misocool (Closed)

自從一年前幫襯完就無再去過，今晚噤啱經過，就同家人入咗嚟食！入到嚟見到十張枱有八張喺無人嘅，覺得好奇怪，之前嚟食明明好多人要等枱嫁唔理噤多，order咗我喜愛嘅帆立貝拉麵先！但侍應同我講無晒帆立貝。。。即喺連海鮮拉麵都唔駛叫。。。諗咗好耐，決定試吓。。唐揚雞拉麵家人一早諗定！決定叫一個輕食(辣醬面使拉面+三文魚飯團+面使湯)！除咗輕食，無辣不歡嘅我緊係轉咗拉面湯底做辣湯！首先到嘅喺輕食！一見到真喺嚇親。。。辣味面使拉面嘅湯底水汪汪，三文魚飯團得拳頭嘅二分一之大。。。拉麵就無試，但家人話唔難食但同宜家因為拉麵風興起嘅其他日式拉麵店相比，呢一間可以稱得上拉麵嘅原因，應該得一個，就係佢地真係用咗對嘅麵質，其他就真係。。。。講咗一大堆，其實即係之後都唔會番轉頭囉三文魚飯團就俾咗我試，一入口，心諗。。。唔喺呀。。。凍嘅？並唔喺唔熱唔暖噤簡單。。。喺好似整完放咗喺枱半日嘅凍冰冰感覺，加上壽司飯係無醋味，真係要用難食嚟形容:(之後輪到我個個喇，等到勁肚餓。。。但一睇就唔對路。。點解我嗰面嘅面質同家人唔同嘅？於是叫咗侍應問一問。。原來俾錯咗九州拉面我。。我背負住食完肚痛嘅危險叫侍應換番啱！等緊嘅途中，相繼附近都出現落錯單嘅情況，都唔明，其實店內面己經無咩人，但WHY會成日出錯終於齊嘢可以起筷！唉。。真喺同一年前唔同晒喇。。。所謂嘅辣湯喺用咗好多辣油整成。。唔特別之餘，一嘢日式都feel唔到！其實辣係可以好多層似。。唉可幸嘅喺噢炸雞幾好食，入口時仲喺熱辣辣！宜家星期一至四晚，有八五折優惠。。但並唔喺再嚟嘅原因。。再一次證明食物質素喺好難保持到嘅！相信都淨番唔耐，租期一過就會俾其他新力軍取代！走嗰時仲發現到，其實帆立貝喺有嫁，好多人都order咗海鮮鍋，我見到喺有帆立貝嫁，所以我唔知喺侍應記錯定係佢地將所有帆立貝都去晒做石鍋材料。。。…Read More

我同女友夜晚黎食，點左兩個餐，一個天婦羅餐，一個豚肉飯餐。天婦羅黎到又無汁，無驚喜，成八十幾蚊一個餐，完全唔值。豚肉飯得果三片，唔算難食，但好UN，咬唔斷，明顯煮得唔夠耐，個飯又無汁。最離普係杯芒果雪冰，張相影到鬼咁靚，又多果肉又丰滿，點知黎到一飲，芒果肉完無一粒，又勁甜。真係可以告佢違反商品說明修例。明顯係用濃縮果汁沖水再加冰打成沙冰就算，係葵芳三樓買杯六蚊的芒椰奶西都好飲過佢多多聲。杯野跟餐仲要加十五蚊，沖出黎無d心機，明呃錢。唔會再黎，仲會叫朋友千萬唔好黎。…Read More

最近去了2個旅行和老婆仔分別去了意大利和西藏兩個截然不同的地方當然有完全不同的美食經過一個月後, 更懷念港式的食物即使旅行時每日相見回到香港還是爭取機會與老婆仔相聚一個午餐的時間很快便決定了吃這間充滿港式特色的日式餐廳我們點了68元的蕃茄叉燒拉麵28元的大煎餃和15元的楊枝甘露由於我已吃過東西這個蕃茄叉燒拉麵主要是老婆仔吃的其實味道很一般這個價錢有點貴不過就是算大碗而且重點是我們很久沒吃這種食物所以吃起來都特別吸引值得一讚的是湯底也算濃但叉燒和拉麵也真的很普通算是廉價貨色這個煎餃更是差得很雖說是煎餃, 但味道和煎的一樣皮完全沒有一點脆而且餡料也很少就像是吃一團麵粉而已老婆仔吃了一件後便全留給我吃還好這個楊枝甘露挽回不少分數不知為何misocool會有frozen yogurt供應但或許是這個供應令他們更重視這些甜點楊枝甘露芒果味很濃郁上層的不知是雪糕還是yogurt也非常美味很久也沒有試過這種又鮮又甜的味道而且也算是大大的一杯值得推介雖然食物只是一般水平但我和老婆仔都很久沒嘗過這種味道所以也是愉快的一餐…Read More

