Video
7-min walk from Exit F, Admiralty MTR Station
continue reading
Telephone
28208580
Introduction
The interior design is elegant and nature-inspired with large glass windows that fill the space with natural light. Every corner is creatively adorned as well. It specializes in the exquisite Fujian cuisine, offering signature dishes like Xiamen Ginger Duck and Popiah that are a must-try.
continue reading
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
*(Lunch - last order at 14:30)
(Dinner - last order at 21:30)
Above information is for reference only. Please check details with the restaurant.
About Reward Scheme
福建菜，又稱閩菜，係中國八大菜系之一，以清鮮、酸甜與層次豐富聞名，係香港唔太常食。今次朋友帶我去位於港島香格里拉的「茗悅」，一嚐福建菜嘅滋味😋！餐廳環境雅緻，入口綠意盎然，內裏裝修典雅，外面仲有露天泳池，舒適又有度假氛圍！前菜先來一個福建特色拼盤，匯聚五款小食，店員建議按順序品嚐，層次更顯： • 福州老酒醉蟶子：紐西蘭蟶子肉質爽口，以老酒醃浸，酒香清新，搭配青瓜片，胃口大開。 • 永春老醋海蜇凍：以花雕酒與紅酒醋泡製，海蜇凍晶瑩爽脆，口感清爽。 • 蟹粉蟹肉小金杯：以小金杯盛載蟹粉、蟹肉、香菜同柚子，鮮甜中帶點辣味，更惹味！ • 香酥脆蝦棗：外脆內嫩，蝦肉好鮮嫩，炸得金黃酥脆，香噴噴！ • 百香漬金瓜：酸爽金瓜片卷成花型，味道偏酸甜，醒胃又精緻。💛 廈門風味潤餅：薄韌餅皮可包裹九款配料，如五花肉、炒雜菜絲、鮮蝦、豬油渣、花生粉等餡料，另外可塗抹辣椒醬/芥末醬/甜醬油，層次好豐富！ 🦀 飄香紅鱘飯：係餐廳名物，選用菲律賓膏蟹與東北糯米，膏蟹份量十足，加入蟹膏、海味與蟹油蒸煮，蟹汁與飯粒融合，軟糯鮮香，令人回味。 🐮焦糖洋蔥汁燒A4和牛三角：用上A4和牛三角，脂肪量較多，肉質鮮嫩多汁，蘸焦糖洋蔥絲與蔥絲，更惹味！ 🐥 紅糟本地三黃雞：紅酒糟賦予炸雞皮艷麗色澤，外脆內嫩，微酸甜減油膩！ 🦐糟香麥片蝦：鮮蝦裹燕麥片炸至金黃，加入糟香更獨特，香脆可口。 🥬蒸釀豆腐盒拌山蘇菜：豆腐軟滑，釀入牛肝菌，搭配台灣山蘇菜，鮮香爽脆。 🥣青橄欖排骨燉響螺：湯水清熱開胃，加入青橄欖添酸香風味，排骨軟嫩，響螺鮮美，好清新！ 💚閩南桃膠銀耳四果湯配開心果椰蓉卷：四果湯清甜，含桃膠、銀耳、芋泥同馬蹄爆爆珠，口感豐富；椰蓉卷軟糯，開心果內餡香濃，為整餐畫上圓滿句點。
continue reading
