明將迴轉壽司餐廳 (Closed)

仲記得以前中學既時候，成日去食明將任食壽司，貪佢夠平嘛，雖然成日比人話係地獄壽司，不過我覺得，明將始終都有ｄ壽司係擺得入口，而且味道都唔錯添！見差唔多幾年冇食，早兩日經過明將，就決定上去食一食，希望勾起少少回憶。依家既明將，已經冇晒比人講既地獄壽司，就好似紅豆軍艦咁。由以前到依家都係，黎呢度最中意食既唔係三文魚壽司，而係蛋白沙律壽司。蛋白沙律配有少少既蟹籽，新鮮整既話仲係冰凍既，簡直一流。除左可以係條輸送帶到拎壽司黎食，其實可以落ORDER，所以我都幾中意落order點壽司，可以食自己中意食既壽司嘛。食得壽司，當然要食三文魚壽司啦！相比起以前，依家既三文魚壽司，塊三文魚大塊好多，起碼cover晒舊飯，亦都算係新鮮。此外，仲有一ｄ壽司都十分推介，好似立魚，甜蝦，玻璃蝦等等。亦因為我覺得呢Ｄ壽司都未算好差，所以係我會食明將既原因。食果時仲見到野飲半價，即刻叫左杯蘋果綠茶黎飲，都幾甜，有少少椰果係底，都唔錯。食左都差唔多十幾碟，已經飽飽地，埋單＄７０左右。整體黎講，其實明將都唔係好恐怖，有Ｄ壽司其實都唔差！

都有好耐未黎過明將打大佬啦，自從西九樓上執左之後，呢間順理成章多左好多人排隊，星期六七點幾等左半個鐘先入到去。壽司味道黎得明將就一向都無咩期望，比得甘既價錢任食大家都心裡有數啦，對比以前依家舊飯大左，三文魚質素略有改善，八爪魚仔終於見到係成隻而唔係碎，中場間中會有啫哩同燒三文魚頭供應，埋單64蚊位，食量唔多既朋友就唔好黎啦，唔係甘抵

來了深水涉的明將迴轉壽司餐廳吃，可話港式日本餐。這裏的芝麻八爪魚壽司吃了三碟，很奇怪在晚上後期出的才是大隻D而且幾爽口，前期出的沒有咁大隻爽口。炸三文魚骨腩，是多了油份比較膩了所以一人前只是一碟就夠了。墨魚壽司都大大隻，不過無芝麻八爪魚壽司咁爽口咁好食。這個炸春卷油份多了且味道一般，可食可以唔食。熟的芝麻三文魚壽司賣相吸引屬良品，數量不算多一出都幾大件，味道可以咀嚼易溶化，吃了三碟。切片三文魚刺身壽司，推出數量少、味道味甘爽口，很多人取所以轉三圈就無了。海螺壽司，可話推出數量是最多，有時海螺大大粒，味道OK爽甜。蛋白沙律壽司，夠新鮮而且味道不俗，不過不是貴價物一碟就夠了。粹三文魚生壽司，味道味甘爽口當然沒有切片三文魚刺身壽司的吸引。燒鰻魚壽司，味道麻麻未至於差，唔好食。這裏間中有點西米露推出。沒有拍照的燒三文魚鰭，又是油份多了，覺得一碟就夠了。這裏的壽司味道質數OK，有選擇中比較好。

所謂"平生不到,縱稱食家也枉然",今日终於挑戰"劣食"明將...不過唔係去西九龍果間（已執）...係深水步果間，佢既名氣相信好多雜誌報紙都比寫過食評，所以親佢Ｄ店未關晒前黎挑機。3:00幾時段冇人。有三文魚,必拎,基本上喱到最值錢同較好食既壽司就係三文魚,三文魚好薄,少少乾,味道好一般,d蝦真係好鬆散!螺肉,都一般,留意到好多花款唔同既碟~!饅魚.....味道唔似饅魚.....!據聞係明太子沙律.....口感爽爽地,不過都乜味~!八爪魚,正常既味道~!墨魚...說不出的難食~!沙律壽司,味道正常啦~!一定唔會係好食，不過味道又唔係好得人驚，有正常有一般，不過好可惜既係食唔到佢最出名經典既紅豆壽司.....下次再去真係要試下了。

我見到好多人都話西九明將好難食,所以我同朋友來試下喺附近既呢間明將有冇咩唔同。我都食過明將,知道要等位,但係今次就要喺馬路邊等佢...佢門面真係好細,逼住d人要食塵等位...等左一陣之後,終於入到去食。食食下見到舊"擦膠'壽司,我就好勇敢試左一口... 嘩,真係好難斷,而且最恐佈係冇味,你唔知自己食緊d咩...之後有個人係度捧住西米露叫賣,我地叫左一人一碗。其實我食得出佢唔係好新鮮,而且好稠, 稠到妳似係粥咁。不過喺壽司放題既食肆食到甜品,其實我覺得ok。值得講既係,以前佢會無限提供茶包,而家你要特登問佢先有...同埋呢間名將既食物味道尚可,唔會有之前d人食明將食到有好大腥味,不過真係唔好點要擦膠壽司...