第一次幫襯呢間店, 今日叫咗個早餐食!早餐價錢都算偏貴, 平均$3x左右.我order咗個最經濟嘅早餐, $29有2件魚柳, 2條豬肉腸, 同一碗仔通粉加一杯熱飲.推介魚柳~幾好食, 好鬆脆, 仲係剛炸起好新鮮熱飲我揀咗咖啡, 但完全飲唔出係咖啡, 就好似係一杯奶溝水咁.....:(…Read More

本來想去美心吃個早餐，原來那家店已經沒有啦，那我隨便的找其他的。見到misocool的早餐廣告版，看起來不錯，價錢在綠楊也不算貴，所以就決定試試看。點了燒汁雞排麵餐，拉麵是ok的，但雞排就真的沒法接受。首先，雞排比照片的要小一半，這個也就算啦。但是吃下去後，覺得他們的雞排好像完全是用水煮熟的，一點點「燒」或是「煎」的感覺都沒有。雖然「燒汁」並不代表會有「燒」或「煎」，但水煮的味道真的不太理想，所以味道的評分我是評的比較低啦。…Read More

標準早餐，炒蛋魚柳+ 通粉，餐廳試圖尋找真正北海道乳牛及深海鱄魚，結果用了25分鐘才上菜。食物溫度比室溫更低，廚師把所有食物拍攝全家福之後，再放在雪櫃保存， 才造出冷若冰霜的效果。 魚柳入口即溶，脆皮與肉分離， 廚藝達至神級，廚師把原有魚味變成薄餅皮味。 通粉與我玩捉迷藏，整碗湯不見通粉芳蹤，只見茄皮飄浮，好像羅宋湯吞噬了通粉小姐，令我擔心不已。 炒蛋沐浴在溫油中，在口內難捨難離，食油在口角流出，百般滋味在心頭。食物份量以迪士尼'小小世界'為主題，而且令我掉入霍金的宇宙世界，任何事物都十分渺小。 飲品視覺是咖啡，味道是奶茶。…Read More

通常食下午茶時段，唔知係咪d員工落場，近廚房果幾個位成日有人玩電話，有時扒喺檯瞓覺，有時圍埋吹水叫咗碟咖喱飯同熱啡，熱啡先上冇用托盤，裝奶果個野都係用手指lim住咁攞上檯，有d哪渣嘅感覺，味道尚可，咖喱飯亦正常，不過黑色碟會見到頭先位員工d指模，想埋單果陣就來來去去都冇人～…Read More