很久沒有見兄弟 P 先生和他太太及兩位公子了。還記得10多年前和他們一家四口去澳門遊玩，他們兩位才10歲左右，現在最大的已經20歲，真的光陰似箭！今次敘舊，也約了蠻久的時間，一行五人抽時間吃飯，閑話家常，賞心樂事也：）今回自行點的餸菜多是餐廳新推出的福建菜系，也對我們菜式口味。先解說一下。福建位於華東至南沿海，古稱「閩」，地理位置包括廈門、福州、漳州及泉州，「閩菜」屬中國八大菜系之一，源遠流長。亦因為漫山遍海的關係，令到福建有豐富的物產資源，能夠做出好菜。沿海的優勢就是有豐富的海產啦！福建盛產多種海鮮如蝦、蟶子、蟹等，當地人對烹調海鮮也甚了得。另外他們亦常用發酵食品，如醃漬菜、紅酒糟等，為食物增添味道，這也是我欣賞的。本地坊間吃福建菜的餐廳也不算很多，今回做出「閩菜」風味，誠意可嘉。頭盤點了「福建特色拼盤」HK$168 一網打盡有福州老酒醉蟶子、永春老醋海蜇凍、蟹粉蟹肉小金杯、香酥脆蝦棗、百香漬金瓜：福州老酒醉蟶子以酒入饌，蟶子以陳年青紅酒醃漬，酒香溫潤不嗆，我覺得也能突顯貝類的鮮甜：永春老醋海蜇凍源自「土荀凍」，將土荀換成海蜇。永春老醋是中國四大名醋之一，酸香醇厚，海蜇凍晶瑩爽口，解膩開胃：蟹粉蟹肉小金杯靈感來自廈門薄餅，酥脆米皮做成撻皮狀，包裹蟹肉、蟹黃、洋蔥及畫龍點睛的清香柚子肉，濃郁鮮味與酥脆質感互配，漂亮又好吃：香酥脆蝦棗乃源於閩南傳統宴席「炸棗」，外殼酥脆，內餡以鮮蝦泥混入馬蹄碎，口感彈牙味帶甜，油香做到恰到好處：百香漬金瓜以熱帶百香果汁醃漬南瓜片，混上少許蔥油提香，酸甜果香平衡瓜類的粉糯，清新別緻：「廈門風味潤餅」HK$168 / 兩件，吃潤餅的習俗源自北方，屬閩南傳統食俗，有祈盼豐收之意，必吃：餡料有炸乾葱粒、肉鬆、紫菜、蝦、芽菜、甘筍𢇃、花生碎、脆米、芫茜等，用餅皮捲好，再配以甜醬、辣醬、芥末蘸食：非常地對我胃口，我也忍不住吃完整整兩件！口感豐富，餡料細膩，餅皮柔韌，鹹香中透出微甜，盡顯家常風雅，若不雖店員幫手包，自己動手也有樂趣： 「青橄欖排骨燉響螺」HK$268足料的福建民間滋補湯品，青橄欖清肺回甘，響螺肉帶來鮮味，與排骨共燉個半鐘，湯色清澈而醇厚味鮮，喉韻悠長：「糟香麥片蝦」HK$149紅酒糟一向是閩菜的重要味調料，此菜將麥片裹蝦油炸，再以紅糟提味。外層麥片酥脆帶酒香，蝦肉緊實鮮甜，烹飪手法巧妙地融合，好吃：「焦糖洋葱汁燒A4牛三角」HK$588 帶創意的小菜，焦糖洋葱的甜潤包著A4和牛牛肋骨肉片，脂香交融，醬汁濃郁而不掩肉香，質感軟嫩，送飯一流，連下面墊的蔥絲都好好吃：「紅糟本地三黃雞」HK$368 / 例紅糟再出場，用之醃雞是福州經典做法。三黃雞皮滑肉嫩，酒糟發酵香氣滲入雞肉，色澤嫣紅，鹹鮮中帶微酸：特意為小朋友們叫的蔬菜「豬油渣炒青瓜苗」此乃家常菜的升級版，豬油渣焦香酥脆，完全無油益味，現在已越來越少地方吃得到，又可讓小朋友感受得到一絲懷舊滋味。青瓜苗脆嫩無渣，沾滿豬油香，鑊氣十足，樸素中見真章：「精釀豆腐盒拌山蘇菜」HK$238 / 例豆腐盒釀入肉餡，外皮煎至金黃，再扣上芡汁。山蘇菜脆嫩微苦，豆香與野菜的清甘平衡，質感對比鮮明：「飄香红鱘飯」HK$888 / 例紅鱘大肉蟹的蟹膏飽滿，蟹油在蒸後滲入米飯中，米粒油潤鹹香，膏香豐腴：蟹拑的肉很甜，可說是今晚海鮮中的壓軸代表作：甜品「閩南桃膠銀耳四果湯 / 開心果椰蓉卷」HK$88傳統糖水改良版，桃膠與銀耳燉出膠質，搭配芋泥、馬蹄粒等果料，清甜滋潤，灑上金箔也顯貴氣：椰蓉卷中西合璧之作，椰香外皮包裹開心果碎：甜度剛好，口感煙煙韌韌，味道天然：這餐飯實在太飽足。整體而言，菜式既保留閩菜「山珍海鮮，清甜醇香」的本色，亦融入現代烹飪巧思，傳統與創新拿捏得宜。一個開心的歡𣈱晚上！
