摩豆

Open Now

Now Closed

依家旺中真係多左好多野食不過今日就係沖住依間Modos黎 試下佢d雞蛋仔正5正先雖然有好多選擇 仲有抹茶紅豆 但都未吸引到我 (聽講抹茶味...) 反而係伯爵茶味！我極有興趣呢order脆d留邊 但店員話無得留邊的 甘就是但la～脆d就ok見到店員係用紅茶粉加入原味蛋漿 再拌勻的 食得lu～伯爵茶雞蛋仔 $23拎上手有d輕 (平時拎開媽咪雞蛋仔既抹茶紅豆太重) 不過這樣剛好！食完飯都仲食得落 而且食完都有點滯有點驚喜 味道不錯 伯爵茶味道挺出的！由頭脆到落尾 不過如果袋子有d洞洞會更好 第一次光臨 給我的印象不錯 會再來的 想試斑蘭味下午茶又多個選擇喇

Modos嘅雞蛋仔愈出愈多款，不過我每次嚟到都係一如既往會食返我最愛嘅積及橙朱古力雞蛋仔。積及橙朱古力雞蛋仔$23以依家坊間嘅特色雞蛋仔價錢嚟講唔算太貴，即叫即製熱辣辣，螢光橙色相當奪目。雞蛋仔唔算墜手，食落外脆內軟，而且質地係輕盈一啲，唔會好滯，味道完全就同積及橙朱古力餅一模一樣，中間嘅朱古力粒份量超多，有啲半溶有啲就似Oreo餅碎咁脆脆地，足料又好食。雖然情繫積及橙朱古力雞蛋仔，但係下次再嚟都希望試下其他人推介嘅土鳳梨酥雞蛋仔！

雞蛋仔入面有餡料曾經是我的夢，希望完成的一個夢。但往往夢只是夢，實行是另一碼子的事。不知道你們有多小個和我一樣呢？看著人們把自己曾有過的夢想去實現。苦中卻甜，起碼自己的想法是可行的。現在這家能做到的餡料很多了，有甜，有咸的，也有流心的。花樣挺多的。今天吃了肉鬆蝦干，皮是軟的，整個質感都是軟熟的。選了一般的辣，已經不敢選辣。吃下去還是要噴火。不過鹹鹹甜甜的，我很喜歡。愈吃又愈激激，精神都為之一振！另外蝦乾的味道不重，但吃下味道會忽然滲出，不錯不錯。

Jan 2016🍴摩豆 Modos🍴地址：旺角中心一期2樓SA27A舖☆金莎朱古力格仔餅💲2⃣8⃣曾經見過有人話幾好食窩夫好脆，金莎朱古力醬亦都唔會好甜好甜，但係覺得窩夫餅太厚，食完有啲濟濟地😅如果可以多啲醬就好啦🙂好食：😋😋😋😶😶（3/5）抵食：😋😋😶😶😶（2/5）可以試。。。一次😂唔會翻兜嘅味道等候時間：5-10分鐘用餐時間：星期五 6~7pm而家旺中1樓同2樓開咗啲舖位專賣野食😋其實仲有間Nun既榴槤窩夫想試，但發覺無客係入面，店員多過客，入去食好似好奇怪😅

同男友去旺中睇完牙，就順便去隔離睇下有咩小食可以食下。上網睇過哩間既爆漿蜂蜜雞蛋仔好似好出名，就儘管試一試，以為雞蛋仔哩D小食好難伏得去邊。點知，伏到叫阿媽。D所謂蜂蜜既然味勁假，完全無真正蜂蜜既味道，仲要有強烈既藥水味。雞蛋仔完全唔鬆軟，又無蛋香。價錢貴過街邊雞蛋仔成倍，味道亦難食過普通雞蛋仔幾倍。同男友食左一半，頂唔順陣藥水味，送左佢入垃圾桶。我覺得依家哩D舖成日只係掛住搞gimmick, 根本都無用心做好D食物。

