253
6
3
7-min walk from Exit C, Hong Kong MTR Station continue reading
All Branches (3)
Telephone
21800768
Introduction
This is a modern Chinese restaurant, with good-looking dim sum, especially for the one look like mahjong. continue reading
Opening Hours
Today
11:30 - 23:00
Mon - Sun
11:30 - 23:00
Payment Method
Visa Master Cash UnionPay
Number of Seats
130
Other Info
Wi-Fi
Alcoholic Drinks
May Bring Your Own Wine Details
Cake-cutting Details
Delivery
10% Service Charge
Review (270)
Level4 2018-08-02
860 views
去中環食晚餐好多人認為係好奢侈嘅事, 因為中環嘅食店大多都係裝修豪華, 食材比較講究, 當然價錢都唔會平啦。不過位於擺花街呢間新派中菜就有所不同, 雖然裝修同都食物都走高檔次路線, 但價錢就比較貼地。爸媽好鍾意去呢間名館開餐, 除左因為性價比高之外, 閒時喜愛打麻雀嘅佢地對呢度嘅一款十三么菜式情有獨鍾, 每次黎點呢個食物都要自拍一番。😆我地未到7點已到餐廳, 客人未係好多。餐廳裝修採用嘅顏色同質料都有別於普通中菜館, 以金色, 藍色為主, 感覺新潮年輕, 當中最有特色嘅擺設首選以七彩顏色點心籠拼成嘅毛主席像, 既富中式元素, 又富有藝術氣息。👍我地4個點左10款食物, 當然包括佢地最鍾意嘅麻雀甜品, 4個人應該好夠食。😁高原野生蕎麥茶 $15位餐廳提供嘅茶唔係一段普洱或香片, 呢款高原野生蕎麥茶入口甘甜, 而且蕎麥茶有降血脂膽固醇等功效。👍老鼠愛大米 $48名館出品嘅點心每款都好精緻特別, 以咸水角餡料配上西米皮嘅老鼠愛大米造型超可愛, 外層煙韌配搭咸香餡料, 味道唔錯。😋鮮蝦金魚餃 $58金魚造型嘅蝦餃外皮富有彈性, 蝦肉爽口大隻, 每一啖都食到蝦肉嘅鮮美。天山雪蓮燉海星 $88以茶壺上的燉湯好足料, 唔會太咸, 鮮雞肉, 豬肉等配料能燉湯好鮮甜, 而且份量唔少, 4個人share都夠飲。👍紅燒嫩滑妙齡鴿 $68隻乳鴿外層好香脆, 鴿肉油脂豐富, 非常惹味。😋厚切叉燒皇 $88 爸爸最鍾意食叉燒, 呢度嘅叉燒皇肉質好軟腍, 厚切上枱, 好啱佢口味。魚米之鄉 $168雖然我本身唔太喜歡食魚, 不過呢款有滿滿嫩滑鮮魚肉嘅炒飯非常美味炒飯又夠乾身, 我都忍唔住食左三大碗。😍蜜椒土豆安格斯牛柳粒 $98土豆粒同牛柳粒味道好配, 牛柳肉鮮嫩多汁, 加上黑椒同青紅圓椒, 非常惹味, 一口一件, 食到停唔到口。😆蜂蜜柚子蝦球 $88酸酸甜甜的嘅柚子配上大大隻爽口彈牙嘅蝦球, 色彩鮮豔, 既好睇又好食。👍欖角肉鬆蒸秋葵 $68老婆好鍾意食秋葵, 秋葵口感爽滑而且營養豐富, 呢碟欖角肉鬆蒸秋葵份量好多, 佢食得好滿足。😆麻雀詐糊 $68麻雀造型甜品有整份十三么同半份的麻雀詐糊選擇, 麻雀造型神似, 由椰汁糕同桂花糕製成, 賣相同味道都相當出色, 紙幣則是用米紙製, 影相打咭精選🀄, 食埋呢個特色麻雀甜品, 呢餐非常圓滿。👍 continue reading
(The above review is the personal opinion of an user which does not represent OpenRice's point of view.)
