Ming Court (Cordis Hong Kong)

聽日訂咗團餐食中菜 係米芝蓮嘅明閣平時食米芝蓮覺得都未必一定係好食，今次食完明國就覺得呢間就真係值得你第一道餸係叉燒拼海蜇海蜇份量唔少 彈牙厚實 撈左輕輕嘅麻油香 唔錯叉燒果然係招牌黃金比例半肥瘦外皮嘅焦香燒得啱啱好香得來唔會燶真係想食多幾舊第二道餸係黃金海鮮羹好濃郁嘅芡佢有好多海鮮粒，感覺有少少龍蝦添淡淡又不失厚實嘅南瓜湯底 熱辣辣不得滿一碗食到舔舔脷亂晒胃花菇鮑魚亦都唔會令你失望，平時唔係特別鍾意鮑魚嘅都覺得好好味 鮑魚整得好腍，而且好香花菇亦都好厚實得來軟綿綿又係出色嘅一道菜見到佢瞓呢條魚嘅時 嘩好鬼大條啊淨係食一個背脊位都覺得好鬼滿足，雖然我唔鍾意出街食蒸魚係會淋蔥油 。因為好油膩。不過呢個個人喜好條魚火候都OK 炒飯嘅質素就普通啲啦，似係正常發揮，叉燒當然唔會用頭先嗰啲咁靚嘅叉燒🤣後面嘅炸子雞唔記得影 不過比想像中好🥰因為啲雞肉好嫩滑整體而言比5分滿分，環境一流 仲有服務都係完全一定五星級🥰🥰😘超貼心勤快嘅侍應好滿足甜品仲有蛋白杏仁茶好香 不過太飽就食唔晒🤣🤣…查看更多

提前慶祝母親節，妹妹在康得思酒店的中菜廳明閣預訂了座位吃晚飯。獲安排坐房內圓桌，座位寬闊舒適。沒有點套餐，選擇散叫菜式，可點多些喜歡的食物。茶芥是$33/位，茶水以燭火一直溫著，不會冷掉。餐前小食贈送的琥珀合桃酥脆可口。至尊蜜汁叉燒是明閣的招牌菜，甚至有推出外帶禮盒裝。叉燒燒得微微焦香，肥瘦均勻，肉質軟稔，鮮味濃香又有肉汁。七味金磚豆腐外脆內嫩滑，外層灑上七味粉，口感絕佳又夠惹味。遠年陳皮和牛面頰，醬汁香濃，滲雜陣陣柔和陳皮香氣。牛面頰微韌，如能炆煮得更為軟稔有嚼勁會更好吃。酥炸釀蟹蓋 ($328/位)同樣是明閣的招牌菜，大大隻的蟹蓋，外層炸得香脆。敲開炸漿，內裡是滿滿一絲絲的蟹肉，餡料簡簡單單的只有蟹肉、洋蔥和忌廉，嚐盡蟹肉鮮味！明閣與本地公和荳品廠聯乘推出期間限定「豆韻飄香」嚐味菜單，公和淡豆漿豆腐卜銀杏杞子鮮百合浸時蔬是其中一道菜式。這道素菜以公和無糖淡豆漿作基底，搭配白果、杞子及鮮百合，選料健康。菠菜鮮嫩無渣，吸盡豆漿味道，豆香濃郁，長輩們都喜歡這道菜。南丫蝦乾蝦膏芥蘭煲，煲仔菜熱焫焫夠鑊氣。大廚選用南丫島的本地鮮曬蝦乾及蝦膏，充滿鹹香味道，入口惹味而不過鹹。窩燒蔥香鵝肝A5和牛炒飯，用料十足，每啖飯都吃得到油香十足的和牛，搭配軟滑鵝肝，盡是滋味。頭抽生浸豉油雞(半隻)，豉油雞用生浸方式處理，下單即製，需時45分鐘。若要嚐此道菜，必須早早下單。雞件啖啖肉，雞皮爽脆，肉質嫩滑又入味，不用額外加醬油。進入甜點部份，薑汁桃膠燉鮮奶 ($68/位)，燉鮮奶順滑而不會太過水漾，帶淡淡薑汁香。桃膠浸發得夠透，軟稔得來又帶點咬口。椰汁抹茶馬豆糕是我比較喜歡的甜品，椰汁馬豆糕軟滑，馬豆夠稔身，面層的抹茶微微甘苦又香濃。新疆棗皇糕，蒸得太過濕又軟稔，不是我所喜歡的口感，所以有點失望。擂沙湯圓的內餡是流心芝麻餡，惟湯圓同樣太過軟稔，流心餡又過於水漾。這頓晚飯，小食、主食、蔬菜等均令人滿意，惟甜品確實仍有進步空間。…查看更多

