御 ‧ 家上海

Open Now

Now Closed

約朋友家人外出晚餐並非衹係食，而係大家傾下計，9O分鐘真係唔係好夠，所以我定位前都會問，如果有時間限制，必定不選，今天真係見識，因朋友定，無法。既然甘有態度，請勿做食肆，上菜係好快，食物味道係唔錯。但食左60分鐘已來叫埋單，係耍趕你走既態度。之前去過間茶記，叫打緊機既學生走都禮貌話幫下手出面有客，比過九折你。完全諗唔到這裡會這樣極無禮貌的趕你走，係必定要走。朋友仍與他們說想加甜品，且未夠90分鐘……我都費事同佢講，用腳去說明不滿，亦永不會再幫襯。不耍怪人北上消費，自己唔爭氣，有咩用？

食物有水準，環境舒適，員工服務態度好。今日同屋企人，嚟家上海慶祝生日，本身訂咗7:00，早到，佢哋有限時90分鐘，但屋企人未到，帶位小姐話會跟返我訂枱時間開始計👍👍，唔錯！☺️，整體食物質素唔差，尤其是炸雞，皮脆，又夠Juice，上海炒年糕，唔會好油，呢度嘅臭豆腐，一口可以食晒，聞落都幾臭下㗎，值得一試，清炒河蝦仁，爽口彈牙.另外椒鹽小黃魚，外脆內嫩👍,東坡肉，入口唔會好肥好油。另外鹹肉津白，菜夠腍，可惜鹹肉少咗啲，另外佢哋呢度嘅小籠包，有兩種做法，有蒸，有鐵板上，兩種唔同風味都好好味，因為有屋企人生日，我哋揀咗蓮蓉壽桃做慶祝，值得一提佢哋嘅蓮蓉，唔會好甜，大家可以試吓，整體嚟講，食物嘅質素有水準，員工服務態度良好🥰，美中不足嘅就係，樓下係溜冰場，好嘈

當天才決定地點，即上網訂位，未來過這間上海店吃過，即管試試。到達不用等便可入座，侍應生帶位的地方有點凍要求更換位置，他們服務員很有禮貌幫我更換座位，但另一個位置依然很冷，所以都坐回原定位置，服務員十分有禮貌，沒有嫌棄我換來換去。我們叫了兩份下午茶，小籠包和上海嫩雞煨麵，還加了三層肉炒萵筍絲及高力豆沙香蕉。小籠包來的時候很熱辣辣，上海嫩雞煨麵就是看不到有很多嫩雞只有幾粒雞粒，味道唔錯。至於三層肉炒萵筍絲，三層肉比較喊，耳萵筍絲是清甜的。最後高力豆沙香蕉甜品，我們是吃完所有東西才叫侍應生起菜，高力豆沙不是太甜好味軟熟香蕉濃鬱，我很喜歡。因當天是我生日，朋友說這甜品當蛋糕。整體來說這家餐廳的食物質素好，味道唔錯，而且下午茶時段人數不少。

晚市第一次來，用餐限時90分鐘，食得好急趕，不能慢慢享受食物。卡拉枱面太細，菜式容器太大，只可以同時放兩、三碟，唯有食完再order，否則迫爆餐枱。雞絲粉皮～粉皮唔滑，亁身，一般前菜～大豆芽味道幾好淮揚五福拼盤～不過不失生煎包～要熱辣辣即食臭豆腐～夠臭小籠包～皮薄多汁，必試清炒河蝦仁～味道唔錯牛肉麵～麵質幾彈牙，但牛肉無味道牛肉餅～外脆，可惜內涵無牛肉味蝦子雙冬～蝦子太少，冬荀好老有渣，只有冬菇好味道

上海炒年糕 年糕炒得香滑，配上鮮嫩嘅豬肉，味道濃郁，口感豐富。每一啖都帶有豐富嘅醬油香氣，咬落去軟滑Q彈，真係令人回味無窮！煎小籠包 底部煎得金黃酥脆，內裡包住豐富嘅肉汁，咬落去有湯汁噴出，要小心費事湯汁整傷條利👅搭配醋和薑絲，味道更加提升，真係一口接一口停唔落！東坡肉🍖🥬見到好多人都有食，肥瘦相間，色澤紅亮，肉質雖然未算好淋爛但勝在入味，搭配清脆嘅青菜，既有肉香又有蔬菜嘅清新，口感絕配，食完令人心滿意足！但現場環境有啲擠迫，坐枱之間好近，冇咩私人空間，完全聽到隔籬枱傾緊咩。

已是第n次到訪，食物水準好。環境舒適。今次也是平日來午餐，點夠薑湯圓作為甜品，為愉快的午餐劃上完美句號。每次必點的夠薑湯圓，今次真的很夠薑、夠熱，流心芝麻湯圓燙嘴，讚！👍🏻一坐下，由服務員主動介紹可提供哪些茶開始，已是加分項。人參烏龍茶很夠味。擔擔麪可走辣，媽咪也可以好好品嘗。蘿蔔絲酥餅即做熱辣辣，也是每次必點菜式。今次來個炒萵荀絲，十分爽脆。兩個人分享已很足夠了，最後來個夠薑湯圓，滿足味蕾。

著黑衫個女店員態度差到無倫，成個面黑到好似墨汁撈過咁，講嘢陰陽怪氣，眼神仲要兇神惡煞，好似全世界欠咗佢幾百萬未還咁。佢啲語氣又串又晦氣，聽兩句已經火都嚟埋，搞到成個場嘅氣氛僵過冰窖，連周圍啲客都望過黎。成日企係附近都覺得渾身唔自在，明明開開心心出嚟食飯，硬係俾佢搞到一肚氣，真係倒胃口到極點，諗起都無名火起！

