Thai。餐廳在蘇杭街的蘇豪智選假日酒店內。因中午吃得飽,只點了二人Thai tea set: 沙律、小食併盤、咖啡、茶或泰式蝴蝶花鮮檸特飲。 $ 258 /兩位。西施柚沙律~柚子多汁,配蝦乾、蔥花、紅椒,少少辣,酸甜味很開胃!泰式拼盤~包括魚餅、雜菜春卷、蝦餅、豬頸肉、雞卷、雞中翼。份量很大,每款四件共有廿多件。味道都不錯。較喜歡魚餅和雜菜春卷,魚餅香口有肉汁,春卷外皮香脆,切得小巧,一口一件容易吃。精選甜品 - 拉椰糕、椰汁糕~頗為香滑。泰式蝴蝶花鮮檸特飲味道酸甜,夠清涼。曾獲米芝蓮指南推薦,2018年為米芝蓮指南餐盤餐廳。設計走泰國風格,除了室內座位,還有頗大的戶外區,有上蓋可全天候使用,下雨也不怕。不過天氣炎熱,我們還是選擇室內。下午茶,吃飯,聊天都是個不錯的地方。Thai tea time 14:30 至17:30 這時段較寧靜,環境有泰式feel, 秋冬季節可選擇戶外座,頗為寫意! continue reading
(The above review is the personal opinion of a user which does not represent OpenRice's point of view.)
又有好一段時間沒有挑戰Moon Thai既假日Brunch,今個星期日起身突然有個衝動去食,於是乎快手快腳梳洗打個電話去訂位。價錢沒有太大調整,同樣2百左右有交易,Last order時間為2點半。門口多了熊大大,領位掛有米芝蓮飲食推介小襟章上環區開餐既好處確實係比起Soho區人少得多,呢度用餐空間寬敞,你可以選坐室內又或是喜愛享受日光既朋友可以坐戶外座均有提供進餐廳坐低後,第一時間緊係要舀兩碗蔬菜冬蔭公湯飲下熱身先。別以為素菜為主的冬蔭公味道比起混合海蝦的遜色,呢度既湯頭色澤依然係好標準既泰或風味,酸酸辣辣既味道令人醒神開胃。呢度既Brunch主打泰國風味,小食款式一定離不開常見既泰國地道美食,好似係泰式生菜肉碎包,個人比較推介,豬肉粒剁碎無渣粒無太多脂肪,肉汁香濃。一片大生菜裡包入數匙肉碎送進口腔咀嚼,爆汁力強。若嫌辣度不夠的話,可以轉用辣肉碎茄子取代同樣惹味魚露鳳爪浸泡濃郁既泰式酸甜魚露,加上內層既腳骨已被去清,大大提高食用感之餘,更感皮脆爽彈炒雜菜泰式炒雜菜特色較為多汁,尤其吃起白西蘭花、紅蘿蔔片、草蘑及粟米芯時份外美味油潤酸木瓜沙律木瓜切成幼條狀伴大蕃茄,同樣酸酸地又好fresh烤蒜蓉包配搭上咖哩主菜既汁更加係勁夾,加上鋪滿包面上的金黃色碎蒜,簡直係令人食指大動今期Brunch推廣為原煲足兩両魚翅,連一個主菜及沙律吧任食包餐飲揭開煲蓋睇下底蘊先,翅針層次分明賣相都很吸引,絕對唔似坊間既散翅或混雜粉絲之類既貨式,重點係芡汁又唔會呈漿粉般有膠喉既感覺老婆最喜歡既咖哩軟殼蟹,咖哩味道濃而不辣帶點椰奶香,炸至皮脆既軟殼蟹入口風味依然,不論係撈幾口飯粒又或是沾點蒜蓉包吃都咁好味另外的一份主食我地點左粉絲大蝦煲,沙煲內的粉絲吸收左蝦汁及少許醬汁,質感幼細晶瑩,一撮又一撮差不多吃光冇得凈。蝦肉新鮮爽彈,開邊焗味道更佳食完整餐香辣野之後,點都係要飲返杯涼快既泰式凍奶茶爽返一下,其他飲品不在此特別描述 continue reading
(The above review is the personal opinion of a user which does not represent OpenRice's point of view.)