今(31-8-2013 Sat)朝同男友起身後因要落買餸,就同男友一齊落荃灣食早餐.食邊間好?男友話呢間.吓?!唉,好啦,又畀機會佢啦.我o地o黎到o岩o岩剩低一張圓枱,我o地就坐低叫o野食,我揀o左$29.00o既F自選兩餸早餐,有羅宋湯通粉,我要豬肉腸兩條,漢堡扒兩件,加$5.00要牛油多士,飲熱奶茶.男友要$28.00o既燒汁雞扒拉麵,加$2.00飲凍檸茶.落完單5分鐘,凍檸茶先到,茶色通透,我諗味道淡淡,不過我冇試到,男友亦冇comment.再等3分鐘,我o既熱奶茶到o黎,加o左包糖後飲,茶味係有,但唔夠濃,奶偏多.然後等o野食,等o左3分鐘終於到o黎,係我o個份成份出齊,睇見件多士我已經唔高興,點解會咁燶o架? 等得耐都算,但出o黎o既質素咁樣同呢個要加$5.00,有啲唔順氣囉.塗牛油時,都挖到啲麵包碎出o黎,係証明到好到乾身囉.塗完後食,幸好未至於食到燶o既苦味,味道同口感仍算正常.食完件多士至睇到啲蔬菜少得可憐,得o個幾片 :( .豬肉腸味道淡淡,同鹹o既漢堡扒形成對比.之後到羅宋湯通粉,份量亦唔係多,通粉腍,但好彩未至於太腍,而羅宋湯質地有啲杰,似落o左生粉水,味道偏酸.而男友o既燒汁雞扒拉麵,亦o係我o個份o黎到後3分鐘到(所有o野都隔3分鐘到o既?)睇見份量亦唔係多,佢食一啖後,大讚拉麵同湯OK,但雞扒好o鞋,我試吓先,拉麵有啲蛋味亦唔太腍,湯o既味道都算濃,件淡色雞扒,我搵唔到任何燒汁o既痕跡 :( ,食一啖,嘩!真係差到唔使’恨’,真係o鞋同冇乜味之餘,重要係食到少少雪味,慌死客人唔知係雪藏貨咁 .而o衣o家睇返以前o既相,至發覺原來連半隻蛋都冇埋.環境:冷氣涼o左啲.衛生係等o野飲時,我要一杯清水,侍應都即刻畀我,冇問題;水少都冇問題,但…一睇個杯,有漬o既,好嘔心囉 ,唔掂啦,即刻換過杯.服務:比之前好少少,但到走人出去畀錢時,個收銀行開o左,見到我前後都有人,共三個人等畀錢至返o黎,呢點冇問題,但問題係,收o左我前面o個客錢後,應該到收我o架啦,點知我後面,著住廚師制服o既客人想打我尖畀佢,佢竟然都想收佢先,我梗係唔畀,即刻遞畀佢先啦.客人想打尖,你唔係由得佢吧.綜合o黎睇,其實呢間o野重想唔想繼續做落去?味道分係2.44分…Read More

今(1-4-2013 Mon復活節)朝同男友起身食早餐,去邊o度食?麥當勞.行經呢間,見冇乜人(因為係9點幾),有未坐過o既大卡位同好少人,男友話呢間有拉麵食,於是同意轉食呢間.我o地入到去,都係唔坐大大張四人卡位喇,坐一張二人卡位啦.不過男友又唔想坐呢種卡位,改坐圓枱,好啦.坐定後,我o地揀o左同樣係$28.00o既拉麵早餐,男友要照燒牛肉,我要照燒雞扒,加$2.00要凍檸水少甜同凍好立克少甜.叫好後好快到齊,凍好立克真係做到少甜,唔錯.而兩碗拉麵都唔大碗,少到冇人有,尤其是我o個個照燒雞扒,畀兩件切開o左o既雞肉就叫做雞扒?同menu唔同,唔係o掛?食落,拉麵係彈牙,半隻蛋已經熟晒,雞扒冇乜味,皮都冇煎香,粟米粒又係少到喊,碗湯就有濃郁o既味精豬骨湯味,而男友o個啲我就冇問喇.…Read More

今(10-3-2013 Sun)同男友起身後去食早餐,又去邊o度食?飲茶?男友可能有啲趕,甩甩漏漏o既呢間啦,男友話好.o黎到,我o地坐o係唯一一張o既二人半卡位,男友要$28.00o既三文魚白菌炒蛋配厚多士,加$2.00要凍奶茶.我要$28.00o既吉列魚柳,炒蛋配厚多士,同樣加$2.00要凍奶茶.女侍應問我o地加唔加$5.00要羅宋湯通粉,男友話要,咁我o地加一個一齊食啦.我o既吉列魚柳,炒蛋配厚多士到o黎,兩件魚柳都唔大件,炒蛋幾滑同都幾嫩,魚柳OK冇問題,沙律菜都新鮮OK,但厚多士又係腍晒,一啲都唔脆.然後羅宋湯通粉到o黎,通粉少到爆,味道就對版.好耐,男友o既三文魚白菌炒蛋配厚多士至到o黎,蛋係炒到熟晒,唔似我o既炒蛋咁嫩,其他o既,我諗同我o既一樣.然後兩杯凍奶茶到o黎,原本冇乜期望,但一飲之下,覺得好過之前,之前係冇哩味道,但呢o度有返啲茶味,不過稍稍偏甜.味道分係2.8分服務:今次入到o黎好似轉晒人,以前係女仔多,今日就多數係男人,水吧都轉埋男人,唔知服務會點呢?服務基本上可以,但點解今次我坐移得o既凳,啲侍應經過我身後o既通道,總要踫到我張凳?我已經唔係坐得好開,而且我身後張枱o既凳都只係擺o野唔係坐人,點解要選擇踫我張凳而唔踫o個張?係要客人坐得唔舒服?…Read More

