水木日本料理 (Moved) New Location

服務及食物都好好。值得再來。當晚叫左個二人餐，有三款前菜，北海道薯仔沙律，五款刺身，A5 和牛串燒，鮑魚，烏冬，甜品等等。前菜ok, 老婆話魚仔好好味和牛串唔錯刺身好新鮮，好鮮味鮑魚整得夠林，good全餐食了差不多兩個小時，上菜時間適中，不會太急咁趕住上。服務態度非常好，很親切。

今晚黎左灣仔呢間日本菜度食嘢上到黎個感覺呢度好似私竇咁因為店員、廚師都係日本人,而黎呢度食嘢嘅都大多數係日本人前菜我哋叫咗一個涮涮鍋豚肉沙律佢用咗日式芝麻醬，食落感覺都幾fresh呢個吞拿魚蓉魷魚片係有友人強烈推介嘅吞拿魚蓉下邊仲有少少cream cheese建議成塊食落口，成個感覺好特別個味好夾五款刺身拼盤，我自己比較欣賞帶子同埋油甘魚好新鮮充滿魚油味呢個a4和牛係我點嘅肉質好豐富，油份剛剛好 感覺唔錯明太子係我朋友叫嘅，我自己個人唔太食明太子聽友人講個味道都唔錯，鹹鹹哋，夾埋青瓜食剛剛好今日我哋唔係叫咗太多嘢食不過味道都算係唔錯環境亦都好有私隱度，如果想靜靜地傾嘢都係一個唔錯嘅選擇

每逢到咗初一。十五就好煩惱，黎M都冇咁煩，因為每逢初一。十五我阿媽都要我同佢食素，每次我都要大費周章去搵素食店，食物質素唔好佢又唔滿意。 今日阿媽竟然話由佢話事，帶咗我去日本料理，我滿心歡喜，以為佢改咗信耶穌？竟然唔使食素... 店內係一般日本餐廳格局，牆上掛有水木兩字的書法，再睇睇Menu，食物選擇好多，開心死我，點知阿媽竟然已經諗好晒食乜。 枝豆 $45原來我阿媽真係諗住食素，呢碟枝豆份量十足，入口帶少少鹽味，唔會太Dry，又正好配合阿媽心意。 冰菜沙律冰菜一向都係我所喜愛的，好特別唔係周圍都買到，入口感覺冰冰涼涼最適合夏天食用，旁邊仲有新鮮蕃茄以及豐富嘅芝麻醬，食完仲想encore再點。 湯豆腐 $88再來一個鍋物，內有豆腐、金菇、粟米及小棠菜，感覺有點清淡，幸好有特製嘅醬汁可以點，不過我個人覺得醬汁口味不適合我，就咁食清湯比較好。 韭菜玉子煮 $68仍然是菜類，不過今次加左玉子感覺較為豐富，呢個組合係第一次吃，韭菜味道幾突出，有啲似食緊韭菜蛋卷。最後我終於頂唔順，去到日本料理唔比肉我食，點忍得到....好在最後阿媽比我叫左呢個丼! 水木極上丼 $268上面有甜蝦同海膽，每

之前係灣仔番工, 一直都想試依間, 今日就同朋友放工後一齊上去好好享受場內大多都是日本人, 未食己經對餐廳多一份信心!餐廳裝修主要都以木為主, 30個座位左右我們點了兩個沙律作前菜, 一客刺身, 兩份小食及各一份主食兩個沙律為日本網燒A4和牛沙律 $590涮涮鍋沙律 (豚肉) $100豚肉想不到咁軟嫩, 並好有豚肉既味道! 配埋沙律菜一齊食好FRESH果然係A4和牛, 非常好食! 每一舊都係享受, 燒到岩岩好, 旁邊有少少柚子鹽可調味, 幾特別, 但係淨食和牛己經相當美味, 油脂味十分香濃, 所以都係淨食為主XD五種刺身盛合 (金目鯛、鱆紅魚、三文魚、帶子、鰆魚)  $480金目鯛爽脆甜美、而鱆紅及鰆魚則係魚味比較淡既魚類, 亦係最愛之一除了和牛之外, 全晚最愛既小食!吞拿魚蓉配燒鱈魚干鱈魚干燒得好香, 香口脆身配上魚脂香重的靚吞拿魚蓉, 味道非常豐富! 絕對係必點小食!辛辣明太子 $85剛剛吃完鱈魚干, 再吃埋鱈魚卵, 微辣加咸香, 亦是聊天伴飯既一道佳品, 加埋青瓜食味道中和左, 唔會太咸, 不錯綠茶麵 $75只有淡淡的綠茶味道, 但冷麵加埋所有既調味同醬汁, 己經非常清涼可口

