misocool (Closed)

大前日(28-10-2012 Sun)朝早又同男友去食早餐,呢次我諗唔到喇,男友話o黎間.o黎到坐低後,男友要$28.00o既照燒牛肉拉麵.加$2.00飲凍檸茶.我要$26.00o既火腿扒,芝士,菠菜,溫泉蛋配厚多士,改飲熱華田*.點解要改飲熱華田,睇睇下面服務o個項o既內容就知.飲品到o黎,我只加半包糖落去飲,味道幾淡,o衣o家係咪真係間間都要慳成本慳到咁?間間都淡o既?之後係男友o既照燒牛肉拉麵,有半隻蛋同粟米粒,份量唔多,佢畀啲我試,拉麵好似公仔麵咁曲o既,照燒牛肉係肥牛,食唔出咩o野照燒味道,湯底似忌廉湯.再等一陣,我o既火腿扒,芝士,菠菜,溫泉蛋配厚多士到o黎,樣樣o野都好精緻,只有半件,溫泉蛋冇乜蛋白,不過蛋黃幾大隻,但要特登用隻湯匙o黎食.食o左佢之後,見到件多士係凹o左,而菠菜只有幾片,真係好矜貴.呢啲都係正常不過o既o野,冇問題,只係啲唔太甜o既粟米粒有啲硬,麻麻.服務:開頭OK o既,我o地兩個搵唔到位,只有最近水吧o既四人枱,我o地坐埋去,個女仔話o個o度o岩o岩收o緊垃圾,不過都係一陣啫,問我o地介唔介意,男友答唔介意就照坐.之後落單,我要熱奶茶,個女仔話要等半個鐘,因為o岩o岩用晒要煲.OK冇問題.落完單,佢o地就好似開始遊魂,個女仔問我o地係咪三個人?我o地答兩個.(其實我覺得呢個問題有啲奇怪,又唔係去茶樓要開位,點解要問幾多個人?)之後佢拉開張枱,啊,即係兩個人唔好坐四人枱,冇問題.不過其實呢個係反映佢o地溝通不足,有同事同佢講我o地係三個人.落完單,唔知係咪另一個女仔擺低張單畀我o地,順便請句,睇睇我o地係咪叫啲.之後其實我見到有兩人卡位想轉枱,但男友叫我唔好轉,OK.之後o野食逐一到o黎,之前o既都係啲女仔拎o黎,不過都有問我o地係咪要o左牛肉拉麵,OK算數.最後個男仔拎我o既早餐o黎,順口問火腿扒,芝士,菠菜,溫泉蛋配厚多士係咪?我答係.佢放低重講句只係話係呢個餐.我覺得佢畀我o既感覺係唔sure我要呢個餐,因為佢加o左’係咪’你個發問語,而唔係一句肯定句.90後,唔該你o地唔好成日掛住上網打機,多啲同人講o野,糾正自己講o野o既語法.兩個月幫趁3次,但服務水平會咁飄忽?…Read More

20-10-2012(Sat)朝早起身同男友食早餐,又諗去邊間係,我突然記得印象唔算好差o既呢間,o黎到,都幾多 ,又咁o岩有一張卡位,我o地就坐埋去.男友都幾趕時間,佢快快決定o左要$25.00o既E餐嫩菠菜鮮白菌北海道牛乳炒蛋配牛油多士,飲熱檸茶.侍應等埋我叫,但其實我未揀,所以叫男侍應先落單同快,因為佢趕時間.男侍應就乖乖咁照做.:)其實呢個係男友上次o黎食o個個餐,佢真係情有獨鍾啊.之後我諗到喇,就要同樣$25.00o既F餐,火腿,紫菜, 北海道牛乳炒蛋配牛油多士,飲熱好立克.男友o既真係好快到齊,睇睇佢o既炒蛋,賣相冇上次咁肉酸,工整o左,佢趕快食,我都黐少少,食o左一啖菠菜,一啖白菌,前者幾嫩後者正常.而睇吓炒蛋,今次有蛋汁喎,比上次o既好o左.不過就淡淡,因為冇落鹽,由客人自己落吧.之後我o既早餐到o黎,好攪笑,兩片紫菜放o係蕃茄片下面,紫菜屬原味,都係一粒鹽都冇,而火腿炒蛋呢,一睇就睇到好嫩同有汁,唔錯.最後食件牛油多士,牛油滲晒入去件多士o度,又足夠又甘香,正.男友飲一啖檸茶就呀一聲,我問佢做咩?佢答有啲苦澀,又遇上唔靚檸檬喇.而我杯熱好立克屬於正常呢.上次食評: http://www.openrice.com/restaurant/commentdetail.htm?commentid=2256264…Read More

