明明車仔麵專門店 (軒尼詩道) (軒尼詩道) (Moved) New Location

本人剛剛(即3月27日）大約下午一時到明明車仔麵灣仔店購買兩碗招牌麵，店員態度極之惡劣，講嘢冇尾音，眼尾都唔望你一下；由於以往只試過堂食沒有外賣，剛踏進店舖便向收銀枱職員表示想買兩碗麵，職員沒有說一個字變指向外賣紙，然後我話：哦！原來要自己寫紙，然後我問：請問可唔可以比八達通，然後店員用好很快速度及冇尾音回答冇八達通Alipay WeChat paid,期間從沒有眼神接觸，及後我以Alipay付款成功，店員也沒有理會我，我自己向店員表示我已付款成功及在店內等候，就算碗麵幾好食我都唔會幫襯第二次.我知道雖然兩碗面唔係咩大生意，但我始終都係客人，作為飲食業一啲店員基本禮貌都冇，作為客人對此店非常不滿。但真心講，食物味道質素不錯，咖喱魷魚、酸齋、糖心蛋也做得十分出色，但如果下次光顧要我受這樣的氣，我情願唔食了。

明明車仔麵專門店｜灣仔算係幾抵食嘅車仔麵，啲餸價錢劃一，47蚊就有4餸，每樣餸嘅份量都幾多😋四餸車仔麵$47柱候牛腩、牛筋、豬大腸、南乳豬手 配烏冬牛腩都幾大舊🐮炆得好淋，每舊都有少少肥肉，食落有牛脂香，唔怕乾爭爭，牛筋都夠晒軟稔入味，豬大腸有滷水香，洗得幾乾淨，唔怕有異味，仲保留咗啲肥膏😋豬手都好淋，不過啲豬毛就未處理好，同埋南乳味唔重，比起之前嗰幾款餸就比較遜色🙊湯底揀咗加滷水汁，甜甜地幾好味，不過食完都有啲口乾💧粉面嘅選擇都唔少，今次就揀咗車仔麵少有啲嘅烏冬，都唔怕煮得過淋🍜

疫情之前，食晏時間呢間餐廳嘅門口都排滿人，依家明顯少咗好多人因為wfh，好耐冇食lu，得得唔洗等咁耐叫外賣翻去食。$42 三餸車仔麵，餸都有好多款選擇，而我就叫咗肥牛雞翼同紫菜配河粉要蒜辣汁～碗麵都算大兜，有兩隻雞翼同一堆肥牛同紫菜，唔會話得兩塊肥牛，都算抵食！佢哋嘅蒜辣汁係咁多汁最好味（係啱我心意），好香蒜味但帶有辣味，但又唔會好辣，啱哂唔想食好辣但又唔想清湯車仔麵咁齋冇乜味，而且唔係間間車仔麵都有蒜辣汁

初四返工真係唔知有咩地方食野, 同事介紹去一間叫明明既地方食車仔麵!一黎到已經有好多人係外邊等外賣, 我選左米粉配沙嗲醬同埋配菜方面選左豬紅, 糖芯蛋, 菲菜同冬菇 $47 仲要包紙包飲品, 其實都幾抵拎左8分鐘左右返去, 發現的湯只有得三分之一, 應該唔係比麵吸乾呱...豬紅一的都唔"蘇", 糖芯蛋非常糖芯好好食又滑, 菲菜都幾多而冬菇十分入味, 沙嗲醬亦好味(但唔係自家配), 整體黎講好唔錯! 當然味道黎講比起麵尊黎講都仲係麵尊勝, 但如果價錢同食物質素黎講, 呢間明明性價比都高既

好足料好鍾意豬紅同咖喱魷魚！魚蛋都ok好好食鹵水湯底唔錯油面都正常發揮！加上外賣自取有送野飲！建議提早手機下單～去到點因為食飯時間，都要等多陣可能有十幾分鐘以上

🔸米粉，蒜辣揀咗豬紅、酸齋同瑞士雞翼🍜 豬紅入味但口感無麵尊嘅豬紅咁嫩滑，酸齋同雞翼都夠入味，但似普通滷水雞翼多過似瑞士雞翼😂 蒜辣幾香，同米粉好夾😍😛🔸粗麵，咖哩辣揀咗蘿蔔、鯪魚肉同咖哩魷魚🦑 蘿蔔多汁又入味，仲有蘿蔔本身清甜嘅味道，咬落爽口無渣💯 鯪魚肉同咖哩魷魚就正常發揮😂 咖哩辣比起麵尊就淡咗啲啦😂

係某APP上預購了優惠套票,4種配料包飲品一杯預購會平幾蚊,之前有優惠所以預購左今次專登過黎食麵條有幾種選擇,米線,米粉,河粉,公仔麵等等,另有大什麵招牌麵最平3料一麵起 接近40種配料任選,丸類,滷料,雲吞牛腩等等今次先試雲吞,咖哩魚蛋,牛腩,蘿蔔,包飲品一款配料放滿,食完料已經七分飽,好足料,雲吞皮夠薄,餡係肉餡,一口一隻牛腩滷得入味軟淋,無筋,魚蛋香辣惹味,最正一定係蘿蔔,清甜無渣平平地湯底又夠濃味,抵食之選消費$50明明車仔麵專門店 (軒尼詩道) 灣仔軒尼詩道290號德華大廈地舖

