迷客夏 (Golden Centre)

Open Now

Now Closed

經開呢邊做嘢想買杯嘢飲，想要杯解渴嘅，諗咗一陣就要咗杯「巨峰提子乳酪」，其實$48一杯真係唔平，但味道同份量都好一般，如果係好好飲嘅，以質量取勝，呢個份量我都覺得值，但事實唔係，味道唔係難飲但真係好普通，同埋到底杯嘢係咪應該會有果肉？如果係，咁真係少得可憐，我只係咬到2舊好好好細舊嘅提子肉，我諗唔到點解要用$48去買佢。

本人孕婦，飲到一半突然飲到一塊塑料碎片，應該係d包裝碎片，店員應該可以辨認到係d乜嘢塑料包裝上面的。希望可以避免出現這樣的事情，孕婦食到真係對bb健康造成危害。

上環終於開咗間迷客夏了！！🤤之前都係飲開佢嘅芋頭鮮奶，今日熱熱地想試吓啲酸酸甜甜嘅飲品，但係又想飲奶🤣最後就叫咗杯法式草莓🍓鮮奶加珍珠。鮮奶好香滑😋再加埋士多啤梨果蓉，酸酸甜甜好開胃，另外加錢要左珍珠想有啲嘢咬下，珍珠好彈牙同粒粒分明，而且係冇加焦糖色素同防腐劑嘅白玉珍珠，感覺健康啲。

台灣有咁多手搖店，有台灣朋友幾年前已經同我講迷客夏係台灣數一數二有名，就算好多間分店但都長期排長龍。呢幾年香港嘅分店亦都越開越多，最近上環區都終於有分店😍不過唔同分店沖出黎嘅味道都未必一樣，要試下分店嘅手勢，一定係試佢嘅招牌TOP No.1～🥇\ 🍠大甲芋頭鮮奶🐮 /只能說迷客夏真係芋泥界嘅地表最強🤘🏻佢選用台灣大甲有名嘅檳榔心芋頭，由台灣直送，芋香味濃，比其他地方出產嘅芋頭更甜更軟綿，而且佢有別於一般嘅手搖店，唔係就咁用機blend開d芋頭，而佢係蒸好芋頭後，堅持手工壓泥✊🏻令到芋泥有不同層次，一啖係滑溜嘅芋泥，再一啖係有咬口嘅芋粒，營造出多重口感，再配上嚴選嘅牧場鮮奶🐄飲落去就會明白點解呢杯係佢嘅鎮店之寶！😋😋唯一缺點係價錢偏貴，而且唔係大杯，一啖接一啖好快就飲晒！🙈

New branch of milksha bubble tea shop 🥤opened in Sheung Wan! Located just right next to MTR exit E, very convenient location!Ordered the 🍓strawberry milk topped with pearls and 🎋sugar cane oolong tea also topped with pearls. Their pearls were different from other shops which were white in colour and it’s flavour could easily go with any drinks!I really like their strawberry milk since it was with freshly cooked strawberry sauce, but not just some artificially flavoured strawberry milk, legit! 🍓

我去果陣人流完全不多,企落單位果個見到我都照玩佢既手機佢話等等,冇問題,我等,但就落錯哂單我要加芋圓,佢就落蘆薈,大佬我有敏感唔食得蘆薈,好彩飲之前望左望覺得個色覺得唔對路,正常叫到你單number岩就攞,又冇貼label,唔係講笑真係會死人!!!一個唔好彩入完醫院,邊個賠俾我? 落單果陣佢又冇覆述一次同我confirm,認住佢喇我,金毛紥高辮冇戴眼鏡女仔,落完單都係一直係收銀隔離玩手機,都唔知係咪因為掛住手機所以落錯哂單個舗面咁大,一個攞野飲位都冇,攞野飲果陣又要同落緊單果個逼全程仲有個黑直短頭髮冇戴眼鏡女士,一直兇神惡煞咁睥住哂,都唔知佢睥乜如果唔係知佢開係OFFICE附近勁方便又係MILKSHA,我試都唔會試!30幾蚊一杯野飲俾啲咁既質素我

上環有台式飲品店新開張🤩👏🏻👏🏻try try先😝～～～～～～～Menu好多選擇， 好多都好吸引呀！😍😍諗左好耐🤣🤣最後揀左最簡單但我最愛既伯爵茶紅茶拿鐵！甜度有5個選擇，而我揀左少糖，甜度岩岩好！奶茶又香又滑！🤤🤤🤤奶同茶既比例適中，大大杯都係$29，同台灣果邊果啲有得揮！而且地點係上環，我係中環番工過去超方便，以後放lunch, 下午茶又多個叫茶好選擇啦👍🏻👍🏻😋😋😋

Milksha終於開到中上環！係電車路旁，永安斜對面，位置唔遠，中環行黎差不多5分鐘！行過黎食lunch，食完買杯返office飲剛剛好！個人喜好佢個冰糖洛神梅，好少茶飲有梅茶，而且有梅味！酸酸甜甜，又清新！個份量岩岩好！見好多人買佢個米麻薯芋泥鮮奶，本來同事想買黎試下，點知到落單時已經賣曬！同事聽日話再試下買！同埋店員話可以WhatsApp落單，唔洗特登走去，WhatsApp落完Payme完，行過去就差不多拎得！