今天中午到公業區辦點公事，整個區就像蒸籠一樣，天氣悶熱得令人發燙，縱然回到荃灣，暑氣亦未能盡消，加上已屆午飯時段，決定在荃灣吃點涼快的才回公司去吧！不過說到要在荃灣找吃的，其實我並不在行，更遑論要吃點透心涼快的？！不過想起可愛媽媽朋友前些天Whatsapp我說到過Misocool吃午飯，我就想到荃灣也有一間，就到那裡試試看吧！說到Misocool，還是第一次到店內吃東西，差不多一點，店內已經人頭湧湧，幸好剛有一張二人的卡位，侍應遂安排我坐到那裡。翻開餐牌，拉麵，日式咖哩，丼飯應有盡有，不過對於一個剛從蒸籠出來的人來說未免太熱了些。當中唯一令我稍覺涼快的就屬冷麵，而冷麵只有日式芝麻醬海鮮冷麵一款，我也就二話不說點了這個。侍應提醒我要等15-20分鐘，因為是即叫即做云云。日式芝麻醬海鮮冷麵約莫等了十多分鐘，冷麵終於送上來了，冷面已經用麻醬撈勻；不過麻醬放得吝嗇了些，略嫌不足，冷麵有點乾淨淨的樣子，上面鋪上了蟹柳，青瓜絲，凡立貝以及大蝦，賣相是紅紅綠綠，甚是吸引。吃前先叫侍應再給我一些麻醬，結果今次卻很大方的送來了一碗。把麻醬撈勻，吃起來，冷麵很彈牙很有噣勁，煮的時間控制很好，亦做足了過冷河的功夫。麻醬很稠而有濃郁的芝麻香，冰凍的冷麵蘸著冷冷的麻醬，吃起來加倍涼快。蟹柳不是方方正正長條狀，而是用上較為上等的貨色，縱然味不似最少形似呢！凡立貝吃起來也頗具鮮味，大蝦亦夠大只爽口。青瓜絲切得再幻細些會更好。整個冷麵吃起來就像沙律，吃罷整個人也頓感涼快了許多。Misocool開業不久，室內裝潢以黑、白、黃為主調，充滿時尚感，不過坐位安排得十分劑迫，在午市最繁忙的時段，是會出現要某位客人先站起來，另一位客人才可入坐的情況，劑迫程度可見一斑。只因我坐到卡位，又沒有人搭枱，才可舒適的吃頓午膳。侍應人手不足，午市時段只提供有限度服務，我個人是理解的但亦應加以改善。食物方面，本港拉麵名店如恆河沙數，論麵質，湯底，名氣，Misocool應該未成氣候；不過我吃的冷麵，不涉及湯底，麵質吃起來亦爽口彈牙，因此我亦甚為滿意。單單一個冷麵就要六十個大洋，真的不算便宜，不過在這蒸籠般的香港，容讓我奢侈一點，買份Me so coolll的感覺吧！Berlin…Read More

同朋友行完城門水塘 攰得滯唔想行 所以係地鐵站附近既綠揚坊搵野食星期六夜晚 邊到都錦多人 見呢間舖頭唔多人排 同埋裝潢幾吸引 好似仲有幾間分店所以就決定去食呢間等左五分鐘就可以入內 間餐廳都幾大間 可以坐六七十人到 主要係四人枱 入面個格局同裝潢幾特別 色彩鮮艷 而且燈光閃爍餐牌選擇很多 主要有日式拉麵 日式飯 小食 甜品點左個番茄豚肉拉麵($52) 另外還點了個炸雞($25)和朋友分碗麵都隔左成十幾分鐘先上 賣相很一般 材料不多 麵的分量也很少先試口湯底 味道不夠濃:( 應該加多左水 而且味道不太鮮甜 豚肉方面 切得很薄 而且很細塊 一口食哂 得三塊到而且有點韌 要用力才能咬開 沒甚肉味 應該是普通超市貨色麵方面 係粗身曲身嗰款 很有即食麵既感覺 應該唔係自家製造 煮得都算OK溏心蛋不錯 夠流心 蛋味幾香 其他配料 如粟米 筍 芽菜 都好少 小食係炸雞 有六隻 唔係好大塊 炸得都算可以略嫌唔夠肥 皮同肉之間唔夠肉汁 總括而言 質素一般 很有港式FEEL 絕對唔係行正宗日式拉麵路線而且價錢略貴 還要收加一 但待應並不是很積極替我們倒水 感覺不是很值…Read More

