同小妹係銅鑼灣Fashion Walk行街嘅時候,發現有間西餐廳幾chill,有個outside area可以坐低飲杯酒,又望到避風港~「MOO MOO Plus」食物🥘多樣化,除咗招牌漢堡和青口煲,仲有意粉🍝、意大利飯等,另有二人或四人套餐。套餐有經典或海鮮🦞餐,小妹對海鮮敏感,所以我地揀左個Classic經典套餐($798),都好豐富!包是日餐湯、沙律🥗、前菜小食(二選一)、意粉(二選一)、主食(二選一)及飲品兩杯。🔹是日餐湯為蘑菇湯,以新鮮蘑菇打碎而成,質感綿滑,夾雜着蘑菇獨特的香氣,不錯。🔸牛油果柚子沙律新鮮沙律菜,配上牛油果🥑,拌上柚子汁和蛋黃醬,味道酸中帶甜,加上新鮮紅柚的點綴~好開胃的前菜!🤤🔹MM+ 黃金蟹餅‼️推薦‼蟹餅即叫即炸,炸得外皮金黃香脆,內裏啖啖蟹肉,配上蜜糖芥末醬,同蟹餅意外地幾夾,超正!🔸MM+ 秘製芝士🧀️長通粉‼️推薦‼同傳統的美式Mac&Cheese有少少唔同,用嘅芝士唔係cheddar,而係比較creamy的mozzarella,仲加左超多煙肉及蘑菇粒,好有口感!🔹西班牙黑毛豬肩配無花果醬‼️推薦‼黑毛豬烤至七成熟,外皮烤得焦脆,內裏保持粉嫩,入口嫩滑多汁,柔軟有彈性,平時食黑毛豬多數配蘋果醬,今次配無花果醬好有新鮮感,又可以中和一下肉嘅膩感~☺️套餐價錢已包餐飲,可以揀咖啡或茶,酒鬼嘅我地揀係揀飲酒~😂加$38就可以upgrade紅白酒🍷,抵過happy hour~😎…Read More
The above review is the personal opinion of a user which does not represent OpenRice's point of view.
Like
Recommended Dishes
Dining Method
Dine In
Type of Meal
Dinner