之前係雜誌上見過介紹這間店的格仔餅，口味選擇幾多而且有趣，賣相都好似幾吸引。今日剛好經過旺角，原來係商場樓上開左間分店，又未食野，就試下佢既玉桂蘋果格仔餅~ 等左大約5分鐘，新鮮熱辣的格仔餅出爐啦，份量比想像大，而且幾香，食落去時充滿蘋果的香味，少少甜得黎又唔太過份，味道做得唔錯。令人可惜的係格仔餅整得比較軟身，可能係剛做好的關係啦，做唔到外脆內軟的效果，而玉桂味亦可加多少少就更好。整體是唔錯，2個人食剛剛好，價錢$28底也不算太貴，下次可以試下其他口味~

未到晚飯時間又口痕喎同fd share左一底積及橙朱古力雞蛋仔好多人買呀所以都等左半個鐘先到手一攞上手就聞到好香既橙味外表係好吸引既鮮橙色內裏好綿密 絕對唔係得個殼橙味食落又唔會好假好人工仲有半溶既朱古力粒又真係落足料喎 都幾驚喜😋成件事好積及橙朱古力好味👍不枉我地等左咁耐不過食完都已經飽左一半😂

今日黎到1點左右，仲未開門，見到D店員係入面整緊D雞蛋仔機，所以就係出面徘徊左一陣等佢開舖。味道選擇多，有芝士、班蘭、蜂蜜流心等，而我就揀左鳳梨酥雞蛋仔。店員姐姐好有禮貌，不斷道歉唔好意思我等開舖等左咁耐，其實我無咩所謂嘅，最緊要有得食～（鳳梨酥雞蛋仔 $28）味道 4/5賣相 4/5返食指數 5/5雞蛋仔係即叫即整嘅，等左5分鐘左右。拎上手熱熱地，好香雞蛋仔味！鬆軟嘅雞蛋仔包裹住鳳梨酥餡，鳳梨嘅酸甜中和左雞蛋仔嘅牛油味，令到成件事變得好清新，唔會覺得油膩。每一粒雞蛋仔入面都食到絲絲嘅鳳梨蓉，好足料，非常好味！下次有機會一定會帶親戚朋友黎食下！

一直都想試下報導介紹新出既格仔餅，今日終於有時間同frd去旺中覓食。於是一連買左兩隻味，宇治金時（$25）同金沙朱古力（$28）因為去買既時候無乜人等緊，等左大概7-8分鐘就食得喇朋友叫左宇治金時，一攞上手就覺得有份量，爆多紅豆餡料，加上格仔餅皮同平時食既唔一樣，比較厚身既。一啖咬落去，omg！原來熱既餅皮同凍既紅豆餡，可以好夾。而且格仔餅外脆內軟，一啖食完，可能始終要做到爆餡效果，所以綠茶味並唔係好勁，但食到最後都仲有一絲絲抹茶的淡淡香味，都幾滋味。我就叫左一個金沙朱古力味，賣相真係好相機食先，爆曬醬。食落9成9似食緊金沙！混合左脆脆既榛子醬，加上厚厚既格仔餅，食完我地兩個都勁飽啦。由於個人口味偏甜，所以我好鍾意食金沙口味，甜而不膩，欲罷不能。但如果口味偏淡既朋友應該可以落單既時候提出唔食太甜，叫佢地調較落料份量既。我地兩個食完都真，係，好，飽，肚！好滿足！ps：因為新鮮出爐既格仔餅好熱，所以店員好細心咁提醒我小心熱手❤❤而且笑容好甜，感覺被治癒呢！但我地食完已經飽到上心口，勁足料，所以都係留番下次再試埋玉桂蘋果夾餅🤗🤗