壽司有一般的三文魚、蟹籽、八爪魚、墨魚、味附螺肉、鳗魚、蛋沙律、中華沙律、沙律罐頭吞拿魚、甜蝦、炸蝦、炸蝦、腐皮和粟米等。還有比較少有的希靈魚、雜果、豬肉鬆壽司。我吃的不多款式，如三文魚壽司，以這個價錢是可以接受，當然飯的質素也不可有要求，起碼它不是用不常煮飯的米，不過只此一次。腐皮、中華沙律、希靈魚、蛋沙律、沙律吞拿魚壽司味道不錯。味附螺肉及味附帶子裙邊少辣不夠麻油味；豬肉鬆壽司的豬肉鬆份量不少，可惜過鹹，且因豬肉鬆是很乾的食物，所以連續吃會口乾。還有要落單的煎文魚頭，香口不錯；碗仔翅有少許肉絲，沒什麼味道，真的夠健康。由於是用同一個蓋重複蓋不同壽司，沾了醬汁又沒有先清潔，所以感覺不太好。

今日俾朋友夾硬拉左去明將，真係超越我既底線！先唔講佢張所有平時既配菜變哂做壽司，包括中華沙律，味附螺肉，佢更有雜果沙律，都算，味道同出面既差唔多...估唔到魚生仲伏！所有 切位一岩一忽，都唔知佢係咩刀功！魚生細塊唔新鮮，d飯仲要好硬，用機bear出黎既，重要落好多壽司唶，所以D飯比較酸同黏, 真係唔會再食！

是咁的，今日我就尼到深水埗挑戰明將壽司，甫到店前就見到一班在等候，我想都係同我一樣既不知天高地厚既人，敢用區區人類既軀體去挑戰明將既壽司。但係我其實係一個有多次挑戰明將而且幸存下來既生還者，今日我要挑戰更重口味既野，一於食窮明將。等左二十分鐘，終於可以入去打大佬，一坐低，就橫掃運輸帶上既壽司，三文魚，鳗魚，蟹籽，中華沙律，味付八爪魚等等，對於我身經百戰既明將戰士尼講，呢d sushi只係一d無名小卒，二三下散手就殺掉。呢d咁既貨色，尼多十萬大軍都遊刃自如。就正如rpg 中既史萊母咁 一刀一隻，完成傷唔到我一根寒毛。打得多小卒都悶傢啦，等我叫侍應尼上番幾碟中boss先，先尼既係倩魚。一口咬落去，唔錯倩魚中帶有一種海洋既腥味，比我一種接近海洋既感覺，咬多下，仲有一種彈牙既口感，彈牙既魚肉，非常好。下一碟係墨魚，明將既墨魚非常有特色，有一種異常既彈性，比得上我食既香口膠，令我食一種食物，有兩種感覺。仲有墨魚咬落一種膠袋味，我想這是墨魚無聲地控訴海洋的污染。接下來到打大佬了，上希靈魚三碟，希靈魚- 是明將令眾人所恐懼既big boss。我一定要打敗你。我吃了第一碟，感覺它的氣味在我口腔同喉嚨擴

今日俾朋友夾硬拉左去明將，真係超越我既底線！先唔講佢張所有平時既配茶變哂做壽司，包括中華沙律，味附螺肉，佢更有雜果沙律，都算，估唔到魚生仲伏！所有 切位一岩一忽，都唔知佢係咩刀功！魚生細塊唔新鮮，d飯仲要好硬，用機bear出黎既，重要落好多壽司唶，真係唔會再食！

明將近來聲名遠至日本也為人熟悉，更是香港壽司的代表之一，可惜西九總店最近結束，仿佛少了一個重大地標為左滿足朋友對明將的欲望，所以選擇了西九樓下對面的明將，再戰光明頂這家明將面積細總店很多，但仍保留著風格，有回轉帶運載壽司，而且也有窗口位可以看到對面的西九龍廣場，別有一番意境可惜當天到達時已坐滿近半，只有入面的座位我們拿起茶杯，裝好熱茶(雖然茶包條線斷左...)便開始我們的冒險了三文魚壽司因為回轉帶沒有,所以向待應點了三文魚方面質素覺得不錯,問題反而是飯,既硬,也有些是暖的...蟹柳壽司其實也不錯,不過配的是芝士,就帶不出蟹柳的味道,配沙律醬會更好沒有相片：炸蝦壽司本來個人最鍾意的壽司，但是．．．沙律醬的份量過多，大幅影響食感蟹籽壽司喜歡的壽司之一，不過不失八爪魚壽司在日本的話，是八爪魚獨自上的，但在香港卻成了軍艦，雖然外表麻麻，但是味道夠濃，個人覺得不錯粟米壽司香港特式的壽司，不過不失饅魚壽司一般質素什果壽司唔錯，雖然生果同白飯，紫菜分得清楚，卻又能食到兩種味道蛋沙律壽司沙律唔錯，所以幾鍾意總結來講，明將本身的質素仍可接受，其實唔去挑戰大佬級壽司的話，當普通一餐仍可接受，但最大的問題是