一個人行到黎呢頭，見到綠揚坊呢度想食個 lunch，似乎除左麥記美心之外都無乜選擇。貪就腳，無睇 openrice 就入左黎呢間，位都唔使等。呢間野個格局配色幾得意，餐牌睇落都幾特別。尐店員（都係後生仔女）都著住件背後寫住「mesocool」既制服，好似好有 corporate culture，interesting。格局、文化、設計始終都係花巧野，食落肚東西既質素先實際。點左個 $48 的西京豚肉拉麵、豬骨湯底。上菜時發覺個碗既上面唔係平既，似乎各樣野都有花心思設計。除左筷子亦附有日式湯羮。碗麵既涵除左日式豬肉（係豬頸肉定咩我就唔知喇），重有半隻蛋、粟米、筍片、芽菜、芝麻。應該都無數漏架喇。以下逐樣品評下…基本上，尐豬肉只得個韌字，全無口感同味道可言，係全無。半隻蛋煮到半生熟狀態，形態幾少見，味道無特別。尐麵應係工廠貨，麵質粗糙，有即食麵聯想，不過都煮得柔韌適中，勉強算係爽滑。筍片係低成本貨色，淋而且咬落無汁。個湯望落似忌廉湯，飲落似即食麵味精湯。你想講根本就係味精湯？我信你。其他嗰尐唔使評啦，慳返啖氣。總評：差於學生飯堂貨色的麵食，但收五十以上（加一後）既價錢，你食唔食？…Read More

1-9-2012(Sat)朝同男友起身去食早餐,行經呢o度見到叱間未試過o既食肆,於是入去試吓.o岩o岩重有二人卡位,我同男友要o左兩個$25.00o既早餐,男友要嫩菠菜鮮白菌北海道牛乳炒蛋配牛油多士,加$2.00要凍咖啡, 我要煙肉腸仔牛油粟米北海道牛乳炒蛋配牛油多士,加$2.00要凍奶茶.好快有o野送o黎,係男友o既嫩菠菜鮮白菌北海道牛乳炒蛋配牛油多士同我o既凍奶茶.睇吓男友o既嫩菠菜鮮白菌北海道牛乳炒蛋,份量好少,我叫男友'撩'開啲蛋畀我睇有幾多白菌,就只係有幾粒,之後我o既煙肉腸仔牛油粟米北海道牛乳炒蛋配牛油多士到o黎.好,開餐喇.我o既北海道牛乳炒蛋有蛋汁o係面,亦幾滑,試吓男友o既,口感成強烈對比,佢o既係完全熟晒,我食到有啲燶味,男友就話係白菌味道吧.呢個冇乜特別,但之後我問男友,菠菜嫩唔嫩?佢答亂,哈哈.然後我繼續食我o既早餐,煙肉正常冇問題,而腸仔呢,竟然唔係平時食開o既廚師腸,而係貴價少少o既腸仔,男友讚有肉味.牛油粟米我諗住係正常,但牛油唔夠,粟米粒唔係咁夠甜.而多士呢,睇個樣夠燶同牛油夠多,但原來腍o左,最後係o野飲,男友話凍咖啡好掂,因為好香濃.而我o既凍奶茶呢,開頭飲覺得夠茶味,但飲落就係奶多過茶,一般.服務:我o地叫完o野食,好快有o野送o黎,係一個羅宋湯通粉同唔知咩o野炒蛋多士,女侍應放低時話i餐,我即時話我o地冇叫i餐,係g同e餐,不過佢冇啋我o地,去o左另一張枱.當另一個女侍應拎真係我o地o野食o黎時,我至可以同佢講,佢o地至收返啲o野.環境:簡單但幾舒適.…Read More

早餐吃過兩次了,第二次光顧的早餐,感覺差了,尤其厚多士,已涼,和不脆口.但在門前看到其中有新"產品",魚生撈起(飯)$108, 和香辣三文魚魚子撈烏冬$58買了撈烏冬回家享用.沒有辣味,鳥冬用了淡味千島醬撈,如未夾到連三文魚/魚籽吃,會淡身一點.幸好有切得幼幼的蟹柳絲和青瓜絲,烏冬也算煙韌,不行貨.份量如一人吃,不足一填飽.…Read More