Level4 2018-07-30
1535 views
今日同屋企人中環一晚遊~😆去左PMQ又去埋大館, 有旅行的感覺呢!難得全家出動, 一早已經book定一間全家人都岩食既:: 中菜館!!🥢位於1號廣場的1樓... 無鋪張既門面, 帶有少少神秘感覺發現呢度好多點心蒸籠既裝飾!! 好精緻💕位於擺花街上的名館.. 一共有3間分店雖然係位於較高檔地帶價錢卻意想不到地親民!😊一坐低.. 員工已經好主動為我地斟上消滯的蕎麥茶🍁環境非常新派, 極多蒸籠擺設!!☺餐牌設計也太精美了💙中國式的雕花封面 可以向兩邊打開就好似古代中國既門打開左咁 食物款式亦都係多到令人眼花繚亂🤩分類大約為:: 前菜/涼菜, 燉湯, 點心, 小菜, 京式沸騰火鍋, 粉麵飯, 蔬菜, 海鮮同鐵板燒最平既款式$48已有交易 大部分菜色都唔過$100,, 真心抵叫架$v$!!亦都因為價錢唔貴....貪心既我地叫左勁多野食🙊成日出街食...好需要補身呢度出名菜色之一:: 功夫燉湯🥣一壺夠兩位飲用~姬松茸燉花膠$98一飲已經飲得出好足料的一款湯頭好濃郁, 茶具亦都夠晒保溫☕有2片花膠,, 2-3粒姬松茸仲有排骨同雞肉! 全部材料都非常鮮甜呢~ 但雞肉難免鞋口...會想試埋其餘三種口味😋 厚切叉燒皇$88果然非常厚身,, 肉質幾淋身又唔會過肥係唔錯既一款但又唔算令人太難忘香燒嫩滑妙齡鴿$68 我真係好耐無食過乳鴿喇T____T所以覺得特別好食呀T___T炸得夠脆身 完全唔會過火同過老~ 愛乳鴿的要叫呢自製菌皇醬蒸鐵棍淮山$78淮山本身無乜味但沾埋餐廳獨有既菌皇醬就變得惹味~~淮山好健康..食多多都唔怕!!🤤私房金黃球泡飯$88非一般的泡飯🍚飯呈球狀再炸過所以外層已經變成薄薄的飯焦 固然係香脆可口🤤飯粒本身已經索晒清湯的鮮甜味而蕃茄粒同芹菜香蔥令到味道清新左呢🌿水蜜桃咕嚕肉$88呢度既咕嚕肉夠瘦底,,,唔怕膩!醬汁一樣唔過濃~ 我地都幾鐘意🧡蜂蜜柚子蝦球$88薄薄的一層炸粉 配上酸酸甜甜的柚子感覺好清新💛💚💚黑松露小籠包$88皮好薄夠多汁 小心一夾就穿😂可惜食落無乜松露味...湯包味都較清淡呀鮮蝦野菜春卷$486大件係真心大件...春卷入面既蝦都幾大隻!!🦐而且配料夠多...炸得恰到好處亦唔會太油真心抵食👍會再叫的~老鼠愛大米$48 非常可愛的造型點心!!內裡其實係咸水角餡黎~~ 雖然得三件..但其實食落都幾飽下lol最後當然要叫埋呢度超有氣勢既甜品啦::: 麻雀詐糊$68點解好地地唔揀十三么而要叫詐糊呢😆其實因該我地已經太飽...詐糊既份量係十三么既一半~~ 所以唯有試下食詐糊既滋味啦😆非常精緻同逼真既麻雀粒!!! 初時以為淨係得個樣..估唔到食落都好味呀係椰汁糕加桂花糕的合體🌼微微甜+軟淋口感作為完美結尾💛 整體黎講, 上菜時夠晒熱辣辣已經為味道生色不少~服務亦都係值得一讚, 員工總會係適當時候黎到幫你, 亦好主動加水同收碟食物款式多, 價錢相宜, 質素亦高呢係食中菜既好選擇 : > continue reading
(The above review is the personal opinion of an user which does not represent OpenRice's point of view.)