週末過嚟食點心嘆茶，唔係好多地方有龍井，點心一如以往嘅高水準，蝦餃唔係市面一般落咗甜味精嘅味道，今次陳醋鱈魚粒份量少咗一點，但係雞扎嘅份量又多番啲，龍蝦餃嘅孜然味重了一點，掩蓋了蝦嘅鮮甜，相反三隻餃入邊嘅蟹肉味就好豐富。叫咗新出嘅公和豆腐芝麻凍糕，食完之後嘅感覺令我一定要寫呢個食評，我唔係好喜歡芝麻類嘅中式甜品，但呢個凍糕不論味道配搭賣相口感，可以話係中式甜品嘅五星級，作為整餐嘅結尾部份，堪稱完美。…查看更多

今日試吓restaurant week晚餐。今晚有七道菜，內容豐富。餐廳有米芝連一星，位於五星酒店內，裝修富麗堂煌，感覺舒適安靜。前菜是陳醋冰鎮車厘茄、蜜汁叉燒、松露鳳梨乳豬。車厘茄爆汁，酸酸甜甜的，好吃；蜜汁叉燒厚切，香甜軟糯；乳豬又脆又香，夾上菠蘿，又多點淸新氣息。炸釀鮮蟹蓋：這蟹蓋真可口，脆皮下滿滿是香嫩的蟹肉，鮮美可口又creamy! 啖啖肉，真材實料！正！龍蝦瑤柱魚子醬海皇羹這個海皇羹十分淸甜，每一口都有彈牙龍蝦和海鮮，口感香滑，湯羹厚薄得宜，正！麵豉焗銀鱈魚伴柚皮這個銀鱈魚皮脆肉嫩，加上惹味面豉醬，十分可口，夾上柚皮，味道清新，平𧗽了膩口感覺，好。濃湯鮮竹花膠絲浸時蔬這個浸時蔬的湯汁鮮美，番薯葉軟滑，不錯。原隻鮑魚瑤柱燴飯這個燴飯真係正！不單有高湯汁底，仲有鑊氣，不油膩，加上脆米口感和軟滑鮑魚，真係正！楊枝甘露香芒糯米糍香芒糯米糍香軟，有鮮芒果香，楊枝甘露香滑，甜美細膩，不錯。…查看更多

明閣果然是米芝蓮一星，環境高雅、地方寬敞，入到去就覺得古色古香，比香港其他分店更有feel。趁住 Restaurant Week，梗係要試吓佢哋嘅 Dinner Menu。1. 前菜三重奏特釀梅酒5度陳醋冰鎮車厘茄：酸酸甜甜，冰冰涼涼，開胃一流。至尊蜜汁叉燒：香甜而唔膩，肉質軟腍，啱啱好。松露鳳梨乳豬件：乳豬香脆，松露加鳳梨令味道更有層次，好有創意。2. 酥炸釀鮮蟹蓋（招牌必試）: 大大隻蟹蓋炸到金黃香脆，一敲開就見到滿滿蟹肉絲，餡料簡單：蟹肉、洋蔥、忌廉，蟹味濃郁，入口即化，好正！3.  翠塘龍蝦瑤柱魚子醬海皇羹 : 龍蝦肉彈牙鮮甜，魚子醬帶少少鹹香，羹湯濃郁又鮮美，好有層次。4. 古勞麵豉焗銀鱈魚伴蝦子柚皮 : 銀鱈魚肉厚嫩滑，麵豉香味唔搶魚味，蝦子同柚皮加埋，鹹中帶微酸，好特別又醒胃。5. 濃湯鮮竹花膠絲浸時蔬 :  竹絲花膠滑溜，湯底鮮甜濃郁，蔬菜清脆爽口，平衡得好好。6.  原隻鮑魚瑤柱燴飯 :  鮑魚有咬口，瑤柱味濃，飯粒吸滿湯汁，好滿足。7.  甜品 :  楊枝甘露：甜而唔膩，芒果味香濃，好清新。香芒糯米糍：軟糯帶果香，完美收官。整體嚟講，明閣唔止係食得開心，環境舒服，無論食材新鮮度、味道層次同擺盤，都有米芝蓮水準。…查看更多