一嚟到坐低都還算OK,但係呢杯水咁細杯好快飲晒架嘛,係冇人會留意到你個杯有冇水,加水係要叫幾次先加到一次,其他嘢叫人都係,服務真係唔掂,同我覺得啲人態度同個樣都幾串吓@.@仲有啲位比我個感覺好窄,可能我坐中間,同隔離檯太近冇咩私人空間咁啲嘢食好難飽到肚,味道一般,對我嚟講真係唔值50蚊一碗拉面呢個價總結啲服務同嘢食一般,根本唔值呢個價…Read More

紅色假期不用上班當然訓晏些，下午接近二時，不用等位，坐下唔夠一分鐘，菜譜都未打開侍應就過來問點菜，太快了吧!我叫了叉燒豬骨湯拉麵，湯底好濃但飲得出好重的味精，而麵質就像超市買到的平價拉麵，而叉燒好"林"，好奇怪的質感也不像日本的叉燒。唯一值得一讚的是半隻的溏心蛋，很好吃!!很滿意!!男朋友要的是吉列豬扒麵豉湯拉麵，湯‥‥睇到是透明的，飲落去食好稀溝得太多水的感覺，:(而吉列豬扒就炸到乾晒。要每碗六七十蚊起的"味精"拉麵，我不會再吃了。而服務方面，我留意到大多數侍應都是非常年輕的，很有禮貌，不過有點手騰腳震的感覺。…Read More

有天經過,見到大大張,早餐牌擺放出來,相片吸引…..厚多士、炒滑蛋、etc。早餐不收加一,茶水費,抵!所以約了好朋友,早餐聚會。十點鐘,坐上七成滿。若坐到靠窗卡位,或埋邊的隔牆卡位,環境也不錯。我們吃了,咖哩牛肉奄列,及菠菜蘑菇炒蛋餐。原先也想加錢,要多碗茄通,幸好沒叫,因為看到鄰枱食客有吃,賣相很求其,湯底稀稀的。早餐即叫即造,等了15分鐘,而且是流水作業。一批菠菜炒蛋先出,隔一段時間出我的牛肉奄列。菠菜的,好味過牛肉的。前者滑蛋;後者熟"透"蛋。牛肉是火鍋肥牛片,很肥,而且獻汁略多,看去已相不乎實:(。厚多士,讚!!夠厚,微微外脆,查了牛油,就是一片「黃金」多士啊!餐飲咖啡&奶茶。奶茶茶底稀,很不滯!但咖啡反而喜出望外,預算都是茶記港式酸咖啡,誰知crema厚、口感也同樣醇厚的即蘑咖啡!!簡直現在寫起,也回味!!…Read More

已經有年幾2年冇寫過食評今次由於此店太令我深刻, 我不得不寫呢間都新開左一段日子同朋友黎試試餐牌上的食品唔平, 平均都40幾50以為會有咁上下啦點知.....朋友叫左牛肉咖哩飯好快就上菜我試了少少下, 牛肉竟然係凍ge!!!同埋炒到好乾份量仲好多, 50幾蚊ge 價錢, 份量仲少過某牛肉飯快餐店而且汁又少, 想要黎撈飯都唔夠好啦到我ge吉列豬扒拉面係即炸, 但炸得燶左d而家豬扒非常之乾而拉面湯底, 係出晒名ge 味精湯底而面, 係最普通, 超市都有ge 面齋得2個飯, 埋單要110, 咁ge質素, 試過就夠晒, 冇下次啦!…Read More

綠楊坊2樓旅行社集中地，於旅行社報完名，午餐來了這裡。跟太座一起，要了炒牛肉飯及北海道帶子拉麵，每個餐各加15元，升級為套餐，套餐中有四款小食，每餐可選小食中其中一款，另有飲品一杯。小食揀了芝麻醬豆腐及野菜沙律。飲品要了即磨咖啡及凍奶茶，當中咖啡質素較佳。上述食物都是一般水準。其實最正的反而是兩個小食，麻醬豆腐及野菜沙律，最煞食的就是當中的麻醬汁。最差的是北海道帶子，不是說它細小而是批評它的質素，無鮮味之餘還有點怪味。…Read More