。吃在擺花街。 Featured Review
Level4 2018-07-05
3227 views
隨意的一句食飯,我們便坐在這裏了。好像很久沒有好好坐下來吃頓晚飯,因為你總是在飛來飛去。 我忙你更忙的時間表裏,令大家更珍惜相處的時光。我興奮地說餐牌上的都想試,你說好,就通通都點吧,最重要你食得落。 聽到你這麼說,立刻制止了自己,半忍手的先點了口水雞、菌皇醬蒸腐竹、蜂蜜柚子蝦球、天山雪蓮燉海星、金黃球泡飯,正想再點之時,你邪惡地再說,陣間你自己食晒佢,然後我真的停手了。 看著枱上那印著詩意句子的碗,勾起了大學時期苦讀詞賦的不少回憶。我想這店的老闆也是性情中人,對詩詞歌賦也喜愛。 口水雞先來,上面鋪滿了醬料,還有我喜歡的松子,樣子看似很辣,但辣度輕微,雞肉嫩滑,食落有葱香及花生香。 蜂蜜柚子蝦球啖啖肉,蝦肉爽口彈牙,帶點柚子香,食落口酸酸甜甜,開胃清新。 我十分喜歡金黃球泡飯,大大的一盤,那飯焦球圓滾滾的坐在中央。番茄、青葱、草菇組合而成的湯底夠熱。用湯將金黃的飯焦球淋濕,散開再分黎食。 每啖都有飯焦香,食落口脆脆地,加上個湯濃而不咸,這個湯泡飯是我的心水!你看著我吃得開懷,毫無儀態,也不禁失笑。只顧自己吃著眼前的菌皇醬蒸腐竹,和喝著那清甜的海星燉湯,食得津津有味。 老鼠愛大米和麻雀詐糊是此次來的重點。你說我一點沒長進,吃東西還是喜歡花俏的外表。 以為老鼠是甜點,原來是咸點,以西米和糯米製成的外皮煙煙韌韌甜甜地,包著咸咸地的豬肉餡,似咸水角,但是造型可愛到暈!!! 到了甜品麻雀詐糊,有2張美金紙幣,還有那椰汁糕整成的麻雀,連麻雀上的字都十足十,栩栩如生!!不得不讚嘆師傅的用心,聽到你也嘖嘖稱奇,我也一邊偷笑~ 事情總是這樣,總是笑我膚淺,最後連自己看到上枱食物造型,也一齊膚淺,瘋狂影相,這才是樂趣。這間新派餐廳,完全俘虜了我的心。 味道好、造型有心思,環境又闊落、價錢又親民,通通都係優點!回到公司一定大力向同事推介! continue reading
(The above review is the personal opinion of an user which does not represent OpenRice's point of view.)
不一樣的蝦餃 Featured Review
Level4 2018-07-01
1353 views
經友人介紹,再在網上看資料,覺得這間中菜館很特別,點心賣相又精緻,見到麻雀造型,即急不及待約友人來見識一下 ^_<原來我在後門入的,難怪門面咁奇怪!一入內,地方很大,大到分不清哪處是正門 -_- 地方很闊落,裝潢簡約,座位舒適。不論裝潢,以及餐具,都很有心思!很吸引的甜品 但要點主菜先......我們點了「鮮蝦金魚餃」、「厚切叉燒皇」、「蜜椒土豆安格斯牛柳粒」、「金銀蒜蒸勝瓜金菇」及「和風櫻花蝦炒飯」。鮮蝦金魚餃,已被這得意的造型吸引 皮薄,蝦鮮味十足!厚切叉燒皇,肉質鬆軟,再配上香濃的蜜汁,好味!蜜椒土豆安格斯牛柳粒,牛柳粒肉質嫩滑,這配搭不錯,略嫌土豆太多!金銀蒜蒸勝瓜金菇,食了咁多肉,這碟清清地不錯 和風櫻花蝦炒飯,未食已聞到櫻花蝦的香味 炒得夠乾身,材料豐富,非常香口、惹味!終於到甜品喇 麻雀詐糊,其實是椰汁桂花糕,將平平無奇的椰汁桂花糕,用這設計吸引客人,實在太花心思了!如果那些紙幣都食得,會更加好 ^_<下次有機會要同父母來再見識一下「麻雀」!可以去完大館,再去名館 ^_^ continue reading
(The above review is the personal opinion of an user which does not represent OpenRice's point of view.)
型格.新派粵菜 Featured Review
Level4 2018-06-27
2188 views
朋友自知小聚食飯,訂枱去到型格「名館」像間歐陸 cafe!富設計味的吊燈、七彩椅子和玻璃水杯,有休閒感菜式款式多,上至廣東燉湯,下到上海小籠包、四川水煮魚,包羅萬有,而且菜式細細份,人少少都可試多多款前菜有手拍青瓜、海蜇頭、厚切叉燒皇三小蝶中,我最喜歡叉燒皇,肉質軟腍嫩滑帶少少肥,肉汁完全鎖住係叉燒內,表面燒到微焦好香加上蜜汁,咬落juicy食唔停燉湯:天生雪蓮燉海星湯用銅茶壺載功夫湯水,賣相特別,用料十足,而且銅茶壺十分保溫,用小杯慢慢品嚐飲到燉湯清甜,再呷一囗滋潤在心頭蜂蜜柚子蝦球蝦肉新鮮彈牙,外層炸得酥脆,加上柚子汁,酸酸甜甜,帶有獨特柚子清香,十分開胃私房金黃球泡飯 將球狀飯團外層燒成飯焦再放入高湯,所待應將飯焦球拆開,泡幾分鐘,飯焦口感依然和焦香的湯飯金薯棋子酥(半)棋子外表甜品特別,如果同棋子迷朋友食,一定興奮。金薯棋子酥甜而不膩,還有蕃薯其香,中間流心忌廉頗香,棋子酥為這晚上劃上完美句號 continue reading
(The above review is the personal opinion of an user which does not represent OpenRice's point of view.)