呢間餐廳位於大廈入面， 樓下亦無咩特別招牌，相當隱蔽。入到去空間感頗大，在座既食客都係日本人，相信呢到係佢地既隱世食堂。Shabu Shabu 豚肉沙律 好新奇既配搭，幸好涮涮豚肉過左冷河，並非想像既一冷一熱配搭。豚肉肉質有彈性，配合呢到獨有既麻醬，香得黎帶有帶少少薑味，更有層次。刺身盛 剌身盛有金目鯛，鱆紅魚，北海道三文魚，帶子，仲有一個黑皮既魚。最鐘意鱆紅魚，滑得黎有點奶香，仲好鮮甜，其他刺身亦是食得出的新鮮。吞拿魚蓉配燒鱈魚干有驚喜的小食，驟眼睇以為係餅乾，食落先知係已經被烤得香脆既魚干。吞拿魚蓉夠幼滑，如果可以多點油脂香就好。火灸和牛沙律覺得呢到既食物都比較特別，出面食唔到，和牛沙律就係其中一個例子。個燒和牛完全燒出牛油香， 而且依然保留肉汁。放入口就是滿滿的牛香和油香，好滿足。值得一提是碟上有些柚子鹽，沾上少量伴和牛同食，味道更加清新有層次。燒鰯明太子有別於一般明太子，口感硬得黎較碎，味道咸不過唔夠鮮。但夾住青住青瓜一齊食，亦係佐酒最佳小食。冷稻庭烏冬稻庭烏冬絕對係爽滑彈牙，醬汁味道適中。紅豆糕最後而簡單糕點作結，甜甜的，入口即溶，好幸福。

等一次黎呢到既感覺就係間餐廳應該係做熟客既，因爲個位真係開得幾隱蔽，唔係朋友識黎我都真係未必會留意到。不過可能因為夠隱，食物質素同服務都令我覺得好似去左日本咁，令人印像好深刻。d餐具都係好delighted既。先上前菜，最欣賞右邊個個八爪魚，平時去d餐廳切到咁細通常已經無左個口感，又或者得好少料，但呢個仲係好爽又好有咬口，少少辣既醬調味令佢成功地扮演好新菜既角色。中間個魚仔都炸得好香脆！正！黎日本餐廳點可以唔叫刺身？ 因為我本身係鍾意食甜蝦嘅人，所以就一定有叫蝦啦！佢啲蝦好大條，亦好新鮮，口感好好！滑捋捋 當然其它刺身好似帶子，八爪魚都唔錯啦你睇佢個魚腩刺身係幾咁厚切？ 真係每啖咬落去都係肉同埋油脂， 分佈得真係好平均！呢個牛肉沙律係我最鍾意嘅菜式！佢哋牛肉出面嗰層呢係燒過嘅，超級香！呢個煮法鎖住啲肉汁呢係個牛肉嘅中間。 中間冇燒到全熟，唔會太韌。同埋沙律一齊食酸甜甜非常之開胃！而且份量好多！仲有呢個蒸蛋！係我食過最滑嘅蒸蛋！而且食日式蒸蛋有樣好特別既野就係好似尋寶咁，除左見到既野，其實你係唔知佢入面會有d咩，所以每次食都覺得好驚喜。最後就係呢個綠茶糕，有好濃厚既綠茶味，係大菜糕+白糖

