Misto Restaurant (Closed)

我一直只係openrice搵野食, 從未係openrice寫食評, 但去完呢間野之後不得不登記做會員 發表一下;1) 是日25/2是我的紀念日, 早已兩星期前已book位; 註已明請安排sofa位; 服務員都說會儘量安排,但到當日下午有位小姐cfm booking, 沒有講到位置問題, 要further問佢先話安排唔到, 但我明明兩星期前已book無點會無位; 之後又推唐說什麼星期五六日有min $1,000, 但之前一直都無講過...2) 我係openrice度, 見到有人話dbs有折...去到食飯個時, 落order之前已問實dbs信用卡有否9折/ citi bank食品半價, 同事已去查看并確實2者都有, 但不可同時使用, 作為顧客的我是清楚明白的, 最後選擇了9折優惠.但到埋單時, 我用dbs信用卡, 服務員好串甘話呢張dbs無折, 呢個係上年既優惠!我再問甘邊張有折, 佢9秒9 就答hsbc, 到我羅hsbc出來, 佢又話咩星期五無折, 只用於星期一至四, 根本係推唐..個服務員一點歉意都無, 只係hea住話唔好意思, 同事可能唔清楚就算...難道全team人都唔知當日係星期

蕉糖燉蛋, 超好味 !芭堤雅海鮮pizza, 食到第2塊已開始辣... 之後第3塊就放唔入口了 ! 千其唔好點個 CHEESE CAKE , 用酸芝士做的 ! 不太適合港人口味 !BOOK 左位都係辰坐中間, 咁其實 BOOK 黎做咩 ? 佢長期都唔開左手面大廳果度 , 搞到成班人逼晒係後廳. 又要逼人坐高椅食 DINNER ?? 飲野就話得者..... PS:某男員工好抵死, 俾張 DBS 佢都唔講有折

由於女友不想我用太多錢用在慶祝生日晚餐上, 所以我選擇了這間餐廳, 既不太昂貴, 環境也很好~炸金文不芝士 - 不過不失, $16一粒其實都有點貴..煙三文魚薄餅 - 煙三文魚都幾大塊, 薄餅邊也很脆煙鴨胸意大利飯 - d意大利飯好好味, 煙鴨胸也不錯心形心太軟 - 切開心太軟時沒有東西流出, 而且個心前面有撻白色野, 有點失望...整體都可以, 穩陣的慶生餐廳, 不過就沒太大驚喜啦~

要找這間餐廳並不容易, 雖然沿著加連威老道一直行可以找到, 但好似行極都未到, 其實是在bossini樓上... rolls 對面! 餐廳環境及裝修不錯, 地方很大不過有d嘈。一大班人聚會就ok, 如果情侣談心就可能不太浪漫。 侍應普遍有禮, 亦不時 refill 清水, 但有時會太忙, 有應接不暇的之感。 海鮮柚子沙律 ＞＞＞好味好新鮮，有好多海鮮，不過都有我唔鍾意的生洋䓤 水牛城雞翼＞＞＞唔同平時的buffalo wings，平時d辣的，呢個一d都唔辣，不過都ok parma ham and melon＞＞＞正常，所以都ok 芭堤雅海鮮pizza＞＞＞好味，新鮮熱辣整出來，有好多好多芝士，個批底又唔厚，唔燶，不過細隻左D roasted spare ribs＞＞＞正常，唔鞋，都算幾嫩滑，伴碟的薯蓉都好味 炸三文魚天使面＞＞＞呢個唔得，本身個三文魚係ok既，不過炸過的天使面就唔得喇，無味之餘又好多油，雖然有茄汁伴碟，但係都掩蓋不了肥膩之感 creme brulee＞＞＞好味但係超細碟，個碟好扁，我諗1cm都無，太細碟！ 心太軟及雪糕＞＞＞好味，個心真係流晒出來，配埋個雪糕一流～

honey好鍾意呢度既環境, 浪漫得黎, 好岩飲野傾計, 而且佢仲勁鍾意個 fondant, 好好食.當日下午接到佢地員工電話 confirm 訂枱, 我講話係慶祝我女友生日, 希望佢地可以安排響甜品碟上面寫句 happy birthday to honey~ 當晚同女友準時去到餐廳, 佢地安排左一個較靜既位置, , 我同女友都好滿意.我地叫左龍虾湯,salmon salad , spare rib , 勁好食好多汁最特別佢地心太軟係心型好sweet,honey 好happy