This restaurant is a traditional Shanghai restaurant. The vibe is relaxing, and waiters are welcoming. Chinese tea and appetizer are provided with charge. Pu er was dark and smelled good. Foods are amazing, like the Shanghai crispy chicken and the sweet and sour squirrel fish. The Shanghai crispy chicken had a special sweet and salted source that matched with the chicken perfectly, and the skin of chicken was crispy and crunchy. As for the sweet and sour squirrel fish, the skin's crispiness was

呢間家上海，10人晚膳，食物可以，服務態度非常差，90分鐘用膳，最後3分鐘上豆沙窩餅，經理入嚟就話得3分鐘，第二枱客到咗，叫快啲交枱，份豆沙窩仲好熱，食到整親個嘴，我哋話豆沙窩餅剛到，佢都唔理，明明無客又話客人到咗，現在夜市好少做到第二輪生意，其實無客就唔可以比人坐多少少時間，擺明就係趕客，真係唔明白現在香港食店又貴又要限時間，仲要服務態度差，想留下在香港消費都難，唔緊要，此食店唔會再來幫襯😡😡😡😡

燒雞好味，夠香又唔干。蒜泥白內甜甜地都好啱我口味。淆肉同小籠包不過不失，唔算特別出色。人參烏龍有少少甘甘地味，幾好飲。四季豆好老，我覺得呢個價系咪應該揀好啲，旁邊兩條絲系咪可以剥得干淨啲呢？成碟都有渣。四喜烤夫暖暖地，但我自己唔太鐘意，我鐘意冷盤啲木耳先會爽。年糕黃魚真心唔得，條魚食得出急凍咗好耐，有啲梅。整體算不過不失

原先安排的座位是角落，旁邊是一堆椅子。家人坐下來，未點菜，已有人從一疊椅子上取椅子三次，家人要次次避開，免被椅子擊中。忍無可忍，要求換位。幸好侍應生態度良好。之後，由落單、上菜、結帳的服務員，都十分有禮。食物亦是水準以上。點了酸辣麪（下次要提剪麪）、銀絲卷、炒飯、夠薑湯圓。會再光顧的。其實是和平飯店的地址，不知是否只是改了名字而已。仍是上海菜餐館。因為新開張，比和平飯店後期，明顯旺了不少。所以十分嘈雜，因為今天是星期六。最喜歡餐館接受網上訂座，而且時間合理。（有些餐館只接受12:00，然後跳去14:00的訂座）這邊可以訂12:30，十分正路。

一大班老友相約聚餐賀元宵節🥰人多可以試多款菜式🤗頭盆至愛😋淮揚五福臨門 👍淮揚韮黃軟兜(鳝)👍糯米炒青蟹👍👍必點醬油年糕海中蝦👍👍又係必點煙燻脆皮雞(一隻)👍松鼠桂花魚👍招牌十景揚州炒飯👍好味！無失水準！(但份量比其他分店少)海派回鍋肉略重味！金牌小籠包👍蘿蔔絲酥餅👍👍至愛🥰脆煎灌湯小籠包👍👍夠薑湯丸👍👍,元宵節一定要食♥️總括：環境👍食物質素👍店員服務👍

$58 一碗的酸辣湯。個碗已經係唔大，仲要一打開，竟然只係得一半…….真系生意難做….？ 什麼？你問係咪送外賣的食了一半先送來？ 梗係唔係啦。 係我自己去鋪頭買的。個份量真系小得可憐，你話如果8成滿，都可以勉強接受。可以藉口話如果太滿，好難冚蓋。 但依家得個一半…..真係難以接受…..仲要成$58，加埋外賣費用就$60…….唉其實如果他個碗細d，裝滿d，可能會無咁難受😅

靚女秘書約食飯，即帶她來試上海菜😋麻香雞絲粉皮～麻醬好香女兒紅醉雞～肉嫩酒香濃雞汁蘿蔔～蘿蔔煮得通透夠淋，吸收雞汁味道金牌小籠包～皮薄多汁宋嫂魚羹～味道比較清淡，淡淡薑及魚味道，個人喜歡，朋友比較喜歡濃味酸辣湯。上海粗炒～有鑊氣，好傳統既粗炒蘇式燻魚～外脆內有汁，醬汁味道剛剛好清滋小排骨～排骨比較乾，唔夠肥美，無肉汁鐵板灌湯生煎包～夠熱，包底香脆，好味有肉汁雪菜黃魚春卷～香脆，雪菜黃魚餡好夾百步香蔥油餅～香蔥味好正，原本是4片上碟，我們要求切細份，服務員好細心為我們剪開高力豆沙香蕉

今日去深水埗V walk 行街，順便搵吓有咩食，見有幾間都好吸引，最後揀咗呢間新開上海菜試吓店員安排我哋入座卡位，跟住問我哋飲咩茶？我哋點咗香片，冇諗到有茶飲上海粗炒～夠鑊氣，咸咸甜甜嘅味道，上枱時跟埋辣油好細心我自己就唔太鍾意上海粗炒帶甜嘅味道，媽咪就覺得太咸𠻹金牌小籠包夾得起略嫌收口位麵糰太厚同埋有啲乾硬嘅口感，入面嘅湯同餡料係正常雙冬新豬肉糯米燒賣估唔到新豬肉都咁惹味，糯米粒粒分明好出色三款嘢食呢個燒賣必點