今日晏畫特登約朋友黎試呢間新餐廳，外觀幾靚，12 點到，無人龍，入面已經有幾枱客食緊野朋友比我早少少到，我一黎到，佢已經睇緊餐牌，幾乎所有食物都40 蚊以上，稍為有少少特別既食物已經要60 蚊所有食品加15 蚊就轉套餐，有飲品有小食，飲品凍飲加2 蚊，特色飲品加十幾蚊朋友叫左個炒牛肉飯，我叫左吉列豬扒滑蛋飯，朋友叫既飯好快就到，我嗰個就等左大約15 分鐘:(，等等下都有催下個飯ge，跟住有個唔知係咪經理既人就答我：「吉列豬扒要炸，所以要耐少少」，真係唔知講咩好...跟住轉頭個飯就到左啦我覺得塊豬扒好乾，不過炸粉就唔多，塊豬扒都幾厚&多，飯面舖左蛋＆洋蔥，蛋太少，洋蔥太多，仲好似有d 煮唔熟......飯好味，有少少汁喺碗底，用黎送飯都唔錯朋友就覺得牛肉飯幾好食，但我覺得有d 似吉X家牛肉飯侍應都好有禮貌~總括黎講，試一次就算，唔會有第二次:(…Read More

　4月14日荃灣綠楊坊有一間日本拉麵的食店開張，我地住既屋苑收到宣傳單張，有coupon送，於是去試下。當日係星期日所以6點就去攞位，食店既冷氣充足，老公等左15分鐘已經叫凍，所以快快點菜。菜牌內既食品可以單點，亦可以加錢轉為套餐，麵款和湯底有多種選擇，包前菜同飲品，我地一家三口就全部轉曬做套餐。首先呀女叫左個咖哩牛肉飯，我叫北海道帶子蒟蒻麵，而老公就點左特選鮮茄湯牛肉拉麵。　咖哩牛肉飯最先到，咖哩汁香濃，飯口感幾好，選用左日本珍珠米，粒粒綿軟軟。牛肉既肉質還可以，配上紅蘿蔔同洋蔥條，整體既賣相唔錯。跟這套餐既麵鼓湯唔知道係咪漏單，呀女食完咖哩飯既時候先送到，好彩仲係熱辣辣。老公食既鮮茄牛肉拉麵一送黎既時候，第一個印像就係隻湯碗好鬼大，個麵好鬼細，只係佔左湯碗一半。湯底濃郁，濃到睇唔到碗底，最顯眼既係兩片蕃茄．．．牛肉選用一般肥牛，唔係太突出。前菜揀左和風沙律，細細碗都幾好食。我揀既北海道帶子蒟蒻麵賣相同菜牌張相相差好遠，帶子細細粒:(。湯底揀選左長崎地獄湯，所以辣辣地，都幾好味。碗內仲有半隻蛋，係半生熟，相信係食店所講既溫泉蛋，食落口都冇咩特別。而我既前菜係芝麻凍豆腐，芝麻醬酸酸甜甜，令人胃口大增。食飽飽，就嘆番杯。呀女要既凍檸茶，檸檬簿到成張紙咁:(，睇黎呢間餐廳既廚師都幾犀利，可以切到咁簿。反而，我同老公點兩個杯招牌咖啡就唔錯，值得一試:)。　總括黎講，呢間食店既食物都係一般般，冇咩大驚喜，但係價錢大眾化，最平既四十五蚊有交易。食完Ｅ餐，仲換埋佢地既Ｃｏｏｌ　Ｃａｒｄ，半年內惠顧主餐牌食品滿＄１００或以上，可以有８８折優惠。而今晚個餐，就用左一張８８折優惠卷，所以平左。…Read More

見到綠楊又開新野, 仲有Taxi Chan黎開幕, 就去排下隊~呢度主打日式拉麵, 可以自選湯底 & 麵底北海道帶子烏冬- 豬骨湯底Menu 同Poster 都大大隻帶子, 就咁被吸引了.....由於圖片只供參考, 上枱只看見是一大碗白色濃湯, 挾起烏冬才發現落差那很大的小帶子, 帶子一家6口仲要未沖好涼添...湯, 很咸, 味精很濃; 其他的都沒什麼味道, 不值一提; 全餐最值得讚的是那半顆蛋。 茄子喔, 那就是茄子天婦羅, 不過冇天婦羅汁的。如Menu 所示, 一客有4塊, 不過這是超薄的。因為太乾了, 唯有要了天婦羅汁相伴一下。什菜拉麵 - 蕃茄湯底朋友點的, 賣相比北海道帶子烏冬好, 味道如何我不清楚, 他只說不會再來了。…Read More