位於灣仔的水木日本料理 ，是一間曰本料理餐廳今天相約五位吃貨好友來到吃晚餐。最近發生不少事，幾位都很照顧我，令我很感動阿，很高興認識你們阿。朋友們最近都走養生健康路線，我們今晚就吃健康一點的蔬菜料理吧。韮菜玉子煮$68極多韮菜的玉子煮阿，滿滿深綠韮菜，加上雞蛋後，煎成蛋餅。蛋餅濕潤，但醬油下得重手，蛋餅沉在醬油中略咸呢。和風煮東風螺$88螺肉呈現深咖色，煮得入味，曰本醬油甜甜鹹鹹，蘿蔔煮至腍爛，可惜份量略少。水木極上丼$268全晚最飽肚的菜式，終於登場。果然健康的蔬菜料理是吃不飽一班吃貨肚子，看到這飯即時心心眼了。水木極上丼有海膽，甜蝦，八爪魚，三文魚，墨魚，和拖羅蓉等。海鮮丼一層刺身一層米飯，賣相不錯。刺身勻屬新鮮，質素平平，淋上醬油更好吃吃光也是不飽，只好走去下場啦。

終於去完一個旅行，而返到嚟當然就要約吓朋友一齊聚啦，今次朋友就帶我去呢間近灣仔地鐵站嘅日式餐廳。餐牌內有多款日式食物選擇，而且店員都會推介當日有咩介紹菜式。枝豆前菜小食叫了枝豆，同朋友邊食邊傾真係一流。隨了份量都幾多之外，豆肉飽滿，加上丁點鹽花真係食唔停口，如果加多杯酒真係最好不過。和風煮東風螺上枱時已經感受到佢醬汁嘅香氣。簡單食法就是用牙籤＂一吉一拉＂已經可以好方便食到，螺肉彈牙且唔會硬身，煮嘅火喉拳握唔錯。湯豆腐材料有多款蔬菜，菇菌、豆腐等等，加上佢特制醬汁非常惹味，而我覺得唔沾醬汁亦非常清新。冰菜沙律冰菜真係好少地方有得食，而呢個冰菜沙律味道都相當唔錯。特別冰菜食落非常爽脆，口感獨特，包你一試愛上。水木極上丼最後就叫咗水木極上丼，材料真係非常豐富，甜蝦、海膽、吞拿魚、帶子等等都會出現，因為食材都幾新鮮，所以醬油都唔駛落，原汁原味。

好友K 先生歐遊流浪多月後，終於安全歸來。當然要約一眾好友出來為他洗洗塵，順道聽聽他的歐遊奇遇記。-一眾好友談心，豈能少了一些小吃～枝豆一到來，K 先生就表露了一個「是否很驚訝，講不出說話」的樣子。原來K 先生在流浪初期，因為未了解摩洛哥的餐牌，而錯點一整盤白烚青豆。如此看到了這盤枝豆，彷彿看到了流浪回憶裡的青豆，點滴在心頭，K 先生不期然多吃了幾口枝豆😂-和風煮東風螺經過了枝豆的教訓後，我們都決定先問問K 先生有甚麼想吃，避免重複犯錯。結果K 先生就點了這個東風螺，東風螺處理得宜並沒有腥味。不過重點是伴碟的蘿蔔，非常入味，K 先生似是在吃中式蘿蔔牛腩。果然沒見一陣子，K 先生語出驚人的能力又再度昇華。-冰菜沙律 古有碌柚葉洗塵 我們今有冰菜為K 先生洗掉多月來在歐洲積下的塵土。新鮮的冰菜及沙律菜上撒了不少胡麻醬，在清淡的基調下增添了絲絲開胃感。-韭菜玉子煮走過浮華大地的K 先生最想念簡單的菜式，就如這道韭菜玉子煮。平凡中吃到了種種食材的味道，實屬難得。-湯豆腐因為B 小姐在為即將到來的夏天而努力，所以我們特地點了清淡的湯豆腐給她。無添加的湯豆腐非常適合B 小姐，沒有多餘的卡路里，更有