continue reading
1683 views
話說蕃薯Uncle又喺報紙雜誌度睇到幾篇專欄同時介紹新餐廳「茗悅」，金鐘香格里拉酒店主打福建菜，好似好high咁，所以就吹雞同大食會去試吓佢咩料。高級酒店華麗嘅餐室睇落好似一個大型嘅歐陸式客廳，相信冇乜人會估佢係食中菜嘅。年輕嘅服務生溫婉有禮，只係明顯經驗不足，面對住問題多多嘅XO仔每次都要問一問同事先答到。多人派對有長枱坐，兩、三口子就要坐偏矮嘅半梳化位。大部份嘅櫈係冇手柄位嘅，感覺唔係咁穩陣，個座位仲要凹咗落去，即使墊上咕𠱸都吊哂腳，好唔舒服，真係懷疑設計師自己有冇親身坐過！每位席上都擺有齊備嘅自用及公用餐具，企理衛生。埋位每人先有一杯清香淡雅嘅玫瑰茶以示歡迎光臨。據多頁茶牌所道，福建文化中茶比肉重要，因有解毒之效。故有別於一般中菜廳，茶錢並非以入座人數續位計，而係一人一壺咁叫，如應推介點嘅白牡丹就要$108/壺。有明火保熱嘅透明玻璃茶壺顏值就高，但值唔值依個價位呢？！小肥自認不懂品茶，所以絕對同意薯爺所講，百幾蚊飲壺唔識欣賞嘅茶，倒不如嘆返杯威士忌好過！網上訂座流程簡易，要注意一點嘅就係人多要俾訂金，而且部份菜式必先預訂。如果想自己帶酒，開瓶費為$800/樽標準裝紅、白、汽或清酒。多頁中英對照嘅餐牌及酒牌可於網上下載，招牌菜式均附配簡介及彩圖，非常詳盡。爺爺咁嘴刁，梗係一早諗定要食乜兼命令細佬訂埋啦！永春老醋海蜇凍（$88）：清涼柔韌嘅啫喱冷盤用咗魚膠同海蜇造出，酸酸甜甜中有個辣勁，開胃又醒神。香脆紫菜海蠣煎（$168）：迷你蠔餅好似點心咁細細件夠菂薂，加咗塊薄薄嘅紫菜包住雖則有提鮮嘅作用，無奈食落成口油，蠔仔量少兼唔夠肥嘟嘟，新穎嘅煮法似乎潮唔起！香酥脆蝦棗（$118）：炸到成粒糖形嘅蝦棗出面層腐皮看似比傳統版輕巧，敗筆在於油份過高，直令口感變得腍而不脆，個餡入面啲馬蹄同豬肉多過蝦蝦，食落係有馬蹄嘅爽脆但就欠缺咗蝦棗應有嘅爽彈，實有喧賓奪主之嫌，不如菜名索性改為「香酥脆馬蹄棗」方才貼切。閩南五香卷（$118）：同樣用腐皮包住嘅五香肉顯然冇咁油，個餡其實同之前蝦棗個差不多，都係爽脆嘅馬蹄最突出。廈門風味潤餅（$288）：傳統廈門菜式以錦盒呈上，睇頭十足！盒子中間為炒野菜，圍住嘅七彩食材包括炸米粉、海苔、豬肉鬆、花生糖、豬油渣、乾蔥、芫荽、鮮蝦；另配三色醬料為醬油、黃芥辣、辣椒醬；籠中為薄餅皮，歡迎貴客自選愛好嘅配料包出獨一無二嘅薄餅。DIY薄餅可以話完全唔合格呀，正唔正宗已經係其次，因為個薄皮餅又厚又韌，牙力勁到連碗都可以咬崩嘅S君直頭話咬到牙骹好似甩甩地咁，為牙骹健康著想根本冇需要作出無謂嘅挑戰！手工包心荔枝肉（$288）：酸酸甜甜嘅荔枝肉波波其實係用五花腩同馬蹄混出嘅豬肉丸，食落就好似「閩南五香卷」個餡搓成丸狀後炸出咁，請恕小弟直言，$288中嘅$170莫非就係手工錢？