難得地早放工，俾女朋友大人抆左去行旺角中心，一經過間雞蛋仔舖，見到人地整緊芝士雞蛋仔佢雙眼發光，我梗係醒目買俾佢啦！佢地真係落幾多芝士嘅，成杯咁倒落去，好濃芝士味不過有油，加埋杯西柚綠茶，見佢食得津津有味，一人一啖一陣就食哂。芝士雞蛋仔

本滿着期待的心情去試下少有的宇治金時格仔餅，熱辣辣，香脆的餅配上甜蜜起沙的紅豆蓉。價錢比一般格仔餅貴，但要考慮到獨特口味。出品等了8分鐘左右，拎上手不熱，觸感不硬，己經扣分。咬了一口，紅豆凍冰冰，餅又濕淋，口感味道比未試之前想像差。粉漿開得不好，有部分餅未熟透。食了半個就掉了。總括而言，中伏味濃，大可不試

早陣子行過旺角中心，經過二樓見到人群湧湧，就去探索一下原來這裡成了第二個「葵廣」美食一蘿蘿先試這間 抬頭一看 雞蛋仔款式花多眼亂走到收銀處，是一位戴著口罩的服務生我問她有什麼好推介，她脫下口罩用沙啞的聲音仍耐心地分析每款口味的不同，讚之後我選了「流心蜂蜜味」，個人偏愛甜服務生說加購飲品可以有優惠，但我已有飲料就拒絕了。大約等了10分鐘左右？我都不記得了只見入面負責整雞蛋仔的服務生一裝好袋就把雞蛋仔放在枱面，然後就不理了我都是要等收銀的服務生忙完才能問她我的號碼是否有得拿了？因為我是一直站著沒有走開所以她從枱面找到我的雞蛋仔看似是放了一會兒，然後不斷跟我道歉其實我沒有問題的這年代每一個服務行業都繁忙，但我覺得只要服務態度做得好，是絕對沒有問題的其實我還被那個口罩妹妹的小紋身吸引，挺可愛的

睇報道介紹而來，試試綠茶紅豆夾餅 平日中午12點零，沒太多人，直接order綠茶紅豆口味，製造需時約10多分鐘！熱辣辣地，如圖所見，料不足！綠茶口味夾餅，外脆內軟，好香綠茶味，夾左紅豆料，口感不錯。紅豆夠軟，但太甜

現在標榜口味創新的雞蛋仔已不再是巧克力、抹茶這麼簡單，更演變出巧克力橙餅、抹茶紅豆、甚至鳳梨酥口味，對追求新鮮感的香港人而言，真是百吃不厭Modos的雞蛋仔口味多達十多款，筆者這次品嚐了積及橙雞蛋仔，創作靈感源自零食巧克力橙餅，充滿童年回憶$23 積及橙雞蛋仔傍晚時分6pm左右，輪候了約10分鐘便有即製的雞蛋仔。雞蛋仔的口感不算軟稔，反而是帶點煙韌的鬆軟，雖然每粒雞蛋仔不算是外脆內軟，但雞蛋仔之間的薄脆部分也尚算香脆，所以整體口感不俗至於味道，溶化了的巧克力不會很甜膩，加上橙味的清香，整體不會令人感到飽滯$23一底雞蛋仔，而且份量比一般的少，所以定價有點貴，但口味創新、味道有驚喜，有興趣的也可以一試，大家不妨帶外國朋友來品嚐，讓他們體驗香港人在傳統小食上展現的創意

之前睇報道介紹, 摩豆除咗雞蛋仔, 新出爆餡夾餅, 睇相超吸引, 於是揾日特登去試.平日2點到, 唔多人排隊, menu有3項: 雞蛋仔, 夾餅, 飲品.慕名而來, 叫咗一拎上手, "吓"咗一聲, 爆餡唔係佢的賣點咩?真相, 只有薄薄一層朱古力醬, 完全失望.試食: 夾餅勉強都算外脆內軟, 但一d蛋香都冇.金莎朱古力醬正常, 有少少榛子粒.由於醬的份量太少, 唔會膩, 但到喉唔到肺囉!