水木，名字簡單易記，唔錯！之前朋友帶我黎過一次，覺得幾好，所以今次聚會，提議再黎呢度餐廳一出lift 就到，門面簡潔，清雅，俾人舒服，有高級日本料理既感覺。坐低無耐，職員就送上熱茶同餐前小食，有三款。葉左既刺身魷魚、魚乾仔同螺肉(好似係😂)。三樣都唔錯，少少地，微辣，幾開胃。和牛沙律！必食推介！下面係野菜沙律，上面係半熟既和牛片，面頭再加左蔥、炸蒜同醬汁。望落去又啲紅，但唔係話好生。就甘食牛係好嫩滑，啖啖肉，重牛味。如果夾埋菜食就有多一重清新既口味！總括黎講，點食都甘好味！哈哈跟住我地揀左幾款刺身。八爪魚，好新鮮，凍凍地，唔會好韌，邊位好爽口中間就林林地。甜蝦刺身有時食蝦刺身會好腥，但呢一啲都唔會，可以啜埋個膏添唔係話好大只，但好新鮮，肉質爽甜，食兩只真係會唔夠喉！帶子刺身！又係一個我最愛！！呢個我覺得較大只，面積差不多有成3/4個檸檬既面積！佢將帶子一舊舊用檸檬隔開，所以食落會好香檸檬味，一咬即開，啖啖爽甜帶子肉，正！茶杯蒸蛋，入面有冬菇、蝦同有一粒白果。望落去好似同平時既差不多，但感覺好似特別滑，味道剛好，唔咸！讚！不過如果無白果更好，因唔中意食，哈哈。有啲人會唔鍾意食蔥，但個人覺

一入門口就見到以水木做書法的畫筆餐廳簡潔整齊，環境都給人舒服感覺頭盤係芝士加入醬汁，再用配上脆片點來食另一款開胃菜是日式沙律，多款脆綠鮮嫩沙律菜，再加入好重海水味嘅海藻，夠哂清新美味清酒煮蜆，酒味香濃帶海蜆的鮮味，入面仲有海帶添到五點刺身出場了，入面有夠哂肥美深海三文魚、鮮甜帶子、仲有爽口深海池魚同埋赤貝等，食落非常新鮮喜知次用咗鹽燒方法，魚皮鹹香帶脆，而入面仲好肉嫩多汁壽司盛會有多款壽司，食埋剛好夠飽甜品是自家製香滑蕃薯雪糕，好香甜仲好濃

朋友生日所以特登book左間中價四正既日本餐廳。樓上舖，本身都唔知，係問朋友，朋友介紹先知，相信上黎既多數都係熟客同有booking既。餐廳一出lift就係，好方便。入到去感覺好好！！首先，餐廳擺設格局好整齊乾淨，好有格調，暗暗既黃燈俾人舒服relax既感覺。餐廳話大唔大話細唔細，眼見大廳外，仲有兩間房，可以一班人享用，私隱度大大提高，食得好舒服。餐廳中央牆上有大大只水木既字。呢度係房入面既格局，之後有班日本人入左去坐。講反食物先！首先黎左個刺身拼盤，望見都開心！有章紅魚、油甘魚、三文魚、帶子、入爪魚、甜蝦等！凍凍地，每樣都好新鮮！食落有甜甜地既感覺，肉質爽爽地，唔會梅晒！十分喜歡呢盤刺身為今餐打開頭炮！天婦羅有好多款，青椒、蝦、粟米芯、茄子、蕃薯等，食極都唔會厭呀！要讚下個粉醬，唔多唔少，薄薄一層，炸出黎好鬆化，一咬就化開，感覺唔會好油膩。大蝦天婦羅，見到蝦肉好似唔係完全熟透，但咬落去係熱既，蝦肉好爽口彈牙，嫩口。要食啲飽肚既野先得！所以叫左碗蔥吞拿魚腩飯。有一碗麵豉湯，唔似平時飲開既甘咸，飲完都無好口渴既感覺。👍🏻吞拿魚腩蓉飯幾時都係最住日本料理！餐廳對吞拿魚一啲都唔孤寒，有一大餅