好耐冇食車仔麵, 近排唔知點解突然好想食啲咁重口味嘅嘢食於是晏晝就去咗明明食車仔麵<自選車仔麵>麵底方面, 大細妹今次就揀咗烏冬因為之前食過丸類, 覺得唔係好好食, 於是就嗌咗明明比較有水準嘅豬大腸、魚皮餃、酸齋同響鈴湯底就揀咗沙嗲醬一開始嘅時候, 比少咗魚皮餃, 之後大食妹再追番, 但我過黎嘅魚皮餃凍凍地呢隻魚皮餃有少少鹹, 味道一般酸齋幾大舊, 味道唔錯響鈴索曬啲沙嗲汁, 超好食豬大腸肥瘦適中, 但冇上一次食咁入味<樽仔奶茶>再飲番支甜甜嘅樽仔奶茶, 就更加完美啦

價錢同其他地方差唔多，$42 有3餸1麵，$9 罐汽水。餸嘅選擇都幾多下，叫左豬大腸、豆卜、蟹子丸米粉。食物普普通通，無咩特別出眾，普通一碗面，不過份量有啲少。勝在地方乾淨、座位闊落，唔似普通面檔擠逼喧鬧。

見到門口幾多人等叫外賣，橫掂今日想食車仔麵，驚佢裝修比較新，於是就入去堂食夏天來講入邊冷氣都幾勁，但係見到餐牌都易明，我因為唔想揀，就叫左個大混集，乜都有，諗住第一次就試吓佢哋嘅招牌。可能太多人，等咗10分鐘個面先煮好，以價錢來講嗰碗麵唔算多，啲餸都唔係特別高貴，要講比較出色嘅餸應該係酸齋，非常之新穎，而且又會吸到少少湯汁，又開胃，其他嘅餸都係牛腩同埋雞翼，正常發揮。因為口渴，就叫咗佢哋嘅樽裝奶茶，整體來講茶味香濃郁，入口滑溜，但係始終落太多糖水，有啲搶奪左紅茶嘅茶味，但係第一次可以試吓

慎買！ 超小份量難食車仔麵Staycation 期間見到orenrice有間車仔麵，見到有淨餸，走碳既女士福音啦。打去問老細，已聽到態度衰衰地唔緊要，野好食就得。點左7個淨餸，各10蚊，呢兜野70蚊就係你眼前見果兜，連湯我拎上手心諗點解咁輕已知伏！ 上次第二間分店抽上手連湯成1kg 咁重呢度預先得500g左右一返到酒店打開啦 哇 同男朋友X出聲！D料少到 睇得出老細唔捨得比咁 二黎 仲要好難食呢 花菇得3細粒仲要未發開，係咩事呀？！湯🥣亦超少 拎到返酒店已凍。難食到無下次。同見到門市衞生好一般！

明明車仔麵喺我心目中嘅優勢一直都係開得夠夜。好多時候其他舖頭9點已經last order或者準備收鋪時，明明車仔麵仲會開到凌晨，簡直係夜收工嘅人嘅救星。而其實明明車仔麵嘅質素都不容忽視。食過幾次，第一樣抵讚嘅就係啲料比得好足，見到就算係外賣，啲豬紅至少有六七舊，直頭有種驚喜嘅感覺。麵底我就叫咗加底嘅，不過就算唔加都應該夠應付一般人嘅食量。可能米線始終唔係車仔麵嘅主打，口感其實一般般（反而呢度嘅烏冬都唔錯），但係啲配料無論係味道定份量都很好，值得推介！btw外賣會送一包紙包飲品添！

日日食飯食到悶，今日想食下麵，諗起呢間平時 lunch經過都幾多人，決定去試一試佢，都幾多人，等左兩個字鬆啲先拎到外賣🌚車仔麵黎講價錢我覺得算公道，叫左個四餸麵，$47，加底加$8，total $55。我就叫左油麵，貢丸，肥牛，豬軟骨同咖喱魷魚😋啲餸既份量令人滿意，兩粒貢丸，三四片肥牛同豬軟骨，同埋佢好似所有餸都係同一價錢👍至於油麵，都有少少彈牙，唔會係煮到超爛個隻總括黎講，我覺得呢間既CP值算不過不失，係灣仔lunch想食麵可以係一選擇

要食得健康，不如就食車仔麵之前一路有聽人講明明車仔麵非常之好食，但係Fatbrown 對車仔麵嘅好奇心真係唔係好重，覺得食咗咁多間，其實都係差唔多味道難得今日一個人食飯，又唔知食乜，咁就走去試吓啦<三餸麵$40>由於食飯前食咗啲小食，唔係好肚餓，所以叫個三餸麵就得啦三餸麵嘅份量其實真係唔算好多，如果係男仔嘅話我覺得應該要嗌個四餸麵加底先夠豬大腸真係必叫嘅，入味又夠林，食完返尋味冬菇都好入味滷水汁超好食個湯底揀咗滷水汁，幾錢但應該系冇味精系列，可以在一時

同同事一齊黎食，試下最簡單ge 餸啦呢度都算多餸揀，我地唔想食太多肉，所以都簡左偏向素食ge餸黎食,落左單好快碗麵就送到黎，都幾高效率兩個人都係揀四餸一麵 ，我就揀左甜酸齋腐皮白蘿蔔同埋紫菜滷汁米線同事就揀左溏心蛋腐皮響鈴同埋紫菜沙嗲汁油麵啲料同麵份量都唔少，米線質地唔太硬唔太軟食落岩岩好，腐皮蘿蔔紫菜味道都唔錯，甜酸齋就醋味多左少少，不過大致都唔錯而價錢係同區黎講都算幾平，想平平地食一餐ge 話呢度都係一個唔錯ge選擇