米籽 (翠林新城)

Open Now

Now Closed

難得唔使出街，都食到好正嘅涼伴魚皮，佢個名雖然簡單，但佢個麻辣味好香亦夠麻，辣度亦都夠，而且比較驚喜位係佢落咗好多藤椒（或叫青花椒），帶出麻辣嘅香味，對上一次食到藤椒係好幾年前响台北一間火鍋店，响香港反而比較唔常見。魯肉飯就正常水平，但唔太喜歡佢啲米太黏，影響哂成個口感，呢個亦係預製飯嘅失敗之處。响成本上或處理上係減輕咗成本同負擔，但在食客立場就會大打折扣。埋單30幾蚊連飲品，我覺得係可以接受，尤其响一個鬼地方屋邨入面，仲可以食到唔同嘅嘢

大時大節。懶癌又發作。吾想自己煮。出個街食野。好耐都未食過酸菜魚。所以去米籽食。去到一定叫酸菜魚啦。這個是必食的。再食個龍蝦泡飯。加多杯特飲芋頭珍珠奶凍。首先是酸菜魚。好食。最基本。上菜時。還是好熱。這個冇得頂啦。好似昨日肉骨茶。暖的。乜分都扣晒啦。講番酸菜魚加飯。酸味和辣味剛剛好。又吾太濃味。又好平行和好夾。吾太酸或太辣。味道冇則埋一邊。酸菜好食。味道剛好又夠爽。魚就是鯇魚。好滑但不彈牙。係ok。湯底味道好。吾太咸。食完冇話口渴。至於龍蝦泡飯。都好好食。湯底蝦味夠都幾濃味。蝦肉多又彈牙。有蝦味。好食。飯ok。偏軟。佢地加左少少走過油的飯。所以有脆卜卜的飯粒食到。靚。但敗筆就係杯飲品。冇驚喜。芋頭味有點科學。珍珠未全林透。中間是好似未熟。硬硬地。no good啦。但食物是好食。可encore.飲品就可以再試其他款式。

同同事一齊叫外賣，水煮牛肉同埋酸菜魚，配埋米線，先每人60幾蚊，份量夠晒多，味道當然冇得同出面餐廳比咁濃郁不過呢個價錢都算係OK起碼佢好多配菜充滿大豆芽，魚同牛肉各自嘅份量都算多，接受到啦

午餐叫左4碗米線：1. 新出酸菜硯米線，D硯有一飯碗，好多，湯底辣又酸，米線又多，$78 送飲品，會再去食，好味。第2碗. 藩茄湯米，腩肉之類，藩茄湯味好鮮，比譚氏米線濃香甜好多，第3碗，麻辣蕃茄米線，辣到不得了，惹味。之後係清湯，真心無特別。比譚女米線有誠意有味道。其實早餐也很好味，下次會再去食👍

以下是我對米籽的飲食劣評：這間店舖的菜單選擇令人失望。首先，他們的菜單缺乏多樣性，限制了食客的選擇。其次，這間店舖的食物品質令人懷疑。我曾在多次到訪中發現食物的口感不佳，味道平淡無味，似乎缺乏新鮮的食材和精心的烹飪技巧。這種質量不一致的食物無法提供滿足感，讓人感到失望。此外，服務質量也是我對這間店舖的劣評之一。上餐速度極慢，服務態度亦不算好。每次催單，服務員都以一兩句草草了事，未見誠意。甚至有時忽視客人的需求。這種不良的服務態度讓整個用餐體驗感到不舒服，讓人不願再次光顧。總而言之，米籽的飲食選擇缺乏多樣性和健康選項，食物品質低下且味道平淡，服務質量也不佳。

之前食過撈麵都幾好食，今次再去點咗個原味豬骨米湯，好似起晒泡咁，唔知以為倒咗洗潔精落去，味道還可以，坐得都舒服，客人唔太多，所以就算見我食完都無趕客咁，咁嘅價錢ok啦。

行apps落單冇問題，出面好多餐廳都已經用緊，但係可唔可以全面啲呢？可以畀你揀走蔥走芽菜又冇得走韮菜，但係又唔畀揀多蔥多芫荽，落完單次次都要問職員攞芫荽，講兩次淨係畀得少少蔥我，仲要連續兩次講多芫荽，兩次都畀蔥，唔知係啲芫荽好L貴定係廚房員工唔L識分？我唔介意叫多芫荽收返錢，出面好多都係咁啦～畀咗等於冇畀，畀你又畀錯…咁大個集團，畀多少少芫荽都要咁慳皮，唔好L玩啦🤦🏻‍♀️🤦🏻‍♀️🤦🏻‍♀️想反映呢個問題好耐，希望貴公司會聆聽食客意見會改善下啦～

如題 apps顯示可以拎 去到同我講無單 我都唔知個apps係點接單 跟住搞左一輪先搵到 等左40分鐘 唔知以為自己食九大簋 呢個情況仲要唔只發生一次 又投訴無門 忍唔住寫個食評

平時食堂食米線、烤魚都叫不過不失。今次叫米線外賣，D餸小得可憐。叫肥牛，結果得少量肉碎。個份量同堂食差好遠。雖然湯底係OK，不過都冇用。整體感覺都係搵笨。真係冇下次！

三款烤魚選擇制作需時, 等了約20分鐘因為要等太耐,叫了小食, 一路食一路等麻辣皮蛋  醬汁超級吸引, 很香很麻 !!花枝丸,炸得很香口, 很彈牙推薦!!!點了麻辣烤魚 喜歡食辣的, 一定要點大辣因為大辣都不是真的很辣啊魚煎得很香. 難怪要等那麼久.食完魚仲可以打邊爐 !!......

餐廳新開，當然抱有期待！中午時段去食，不用等位但也參不多滿座。四川麻辣湯米線（中辣）配 生菜+魚肉春卷《走蔥走芫荽走韭菜走芽菜》$38對於個麻辣湯，係完全失望，點了中辣感覺像食BB辣一樣，走芽菜但又俾左芽菜配料正正常常還可以。喜歡吃麻辣的，可以試大辣但不要太期待四川麻辣湯米線（中辣）配萵荀+肥牛+魚片頭 $46飲品跟餐半價 白桃洛神花特飲 $12青蘋果錫蘭紅茶 $12二款都好飲，不會太甜雖然今次個四川麻辣湯大失所望。但呢間仲有酸菜魚，水煮魚，晚上仲有烤魚，有機會都會想試下