Level4 2019-08-14
1528 views
想喺上環食泰國菜,環境又舒適既話,我會諗起Moon thai呢度。畢竟呢度都係位於酒店裏面,唔需要同人逼,枱與枱之間距離寬闊,有一定私隱度。呢度有indoor同outdoor,而家天氣咁熱當然揀有冷氣嘅室內啦。是日黎到啱啱過咗最多人嘅lunch hour,2pm仍有semi lunch buffet供應,但我哋又唔算好肚餓就決定散嗌。叫咗一份烤雞,大蝦柚子沙律,冬陰公湯同埋熱既泰式奶茶。冬陰公湯係我成餐飯最鍾意嘅一道,酸度辣度恰到好處,材料十分充足,好多秀珍菇同蝦,呢個湯好好飲,值得推介。大蝦柚子沙律都係足料嘅,酸酸甜甜好開胃,大蝦彈牙泰式烤雞就爭啲,冇乜特別,雞比較瘦,好有骨感熱泰式奶茶就一壺上,茶味濃,奶幼滑,好飲。順帶一提,我哋3點幾食緊嘅時候就不斷有清潔員工係我地附近拖地,其他員工又好似趕落場咁(不過佢地無叫我地走既),只係以酒店餐廳嚟講,感覺就有啲唔係咁舒服。 continue reading
(The above review is the personal opinion of a user which does not represent OpenRice's point of view.)
Level3 2019-07-05
1274 views
同男朋友去左食moon thai因為佢上網見到人介紹,所以就去食啦。佢係上環的holiday inn,都叫近地鐵站,行大約5分鐘到就行到,當然要google幫手,不過入到酒店,我同男朋友都揾左一陣,唔知點上去,問完職員先知係搭客𨋢上二樓。餐廳氣氛都不錯,可能係裝潢問題啦,都幾有泰國feel,不過我地都係實際派,食物先係最緊要。我地order左生菜包、招牌海蝦、馬沙文咖哩和蒜蓉包,因為男友話網上見到推介蒜蓉包,所以試下,飲品揀左青檸梳打。生菜包的肉碎入面有唔同的香料味,不過就偏辣,香吃辣的朋友應該會鍾意,但我同男友食辣的程度都偏低,但都幾好食。招牌海蝦係因為話拎左好多獎,所以試下,賣相好好,配料都好多,不過海蝦本身無味,較像普通炸蝦,夾埋配料食會好啲。馬沙文咖哩就重椰香,都不錯,但最喜出望外的係蒜蓉包,真係好香脆而且味濃,愛吃蒜蓉的朋友一定喜歡。不過青檸梳打我個人覺得偏酸,雖然有比糖漿,但我呢啲唔落糖的嚟試,就覺得佢比較酸了。 continue reading
(The above review is the personal opinion of a user which does not represent OpenRice's point of view.)
Level3 2019-06-09
1402 views
有一個好耐無見的舊朋友生日,約左佢去佢公司附近食飯,原來佢轉左工,去左上環返工,佢話佢有時同同事都會去食一間幾有feel的泰國菜,所以就同佢去食啦。因為個朋友食開,加上佢生日,所以就比佢話事,佢揀左幾個食開好食的菜式。佢點左一個蘇梅火辣海龍koong、魚肚羮、豬肉碎生菜包、馬沙文咖哩配雞球、油鬆餅同甜品拼盤,之後每人點左一個椰青,非常豐富。蘇梅火辣海龍koong方面,初時以為係咩嚟,原來佢話koong係泰文蝦的意思,呢個菜係拎過獎,所以推薦我食,啲配料好多香,夾埋一齊味道不錯。魚肚羮就材料好豐富,又有蟹肉,都幾鮮甜。豬肉碎生菜包比起出面一般泰國餐廳好食,食得出有好多香料,而且味夠辣,好惹味。之前未咩聽過咩馬沙文咖哩,後來先知係咖哩的其中一種,呢款咖哩味道又幾好味喎,食得到有椰子味,甜甜不辣,加埋啲配料食好好味,我朋友話佢食過咁多次,覺得佢同油酥餅係最夾,真係超好食喎,因為油酥餅焗得好香脆的關係,加埋咖哩都唔會淋,真係好好。而椰青係原個,入面清甜好飲,鍾意食椰肉的朋友仲可以飲完食,真係不錯的選擇。仲有一個好多款的甜品拼盤,有泰國最出名的芒果糯米飯,芒果甜而不酸,好正。 continue reading
(The above review is the personal opinion of a user which does not represent OpenRice's point of view.)