在荃灣純粹行行逛逛，輕鬆地過幾小時，縱使沒抽住大包小包的，不過對腳已經在投訴了...想找個地方小休，由荃灣廣場附近找尋，不過很多餐廳的下午茶餐也很"足份量"，暫時不太適合其實未肚餓的我。回到綠楊坊找，還是最基本的多士餐最合我心意，於是便試一試這個品牌吧。Misocool的早餐和下午茶和匠日本料理是一樣的，上網一查原來都屬同一集團。店子以型格的黑色來構成，配以一點點活力的綠色。不過座位的設計實在不太好，面牆那邊位置分開一格格，每一格內有兩張二人枱，令兩枱不認識的人困住一格似的，給我坐的話實在會不太自在。幾位年青店員經常性企在水吧傾計，還要傾得好興奮，看來只有一位年紀較大店員算是最落力，至少肯在店內行來行去。選了本人喜愛的粗粒花生醬奶油厚多士，點餐時表明只要花生醬便成，估不到年青店員問我"咁使唔使畀返多D花生醬你"?(哈，可以這樣的嗎﹖)我當然選回正常版啦，不過原物也是有著非常多的醬呢。愛吃粗粒花生醬貪其多一重咬口，不過這多士烘多一點時間會更好，只因我喜歡香口。凍飲加2元，很大杯，檸檬有成四片不過檸味不足，茶底超濃不過沒什麼紅茶味。作為解渴，足矣。坐在窗邊位，隔著窗框，前後看到兩位男生徘徊著Hallmark，他們在買和不買之間的神情，剎是可愛的。才想起，原來情人節快到了。…Read More

同同學黎食lunch,我就嗌左帶子飯其實味道方面一般啦,帶子飯d味勁淡- -而且感覺上分量對於女仔黎講就好似多左d啦,我地幾乎都有食剩d食物,因為真係好多- -另外,呢間miso cool侍應既服務態度好差,十問九唔應,個侍明明聽到叫佢過一過黎都要扮到聽唔到睇返其他食家既評論,都發現有類似既情況,所以希望呢問題可以改善下!!!…Read More

今日(11-11-2012 Sun)晏晝同男友行o左陣街差唔多返屋企,行經呢o度,佢又想食.=.=”咁食啦.我o地叫o左$24.00o既焗蟹棒熟蛋西多士三文治,飲熱咖啡,女侍應話要等15-20分鐘,冇問題.咁我o地想要$14.00普通size o既北海道低脂乳酪,但女侍話要叫主餐牌飯,麵同意粉類至可以半價$14.00要個,散叫要$28.00.啊,咁我o地諗諗先.再睇埋其他,見同樣係北海道低脂乳酪包一款topping都要$30.00,其實有咩分別?點解呢個貴啲?我同男友都決定要北海道低脂乳酪,咁就問問.女侍應答$30.00呢個o既topping都係糖o黎(不過我見到都有生果),$28.0o既唔係,啊,咁$28.00呢個可唔可以自己揀生果?佢答可以,咁我要呢個o既藍莓生果,佢問我使唔使等我話上至上?我答唔使,可以即想.但諗諗吓又唔係喎,焗蟹棒熟蛋西多士三文治應該都差唔多時間到,食o左三文治後至食低脂乳酪啦,好快即刻同女侍應講,佢都即刻hold住.焗蟹棒熟蛋西多士三文治到o黎,一件大一件細,嗅到好香o既西多士味,好期待,男友切開睇睇,蟹肉唔係好多,食落,味道淡淡的,加返多啲蜜糖係咪會好啲呢?男友建議加煙肉.而熱咖啡到o黎,男友落晒一包糖話好苦,我飲吓,係喎,係咪啲糖未熔晒?又唔係吖,咁我叫女侍應畀多包糖兼可以出低脂乳酪,男友加埋包糖都係苦,好差喎.之後北海道低脂乳酪到o黎,藍莓得幾粒,微酸o既乳酪都已經溶溶地,藍莓就幾靚.價錢:我諗住係$24.00+$28.00加一$57.20,點知只收我o地$42.00,即係北海道低脂乳酪只計我o地$14.00兼冇加一.味道分係2.43分…Read More