廈門薑母鴨（$588/半隻）：皮下脂肪唔多嘅薑母鴨最靚係層香潤軟滑嘅鴨皮，啲肉唔可以話嚡，只係唔夠鬆同軟熟，最奇怪就係用煲上竟然唔夠熱，大家都讚XO仔叻叻，只係叫咗半隻黎試。飄香紅鱘蟹米飯（$888）：用菲律賓膏蟹所蒸煮嘅糯米飯撈入咗蠔豉同蝦乾，油得黎味道偏咸，最弊係隻蟹好霉，唔得新鮮，完全唔掂當呀！豬油渣炒青瓜苗（$128）：青瓜苗係軟身啲嘅BB青瓜仔，食落有陣強烈嘅臭青味，唔知係咪青瓜苗嘅特徵呢？！散發著油膱味嘅豬油渣入口已經腍哂，毫不脆口，失敗透！家鄉海味炒線麵（$328）：炒線麵嘅麵條似米粉多過面線，當中嘅雜菜疑似「廈門風味潤餅」嗰錦盒入面攞出黎，物盡其用係好事，唯一玩尋寶遊戲都唔係好搵到啲海味，價格也未免標得太高了吧？！其實食咗咁多道餸已經知新店出品唔係咁啱自己口味，早就決定唔會嘥彈藥食甜品，不過長輩又講得幾有道理嘅，做事要有頭有尾，橫掂黎咗就一於試埋落去，所以點咗兩款推介甜品。嘻嘻，由於兩款金瓜手工芋泥（$68）及花生湯配油炸鬼手工黑麻糍（$68）均含果仁，小肥可以幸免，不過都影咗相相同讀者們分享。名牌五星級酒店新開嘅「茗悅」宣傳功夫做到足，無奈環境同食物都有個共通點，就係睇得唔打得！地方大同靚得黎椅櫈坐得唔舒適自在是為大忌也！以潮派手法烹調傳統福建菜餚係就係好有諗頭，不過問題在於廚師選材及基本廚功未到家，所謂全新創作均為阿茂結精，大食會各人一致裁定貴得冇道理，有人請都絕不回頭！
continue reading
中菜千變萬化，今次朋友介紹食福建菜果然別有一番風味😋🔸紅糟燒澳洲龍蝦🦞龍蝦可能食得多，以福建嘅紅糟烹調龍蝦則較少見😋🔸香酥脆蝦棗🦐外層金黃酥脆，入面剁碎嘅蝦肉濕潤彈牙😋🔸香煎鮮蝦芋頭餃🥟外形精緻嘅餃子上面有薄脆配以金箔點缀，餃子以蝦肉芋頭為餡，蝦肉結實帶芋頭香😋🔸永春老醋海蜇凍啫喱口感嘅海蜇凍，清新彈牙。🔸手工包心荔枝肉🟤豬肉包住荔枝肉，用咸甜嘅醬汁包裹住，好濃郁👍🏻🔸紅糟燒澳洲龍蝦🦞龍蝦炸得外脆內嫩，紅噹噹嘅紅糟❤️ 味道獨特但唔會搶過龍蝦嘅味道，兩者平衡得好好👍🏻🔸茶王煙燻脆皮雞🐓脆皮雞煙燻後散發淡淡茶香，雞皮好似薄脆咁脆卜卜，雞肉仲好嫩滑😋🔸福州山蘇菜🥬🔸泉州風味海鮮炆飯飯粒吸飽蝦肉、小貝柱嘅原汁原味，仲有脆脆櫻花蝦撈埋一齊食，脆脆口感又香口。🔸花生湯配油炸鬼，手工黑麻糍🔸芋泥冰豆花💜🔸蜂蜜石花凍除咗福建菜，呢度仲有唔同嘅茶可以品嘗，啱晒朋友聚會嘆美食，飲返兩杯靚茶😋🐾貓奴足跡🐾🌐茗悅 (金鐘)📍金鐘金鐘道88號太古廣場二座港島香格里拉酒店8樓
continue reading
2024年初開幕的茗悅，終於有機會試🤟🏻香港少有的精緻福建菜，好有新鮮感！拼盤好精緻，每個小碟而都好吃，橙色的是南瓜，不是紅蘿蔔😆糟香麥片蝦類似菜式係fullerton食過一次，因為好好食，記住左🤣今次呢隻蝦仲已經拆咗殼😍荔枝肉是需要預訂的菜式，酸酸甜甜，咬落去有點煙靭帶爽口，因為有馬蹄👍🏻海鮮褔建燴飯超級多餸，飯底係用菠菜炒～不錯！甜品就正常發擇～食物味道確實好味，環境都舒服優雅，唯獨⋯服務有很大進步改善，有禮貌但不主動⋯當天餐單🤟🏻福建特色拼盤 ▫️永春老醋海蜇凍▫️閩南五香卷▫️百香漬金瓜▫️福州老酒醉蟶子▫️蟹粉蟹肉小金杯糟香麥片蝦手工包心荔枝肉海鮮褔建燴飯花生湯手工黑麻糍閩南桃膠銀耳四果湯*生日會送長壽麵，不過不要期望🤐免費送贈就不應該有意見
continue reading