Moon Lok Chiu Chow (Mira Place 1) (Closed)

回憶一下咁出色嘅潮菜：🐑潮州大魚翅-上湯超級濃郁，金華火腿味極度香濃。埋獻功夫一流，食到尾都冇瀉水。細細聲講，好食過隔離新同樂。🐑杏汁白肺湯-幸福滿滿嘅杏仁味加埋非常凸出嘅鮮甜肉味，水準應該係我喺香港飲過頭三位美味嘅白肺湯。🐑蝦子柚皮-首先柚皮完全冇苦澀味，質感綿綿，我估應該係用咗越南柚苤。上湯炆煮做得十分入味，即使某些冇沾獻汁、甚至冇沾蝦子嘅柚皮，本身都已經好好味，銅鑼灣西苑嘅柚皮，立即被比下去。用砂鍋上，食到尾最後一嚿都仲熱辣辣，有片為證。🐑鵝肉併盤-鵝肉、五花腩、豆腐、墨魚、雞蛋，一次過滿足晒多個願望。本本身個鹵水唔算好濃味，就咁食會偏淡，但點埋醋同辣椒油的話，味道就啱啱好。🐑沙爹牛肉炒河-師傅十分細心，先將河粉慢火焫香，務求令大部分嘅河粉都有燶邊，灒少許生抽，增香添色，再加蛋落去快炒，食落啖啖蛋香為炒河提升食味，可以想像得到，個炒河就算未加沙爹牛已經好好味。沙爹醬調配得宜，帶微辣，有花生粒，牛肉軟滑，淋喺炒河面，雖然分開炒，但味道已經融為一體。🐑反沙芋-慘！糖友天敵，食唔停口。如果有加蔥花甚至芫荽的話就更正。不過而家已經做得好好，都係唔好咁多齮齕😆。…Read More

最近喜愛的食肆一間接一間的結業，真的很傷心，以後搵食越來越艱難。今天到這裏買他們自家製的橄欖菜，服務員說已經沒有貨了，因為他們是今天最後一日營業😭😭可識今晚已經有約，否則臨別秋波一定要來個最後晚餐😮‍💨…Read More

好朋友生日約咗佢去尖沙咀食潮州菜，我哋8:00去到都好多人，好彩我哋一早預約咗，我哋一行三人～食潮州菜價錢一向都唔平，呢一間屬於中價，唔算太貴～翡翠欖菜油泡鮮魷西芹爽口，鮮魷彈牙，平時唔係太鍾意食欖菜，但係原來樣樣配合都幾好食～香麻海蜇爽口呀，正正常常咁啦～雜菌炒牛仔粒菇類好大件，牛仔粒亦都好大件，比例上細返啲會唔會好啲呢 ，哈！牛肉唔韌，不過我嫌佢size太大了～鮑魚蝦籽薑蔥撈麵鮑魚大隻，厚肉彈牙，有鮑魚香味，蝦籽好多，整體成碟嘢都好濃味～…Read More

好耐無寫食評，又寫下論文先😆.呢間餐館，其實都嚟過好多次飲茶，而每次來來去去都係果幾款點心。好多人都話佢哋價錢貴，其實都係嘅，不過其實以佢地食物質素我又覺得可接受，只可以話唔係性價比高。.👅喜歡佢地嘅「潮州粉粿」，佢比一般中價茶樓係做到比較薄皮，皮嘅口感唔錯，接口位都唔覺太厚；餡料新鮮，唔係出面一咪用胡椒粉等香料遮蓋味道。.👅「豉汁蒸排骨」，好少肥膏，唔韌得嚟有肉香，墊底嘅南瓜香甜多汁，無話吸晒啲排骨肥肉，可能因為本身啲排骨都好少肥膏，碟入邊嘅汁都唔係太肥，當然唔係可以當湯飲😆.👅「叉燒腸」，啲叉燒正正路路啦，個皮都ok，唔厚唔薄，但滑嘅。.👅「鵝片薑蔥撈麵」老公次次嚟都會嗌，因為份量唔太多唔太，兩個人食完仲可以嗌多幾款點心。鵝片夠香，有咬口，撈粗嘅汁味道適中，薑蔥係前切幼絲，不過有時我會嫌佢啲薑太多，我會好似挑骨頭咁樣跳返晒出嚟😬 (我本身麻麻太重薑味).👅「鴛鴦水晶包」係我最愛，我每次必嗌，但有時點半後先去到無賣晒🥺🥺 個人很喜歡奶黃味，無記錯佢入面仲夾咗粒白蓮蓉，所以好香，而紅豆味都好味，會有淡淡嘅陳皮香。.👅而之前試過佢地個「韭菜粿」，係偏油，不過係好香好食嘅。.👅另外有次冇晒水晶包🥺🥺 唯有試咗佢個「杏汁桂花糕」，桂花味好香，而杏汁比較清，都好，唔會搶咗桂花味。口感適中，唔會太Q彈，又唔會太軟身。.🤓仲有想講講，佢有一張“特色小食”嘅點心紙，有一次patpat痕見佢有個大約$150蚊嘅「椒鹽潮州魚蛋」，就挑機睇吓點解要咁貴。冇記錯的話佢大約得12粒魚蛋，佢其實真係好好好好食，不過唔會值百幾蚊，魚蛋啫～頂多$80，跟住過咗一兩個月，佢居然加到170幾蚊👀究竟發生什麼事….💁🏻‍♀️服務方面，以呢個價錢都唔錯嘅，係試過可能係散工姨姨服務態度無咁得體，但尚可接受。(後記，難得打咗咁大篇嘢，差啲唔俾出，在此澄清，本人沒有接受過任何用餐優惠，純粹個人喜好)…Read More

之前嚟過一次食午飯幾好，今次新年包房食晚飯，環境及服務也不錯。紅燒潮州中鮑翅份量十足、啖啖翅，下面還有火興住保持溫度，加埋醋帶起味道，大滿足！6頭鮑魚伴柚皮鵝掌鮑魚彈牙入味、鵝掌嫩滑，伴埋柚皮一齊食，好味道。蘿蔔灌漿拼炸蝦餅炸蘿蔔很特色，很香濃好味。套餐還有這幾道菜，味道也不錯，只係太飽。滷水鵝肉鵝肝墨魚拼盤蒜香玉蘭菜脯炒飯火腩春菜煲馬蹄片綠豆爽…Read More