米線陣 (Closed)

I eat at the Mixian Sense in Maritime Square about twice a week. Usually it’s great food. I always order the same thing: 番茄麻辣 and then some other things inside. Today I order the same thing. But they delivered the 麻辣 with beef broth. I’m a vegetarian so I told them they made a mistake and please give me the tomato broth instead. They were nice and brought it to kitchen. Then they returned and gave me the new bowl. But the new bowl had the old beef broth on bottom, plus tomato broth on top. I saw

行到攰攰地搵間餐廳醫肚，晏就唔想食咁heavy唔想食飯/意粉所以見到有間食米線就行左入去有多款健康湯底可選，如蕃茄湯，香菜湯等等。我點左蕃茄湯魚蛋菜心米線，友人點左午餐A木耳雞脾肉3.6牛乳米線配熱柚子蜜落左單唔夠5分鐘就已經上菜真係超級有效率我果碗有唔少蕃茄粒湯底幾清可惜蕃茄粒有啲過甜菜心正正常常，魚蛋有魚肉味但唔夠彈牙，米線夠爽滑可口牛乳湯有淡淡奶味，木耳夠淋，雞脾肉算滑可惜冇咩雞味可能因為係雪藏肉？整體黎講都算可以，欣賞佢湯底夠清冇味精

前天同好友一起去了青衣城逛逛。解解出面悶熱天氣。到開放冷氣商場走走。順便嘆番個下午茶。搵左間食米缐既店舖。剛好tea time 推出了又平又抵食既午餐優惠 $29/set 一碗迷你菜肉雲呑銀針粉再有脆蘿白糕配腐皮卷，再送一杯凍飮品(加$1). 選了涷豆漿。填飽肚子啊！

之前經過呢間食店成日都好多人係門口排隊，今次同朋友係附近做完義工滿懷期望咁去食，結果大失所望唔知係咪期望愈大失望愈大，佢個menu啲相係影得幾靚下，但出到離個實物既湯底事實上並相show出離咁濃郁。最不滿係酸辣湯底並無一點兒酸的感覺，價錢亦沒有特別平，下午茶四十幾蚊一個麵一杯野飲。總括而言，餐廳CP值不高，應該不會再光顧。

做野做到三點先食 LUNCH, 一心諗住可以食番個平平地既下午茶套餐, 不過揀來揀去, 結果因為想食麻辣米線去左米線陣, 下午茶餐冇咩好揀, 最後叫左個麻辣蓄茄肥牛魚腐米線配凍啡 ; 好在個米線唔差, 雖然辣味唔太夠,  不過魚腐肥牛都好食, 如果湯底可以再濃D 應該就正好多; 當然, 如果下午茶套餐可以多D選擇更好

吾知從何時開始愛上了蕃茄湯底既食品難得青衣米線陣有自家熬製既農場蕃茄底，當然要試下。假日去食都幾多人排隊。1.蕃茄米線加鹵水豬大腸$36最鐘意多芫荽👍，湯底好味，有濃濃既蕃茄味，順便可以抗氧化，而且米線又夠淋。不過蕃茄湯底同鹵水味就吾好似吾係太夾，味道撞埋麻麻地。2..麻辣番茄加雲吞，魚腐$46雲吞同魚腐正正常常沒什麼特別3.大汗雞翼$21蚊3隻👍值得一試，香脆可口，而且配既辣粉又吾算太辣，怕辣既人都可以試一下，而且雞翼好入味，撈米線食一流4.大汗豬扒$20豬扒有點乾，同肉質硬左小小，相比雞翼比較遜色

尋日過左去青衣城搵食,因為好耐無食米線,所以走左去試米線陣。去到見到餐廳裡面有唔少吉位,所以直接走入去,跟住職員又叫我地出番門口等,最後係外面等左5分鐘先有人出黎帶番我地入去坐低。我地點了一個素菜清湯米線,一個炸豬排擔擔米線。素菜米線味道一般,個湯有d似熱水加雞粉,唔太專業;個炸豬排食完鍾於明白點解叫大汗炸豬排擔擔米線,因為辣到出哂汗,其實點菜時已問職員係咪會好辣,佢答我只係少少辣我先落order,點知中伏!唉...

以前新開食過一次，食過米線覺得味道麻麻之後，都無再食。最後行過發現原來有稻庭烏冬，就同朋友去食下午餐我點咗個鮮茄肥牛芝心丸稻庭烏冬（$45）鳥冬幾彈牙，不過蕃茄湯底好似過甜，落咗好多糖，而肥牛份量很少，味道OK。