呢間食肆我諗係我人生中幫襯過既，　裝修心思都算數一數二　，　睇得出老細好用心．都好揼本，　不過基於果座大廈比較舊式．．．　座子唔係一致. 每組有唔同 DESIGN ~真係勁岩拍拖, 重要日子黎 , 我見另一面仲有一個 大房, 應可以包場 ~租品各方面都好出色, 我一定會再幫襯 !

等完男友在加連威老道剪髮後，隨便在附近找晚飯的地方，找到了這間Misto。雖然它是樓上餐廳，但在地面入口處可先看到Menu，不用估估下~因為是隨便吃吃，所以沒有帶相機.... 但環境實在不錯，微暗的燈光，有卡座也有長桌，不論是二人同行或是一大班朋友也適合。看到原來4-8PM Happy Hour 時段內所有飲品買一送一，可惜我們入座已過八時.... 下次試過~點了︰ 巴拿馬火腿雜菌意大利飯 及 煙三文魚比薩意大利飯口感不錯，有菇味，也吃到輕微白酒味，而且很creamy~ 可惜那兩片Parma Ham 太乾太硬....... 比薩是意式薄底，已經加了分，煙三文魚的分量不少，但略咸，若喜重口味者應該會喜歡。會再試，可以約多幾個知己，試多些菜式~ 且服務不錯~

由開店時說要來試試海南雞飯，言猶在耳，就這樣的三年過去了，記得那時總廚說海南雞飯是用泰國糯米代替傳統絲苗米，葫蘆裡的藥到今天路過才有機會一試，不知比較起同區好時沙嗲、文華的出品又如何？午市套餐選擇不少，由意粉到海南雞飯及馬來咖喱應有盡有，同行的要了海南雞飯及野菌意粉，自己就要了福建蝦湯麵，餐前來了一籃自家製的香草包，焗得外脆而內鬆軟，是有心機出品。更多海南雞飯及福建蝦麵分享＠http://foodxfile.blogspot.com/2010/05/misto.html

We celebrated our mother's day here. All the foods ordered were the signature dishes. We likedomelo seafood salad with prune or plum saucecurry chickenroasted ribsbaked rice they called志雲焗飯miced pork wrapped with lettucespecially made chocolate cake for our mother. what we did not like: only the fried chicken, it was a bit too drythe service here was great. Our mom was given little gift as surprise. We will come back.

簡單但有心思的今天和太太慶祝一周年紀念日, 經朋友介紹選擇了這間餐廳,而這兒的裝潢格調已知。一列時尚的酒櫃, 收藏了各式各樣, 不同國家的紅白酒, 配上輕鬆的音樂, 是一處享受美食美酒的好地方。待應給推介麥片大蝦和冰梅柚子海鮮沙拉, 頭盤點了一份沙拉, 再叫一支阿根廷的紅酒。我有點意外的是這都不是一般高級西餐廳的常客, 而酒都是很少見的。主菜上碟時, 麥片大蝦的香味熱力溢出, 肉質嫰滑沒有死實的感覺。 明顯是廚師火侯十足的控制。原來簡單的材料也可以製作出佳餚。甜品不得不介紹的是心太軟 , 但我完全被它香濃的朱古力俘虜。令我感受到簡約舒適, 沒有高級餐廳的拘謹。友善的款待, 簡單食材, 心思的裝潢, 輕鬆的音樂, 使我和太太渡過一個簡單又浪漫的周年紀念日。

還記得misto 新開張時去過幾次每次的食物都給我驚喜misto的裝修, 服務態度和食物的水準都是一流的所謂就算價錢貴了一點點都沒有問題我才去了澳洲一年回來第一時間跑去最心愛的餐廳打算吃一餐好的誰知道我是吃了一肚氣鵝肝--- 外不脆, 內不軟我不相信我的最愛會變成這個樣子所以問經理, 我說好像太熟了吧他竟然說, 最怕他不熟吧...... 態度差我不憤氣, 叫他再做一個竟然----比之前的更差牛扒---6成變9成"鞋" 過我阿婆層皮吃了一口, 就沒再吃我都懶的再給意見了之前, misto給我的感覺是--用心去做現在, 此情不再了, 我不會再對他有任何留戀我永遠不會再去去到只會浪費時間, 浪費心機, 浪費精神, 浪費金錢