今日就等小弟發輝斯巴達精神吧！殺呀殺呀！食窮明將！一下子衝去深水埔，殺入陰州街，片呀片呀！一坐低擺好陣扎好馬，寫戰書落菜單，三文魚蔓魚多春魚吞拿魚蝦肉蝦子帶子玉子軍襤中華沙律豆皮蟹柳全不放過！三文魚，個賣相嚇到俄跌劍，凹凸不平的表皮，極度粗糙的橫切面，橙如鮮橙色的魚肉，oh my god!蔓魚，個外型慌似棺材蓋上有黑布，很乾的口感，很粗的肉質，粗肉與乾飯，不平衡的配搭，幹！多春魚，慘死的魚曬成乾，死狀什為恐怖，油份過多，似油鎮死魚，味道卻不錯，yeah!吞拿魚，很乾的紅色腥血片，要自行放醬油浸一陣先有勇氣生吞，靠！蝦肉，這是小人國的故事嗎？為何蝦如蝦米般大細？蝦子，放越耐越好食的嗎？臭的！帶子，這未曬乾的為和同曬乾的還細？玉子，這是仿魚片嗎？為和蛋可以無蛋味？豆皮，一般。蟹柳，一般。沙律，一般。服務，一般。衛生，一般。輸了，壯烈地敗了…

極之難食！！成條迴轉帶又無壽司！有壽司果時人就好似去搶野咁！d壽司又係可以用壽司乾來形容！八爪魚蟹子又係乾既！落order 又漏單！！等左好耐再三追問先知漏單！奉勸大家千祈唔好去食！

等位用左10分鐘左右~賣相差少少~好似中華沙律咁;; 好大捆咁放上d飯度~紫菜比較淋,,比較難咬,,搞到我d飯散晒(好似吾關事架可@@)d飯好似大左d~如果細d就好啦~好似甜蝦壽司咁,,d料佔飯既一半area都...冇食落好dry...不過好既就系,,你叫幾多,.,佢地真系比幾多你,,,冇漏單

跟男友23個月, 見食過唔少好野, 就膽粗粗來一嘗地獄滋味 - 結果都真係幾地獄. 雖然難食, 但食得好開心係咁笑 : D一上到去發現環境麻麻, 坐得好迫唔太舒服. 之後見侍應全部都發晒"牛豆", 企我地後面都聽唔到我地叫唔該, 要揮晒手先見到-_- 而服務態度亦是一般啦.還記得坐左一輪, 望住前方d碟一直走都無一碟拿得上手. 於是由餐牌上點, 不過質素都唔差得太遠..... 總括而言, 飯太多太實 (但又易碎?!), 食材勁欠新鮮.- 三文魚壽司: 肉質唔夠肥唔相干, 最怕佢 霉 dum dur!- 饅魚壽司: 有好大條骨, 醬汁味道欠佳- 甜蝦壽司: 手忙腳亂下delete了相. 但似麻將的一索XD 好心甜蝦咁細, 飯都合比例地少啦 /_\- 炸帶子軍艦: 只得炸帶子想食- 炸多春魚壽司: 好難頂, 炸粉變軟令其咬唔開的...- 蟹柳壽司: 蟹柳好乾仲有碟唔知乜野雜果沙律pancake, 唔敢食..最正都係茶.

去明將都知道乜料，所以其實抱住送死嘅心態去食，食嗰陣都會寬容啲﹗服務又無乜嘢，OK普通，無大家所講咁惡劣。係慢咗啲，但無乜錯漏。壽司飯熱熱哋，已經碎料﹗賣相都無乜要求﹗但見到啲蓋，又殘又爛，曚查查，已經唔可以叫做透明。仲有啲飯粒同埋第二碟壽司嘅遺留物，掂都唔敢，可能就係驚你食得太多...蟹柳壽司同玉子壽司算係咁...入得落口...三文魚壽司，三文魚夠薄又細細件，食咗等於無食就一定唔會，因為飯嘅比例大好多...多春魚壽司，條魚好長...加州卷啲蟹籽，好似紅咗啲，有啲似仿製品....粟米沙律軍艦，都驚驚地，不過逐粒逐粒粟米放落口，都唔難食...極品嚟啦...吞拿魚壽司，成PAT 嘢，好似人哋整再造紙啲漿咁，唔敢食，所以無食。炸帶子壽司，好乾好霉，炸帶子配壽司已經好怪，放落口真係咬唔落，好難食，食完暈暈地。中華沙律，好似雜草叢生，吊哂出嚟，掂到啲蓋，更加唔敢食。最後有啫喱，呢個最OK，好正常，同行朋友都狂食，溝淡其他食物，而且都無乜好選擇，可以一試﹗食完，都想盡量食多啲，因為有一段好長嘅時間都唔會再嚟﹗但暈暈哋，唔係好頂得順，再食可能第二日返唔到工。