那天約了同事去食晚飯, 見到荃灣開了這間misocool, 感覺很熟, 才醒起我曾經在尖沙咀吃過並覺得不錯, 所以就決定試試荃灣這間吧~~進店後, 覺得環境比較昏暗, 他們是以黑色作主色調.侍應生安排我們兩人坐在對坐的木桌, 有卡位也不給我們...坐下後, 我們的隨身物品太大, 旁邊地下也不夠位置放....因枱與枱之間距離比較近...雖然這是我們自己的問題, 但真的坐不安吃不樂...:(之後見到有個梳化二人位走了, 我們便要求搬位~侍應請示完後才准許我們搬過去...坐好後終於可以落order 了, 我們叫了咖喱雞排飯及日式雞肉飯(忘記了是不是雞),大家也加了錢轉套餐, 會有個小吃及飲品咖喱雞飯味道一般, 整碟飯也不是熱騰騰的, 如果再熱一點我相信會好吃一點!套餐跟的日式燉蛋是在上飯後才來, 也是令我最失望的, 味道怪怪, 覺得燉過龍了...同事叫的日式飯, 她說一般, 沒什麼, 不過起碼比我個飯熱凍檸水ok~…Read More

今(3-11-2012 Sat)朝同男友早起身去食早餐,又係冇idea去邊間,男友又話o黎呢間.啊.其實今日都早o左,o黎到都好多人,女侍應見我o地搵唔到位就主動帶位,我o地坐o左去近水吧o既卡位,男友要$28.00o既f餐,有三文魚白菌炒蛋配厚多士,加$2.00飲凍咖啡.我要$27.00o既g餐,有豬肉腸,煙肉,炒蛋配羅宋湯通粉,飲熱檸水.落完單冇耐,我o既g餐即刻到,我覺得係一早整定,影好相食喇.炒蛋好靚,有蛋汁又嫩滑,之後食通粉,通粉唔叫得做彈牙,係開始有啲腍,羅宋湯辣味偏多,男友就話OK濃.只食o左幾啖通粉,男友o既f餐到o黎,為o左證實我o既g餐係整定,我就試食佢o既炒蛋,明顯,佢o既熱過我o既一啲.我亦順便試食三文魚同白菌,由於佢o地o既炒蛋真係唔落鹽,所以覺得三文魚有啲鯹,而白菌都係好重菌味.我諗我呢個餐係之前有人落錯單而擺返入廚房.而我o既豬肉腸同煙肉都冇乜問題,細細粒o既粟米幾甜,不過唔夠腍,厚多士都算甘香,OK.之後兩杯o野飲到o黎,但我o既熱檸水變o左熱檸茶,我睇睇單,女侍應真係落o左後者,我話唔要,要換過杯熱檸水.我又試吓男友o既凍咖啡,由於我一向少飲咖啡,所以覺得OK.我一路食一路等我杯熱檸水,但睇見兩,三轉飲品出都冇我份,我就提女侍應,佢話跟跟,好,繼續等.然後又出兩轉,都唔見我杯o野飲o黎,於是我又追.今次我計時,9:50am,男友都要走喇,佢問我繼續等定唔飲叫佢畀返錢?我答佢計唔到要畀返幾多錢我,我有時間我會出招.咁佢先走.又過幾分鐘都冇,我再問個女侍應.我話我等o左好耐都未到,佢答整o緊o架喇.我話出o左好多轉囉喎,使唔使我同店長傾傾?佢話佢再跟.點知轉頭即刻到o黎.一杯熱檸水,只係滾水加幾片檸檬咁簡單都拖咁耐,唔知係女侍應定水吧o既問題,但咁樣令我好不滿,我對返張單同熱檸水到o黎o既時間,9:22am 落單,熱檸水到9:55am至到o黎,真係好令人火滾.其他:睇返之前o既食評,原來我第一次o黎食o既g餐同我今日食o既食變o左,短短兩個月就要轉一轉.…Read More