「米線陣」！來自「大家樂集團」，亦即是集團式的食肆，現今，具有規模的商場內所有食店，都差不多是有大集團背景的資金所壟斷，倒如地鐵東涌線中的其中三四個車站如「東薈城」、「青衣城」和「奧海城」，食店來去都是那些，或許某間在「東薈城」結束，卻又在「青衣城」開業，生活在這條線中，對食事便是了無新意。叫了「特盛米線」，落單後還沒兩分鐘便奉上，快得很恐怖。回說這個「特盛米線」，由於本人不愛吃辣，固選擇了清湯底，事實上，這個湯很淡，淡得我也不曉得是什麼材料製作而成，而所謂特盛，即是雜錦吧，什麼也有些，味道平平無其卻不致於難吃，米線方面，做得有點彈牙，尚算不俗，但整碗而言，就是吃不出誠意。事實上，「米線陣」是平平無其，本不值得留墨，但個人希望藉此說幾句說話，大集團大商場的商家們，請多給一點良心，給一些有心有力的小店立足你們人流充裕的商場或廣場，讓我們對吃方面多一些選擇，多一些機會吃到有誠意的美食。小店，也不一定沒能力交租的！

第1次食時係買外賣 覺得味道同份量都唔太ok 之後機緣巧合下再次去堂食 竟然又覺得ok 特別係佢個麻辣蕃茄肥牛魚腐米線 覺得好好味 如果可以食得辣 叫佢大辣仲好食 麻得黎又有少少甜味 仲有個炸雲吞 就一般般

相信不用說大家都知道米線陣是大家樂集團其中一間附屬餐廳。由於青衣城大家樂每朝都大排長龍，但剛在機場收工的我想睡前喝一杯熱奶茶，而在青衣城的選擇又欠奉下，唯有走到隔離的米線陣。這次其實是再次幫襯，因為之前有來過幾次吃過早餐和下午茶，但一次不快經歷（衛生問題）使我卻步。什麼不快經歷這裡就不說啦，希望沒有下次。早餐時段的選擇都頗多，今次就揀了個$34的早餐：有蕃茄火腿絲通粉一細碗、牛油餐包一個、火腿一塊（亦可選擇腸仔或餐肉）、加上一份炒蛋和一杯熱飲。整體上奶茶的味道不夠濃、可能因為落了太多奶，通粉尚可、蕃茄湯無落味精、略嫌唔夠鹹，炒蛋亦一樣，害我左右尋找枱鹽（結果原來是沒有的）。雖然大家都是大家樂集團旗下的，但座位尚算坐得舒服，而且吃完可以慢慢嘆完杯茶才動身，就像在一般茶餐廳一樣。不會像去了大家樂一樣有人站在你身邊催促你吃快點。

通常米線我會選擇譚仔同南記，但由於地理位置，今日係青衣選擇食貴價米線陣！我叫咗個二人套餐，又已經加左價，要＄162一個餐。食物方面，會有兩碗一餸米線，以及三個小食兩杯野飲。拎到返屋企米線已經發張，非常林！湯底方面，我揀咗鍾意食嘅蕃茄麻辣湯底，其實幾好味嘅！但係啲餸就真係災難！我叫大腸係好多肥膏喺裏面嘅都未洗乾淨！我男朋友個碗啲豬肉片好乾，個蒜泥白肉得4塊，勁多花生，會唔會偷工減料咗啲呢？

落堂已經九點幾又得一個自己一個人其實諗唔到食咩係青衣城行左成個圈見到米線陣有宵夜又平平地唔諗啦就食呢間啦估唔到咁夜都有咁多人食野呢間野都幾受歡迎銀包得番五十蚊唯有平平地食個宵夜啦好彩呢道唔洗加一賣相ok啦而且個蕃茄湯底都幾好味最有驚喜就係粒芝心丸唔係平時打邊爐食開果種芝士味濃好快就食唒如果有多粒就好啦

中午在青衣行商場，買了一件心儀的衣服，就高高興興去醫肚。很有特色的門面，好大的營光大字吸引我進去吃。天花與門口的裝修作了照應，都是木格，加上吊燈，簡㓗而不失華麗。湯的味道較淡。番茄味不足夠，所以吸引力下降，烏冬屬一般，雞肉很嚡，應該是煮過熟了，雞肉味已經走失，己致毫不鮮甜，口感甚差。菜心同樣煮過火了，導致菜味盡失，而且太淋，失去嚼口，就像年輕與年邁的比較，這菜煮成年邁的口感和味道了。食不出有嫩的感覺。

睇戲之前要先搵個快食。所以去左米線陣。去到見到有兩三個人等梗位。拎完籌後，我望入去店內，明明見到有好多吉枱，但唔知點解唔俾客人入去。足足企左個幾兩個字後，到我想走。。。先叫我地入去。等唔係問題，但係有咁多吉枱都唔放人入去，我唔明白要hold住咁多枱背後嘅原因。。。所以那一刻已令我對這店扣了分。。。未食已減去了我想食嘅意欲。說回食物。。。味道一般般。個人覺得價錢同質素唔成正比。叫咗碗蕃茄肉操貢丸米線。蕃茄湯內有點蕃茄碎，味道不會太濃。米線嘅質地偏硬，但我又覺得ok。因為不喜歡淋的米線。貢丸都算不錯。