和友人來到了水木~環境静静地唔會好嘈幾好坐侍應態度都幾好，一見我地飲完杯茶就好快添加！非常細心呢清酒煮蜆~蜆屬大大隻，蜆肉飽滿而且肥美！蜆肉帶光澤味道幾鮮甜，一d沙都冇處理得非常好個湯底帶清香既sake味道，剛剛好唔會太濃又唔會無味~必叫呀第一次食魔鬼魚臉既肉加上d檸檬調味，味道好鮮~肉質比較鮮嫩！食起上黎啖啖肉好過癮牛舌非常入味~口感煙煙unun好有質感配上特製醬汁帶點酸甜更為惹味，雖然唔係厚切但食出唔同既口感！！非常好味

5月是小妹的生日，於是朋友約定今日一行四人到灣仔的水木替小妹賀生。餐廳地方不大但乾淨整齊，亦坐了幾枱日本食客，感覺地道。《日本板魚旦 $65》 - 日本魚旦的質感比較港式魚片較實在，而它醬汁很特別，是用上了釀酒時用的米，再加上芥末而成，味道很香米酒味而且當中帶辣，讓平淡的魚片變得特別及惹味。《冰菜沙律配芝麻汁 $148》 - 冰菜外層似滿亮晶晶有水珠，十分吸引。冰菜脆口且入口很快就溶化，清甜特別。其餘蔬菜有車里茄、生菜、粟米粒和椰菜，都十分爽口新鮮。《鹽燒牛舌 $70》 - 牛舌不屬厚身，兩面用海鹽燒過很惹味，易咀嚼不乾身，師傅控制得不錯，配上檸檬汁及特製醬汁更提味。《日本川蝦》 - 一碟有多隻小小的酥脆日本川蝦，有微微咸鮮，配上檸檬汁更是提味，佐酒一流。《意式海鮮 $180》- 刺身配橄欖油、黑醋，用上意大利式煮法。有章紅、北海道三文魚、𩶘魚、八瓜魚。八瓜魚很有嚼咀及新鮮；職員介紹此北海道三文魚較市面一般少蟲、少油，較安全健康，令平時對三文魚卻步的我都不襟吃了多片；章紅和𩶘魚都比較少油及淡口，所以配上檸檬汁及黑醋味作調味很不錯。《燒吞拿魚鮫 $320》- 份量大就用上刀叉。外皮燒得十

放工跟同事來到離公司不遠的水木日本料理輕輕鬆鬆吃過晚餐。同事負責點菜：日本魚蛋魚蛋爽口彈牙，配上獨特秘製的酒釀醬汁，感覺新鮮特別。冰菜沙律冰菜晶瑩剔透，非常水潤，十分新鮮，配上胡麻醬，很開胃。日本川蝦炸得十分酥脆，配上些檸檬汁味道更突出，最適合小酎幾杯。意式海鮮(意大利醋、橄欖油)𩶘魚、章紅、三文魚、八爪魚西日融合的做法，醋味提升刺身的的鮮味，4款不同的刺身各有特色口感。鹽燒牛舌肉質爽彈不韌、牛味濃、燒吞拿魚鮫好巨型的魚鮫，師傅燒功厲害，外皮好酥脆似薯片，但裡面還是好汁潤一點不干，而且肉質比一般魚肉更富口感，味道鮮甜，非常好。牛肉烏冬湯底清甜帶少咸味，牛肉味香濃余韻長，烏冬腍身爽口。