Ming Tak

經過見到寫明清湯腩專家咁就試吓佢問有沒有爽腩、崩沙腩，店員話冇咁分，只有肥腩，普通腩同坑腩，崩沙腩係肥腩一部份。咁就叫肥腩麵，但係冇麵，改要河粉先飲湯，好重胡椒味，有啲似馬來西亞口味，唔係胡椒豬肚嗰隻味，沒牛骨味，不合格腩，都幾柴吓，比較瘦，冇乜根膜冇乜肥，事後諗番都唔知有冇比錯瘦腩？河粉，比較林，易斷，一般般，唔係好嗰隻加十蚊，凍檸茶少甜少冰，都唔夠茶味唔夠酸，都係唔合格。論價錢53蚊一碗牛腩麵唔係貴，但質素比起其他40蚊一碗的還有所不及，質量對唔住售價整體唔合格，唔會再嚟，睇返網上食評好似唔多對板，不能盡信。題外話，只收現金，沒有八達通，微信，支付寶等等，要找散紙真係唔係幾習慣。提我話我下晝四點幾嚟提我要話1…查看更多

位於荔枝角的 明德清湯腩聲稱馳名「巴基斯坦咖哩」然而店舖的食品並非 Halal food (清真食物)，因為有豬潤出售，這點大家一定要留意 ~咖哩牛腩飯：從外觀及味道上的確是接近巴基斯坦式的咖哩，但 "接近" 並非就係，食入口嗒真啲，就明顯食得出系港式咖哩，咖哩孑夠香也不夠味，香料調配份量不恰當，牛腩夠入味，不是難食但極其量係 "巴基斯坦式" 煮法，味道係可以嘅，但就係有 "巴基斯坦影子嘅港式咖哩" ~ …查看更多

咖哩牛腩飯配咸檸七餐，係舖頭貼牆貼白板既推介長沙灣午餐黎講，$76唔算平，所以期望都高。而咸檸七可以轉返普通凍飲，但難得有特飲喎緊係照飲牛腩的確同牆上面所講係淋，亦唔「鞋」，數量都多。薯仔有半舊細。而咖哩就無咖哩味、無咸味，只有少少辣，唔似食緊咖哩。落單可以揀辣度，但出黎個辣度比預期少。舖頭只收現金或支付寶…查看更多

當你走進明德粉麵餐廳，那股濃濃的家鄉味就像一個溫暖的擁抱迎面撲來。位於九龍青山道524號地下，這裡不僅是一個吃飯的地方，更像是一段小小的旅程，帶你穿越到那個熟悉又親切的香港街頭。我點了招牌的蕃茄牛腩湯飯，一碗色澤鮮紅的湯底，看得我忍不住想要立刻大口大口地喝下去。但緊記上枱是熱騰騰的，要慢慢品嚐。🤭牛腩燉得軟爛入味，入口即化，帶著濃郁的牛味和番茄的酸甜，完美融合得天衣無縫。而那桂林辣椒醬則像是點睛之筆，一抹提鮮的辣味在口中炸開，既不會蓋過原本的鮮味，又增添了一點點火熱的刺激感，讓人忍不住一口接一口。除了湯飯，來一杯香滑熱奶茶更是不可或缺。熱奶茶入口細膩醇厚，奶香濃郁，帶點微微的甜味，暖暖的感覺瞬間驅散了外面微涼的天氣。喝完這一口奶茶，整個人都暖和了起來。十分值得一提老闆娘親切笑容和藹可親，如果你去超過一兩次，佢一定認得你，會主動同你打招呼溫暖的感覺🥰整體來說，$70元的價錢可食到飽飽。明德粉麵餐廳的菜式既有家傳的溫暖，又不失創新，尤其是蕃茄牛腩湯飯配上桂林辣椒醬，讓人一試難忘。無論是午餐還是宵夜，這裡都值得一試，保證讓你在繁忙的都市中找到一份屬於自己的小確幸。…查看更多

平時見到「明德清湯腩」，諗起嘅一定係清湯腩🥩 但原來佢唔止得清湯腩，仲有其他意想不到嘅選擇，所以今次就試咗佢嘅巴基斯坦咖喱牛坑腩飯正宗巴基斯坦咖喱 金牌咖喱薯仔坑腩飯 $72呢個咖喱帶有濃厚香料味，香氣十足🧂 唔係港式咖喱嗰種，而係比較濃郁同惹味🌶️ 醬汁夠稠，唔會水汪汪，拌飯一流🍚 牛坑腩唔夠爽，但夠腍，輕鬆就可以咬開，肉味都唔錯😋 薯仔就普通，偏硬少少🥔坊間唔少餐廳都有咖喱食，但有時會發現醬汁ok，食材就普通🙃 但呢度就做到咖喱同牛腩都高質，唔會有一邊拖後腿💯 雖然$72嚟講做lunch有啲貴，但以味道同份量計，我覺得都值得一試🔥 如果你鐘意香料味重啲嘅咖喱同牛坑腩，一定要試試👊…查看更多