為慶祝平安夜，一早訂左位。去到發覺D枱仲窄過寵屋，隔離枱講詳都聽得一清二楚，當然我講詳人地都聽晒啦!不過D侍應既態度就幾好。真係從未食過咁差既野食，完全唔值呢個價。除左個蜆湯OK外，所有野食都唔可以入口。先黎個米紙卷，勁濕，口感超差。然後係火雞，超乾，食左一半就無食。最過份係個兩個主菜，一個係銀鱈魚，超難食，同芒果汁完全唔夾。另一個係豬扒，全餐最難食，十個乾身，連切都難，莫講話食，所以食左一啖就無再食。最後連甜品都難食過人，朱古力達一D朱古力味都無，又乾又硬。總之，除左個賣相可以騙人外，實在完全唔掂。我聽到隔離枱都係咁講。

今日同朋友諗住搵個地方坐得舒服一點, 大家可以聚一聚傾下計. 就黎左呢間Misto. 入面既裝修好grand. 氣氛都好好. 本來係在cafe網搵到的. 但佢應該唔算淨係一間cafe. 價錢與一般西餐廳無異, 但環境及食物素質黎講係算係幾高水準啊~~~每人$280. 但覺得值得的 XD我地坐左入房. 廳既環境暗好多. 但好舒服. 下次會預訂廳既卡位~選了肉眼扒牛味重, 燒得好好味, 五成剛好. 讚~!!

同朋友慶祝生日 , 幾個朋友想靜靜地傾下計……咁有人提議試下misto就去囉.係open rice 睇過 , 都有d擔心.不過朋友話要去…..就試一次啦.我地一行五人 ,可能我地好留心咁睇 , 都好易搵.一上到去……個門面真係睇唔出囉 , 一入到去都只有一張檯有人 , 裝修係靚.野飲 , 朋友叫香檳 , 一杯桃一杯黑加倫子 , 我就叫左杯long island……其實都唔多選擇…另兩個朋友點既around the world , 睇個色就麻麻…..甜蜜雞翼----熱辣辣 , 所以覺得好好味.海鮮沙拉----唔知個名係咪咁 , 只係記得有蝦 , 帶子 , 青口麥片蝦球----超大蝦 , 夠熱 , 好香 !!鮮蟹肉蟹籽天使麵----超唔得 , 好漿 , 又少 !!芝士焗西蘭花----正常 , 無特別焗黑松露菌雜菜薄餅----黑松露好香 !! 豬肋排----又係普普通通.Dessert 芝士蛋糕, tiramisu, strawberry Napolean. 法式燉蛋 好普通 , 不過份量五人share 啱啱好.Overall……食物唔差 , 裝修靚 , 服務幾好 , 價錢貴.

與友人到TST做完Yoga後誤打誤撞到了這間餐廳dinner.雖然在一憧頗舊的商業大廈內, 但踏入餐廳後感覺環境都幾舒適, 侍應門都好殷勤招侍, 第一印象不俗。我們order了:1/ 甜言蜜語鷄翼 - size super small! 每隻只有一隻手指尾那麼大 (共6隻) 味道 - 過甜2/ 泰海鮮粉絲沙律 - 個look都好豐富: 海鮮有蝦、帶子、墨鱼, 味道酸酸辣辣, 都幾開胃 (不過友人覺得辣了點! 3/ 幸福黑豚肉 - 究竟隻豬幸福定係我幸福 - just OK, 黑豚肉夠厚身, 不過唔夠 juicy, 也沒有黑豚肉應有的"豬"味, 其實似一片普通厚身豬扒 - $178 (已經係75折價) - overpriced 咗 D!4/ dessert - 心太軟 - 皮不夠脆, 但內裹的朱古力不錯, 甜味剛好. 不過伴碟的生果就 ...食物質素尚可, 但環境與服務搭夠.可以再試